Siguro doon na lamang po sa palihim na sulyap ko Hindi naman akalaing aabot sa ganitong punto Dahil hindi naman po talaga siya iyong tipo ko
Sa bawat pagkikita ay nagagalak itong puso ko
Ano-ano po bang mayroon sa anak niyo pong ito? At sa akin po ay may dulot na kakaibang epekto Bakit binabalisa niya po ang araw ko nang ganito?
Sa kabilang banda, ito na po ang gabing hinihintay
Upang sa kaniyang ngiti ako ay muling makasilay At bibigyang kulay ko na itong natatanging pakay Maaari ko po bang pormal nang hingin ang kanyang kamay?
Sa akin pong piling hindi siya hahayaan na malumbay
Iibigin siyang buong puso; walang kasing dalisay Nawa’y payagan siyang maging bahagi ng aking buhay Hindi ko po hahayaang sa piling ko siya’y mawalay
May kasabihan po kasi akong pinaniniwalaan
“Kung madali mo siyang makuha’y madali ring palitan Ngunit yaong mga bagay na ating pinaghihirapan Itaga man po ito sa bato ay mahirap pong iwan” Sa mahigit isang taon ko pong pabalik-balik dito Nawa ay napatunayan ko na po itong intensyon ko Pahirapan po talagang maligawan ‘tong anak ninyo ‘Di po siya nagpapadala sa damdaming bumubugso
Sana’y mapagbigyan naman po ang aking pagsusumamo
Dinggin aking pagsuyo at biyayaan kayo ng apo Maiharap siya sa dambana, iyan ang tangi kong gusto Mula sa umpisa alam kong siya na makakasama ko.