Linggo ng Agosto ay naghahanda na sa pagpunta sa simbahan ang
dalagang si Rosa. Ngayong araw kasi na ito ay kanyang ika dalampu’t apat na kaarawan. Kaya naman nais nyang umpisahan ang araw na ito sa pagpapasalaat sa Diyos. Mahilig rin si Rosa sa mga Diyos at Diyosa na pinaniniwalaan ng mga Griyego. At si Goddess Antheia ang pinaka paborito nya sa lahat.
At kagaya nga ng isang Diyosa, si Rosa ay isang napakagandang
dalaga. Maputi ito na ‘sing puti ng malinis at bagong papel. Ang mga labi’t pisngi ay mapupula, at natural ang mahaba at medyo kulot nitong buhok. Matangos ang ilong at mapipilantik ang kanyang mga pilikmata.
Noong araw rin na iyon ay patungo rin sa simbahan ang mala
Adonis na binata. Ang dalawampu’t limang taong gulang na si Eros. Pumasok ito sa loob ng simbahan at pumwesto sa gilid katabi ng isang tahimik na dalaga. Parehong abala sa pakikinig hanggang sa matapos ang misa. Sa dami ng tao ay nasiksik ang dalaga’t binata at nagkatinginan sa isa’t isa. Sa paglabas pa ng maraming tao ay napunta sila sa gilid. Hindi maiwasang hindi tumingin ng binate sa dalaga. Lalo na sa mukha nitong napakaganda at inosente.
Sa bahay ay nadatnan ni Rosa ang kanyang ina na may kausap
habang nasa hapag. Sa kanyang palagay ay mag-asawa ang bisita ng kanyang ina kasama ang anak ng mga ito. Lumapit sya sa mga ito at laking gulat ng makita ang parehong binate sa simbahan kanina. At napag alaman nyang Eros pala ang ngalan nito. Sinubukan nyang makipag-usap dito hanggang sa nagging komportable sila ni Eros sa isa’t isa.
Magmula noon ay nagging matalik na magkaibigan sila ni
Eros. Nalaman ni Eros na mahilig sya sa mga bulaklak dahil sa paborito nyang Diyosa, kaya naman lagi itong may dalang bulaklak para sa kanya. Kaya naman hindi maiwasang mahulog ang loob nya para sa binate. At nagpasyang magtapat ng pag-ibig kay Eros sa susunod na araw pagkatos ng Huwebes.
Bago ang itinakdang oras ng kanyang pagtatapat ay
dumaan muna sya sa malapit na burol sa kanilang lugar. Naroon kasi ang iba’t ibang uri ng mga bulaklak. Nilanghap nya ang bango ng mga ito, pangpalakas ng loob ika nya. Humiling rin sya na sana ay gabayan sya ni Goddess Antheia na sa kanyang pagkakaalam ay ang Diyosa ng mga bulaklak.
Pagkatapos ay nagtungo sya sa bahay ng binata at
tinanong ang ina nito kung nasaan ba ito. Sinabi nito na nasa hardin ito kaya naman nagtungo sya sa hardin ng may malaking ngiti sa labi kahit na labis na syang kinakabahan. Ngunit agad na napawi ang kanyang mga ngiti sa kanyang nasaksihan. Nakaluhod ang isang tuhod ng binata at matamis ang ngiti habang may hawak na singsing sa harap ng isang umiiyak ngunit magandang babae. Isa lang ang pumasok sa isip nya ng mga oras na iyon, may ibang iniibig ang binata. At luhaang umalis sa hardin ang tumungong muli sa burol.
Doon ay tumangis sya dahil sa labis na sakit na kanyang
nadarama. At habang sya ay tumatangis, bilang lumiwanag ang buong paligid at tumambad sa kanya ang isang napakagandang dilag. May roon itong koronamg gawa sa bulaklak na nakalagay sa ulo at kumikinang ang suot nitong bistida. Ang dilag na puno ng awa at simpatya sa napakaganda nitong mukha ay nagpakilala bilang Antheia. Sinabi nitong sya ang nagapangalaga ng mga bulaklak.
Dahil sa mga nalaman nya mula rito ay may
isang bagay na pumasok sa kanyang isipan. Kaya naman tinanong nya ito kung maaari ba syang humiling dito. Dahil sa mahal nya ang mga bulaklak na syang nasa pangangalaga ng dilag ay pumayag ito sa kanyang sinabi. At dahil sa labis na sakit na nadarama ay hiniling nya na maging isang bagay na magiging simbolo ng pagmamahal. Pagmamahal para kay Eros at para sa kanyang mga magulang. Kinabukasan ay hinanap ni Eros ang kanyang matalik na kaibigan na si Rosa para sana sabihing ikakalas na sya. Ngunit sinabi ng ina nito nito na kahapon pa ito hindi umuuwi dahil pumunta ito sa kanyang bahay. Nagulat si Eros sa nalaman at hinanap nya si Rosa. Hanggang sa makarating sya sa sinasabi nitong paborito nyang lugar. Tumingin sya sa paligid para hanapin si Rosa, pero isang bagay ang naka agaw ng kanyang atensyon. Mapupula ang petals at matitinik ang tangkay ng kakaibang bulaklak na nasa kanyang harapan.
Sa tagal ng pagkilatis ni Eros sa bulaklak ay may isang
bagay syang napansin. Ang mapupulang petals ng bulaklak ay sing pula ng pisngi ng kanyang matalik na kaibigang si Rosa, pati na rin ang tangkay nito na animo’y mahahabang pilikmata ni Rosa. Luminga-linga syang muli at sinigaw ang pangalan ni Rosa para tawagin, pero walang lumalabas na Rosa. Haggang sa umulan at napatingin sa biulaklak na nasa harapan nya. Ang mga petals nito’y tila lumuluha dahil sa tubig mula sa ulan.
Doon nya napagtantong maaaring si Rosa ang bagay na
nasa kanyang harapan. At napangiti sya ng mapait habang binibigkas ang pangalan ni Rosa. Sa pagsikat muli ng araw ay inilibot nya ang kanyang paningin at nasilayan ang napakaraming mapupulang bulaklak na namumukadkad. Pero hindi ito kagaya ng pag-ibig ni Rosa para sa kanya, dahil ang pag-ibig nitong nagsisimula palang mamukadkad ay tuluyan ng nalanta at nawalan ng buhay.
Kaya naman nangako sya kay Rosa na aalagaan nya ang
mga bulaklak dito nya rin ipinangalan ang bulaklak. Hanggang sa paglipas ng panahon at umunlad na ang kanilang lugar. Marami ng iba’t ibang tao ang dumadayo sa kanilang lugar at natuklasan ang kakaibang bulalak. May mga dayuhan rin na mula pa sa iba’t ibang bansa ang dumadayo para lang makita ito. At nakilala ang bulaklak bilang Rosa na kalaunan ay tinawag ding Rosas.