Clarence Carlo L.

Araja Pagsasaling Wika

IE2-1

Paunang Pagtataya

1. Anu-ano ang mga benipisyo na aking matatamo sa pagkakatuto ng pagsasaling-

wika?

- Madami tayong pwedeng maging benepisyo na matamo pagdating sa

pagkakatuto ng pagsasaling-wika. Isa na rito ang pagkakaroon natin ng mas
mabuting pagkakaintindi sa mga wikang magiging sangkot sa ating pagsasalin.
Kung nais nating magsalin ng isang teksto papunta sa ibang wika, mapipilitan
tayong intindihin ng husto ang istruktura, ayos, estilo, atbp. ng simulain at tunguhing
wika upang maisalin natin ito ng wasto. Isa pa sa mga benepisyo ng pwede nating
matamo sa pagkakatuto ng pagsasaling-wika ay ang pagkakaroon natin ng
magandang relasyon sa mga banyaga na hindi gaano o hindi marunong magsalita
ng ating wika. Pwede nating gamitin ang kakayahan natin sa pagsasaling-wika
upang isalin ang mga bagay na hindi nila naiintindihan at maipaliwanag sa kanila
ang kahulugan ng mga ito sa paraang maiintindihan nila.

2. Alin ang aking magiging panig sa usaping, agham o sining ba ang pagsasaling-
wika?

- Para sa akin, dapat hindi tayo mamili kung ang pagsasaling wika ay
agham o sining dahil ito ay parehas ng agham at salin. Ang pagsasalin ay maaring
maging parehas na agham at sining dahil ang pagsasaling-wika ay isang mahaba at
masalimuot na proseso at kinakailangan nating maipahayag ang damdamin ng
teksto sa orihinal nitong wika. Maaring maging hindi epektibo ang ating pagsasalin
kung ituturing lang natin na agham lang o sining lang ang pagsasaling-wika.

3. Paano ako magiging isang epektibong taga pagsalin?

- Para tayo’y maging isang epektibong taga-pagsalin, kailangan nating sundan
ang lahat ng alituntunin sa pagsasaling-wika. Ilan sa mga ito ay ang hustong
pagbasa ng teksto na ating isasalin, pag-intindi sa mensahe ng ipinapahayag ng
teksto, pagsasaalang sa istruktura at gramatika ng ating salin, atbp. Ang
pagsasaling-wika ay hindi isang madaling gawain at kakailangan talaga nating
umulit ng umulit hanggang sa makuha natin ang wastong salin. Kailangan natin
ng mahabang pasensya ay siyempre ang pagsasanay sa pagsasalin upang tayo
ay maging isang epektibong taga-pagsalin.