BALITANG KOMPOSIT

Ang pangunahing bagay na

isinasaalang-alang sa pagsulat ng isang
balita ay ang nilalaman at kayarian nito.
Kaugnay ng nilalaman, kailangan itong
makapagharap ng mga impormasyong
mahalaga at napapanahon. At kaugnay
naman ng kayarian ay kailangang maisulat
ang mga natipong impormasyon sa isang
paraang madaling maunawaan ng
mambabasa.

Ang balitang komposit ay isang balita

sa Filipino na mauuri ayon sa anyo sapagkat
nakatuon ito sa paglalarawan ng kaanyuan o
balangkas ng pagkakasulat. Kabilang sa mga
uri nito ang Tuwirang Balita (Straight News), Balitang Lathalain (News Features), at
Balitang Iisang Paksa o Tala (Single Feature or One-incident Story).

Ito ay tinatawag ding Balitang Maraming Itinatampok (Several features or

Composite Story) kung saan maraming bagay o paksa ang itinatampok sa pamatnubay.
Ito ay karaniwang mga pangyayaring magkakatulad. Halimbawa nito ay ang naganap
sa iisang araw na hiwa-hiwalay na aksidente sa sasakyang pampasahero, na
pinagsasama-sama sa iisang masaklaw na balita. Nakahanay ang mga ito ayon sa
pahupang kahalagahan (according to decreasing importance). Ang pagpapaliwanag sa
mga paksa ay nakahanay sa katawan ng balita na ayon din sa pagkakaayos ng mga ito
sa pamatnubay.

Suriin at Paghambingin. Basahin at pag-isipan ang pagkakaiba ng dalawang

halimbawang balita.

Balitang Iisang Paksa o Iisang Talang Balita na Nauukol sa Sunog

(Single Feature Story on a Fire Report)

Dalawang katao ang nasawi, tatlo ang nasaktan at tatlong gusali ang natupok sa isang
sunog noong Oktubre 17 sa Perla St., Lungsod ng Pasay, sanhi ng nagliyab na kawad ng
koryemte sa kisame ng Ever Pharmacy.

Kinilala ng pulisya ang mga nasawi: Jose Ramos, 46, may-ari ng Ever Pharmacy at si
Maria Moncada, 16, ang kaniyang utusan.

Ang mga nasaktan, ayon din sa pulisya ay sina Juan Corpuz, 18; Romeo Taruc, 21 at
si Dante Aquino, 25, pawang manggagawa.

Ang mga natupok ay ang Ever Pharmacy, Go Chong Sari-sari Store at ang Ramos
Grocery. Tinatay na ang kabuuang halagang napinsala ay aabot sa 50 milyong piso.

Ang apoy ay nasugpo ng bombero pagkalipas ng tatlong oras.

 Balitang Maraming Itinatampok o Maraming Talang Balita na Nauukol sa Sunog
(Several Feature or Composite Story on a Fire Report)

Tatlong sunog ang naganap sa Metro Manila: sa Perlas St., Lungsod ng Pasay, Oktubre
17; sa 16-B Paz St., Paco, Maynila sa araw ring yaon, at sa San Roque St., Pandacan, Maynila,
Oktubre 21.
Dalawang katao ang nasawi, tatlo ang nasugatan at tatlong gusali ang natupok sa
Pasay. Kinilala ng pulisya ang mga nangamatay na sina Jose Ramos, 46, may-ari ng Ever
Pharmacy; at si Maria Moncada, 16, ang kaniyang utusan.
Ang mga nasaktan, ayon din sa pulisya ay sina Juan Corpuz, 18; Romeo Taruc, 21; at
si Dante Aquino, 25, pawing manggagawa.
Ang mga natupok na gusali ay ang Ever Pharmacy, Go Chong Sari-sari store at ang
Ramos Grocery. Tinataya na ang kabuoang halagang napinsala ay aabot sa kalahating milyong
piso. Ang apoy ay nasugpo ng bomber pagkalipas ng tatlong oras.
Samantala, ang bahay naman ni Piskal Roman Santos sa Paco na nagkakahalagang
₱600, 000 ang nasunog. Hanggang sa kasalukuyan hindi pa nababatid ng may kapangyarihan
ang pinagmulan ng sunog at wala pang ulat tungkol sa mga taong nasaktan.
Ang naging biktima ng sunog sa Pandacan ay ang pamilya ni G. Juan Vasquez. Napag-
alaman na ang apoy ay galling sa isang sumabog na kalang de-gas.
“Tinangka naming sugpuin ang apoy sa pamamagitan ng fire extinguisher ngunit kami’y
nabigo,” ang salaysay ni Gng. Vasquez.
Ang maagang pagdating ng bombero ang nakapigil sa pagkalat ng apoy sa mga
kapitbahay.

Pag-isipan:

1. Saang aspeto nagkapareho ang dalawang balita? Saan nagkaiba?

2. Magbigay ng mga patunay na ang ikalawang halimbawang balita ay komposit.
3. Ano ang kahalagahan ng ganitong anyo ng pagbabalita?