ადმინისტრაციული წარმოაების არსი და სახეები

ადმინისტრაციული წარმოება არის ადმინისტრაციული ორგანოს მიერ საჯარო

მმართველობის განხორციელების უმნიშვნელოვანესი ეტაპი, რომლის მეშვეობითაც
ხორციელდება:
 ადმინისტრაციულ სამართლებრივი აქტის მომზადება, გამოცემა და
აღსრულება
 ადმინისტრაციული საჩივრის გადაწყვეტა
 ადმინისტრაციული ხელშეკრულების მომზადება, დადება ან გაუქმება
ადმინისტრაციული წარმოების მთავარი ამოცანაა სამართლიანობის უზრუნველყოფა.
ასევე, პროცედურული წესების დაცვა,რომელიც ზრდის სახელმწიფო ადმინისტრაციის
მუშაობის ეფექტიანობას. ადმინისტრაციული წარმოება ავალდებულებს
ადმინისტრაციულ ორგანოს გამოიკვლიოს საქმის ყველა გარემოება, არ
გააჭიანუროს საქმე და დაიცვას კანონით დაწესებული ვადები, მოუსმინოს
მხარეებს,დაასაბუთოს თავისი გადაწყვეტილება, რაც უზრუნველყოფს მიღებული
გადაწყვეტილების კანონიერებას და ობიექტურობას.
ზაკი აფუძნებს ზოგად რეგულაციას, ადმინისტრაციულ წარმოებასთან დაკავშირებით ,
რომელიც გამოიყენება ადმინისტრაციული სამართლის ნებისმიერ სფეროში , როგორც
ზოგადი წარმოების მარეგულირებელი ნორმები.
მაგ: სამშენებლო ნებართვის გაცემის შესახებ გადაწყვეტილების მიღების პროცესში ,
ადმინისტრაციული ორგანო ხელმძღვანელობის, როგორც სპეციალური
ადმინისტრაციული წარმოების ნორმებით, ასევე ზოგადი ნორმებით, რომლებიც
განსაზღვრულია ზაკ-ში.
ადმინისტრაციული წარმოების სამი სახე არსებობს:
1. მარტივი ადმინისტრაციული წარმოება;
2. ფორმალური ადმინისტრაციული წარმოება;
3. საჯარო ადმინისტრაციული წარმოება
უნდა აღინიშნოს, რომ ეს ჩამონათვალი ამომწურავი არ არის და რიგ შემთხვევებში
ადმნისტრაციული აქტის გამოსაცემად შეიძლება სხვა სპეციალური წარმოების
გამოყენება.
მარტივი ადმინისტრაციული წარმოება არის ადმინისტრაციული წარმოების მთავარი და
საბაზისო სახე, რომლის დებულებები გამოიყენება წარმოების სხვა სახეების
შემთხვევაშიც. ზოგადი წესის თანახმად, თუ კანონი არ ითვალისწინებს სხვა სახის
ადმინისტრაციული წარმოების გამოყენებას, ადმინისტრაციული ორგანო
ინდივიდუალურ ადმინისტრაციულ სამართლებრივ აქტს ამზადებს მარტივი
ადმინისტრაციული წარმოების წესით. ადმინისტრაციული ორგანოს მიერ
ადმინისტრაციული წარმოების საკითხთან დაკავშირებით გადაწყვეტილების მიღებისას
(ინდივიდუალური ადმინისტრაციულ-სამართლებრივი აქტის გამოცემისას ) ცალკე
ადმინისტრაციული წარმოება არ დაიწყება, თუ კანონით სხვა რამ არ არის
გათვალისწინებული.
ადმინისტრაციული წარმოების მხარეები:
1. ადმინისტრაციული წარმოების მხარე შეიძლება იყოს ადმინისტრაციული
ორგანო, ფიზიკური ან იურიდიული პირი. ადმინისტრაციულ წარმოებას
ახორციელებს უფლებამოსილი ადმინისტრაციული ორგანო ქართულ ენაზე,
აფხაზეთში-აფხაზურ ენაზე.
 2. თუ დაინტერესებული მხარის განცხადება ან მის მიერ წარდგენილი სხვა
დოკუმენტი შედგენილია არასახელმწიფო ენაზე, დაინტერესებული მხარე
ვალდებულია ადმინისტრაციული ორგანოს მიერ დადგენილ ვადაში
წარადგინოს განცხადების ან დოკუმენტის სანოტარო წესით დამოწმებული
თარგმანი.
3. თუ კანონით დადგენილია ვადა, რომლის განმავლობაში ადმინისტრაციული
ორგანო ვალდებულია შეასრულოს გარკვეული მოქმედება, ეს ვადა დაიწყება
მხოლოდ თარგმანის წარდგენისას, ასეთის აუცილებლობის შემთხვევაში.
4. თუ კანონით განსაზღვრულია ვადა, რომლის განმავლობაში დაინტერესებული
მხარე ვალდებულია წარადგინოს რაიმე განცხადება ან დოკუმენტი , ეს ვადა
დაცულად ჩაითვლება დოკუმენტის არასახელმწიფო ენაზე წარდგენის
დროსაც.
5. ადმინისტრაციული ორგანო უფლებამოსილია დაადგინოს ვადა წარდგენილი
დოკუმენტის თარგმნისთვის, რომელიც არ შეიძლება იყოს სამ დღეზე ნაკლები.
ამ ვადის გაშვება შეიძლება გახდეს დაინტერესებული მხარის განცხადების
განხილვაზე უარის თქმის საფუძველი.
ადმინისტრაციული ქმედუნარიანობა:
 ადმინისტრაციული წარმოებისას ადმინისტრაციულ ორგანოს წარმოადგენს
პასუხისმგებელი თანამდებობის პირი ან მისი ოფიციალური
წარმომადგენელი
ადმინისტრაციულ წარმოებაში მონაწილეობის უფლება აქვს
1. განმცხადებელს
2. ადმინისტრაციულ ორგანოს, რომელიც უფლებამოსილია აღნიშნულ საკითხზე
გადაწყვეტილება მიიღოს
3. პირს, რომელსაც საქართველოს კანონმდებლობით ენიჭება
ადმინისტრაციულ წარმოებაში მონაწილეობის უფლება
4. სხვა ადმინისტრაციულ ორგანოს, საქართველოს კანონმდებლობით
გათვალისწინებულ შემთხვევებში
5. დაინტერესებულ მხარეს
ბავშვის უფლებებთან დაკავშირებული ადმინისტრაციული წარმოების მონაწილე
ადმინისტრაციული ორგანოს თანამდებობის პირი უნდა იყოს სპეციალიზებული
საქართველოს კანონმდებლობით დადგენილი სპეციალიზაციის სტანდარტების
შესაბამისად
მუხ.2 ტერმინთა განმარტება
1. ამ კოდექსში გამოყენებულ ტერმინებს აქვს შემდეგი განმარტება :
ა) ადმინისტრაციული ორგანო – ყველა სახელმწიფო ან მუნიციპალიტეტის
ორგანო/დაწესებულება, საჯარო სამართლის იურიდიული პირი (გარდა პოლიტიკური
და რელიგიური გაერთიანებებისა), აგრეთვე ნებისმიერი სხვა პირი , რომელიც
საქართველოს კანონმდებლობის საფუძველზე ასრულებს საჯარო სამართლებრივ
უფლებამოსილებებს.
ბ) დაინტერესებული მხარე – ნებისმიერი ფიზიკური ან იურიდიული პირი,
ადმინისტრაციული ორგანო, რომლებთან დაკავშირებითაც გამოცემულია
ადმინისტრაციულ-სამართლებრივი აქტი, აგრეთვე რომლის კანონიერ ინტერესზე
პირდაპირ და უშუალო გავლენას ახდენს ადმინისტრაციულ-სამართლებრივი აქტი ან
ადმინისტრაციული ორგანოს ქმედება.
გ) ადმინისტრაციულ-სამართლებრივი აქტი – ადმინისტრაციული ორგანოს მიერ
კანონმდებლობის საფუძველზე გამოცემული სამართლებრივი აქტი;
დ) ინდივიდუალური ადმინისტრაციულ-სამართლებრივი აქტი –
ადმინისტრაციული ორგანოს მიერ ადმინისტრაციული კანონმდებლობის საფუძველზე
გამოცემული ინდივიდუალური სამართლებრივი აქტი, რომელიც აწესებს, ცვლის,
წყვეტს ან ადასტურებს პირის ან პირთა შეზღუდული წრის უფლებებსა და
მოვალეობებს. ინდივიდუალურ ადმინისტრაციულ-სამართლებრივ აქტად ჩაითვლება
აგრეთვე ადმინისტრაციული ორგანოს მიერ მიღებული გადაწყვეტილება მის
უფლებამოსილებას მიკუთვნებული საკითხის დაკმაყოფილებაზე
განმცხადებლისათვის უარის თქმის შესახებ, ასევე ადმინისტრაციული ორგანოს მიერ
გამოცემული ან დადასტურებული დოკუმენტი, რომელსაც შეიძლება მოჰყვეს
სამართლებრივი შედეგები;
ე) ნორმატიული ადმინისტრაციულ-სამართლებრივი აქტი – უფლებამოსილი
ადმინისტრაციული ორგანოს მიერ საკანონმდებლო აქტის საფუძველზე გამოცემული
სამართლებრივი აქტი, რომელიც შეიცავს მისი მუდმივი ან დროებითი და
მრავალჯერადი გამოყენების ქცევის ზოგად წესს;
ვ) აღმჭურველი ადმინისტრაციულ-სამართლებრივი აქტი – ადმინისტრაციულ-
სამართლებრივი აქტი, რომელიც დაინტერესებულ მხარეს ანიჭებს რაიმე უფლებას
ან სარგებელს;
ზ) ადმინისტრაციული ხელშეკრულება – ადმინისტრაციული ორგანოს მიერ საჯარო
უფლებამოსილების განხორციელების მიზნით ფიზიკურ ან იურიდიულ პირთან ,
აგრეთვე სხვა ადმინისტრაციულ ორგანოსთან დადებული სამოქალაქო-
სამართლებრივი ხელშეკრულება. ადმინისტრაციული ხელშეკრულებისათვის
სავალდებულოა რომ მისი მიზანი იყოს საჯარო უფლებამოსილების
განხორციელება.
თ) განცხადება – უფლების მოპოვებაზე დაწერილი წერილობითი აქტი.
ი) ადმინისტრაციული საჩივარი – დაინტერესებული მხარის მიერ უფლებამოსილ
ადმინისტრაციულ ორგანოში ამ კოდექსით დადგენილი წესით წარდგენილი
წერილობითი მოთხოვნა დარღვეული უფლების აღდგენის მიზნით იმავე ან
ქვემდგომი ორგანოს მიერ გამოცემული ადმინისტრაციულ-სამართლებრივი აქტის
ბათილად გამოცხადების, შეცვლის ან ახალი ადმინისტრაციულ-სამართლებრივი
აქტის გამოცემის ან ადმინისტრაციული ორგანოს მიერ ისეთი მოქმედების
განხორციელების ან ისეთი მოქმედების განხორციელებისაგან თავის შეკავების
შესახებ, რომელიც არ გულისხმობს ინდივიდუალური ადმინისტრაციულ-
სამართლებრივი აქტის გამოცემას.
კ) ადმინისტრაციული წარმოება – ადმინისტრაციული ორგანოს საქმიანობა
ადმინისტრაციულსამართლებრივი აქტის მომზადების, გამოცემისა და აღსრულების ,
ადმინისტრაციული საჩივრის გადაწყვეტის, აგრეთვე ადმინისტრაციული
ხელშეკრულების მომზადების, დადების ან გაუქმების მიზნით. იგი არის სამი სახის:
მარტივი, ფორმალური და საჯარო.
ლ) დისკრეციული უფლებამოსილება – უფლებამოსილება, რომელიც
ადმინისტრაციულ ორგანოს ან თანამდებობის პირს ანიჭებს თავისუფლებას საჯარო
და კერძო ინტერესების დაცვის საფუძველზე კანონმდებლობის შესაბამისი რამდენიმე
გადაწყვეტილებიდან შეარჩიოს ყველაზე მისაღები გადაწყვეტილება . თანამდებობის
პირები უნდა მოქმედებდნენ ამ უფლებების ფარგლებში.
მ) საჯარო ინფორმაცია – ოფიციალური დოკუმენტი (მათ შორის, ნახაზი, მაკეტი,
გეგმა, სქემა, ფოტოსურათი, ელექტრონული ინფორმაცია, ვიდეო- და
აუდიოჩანაწერები), ანუ საჯარო დაწესებულებაში დაცული , აგრეთვე საჯარო
დაწესებულების ან მოსამსახურის მიერ სამსახურებრივ საქმიანობასთან
დაკავშირებით მიღებული, დამუშავებული, შექმნილი ან გაგზავნილი ინფორმაცია ,
ასევე საჯარო დაწესებულების მიერ პროაქტიულად გამოქვეყნებული ინფორმაცია ;
ნ) საიდუმლო ინფორმაცია – საჯარო დაწესებულებაში დაცული, აგრეთვე საჯარო
დაწესებულების ან მოსამსახურის მიერ სამსახურებრივ საქმიანობასთან
დაკავშირებით მიღებული, დამუშავებული, შექმნილი ან გაგზავნილი ინფორმაცია ,
რომელიც შეიცავს პერსონალურ მონაცემებს, სახელმწიფო ან კომერციულ
საიდუმლოებას.