PANGAJHARAN 5 : KESUSATRAAN

Sastra Madhurâ aropa’aghi bâgiyân ḍâri kabhuḍhâjân Madhurâ sala sèttong bâgiyân ḍâri sastra
Madhurâ èngghi panèka lalongèt. Ponapa lalongèt ? Lalongèt ḍâri oca’ asal longèt, èrangkep aḍâ’ aobâ
swara, dhâdḍhi lalongèt.

Longèt artèna pènter otabâ pèlak bây-ghâbâyân. Hasèlla bhâghus katèngalanna nyennengngaghi
tor èndhâ, Anom kaulâ abhâḍhi parabhut compo’ aropa korsè, lomarè, korongnga mano’, sareng
samacemma, bhâghus, ènḍhâ, nyennengngaghi katèngalanna. Anom lakar longèt. Oca’ lalongèt bâḍâ
kaè’anna sareng sastra Madhurâ, èngghi panèka neng ḍâlem okara, sè aghânḍhu’ pan-saponapan oca’ sè
èndhâ, kantos kapèrengnganna nyennengngaghi, arassa malèpor atè.

Macemma Lalongèt neng sastra Madhurâ bâḍâ 11, èngghi panèka :

1. Bhâk-tebbhâghân
2. Okara kakanthèn
3. Bhângsalan
4. Rora bhâsa
5. Kèrata bhâsa
6. Parèbhâsan
7. Ėbhârât
8. Saloka
9. Parlambhâng
10. Oca’ sarojâ
11. Oca’ camporan tabhâlik
Neng pangajhârân panèka, sampèyan kodhu ngaghâli artèna lalongèt ḍâlem teks. sampèyan kodhu
maghut ḍâ’ pètodhu sè ampon èsaḍiyâ’aghi è bâbâ panèka sopajâ maghâmpang è ḍâlem ngaghâli ma’na
lalongèt ḍâlem teks.

Saterrossèpon, sabellunna sampèyan alampa’aghi pakon. Èyatorè maos jhâjhârbâ’ân è bâbâ panèka!
Lalongèt panèka bannè namong aghânḍhu’ ca’-oca’ sè èndha bisaos, nangèng jughân aghânḍhu’
maksod. Sopajâ ngartè ḍâ’ maksottèpon lalongèt, sampèyan kodhu ngaonèngè pan-saponapan oca’ sè
malarat artèna.

Opamaèpon oca’ “Ana’ bhâghus ropana akantha ghumo ’”. Orèng sè maos okara ka’ḍinto ta’ bisa
ngartè ḍâ’ maksottèpon okara manabi salèrana ta’ ngartè ḍa’ oca’ “ghumo’”. Dhinèng ghumo’ ka’ḍinto
artèna tana sè marojun marghâ èkennengngè raprap.

Bhâk-tebbhâghân

 Ana’ bhâghus ropana akantha ghumo’

Rèng sè senneng taḍâ’
Kabbhi orèng paḍá jhitjhit
Ana’ nyemma’ dhing orèngnga atangèsan

 Sè è aḍâ’ lakona nyaronèn terros

È èrèng aghenḍhâng
Bâḍâ peccot neng è buḍi
Maḍḍhâ tebbhâk ghânèko napè artèna