Isang mapagpalang araw sa lahat.

Labis ang aking kagalakan sa tagumpay ng pagdiriwang ng Buwan ng Wika

ngayong taong kasalukuyan.

Ang akin pong taos-pusong pasasalamat sa aming Nanunuparang Katuwang

na Pansangay na Tagapamanihala ng mga Paaralan, Nanunuparang
Tagapamanihala Opisina ng Punong Pampaaralang Namamahala sa
Operasyon, Dr. Jerry Dimla Cruz, CESE sa inyong hindi mapapantayang
suporta sa Departamento ng Filipino na naging susi ng tagumpay ng gawaing
ito.

Nais ko ring bigyang pagpupugay ang lahat ng guro sa aming departamento na

naging tulay upang maihatid sa mga mag-aaral ng ating sintang paaralan ang
mga gawaing magiging daan ng tagumpay sa paglinang ng kasanayan at
kakayahan na makapag-aangat ng kamalayan ng mga mag-aaral ukol sa wika
at kasaysayan nito.

At lalong higit, nais kong ipahatid sa mga mag-aaral na nakiisa sa pagdiriwang

na ito ang aking kagalakan at pasasalamat na bagaman tayo ay nasa panahon
ng pandemya ay patuloy pa rin ang inyong suporta at pakikiisa sa mga gawain
ng paaralan. Lubos ang paghanga naming sa inyong lahat sa ibinahagi
ninyong talento sa pamamagitan ng paglahok sa iba’t ibang patimpalak sa
selebrasyon ng Buwan ng Wika.

Muli, atin pong iangat ang ating kamalayan ukol sa ating wika. Atin itong
gamitin at pagyamanin.

Pagpapala sa lahat.

EAGUIRRE-CAPANGPANGAN