Ang panitikan ay ang pagsulat ng direkta at pagtula na nag-uugnay sa isang tao.

Malaki
ang pinagkaiba nito sa mga walang saysay na basahin o patalastas lamang. Sapagkat
ang panitikan ay may payak na anyo, pananaw, at diwang nagbibigay ng pang
matagalang pagkawili at gana sa mga mambabasa.

Nakatutulong ang panitikan sa pag-unlad ng pagkatao ng isang nilalang dahil

lumalawak ang kaniyang ulirat at pagpapahalaga sa sarili, sa kapwa, at sa lupang
kaniyang ginagalawan. Hinihikayat ang pagkakaroon ng malalim na pag-iisip sa
pagbabasa ng panitikan dahil sa natatangi nitong anyo ng karunungan at damdamin na
matatagpuan sa mga tekstong pampanitikan. Halimbawa ng tekstong pampanitikan ay
mga sinaunang anyo ng kwento (mito, alamat, salaysayin at pabula), tula, dula,
maikling kwento, sanaysay, talumpati, at anekdota sa piling lathalain man-sa pasalita o
pagsulat na paraan.

Sa kabilang banda, ang drama, balagtasan at pelikula ay isa ring anyo ng panitikan.
Kinagigiliwan ng nakararami ang panonood ng pelikula dahil napupukaw ang kanilang
damdamin dito at nakakukuga sila ng mga aral at mga bagong kaalaman. Marami na
ngayon ang nalilibang sa panonood ng mga pelikulang banyaga pero wala pa ring tatalo
sa mga Pelikulang Pilino na nagpapakita ng pagkakaisa ng bawat tao. Ang mga
pelikulang Pilipino ang nagpapakita kung gaano kahalaga ang pamilya sa isa’t isa. Ang
mga pelikulang Ikaw Lamang, Anak, Anak at Dubai ay isang halimbawa kung gaano
kaimportante ang pagpapahalaga sa pamilya. Ang panonood rin ng mga pelikula ay
daan para mas maintindihan ang paniniwala at kultura, nang sa gayon ay mas igalang
at irespeto sila. Kinaaaliwan talaga ng marami ang mga palabas sapagkat
nararamdaman din ng mga manonood ang pinagdadaanan ng mga karakter dito.

Noong unang panahon pa man ay mahilig na sa panitikan ang ating mga ninuno na
namana pa rin natin sa kasalukuyan. Kasabay ng pag-unlad ng teknolohiya ay
matutunghayan na rin natin ang panitikan sa makabagong pamamaraan. Halimbawa,
ang mga awit na naitatala sa tape recorder at compact disc (CD). Ang mga maikling
kwento na ating napakikinggan sa radyo, mga dula na napapanood natin sa telebisyon
at ang mga nobela na naisasapelikula. Maaaninag sa mga nabanggit ang mga uri ng
panitikan na nagbigay sa atin ng karunungan at kamalayan sa paligid na tiyak ay
hinding hindi malilimutan ng sinumang Pilipino.