SANAYANG PAPEL SA FILIPINO 9

Pangalan ng Mag-aaral: ___________________________Iskor: _______________

Antas ng Baitang at Seksiyon: ______________________Petsa: ______________

Modyul 8
Pag-aantas (Clining) ng mga Salita Batay sa Tindi ng Emosyon o
Damdamin

Simulan Mo!
Sa modyul na ito, malilinang ang iyong kakayahan sa pagpapakahulugan ng
salitang may ugnayang sinonimo o kasingkahulugan sa paraang papataas ang antas
batay sa tindi ng emosyon o damdamin at tandaan ang pag-aantas ng mga salita ay
nakatutulong sa pagpapalawak ng bokabularyo.

Nilalaman ng modyul na ito, ang pag-aantas ng mga salita (Clining) batay sa

tindi ng emosyon o damdamin.

Handa ka na ba?
Isang masayang pag-aaral sa iyo!

Layunin:
Inaasahang sa pamamagitan ng modyul na ito ay maisasagawa ng mga mag-aaral
ang sumusunod;
 Naiaantas ang mga salita (Clining) batay sa tindi ng emosyon o damdamin
(F9PT-IIc-46)
 Natutukoy ang mga salita na nagsasaad ng masidhing damdamin o
emosyon
 Naisaaayos ang mga salita o pahayag batay sa tindi ng emosyon o
damdamin
 Nagagamit sa sariling pangungusap ang mga salita nanagsasaad ng
masidhing damdamin o emosyon

Subukin
Bago mo simulan ang mga gawain sa modyul na ito, alamin muna natin
ang iyong kaalaman sa pamamagitan ng paunang pagsusulit. Kumuha ka
na ng sagutang papel.

I.Panuto: A. Basahin at unawaing mabuti ang mga pahayag sa teksto at sagutin ang

1
 mga katanungan. Isulat ang titik ng tamang sagot sa sagutang papel.

Maligayang-maligaya si Prinsesa Tutubi.Umawit-awit pa siya sa kanyang

paglipad.Wiling-wili siya sa lahat ng kanyang nakikita.Totoong nalibang si Prinsesa
Tutubi at hindi niya napansin ang pamumuo ng maiitim na ulap sa papawirin.
Huli na nang ito ay mapuna ni Prinsesa Tutubi.Mabilis man siyang lumipad pabalik
sa kaharian ay inabutan din siya ng malakas na ulan.
“Titigil muna ako sa punongkahoy na ito,” ang sabi sa sarili ng prinsesa.
Ngunit sa punongkahoy pala namang iyon ay maraming mga matsing. Pinaalis
nilang pilit ang nakikisilong na tutubi. Bawat dapuang sanga ni Prinsesa Tutubi ay
niyuyugyog ng mga matsing. Hindi lamang iyon. Pinagtawanan pa nila ang
prinsesa.
“Kra-kra-kra! Nakakatawa.Malaki pa sa kanyang tuhod ang kanyang mga
mata,” ang malakas na sabi ng isa. Sinundan ito ng malakas na hagikgikan ng
mga matsing.
Sa laki ng galit ni Prinsesa Tutubi umuulan pa ay umalis na siya sa
punongkahoy na iyon at lumipad pauwi sa palasyo. Tuloy-tuloy siya sa silid ng
kaniyang amang hari. Kanyang isinumbong kay Haring Tubino ang mga matsing.

Halaw mula sa pabulang”Nagkamali ng Utos”

___1. Nasa anong antas ng pagpapasidhi ng kahulugan batay sa tindi

ng emosyon ang salitang may salungguhit sa binasang teksto?

a. pinakamababang antas c. pinakamataas na antas

b. katamtaman ang kasidhian d.di-masidhing antas

___2. Batay sa binasang teksto,ano-anong mga salita ang nagpapakita ng pag-

aantas ng mga salita?

a. maligayang-maligaya, nalilibang, wiling-wili

b. nalilibang, maligaya-maligaya, wiling-wili
c. wiling-wili, nalilibang, maligayang-maligaya
d. wiling-wili, maligayang-maligaya, nalilibang

___3. Sa ikatlong talata,anong mga salita ang nasa pinakamataas/pinakamatinding

damdamin?

a.halakhakan b.tawanan c.hagikgikan d. ngiti

___4. Aling pangungusap sa loob ng teksto ang gumagamit ng pinakamataas na

antas ng kahulugan batay sa tindi ng emosyon?

a. Nagalit ang mahal na hari sa ginawa ng mga matsing sa kanyang anak na

si Prinsesa Tutubi.

b. Naiinis si Prinsesa Tutubi dahil pinagtawanan siya ng mga matsing.

2
 c. Nasuklam ang buong kaharian ng Matutubina sa mga matsing dahil sa
kaapihang nangyari ng kanilang prinsesa.
d. Inaasar ng mga matsing si Prinsesa Tutubi habang nakisilong sa
punongkahoy.

___5.Wiling-wili si Prinsesa Tutubi sa lahat ng kanyang nakikita.Ano ang

pinakamataas na antas ng salita ang maaaring ipalit sa sinalungguhitang
salita?

a.pinakamababang antas c. pinakamataas na antas

b. katamtaman ang kasidhian d. masidhing antas

II. Tukuyin ang mga salitang ginamit sa pahayag batay sa tindi ng pag-aantas ng
emosyon o damdamin.Isulat ang titik ng tamang sagot sa sagutang papel.

___6. Mahal na mahal ng hari at reyna ang kanilang anak. Sinasabing

ipaglaban ng buong kaharian ang anumang kaapihan ni Prinsesa
Tutubi.Alin sa mga salita ang nagpapahayag ng kasidhian?

a.ipaglaban b.kaapihan c.mahal na mahal d.sinasabi

___7.Maligayang-maligaya si Prinsesa Tutubi.Umawit-awit pa siya sa kanyang

paglipad.Nasa anong antas ng pagpapakahulugan batay sa tindi ng emosyon
ang sinalungguhitang salita?

a. pinakamababang antas c.pinakamataas na antas

b.katamtaman ang kasidhian d.di- masidhi antas

___8. Sa laki ng galit ni Prinsesa Tutubi umuulan pa ay umalis na siya sa

punongkahoy at lumipad pauwi sa palasyo.Alin sa mga sumusunod ang
pinasidhing anyo ng salitang may salungguhit?

a.poot b.asar c.inis d.suklam

___9.Malakas na halakhakan ng mga matsing ang naging sagot sa pahayag ng

kawal na tutubi.Nasa anong antas ayon sa tindi ng emosyon ang salitang
halakhak?

a.di-masidhing antas c.pinakamasidhing antas

b.masidhing antas d.pinakamababang antas

___10.Tinatawag ng hari ang kanyang mga kawal.Anong ipalit sa salitang

nasasalungguhitan sa pangungusap?

a.binubulyawan c. sinisigawan
b hinihiyawan d. sinusutsutan

3
 Balikan

Bago mo simulan ang aralin, balikan muna natin ang iyong natutuhan sa nagdaang
aralin.Isulat ang sagot sa sagutang papel.

Tanong:

1. Bakit hayop ang ginamit na tauhan sa pabula?

Sagot: _______________________________
_______________________________

2.Sa iyong palagay,epektibo pa ba ang akdang pabula, kung saan ang mga tauhan ay
mga hayop na nagsasalita at kumikilos na parang tao sa pagbibigay-aral sa
mambabasa?Ipaliwanag.

Sagot: _______________________________
_______________________________

Natutuhan mo sa nagdaang aralin na ang pabula ay isang maikling kuwentong kathang-

isip lamang.Karaniwang isinalaysay sa mga kabataan para aliwin gayundin ang magbigay
ng pangaral.Ang tauhan ng kuwento ay pawang mga hayop.Mga hayop na kumakatawan o
sumasagisag sa mga katangian o pag-uugali ng tao.
Ang susunod nating tatalakayin ay ang pag-aantas ng mga salita (clining) batay sa tindi
ng emosyon o damdamin.Ngayon tuklasin mo sa araling ito ang mga salitang nagsasaad ng
kasidhian batay sa tindi ng emosyon o damdamin na nakapaloob sa babasahing pabula.

Gawain 1:Paglinang ng Talasalitaan

Iaantas ang mga salitang nakasulat nang mariin mula sa babasahing pabula batay
sa tindi ng emosyong ipinahayag ng bawat isa.Lagyan ng bilang 1 hanggang 3.Ang bilang 1
ay para sa di-masidhing damdamin,2 para sa masidhing damdamin at ang 3 para sa
pinakamasidhing damdaming.
Isulat ang sagot sa sagutang papel.

1. ____ Sa laki ng galit ni Prinsesa Tutubi umuulan pa ay umalis na siya sa sinisilungang

punongkahoy at lumipad pauwi sa palasyo.
____ Poot na pootang mga matsing habang nakisilong si Prinsesa Tutubi sa
punongkahoy.
____ Nainis si Prinsesa Tutubi dahil sa pambubuska ng mga matsing.

2. ____ Totoong nalibang si Prinsesa Tutubi at hindi niya napansin ang pamumuo ng
maitim na ulap sa papawirin.
____ Wiling-wili siya sa lahat ng kanyang nakikita.
____ Masayang-masaya si Prinsesa Tutubi.Umaawit-awit pa siya sa kanyang paglipad.

3. ____ Pinagtatawanan ng mga matsing si Prinsesa Tutubi dahil Malaki pa sa kanyang

4
 tuhod ang kanyang mga mata.
____ Isang malakas na halakhakan ng mga matsing ang naging sagot sa pahayag ng \
kawal na tutubi.
____ Sinundan ito ng nakabibinginghagikgikan ng mga matsing.

Madali lang ba ang ginawang mong pag-aantas ng mga salita? Ano ang pinagbabatayan
mo sa pag-aantas ng mga salita?Huwag kang mag-alala tuturuan ka sa modyul na ito sa
pag-aantas ng mga salita sa pamamagitan ng mga gawain.

Gawain 2: Basahin Mo …..

Basahin at unawain mong mabuti ang pabula mula sa ating bansa. Bigyang-
pansin ang mga salitang nagpapahayag ng kasidhian ng damdamin.Pagkatapos sagutin ang
mga tanong na nasa bahaging Pag-unawa sa Binasa.

Nagkamali ng Utos

Sa malayong kaharian ng mga tutubi ay may naninirahang isang prinsesang tutubi. Siya’y
bugtong na anak nina Haring Tubino at Reyna tubina ng kahariang Matutubina. Mahal na
mahal ng hari at reyna ang anak nila. Sinasabing ipaglaban ng buong kaharian ang
anumang kaapihan ni Prinsesa Tutubi.
Si Prinsesa Tutubi ay mahilig mamasyal at maglipad-lipad sa papawirin. Lagi niyang
kasa-kasama ang kanyang mga piling dama at mga tagasubaybay na mangyari pa ay
pawing mga tutubi rin.
Isang araw naisipan niyang alamin kung ano ang daigdig sa labas ng kanilang kaharian.
Tumakas siya sa kanyang mga dama at tagasubaybay. Mag-isa niyang nilakbay ang
malawak na papawirin.
Maligayang-maligaya si Prinsesa Tutubi.Umawit-awit pa siya sa kanyang paglipad.
Wiling-wili siya sa lahat ng kanyang nakikita. Totoong nalibang si Prinsesa Tutubi at hind
niya napansin ang pamumuo ng maiitim na ulap sa papawirin.
Huli na nang ito ay mapuna ni Prinsesa Tutubi.Mabilis man siyang lumipad pabalik sa
kaharian ay inabutan din siya ng malakas na ulan.
“Titigil muna ako sa punongkahoy na ito,” ang sabi sa sarili ng prinsesa.
Ngunit sa punongkahoy pala naming iyon ay maraming mga matsing. Pinaalis nilang pilit
ang nakikisilong na tutubi. Bawat dapuang sanga ni Prinsesa Tutubi ay niyuyugyog ng mga
matsing. Hindi lamang iyon. Pinagtawanan pa nila ang prinsesa.
“Kra-kra-kra! Nakakatawa.Malaki pa sa kanyang tuhod ang kanyang mga mata,” ang
malakas na sabi ng isa. Sinundan ito ng malakas na hagikgikan ng mga matsing.
Sa laki ng galit ni Prinsesa tutubi umuulan pa ay
umalis na siya sa punongkahoy na iyon at lumipad
pauwi sa palasyo. Tuloy-tuloy siya sa silid ng
kaniyang amang hari. Kanyang isinumbong kay
Haring Tubino ang mga matsing. Laking galit ng
hari. Nagpatawag agad ang hari ng isang kawal.
“Pumunta ka ngayon din sa kaharian ng mga
matsing,” ang utos niya sa kawal.” Sabihin mong
dahil sa ginawa nila sa aking anak na prinsesa
gusto kong hamunin ang kaharian ng mga matsing
sa isang labanan.”
Mabilis na lumipad ang inatasang kawal. Pagdapo
niya sa kaharian ng mga matsing ay walang

5
paligoy-ligoy niyang sinabi ang kanyang pakay. Malakas na tawanan ang naging sagot ng
mga matsing sa pahayag ng kawal na tutubi.
“ Mga tutubi laban sa mga matsing!Ha-ha-ha-ha!”Muling nagtawanan ang mga
matsing.”Nakakatawa,ngunit pagbibigyan namin ang inyong hari,”ang sabi ng pinuno.”Ang
mga matsing laban sa tutubi!”Nagtawang muli ang mga matsing.
“ Kailan at saan gaganapin ang labanan?” ang tanong ng pinuno.
“Bukas ng umaga sa gitna ng parang!” ang tugon ng kawal.
“Magaling! Bukas ng umaga sa gitna ng parang kung gayon,” ang masiglang pag-uulit
ng matsing sa sinabi ng tutubi.
Bumalik sa kanilang kaharian ang kawal na tutubi at ibinalita sa Hring Tubino ang
naging katugunan ng mga matsing.
“ Kinabukasan naroroon na sa isang panig ng parang ang hukbo ng mga matsing.
Anong daming matsing. Waring ang buong kamatsingan ay naroroon at pawing sandatahan.
Bawat isa ay may dalang putol na kahoy na pamukpok.
Nasa kabilang panig naman ng parang ang makapal na hukbo ng mga manlilipad na
tutubi.
“Kailangang pukpukin ninyo ang bawat makitang tutubi,” ang malakas na utos ng haring
matsing.
Sa kabilang dako naman ay ibinigay na rin ng pinuno ng tutubi ang kanyang utos.
”Dapat nating ipaghiganti ang kaapihan ni Prinsesa Tutubi.Kailangang magbayad ang mga
matsing.Dumapo kayo sa ulo ng mga matsing.kapag may panganid ay dagling lumipad,”ang
malinaw at marahan niyang utos.
Nagsalubong sa gitna ng parang ang mga manlilipad na tutubi at ang hukbo ng
sandatahang matsing. Buong-buo ang pagtitiwala ng mga sandatahang matsing sa kanilang
sandatang pamukpok. Matatapang din namang sumunod ang mga kawal na tutubi palibhasa
ay nais nilang ipaghiganti ang kaapihan ng prinsesa at ng buong kaharian ng Matutubina.
Nagsimula ang labanan.Dapo at lipad,dapo at lipad ang mga tutubi.Pukpok ditto, pukpok
doon naman ang mga matsing.Kung tatanawin buhat sa malayo ang labanan,ay wari bang
matsing laban sa matsing.Nakita ng pinuno ng mga matsing ang pangyayari.nagkamali siya
ng utos.Hindi nalaman agad na sa ulo pala ng kaniyang mga kawal darapo ang mga
maliliksing tutubi.Babaguhin sana ang kanyang utos,subalit huli na ang lahat.Isang kawal na
matsing ang pilit na pinukpok pa ang tutubi sa ulo ng pinunong matsing.Kaya’t nang
matapos ang labanan ay nakabulagtang lahat ang mga matsing.Samantala walang
sinumang tinamaan sa mga mabilis umiwas at lumipad na mga tutubi.Naipaghiganti nila ang
pagkaapi ng kanilang prinsesa at buong kahariang Matutubina.

Gawain 3: Pag-unawa sa Binasa

Panuto: Sagutin ang mga sumusunod na tanong. Isulat sa sagutang papel ang iyong sagot.

Tanong:
1. Ano ang damdaming nangingibabaw ng pangunahing tauhan nang makita niya ang
kagandahan ng buong paligid sa labas ng palasyo?
2. Bakit sinasabi ng mahal na hari na ipaglaban ng buong kaharian ang anumang kaapihan
ni
Prinsesa Tutubi?
3.Ano ang iyong damdamin matapos mabasa ang pabula?
4. Alin sa mga salitang nakasulat nang mariin mula sa binasang akda ang nasa di-masidhing
antas batay sa tindi ng emosyon o damdamin?
5. Alin sa mga salitang nakasulat nang mariin sa binasang teksto ang nasa pinakamataas na
antas ang kahulugan ayon sa tindi ng emosyong ipinahayag?

6
 Suriin
Napapansin mo ba ang mga salitang nakasulat nang mariin sa binasang pabula?Ano ang
ibig ipahiwatig ng mga salitang ito?
Ang mga salitang ito ay nasa iba’t ibang antas ng pagpapasidhi batay sa tindi ng emosyon o
damdaming ipinahayag.

Alam mo ba……

Ang pag-aantas(Clining) ng salita ay isang paraan ng pagbibigay ng kahulugan sa

pamamagitan ng pag-iiba-iba ng mga salitang may ugnayang sinonimo o
kasingkahulugansa paraang papataas ang antas nito batay sa tindi ng emosyon o
damdamin.

Halimbawa:
4 poot 4 pagmahal 4 ganid
3 galit 3 pagliyag 3 gahaman
2 asar 2 pagsinta 2 sakim
1 inis 1 paghiyaw 1 damot

Pansinin natin ang ayos ng mga salitang magkasingkahulugan.Ang mga salitang nasa
bilang 1 ay nagsasaad ng di-masidhing antas batay sa tindi ng emosyon. Ang mga salita
sa bilang 2 ay nagsasaad ng katamtamang antas, ang nasa bilang 3 na mga salita ay
nagsasaad ng masidhing antas samantalang ang mga salita na nasa bilang 4 ay
nagsasaad ng pinakamasidhing antas batay sa tindi ng emosyon.
Bigyang –pansin natin ang unang halimbawa.Ang ibig sabihin ng salitang inis ay yamot
o suya, ang asar ay nainis,ang salitang galit ay ngitngit o matinding hinanakit at ang poot
ay matinding galit o pagkamuhi.

Ngayong alam mo na kung paano ang pag-aantas ng mga salita(clining) batay sa tindi ng
emosyon o damdamin.Patunayan mo ang iyong kasanayan sa pag-aantas ng mga salita
(clining)sa pamamagitan ng pagsasagawa ng mga sumusunod na gawain.

Para malinang ang iyong kakayahan sapag-aantas ng mga salita. Gawin mo ang
sumusunod na gawain.

Gawain 4: Pag-aantas
Isaayos mula bilang 1-4 ang mga salita batay sa sidhi ng damdaming ipinahayag ng bawat
isa. Ang bilang 4 ang pinakamataas na antas at ang 1 ang pinakamababang antas ng
salita.Gamitin ang chart at gawin ito sa sagutang papel.

Batayang smga salita Pag-aantas ng salita

1. kagalakan 4_________________
Katuwaan 3_________________
Kaligayahan 2_________________

7
 Kasiyahan 1_________________
2. lungkot 4 ________________
Lumbay 3 ________________
Pighati 2 ________________
Dalamhati 1 ________________
3. naghihirap 4 ________________
Nagdurusa 3 ________________
Nagtitiis 2 ________________
Nagdarahop 1 ________________

Pagsasanay 1 :Lagyan mo ng bilang 1-3 batay sa sidhi ng kahulugan nito.Ang 3 para sa

pinakamasidhi,ang 2 para sa masidhi at ang 1 ay para sa di- masidhi.

1. ____ nagsususmamo 2.___luha 3. ____ binabalaan 4. ____ matapang

____ nagmamakaawa ___iyak ____binabantaan ____ mabangis
____ nakikiusap ___hikbi ____ tinatakot ____ mabagsik

Isaisip

Kompletuhin ang diwa ng pangungusap upang maibahagi ang iyong natutuhan sa katatapos
na aralin.

1.Natutunan ko sa aralin na ang pag-aantas(clining) ng mga

salita ay pagbibigay ng _____________ sa pamamagitan ng
__________ng mga salitang may_____________________sa
Paraang_____________________________batay sa tindi ng
emosyon o damdamin.

2.Ang pag-aantas ng mga salita(clining) ay__________________

3.Nakatutulong ang pag-aantas (clinining) ng mga salita sa

pagpapalawak ng _________________________.

Magaling! Ngayon naman ay maaari ka nang maglapat at isagawa mo ang huling bahagi
ng aralin.

Magagawa Mo!

Bilang pangwakas na gawain, basahin at unawain mong mabuti ang sumusunod na

sitwasyon. Ibigay mo ang iyong damdamin sa bawat sitwasyon at ang iyong gagawin.

8
Pagkatapos gamitin ang nakalaang damdamin sa pagsulat ng pangungusap.Gawin ito sa
sagutang papel

1. Nakakita ka ng isang aso na pagalagala dahil naghahanap ng makakain,hinahalungkat

ang basura dahil sa gutom.

Damdamin ko _________________________________________________________
Ang gagawin ko _______________________________________________________

2. Nakakita ka ng isang matandang lalaki na nahihirapang itulak ang kanyang kariton na

puno ng mga bote,lata,kinakalawang na bakal,mga karton at sirang kagamitan para ibenta
sa tambakan.

Damdamin ko _________________________________________________________
Ang gagawin ko _______________________________________________________

3. Kung ikaw ang nasa katayuan ng mga nagpositibo sa sakit na Covid-19

at nakaranas ng diskriminasyon sa iyong kapwa.

Damdamin ko__________________________________________________________
Ang gagawin ko ________________________________________________________

Buod

Natatandaan
mo pa ba ang mga kaalamang natutuhan mo sa araling ito?
Sa araling na ito ay natutuhan mo ang pag-aantas(clining) ay pagbibigay ng
kahulugan ng salita sa paraang papataas ang antas nito batay sa tindi ng emosyon
o damdaming ipinahayag. Nagagamit ito sa pamamagitan ng pag-iiba-iba ng mga
salitang may ugnayan sinonimo o kasingkahulugan.

Halimbawa:
4 poot 4 pagmahal 4 ganid
3 galit 3 pagliyag 3 gahaman
2 asar 2 pagsinta 2 sakim
1 inis 1 paghiyaw 1 damot

9
 Tayahin

Ngayong natutunan mo na ang pag-aantas ng mga salita,narito ang pangwakas na

pagsusulit.Isulat ang iyong sagot sa sagutang papel.

I.Panuto: A.Basahin at unawaing mabuti ang mga pahayag sa teksto at sagutin ang
mga katanungan.Isulat ang titik ng tamang sagot sa sagutang papel.

Maligayang-maligaya si Prinsesa Tutubi.Umawit-awit pa siya sa kanyang paglipad.

Wiling-wili siya sa lahat ng kanyang nakikita.Totoong nalibang si Prinsesa Tutubi
at hindi niya napansin ang pamumuo ng maiitim na ulap sa papawirin.
Huli na nang ito ay mapuna ni Prinsesa Tutubi.Mabilis man siyang lumipad
pabalik sa kaharian ay inabutan din siya ng malakas na ulan.
“Titigil muna ako sa punongkahoy na ito,” ang sabi sa sarili ng prinsesa.
Ngunit sa punongkahoy pala naming iyon ay maraming mga matsing. Pinaalis
nilang pilit ang nakikisilong na tutubi. Bawat dapuang sanga ni Prinsesa Tutubi ay
niyuyugyog ng mga matsing. Hindi lamang iyon. Pinagtawanan pa nila ang
prinsesa.
“Kra-kra-kra! Nakakatawa.Malaki pa sa kanyang tuhod ang kanyang mga
mata,” ang malakas na sabi ng isa. Sinundan ito ng malakas na hagikgikan ng
mga matsing.
Sa laki ng galit ni Prinsesa Tutubi umuulan pa ay umalis na siya sa
punongkahoy na iyon at lumipad pauwi sa palasyo. Tuloy-tuloy siya sa silid ng
kaniyang amang hari. Kanyang isinumbong kay Haring Tubino ang mga matsing.

Halaw mula sa pabulang”Nagkamali ng Utos”

___1.Nasa anong antas ng pagpapasidhi ng kahulugan batay sa

tindi ng emosyon ang salitang may salungguhit sa binasang
teksto?

a. pinakamababang antas c.pinakamataas na antas

b.katamtaman ang kasidhiand.di- masidhing antas

___2.Batay sa binasang teksto,ano-anong mga salita ang nagpapakita ng pag-

aantas ng mga salita?

a. maligaya-maligaya,nalilibang,wiling-wili
b. nalilibang-maligayang-maligaya, wiling-wili
c.wiling-wili,nalilibang,maligaya- maligaya
d. maligayang-maligaya, wiling-wili, nalibang

___3.Sa ikatlong talata,anong salita ang nasa pinakamataas/pinakamatinding

damdamin?

a. halakhakanb.tawanan c.hagikgikan d. ngiti

___4. Aling pangungusap sa loob ng teksto ang gumagamit ng pinakamataas na

antas ng kahulugan batay sa tindi ng emosyon?

10
a. Nagalitang mahal na hari sa ginawa ng mga matsing sa kanyang anak na si
Prinsesa Tutubi.
b. Nainis si Prinsesa Tutubi dahil pinagtawanan siya ng mga matsing.
c. Nasuklamang buong kaharian ng Matutubina sa mga matsing dahil sa
kaapihang nangyari sa kanilang prinsesa.
d. Inaasarng mga matsing si Prinsesa Tutubi habang nakisilong sa
punongkahoy.

___5. Anong antas ng salita ang wiling-wili sa unang talata sa loob ng teksto?

a. pinakamababang antas c. pinakamataas na antas

b. katamtaman ang kasidhian d. masidhing antas

Para sa bilang 6-10. Punan ang patlang ng wastong antas ng salita batay sa tindi ng
emosyon o damdamin.Isulat ang titik ng tamang sagot sa sagutang papel.

___6. 4 _________
3 galit
2 asar
1 inis

a. poot b. suklam c. yamot d. muhi

___7. 4 liyag
3 _____
2 sinta
1 mahal

a. ibig b. irog c. gusto d. giliw

II. Tukuyin ang mga salitang ginamit sa pahayag batay sa tindi ng pag-aantas ng
emosyon o damdamin.Isulat ang titik ng tamang sagot sa sagutang papel.

___8. Mahal na mahal ng hari at reyna ang kanilang anak. Sinasabing ipaglaban ng
buong kaharian ang anumang kaapihan ni Prinsesa Tutubi.Alin sa mga slita
ang nagpapahayag ng kasidhian?

a.ipaglaban b. kaapihan c.mahal na mahal d.sinasabi

___9. Maligayang-maligaya si Prinsesa Tutubi.Umaawit-awit pa siya sa kanyang

paglipad.Nasa anong antas ng pagpapakahulugan ang salitang may
salungguhit sa pangungusap?

a.pinakamababang antas c.pinakamataas na antas

b.katamtaman ang kasidhian d. di-masidhing antas

___10. Sa laki ng galit ni Prinsesa Tutubi umuulan pa ay umalis na siya sa

punongkahoy at lumipad pauwi sa palasyo.Alin sa sumusunod ang

11
 pinasidhing anyo ng salitang may salungguhit?

a. poot b.asar c. inis d.suklam

___11.Malakas na halakhakan ng mga matsing ang naging sagot sa pahayag ng

kawal na tutubi. Nasa anong antas ayon sa tindi ng emosyon ang salitang
halakhak?

a. di-masidhi antas c. pinakamasidhng antasi

b. masidhing antas d. pinakamababang antas

___12.Tinatawag si Nelmarose ng kanyang nanay. Anong ipalit sa salitang

nasasalungguhitan sa pangungusap?

a. binubulyawan c. sinisigawan
b. hinihiyawan d. sinusutsutan

Susi sa Pagwawasto

Subukin .
1. C 6. C
2. C 7. C
3. A 8. D
4. C 9. C
5. A 10. A
Tayahin
1. C 6. A 8. C
2. C 7. B 9. C
3. A 10. D
4. C 11. C
5. A 12. A

Mga Sanggunian

Peralta,Romulo N. et al. Panitikang Asyano 9.

Republika ng Korea, Prinpia Co., Ltd.,2014

Ambat, Vilma C. et al.Filipino 10:Pandaigdigang Panitikan.

Pilipinas ng Vibal Group, Inc. 2015

12