Professional Documents
Culture Documents
CONCEPT UPDATE:
1. KOMUNIKASYON SA AKADEMIKONG FILIPINO
A. PONOLOHIYA – ang maagham na pag-aaral ng mga tunog ng ponema
PONEMA – ang makabuluhang tunog ng salita.
MORPOLOHIYA – ang maagham na pag-aaral ng bawat yunit ng salita
MORPEMA- ang makabuluhang anyo ng yunit ng salita.
Halimbawa: Ang PANG – ay nagiging PAM – kapag ang inunlapiang salita ay nagsisimula sa /p/
at /b/; nagiging PAN – kapag nagsisimula sa /d, l, r, s, t/ at nananatili sa orihinal nitong anyo na PANG –
kapag nagsisimula sa mga patinig at katinig na wala sa mga nabanggit.
TONO- tumutukoy sa taas-baba na iniuukol sa pagbigkas ng pantig ng isang salita. Walang magiging
pagbabago sa kahulugan kahit baguhin pa ang tono.
DIIN- tumutukoy sa lakas ng bigkas sa pantig ng salita
ANTALA- ang saglit na pagtigil sa pagsasalita
HABA- nagpapabago sa kahulugan ng salita
PARES MINIMAL- pares na mga salita na magkatulad sa bigkas ngunit magkaiba ang kahulugan. Hal.
kulay-gulay, bahay-buhay….
PONEMANG MALAYANG NAGPAPALITAN- mga ponemang E at I na malayang nagpapalitan na hindi
nakaaapekto sa kahulugan ng salita. Hal. babae/i
DIPTONGGO-magkatabing patinig at malapatinig sa loob ng isang pantig. Hal. batingaw, gulay…..
KLASTER- magkatabing katinig sa loob ng isang pantig Hal. traysikel, transportasyon….
PANTIG- ay isang saltik ng dila sa pagsasalita. Hal. a, wa, ba…..
B. BAHAGI NG PANALITA
PANGNGALAN- tumutukoy sa ngalan ng tao, ayop, bagay, lugar at pangyayari. Hal. Ana, paaralan,
aklat, kambing….
PANGHALIP – ginagamit sa halip ng pangngalan. Hal. ikaw, sila, kayo….
PANG-URI- nagbibigay turing sa pangngalan at panghalip. Hal. maganda, magiting, maputi ….
PANG-ABAY- nagbiigay turing sa pandiwa, pang-uri at kapwa pang-abay. Hal. mabilis maglaba, lalong
mabilis…..
PANDIWA- nagsasaad ng kilos at galaw. Hal. kumain, tumakbo, sumulat…..
PANGATNIG- nag-uugnay ng salita sa kapwa salita, parirala sa parirala, sugnay sa sugnay. Hal. ngunit.
Kaya, habang….
PANG-UKOL- nag-uugnay sa panaguri at layon nito. Hal. alinsunod sa , ayon kay, para sa….
PANANDA- pananda sa paksa at ayos ng pangungusap. Hal. ang, ang mga
MAY – MAYROON
MAY- kung sinusundan ng pangngalan, pang-uri, pandiwa at kapwa pang-abay. Hal. May tao sa labas ng bahay.
MAYROON- kung sinusundan ng panghalip na panao sa kaukulang paari. Hal. Mayroon silang magandang
bukas na naghihintay.
KONG –KUNG
KONG- panghalip na panao na hinunlapian ng ng . Hal. Nais kong handugan ka ng aking pagmamahal.
KUNG- pangatnig na panubali o kondisyunal. Hal. Mamamasyal tayo ngayon kung hindi uulan.