bakit tuwing pakiramdam na ayos na ang lahat saka may mangyayaring hindi maganda? tihaya sa kisame, baling sa kanan at kaliwa tila baga may kung ano sa loob ng utak; pinuputakte, dilat ang mga mata tulala sa kawalan, dinig ang paghinga ng orasan.
Pagsusulit, titik, pangungusap,
sanaysay, at proyekto inaalala kung saan nagkulang siguradong sigurado, hindi ni minsan nagkamali maging sa tuldok. Nahuling pumasok, mabagal kasi ang-
Maya't maya niyang binabasa
ang pinakahuling mensahe:
Wala kang ipinasa kahit isang gawa
Matagal-tagal din nagnilay
lumipad sa kawalan ang kaluluwa buo ang loob, tumugon sa mensahe:
Sorry po Hindi po pala nagsend Nawalan po ng data Magsesend na lang po ako, hahabol po
Bago pa niya tuluyang napagtanto
sa hindi maipaliwanag na kabog sa dibdib hanggang ngayon hindi pa rin nagse-send ang kanyang mensahe.
Sana, sa tuwing nagiging negatibo ang lahat ng pangyayari
sa isang estudyante ay nagagawa nitong bumalik sa kanyang pagkabata, upang muli nitong masariwa ang buhay at walang iniisip na problema madungisan at masugatan basta't makapaglaro lamang, sa ganitong panahon mas ligtas pa ang kaniyang isipan kaysa ngayon na ang mundo'y mapaglaro ng kapalaran.