HALAMANG GALA: NAKAKATULONG SA MADLA

Makapal, mayabong at malayang tumutubo kahit saan.

Ang damong ito ay isang pangkaraniwang halaman na tumutubo halos kahit saan sa Pilipinas. Sa paaralan
ng SOCES matatagpuan ang mga ito na naging sakit pa sa mata ng mga guro at mag-aaral dahil ito ay
nakikipagkompetensya sa pagtubo nga mga gulay, kaya kadalasan ay binabaliwala lamang ito. Pero ang hindi natin
alam, ito pala ay may taglay na sangkap na nakapagpapagaling ng maraming uri ng mga karamdaman. Ito ay ang
Paragis o Wire Grass.

Ang halamang gamot na Paragis ay may scientific name na Eleusine Indica. Maraming mga pag-aaral ang
nagsasabing ang Paragis ay may kakayahang gamutin o iwasan ang ilang partikular na mga sakit.

Lalong pinatunayan ang kakayahan ng Paragis noong ito ay naging tampok sa episode ng "Kapuso Mo,
Jessica Soho”. Sinaliksik ng programa ang kuwento ng ilang tao na umiinom umano ng katas na Paragis at
nagsabing gumaling ang kanilang karamdaman at bumuti ang kanilang pakiramdam.

Ang mga sakit na maaring gamutin ng Paragis ay ang sumusunod:

Kanser – Ang anti oxidant na nasa halamang gamot na paragis ay humahadlang sa paglaki at
pagparami ng mga cancer cells sa katawan ng tao.
Cyst sa obaryo at myoma – Dahil sa ang paragis ay humahadlang sa paglaki ng mga bukol sa
katawan tulad ng cyst o tumor, ang ovarian cyst at mayoma ay sinsasabing nagagamot ng pag
inom ng tsaa na gawa sa paragis.
Sakit sa bato – Ang mga problema sa kidney ay sinasabing nalulunasan ng pag inom ng tsaang gawa
sa paragis. Ito daw kasi ay may kakayahang paramihin ang tubig sa katawan ng tao kaya’t
napapadalas ang pag-ihi na siyang nag aalis ng sobrang asin sa katawan. Ang paragis ay
kilalang natural na diuretic.
Arthritis – Dahil sa ang paragis ay may anti-inflamatory properties, ang ininit na dahon ng halamang
gamot na ito na sinamahan ng kinayod na niyog ay epektibong lunas sa pamamaga ng mga
kasukasuan kapag ito ay itinapal sa apaektadong bahagi ng katawan.
Diabetes – Sinasabi ng mga dalubhasa na ang paragis ay nagtataglay din ng sangkap na panlaban sa
diabetes at may kakayahang gawing normal ang inyong blood sugar level.
Pagdurugo ng sugat – May sangkap din ang paragis na nakapagpapahinto ng pagdurugo. Magdikdik
ng dahon ng paragis at ilagay sa sugat para tumigil ang pagdurugo ng sugat.
Iyan ay iilan lamang sa mga sakit na sinasabing kayang pagalingin ng halamang gamot na paragis. Ang
ibang pang sakit na sinbasabing nalulunasan nito ay ang hika, pangingisay malaria, pagkabaog sa mga babae, sakit
sa pantog, sakit sa atay at paninilaw. Dahil sa ito ay isang natural na diuretic, ito ay lunas sa mga sakit na dala ng
kahinaan o problema sa pag ihi tulad ng bato sa bato at apdo, highblood, at mga sakit sa puso, baga at atay.

Sa magandang dulot sa halamang Peragis ito ay inaalagaan at isa na sa halamang gamot na itinatanim sa
herbal clinic ng Socorro Central Elementary School and SPED Center.