ANGELICA LEIANNE M.

LOPEGA
BSBA – Operations Management

Himno ng Paggawa (Hymn to Labor)

Sa "Himno ng Paggawa" isinalaysay ni Jose P. Rizal ang kasipagan ng mga tao sa Lipa, Batangas. Sa panahon na
tayo'y nasa ilalim ng pamumuno ng Espanya gera't pag-aaway para sa pinapangarap na kalayaan na dapat ay
nasasaatin. Inilarawan ni Rizal dito ang bawat tungkulin na ginagamapanan nang mga tao sa bayan ng Lipa, mula sa
mga kababaihan hanggang sa mga ina, sa mga ama at sa umaasa pang maging ama, mula sa mga bata at sa hinaharap
pang umaasa sa buhay. Isa-isahin natin ang bawat koro ng tula at awit nito.

"Dahilan sa Bayan sa pagdirigmaan,

Dahil sa Bayan din sa kapayapaan,
Itong Pilipino ay maasahang
Marunong mabuhay o kaya’y mamatay."

Kahit sa panahon ngayon kinakaharap parin ng ilan sa ating mga kababayan ang sobrang kahirapan ngunit kilala
tayong ngumingiti at masaya kahit sa kahirapang ito. Sabik matikman ang kasaganahan ng totoong buhay at handa
harapin ang kahirapan kung yaoy darating.

"Lupa’y maaring magmamatigas naman,

At magwalang-awa ang sikat ng araw
Kung dahil sa anak, asawa at Bayan,
Ang lahat sa ating pagsinta’y gagaan."

Para naman sa kalalakihan ng Lipa, ang trabaho nila ay tatak ng kabuhayan. Sipag at tyaga ang sandata at dugo't
pawis ang ibidensya ng kanilang buhay. Mula sa pagsikat ng unang kulay nang umaga handa silang magtrabaho para
sa kinabukasan ng kanilang pamilya. Isang simbolo na sana'y makuha ng lahat ng Pilipino lalong lalo na ang mga
ama. Ang kahirap ay kanilang binabaliwa dahil para ito sa kanilang kinabuhayan at kinabukasan ng kanilang mga
anak. Ang bagay ni hindi pinaghihirapan ay kahit kelan ma'y kaligayahan ay hindi makakamit.
Ang ama ay itinuturing gabay ng kanilang mga anak at ang sipag na kanilang ipinapakita ay maaasahang gagawin
rin ng mga bata. Sila ang halimbawa na hinahanap ng marami at kinakailangan ng bayan. Nasasakanila ang pag-
angat ng inang bayan.

"Magmasigla kayong yao sa gawain,

Pagka’t ang baba’y nasa-bahay natin,
At itinuturo sa batang mahalin
Ang Bayan, ang dunong at gawang magaling

Pagdatal ng gabi ng pagpapahinga,

Kayo’y inaantay ng tuwa’t ligaya
At kung magkataong saama ang manguna,
Ang magpapatuloy ang gawa’y ang sinta. "

Ang sipag ng ama ay siyang sinusuklian ng asawang tapat at tunay na umiibig. Ang ina ang liwanag ng tahanan.
Lahat ng ipinaglalaban ay sadyang walang kapalit kapag para sa iniibig. Tunay nga naman na para sa lalaki ang
buhay na pinahahawakan ay baliwala kapag walang hinahatian. Ang ina ang sumasalo ng hirap na d kinakaya ng
ama. Kapag sila ay magkasama lahat ay kayang lagpasan.
"Mabuhay! Mabuhay! Paggawa’y purihin
Na siyang sa Baya’y nagbibigay-ningning!
At dahil sa kanya’y taas ng paningin,
Yamang siya’y dugo at buhay na angkin.
At kung may binatang nais na lumigaw,
Ang paggawa’y siyang ipaninindigan;
Sapagka’t ang taong may sipag na taglay,
Sa iaanak nya’y magbibigay-buhay."

Ang buhay nang bayan ay hindi humihinto sa mag-asawa at sa kanilang anak. Mula sa pagkabata siya rin ay lalaking
tunay binata't dalaga. Marami ang lumalaban sa Kastila na sa maagang edad ang mga kalalakihan ay
sumasabak.Para sa mga dalaga ang masibag at matyaga ang nananaig sa kanilang mga puso. Ang panliligaw ay
isang halimbawa. Suyuin ng mga binata ang kanilang iniirog sa hinaharap panghabang buhay nilang makakasama.
Ang mga nagnanais na mabuhay na sagana ay tinalag dapat ang gawain ang paghirapan. Ang matibay at malakas
ganun rin ang katangian na posibleng makuha ng magiging anak.

"Kami ay turuan ninyo ng gawain;

At ang bukas ninyo’y aming tutuntunin
Bukas, kung tumawag ang bayan sa amin,
Ang inyong ginawa’y aming tatapusin."

Ang ala-ala at lahat ng pinaghirapan nang magulang ay dadalhin din ng kanilang mga anak. Ang mga bata ang
kinabukasan ng bayan. Sa huli ay lahat ng ating ginawa ay isasalin rin natin sa mga bata ng susunod na henerasyon.
Sila'y ating turuan at bigyan ng pag-asa para sa kinabukasan nila at para sa atin narin.

Kasabihan niyong mga matatanda:

“Kung ano ang ama’y gayon din ang bata,”
sapagka’t sa patay ang papuri’y wala.
Maliban sa isang anak na dakila.