BUSINESS PLAN

I. EXECUTIVE SUMMARY

Madalas ito ang pinakaunang bahagi ng business plan pagkatapos ng title page. Ang executive summary ay
naglalaman ng mga pangunahin at pinakamahalagang impormasyon tungkol sa iyong kumpanya.

 Ano ang ginagawa ng kumpanya mo?

 Ano ang iyong mga produkto o serbisyong binebenta?
 Ano ang mission statement ng kumpanya mo?

Ano ang iyong pinakamahalagang competitive advantages at disadvantages (mga ginagawa ninyo kung saan
mas magaling kayo kumpara sa iba, at mga bagay na hindi mo nagagawa ng kasing husay nila) pati na rin
operational strengths at weaknesses (mga nagagawa niyong mabuti sa negosyo at mga problema niyo sa
pagpapatakbo ng negosyo)? Ang lahat ng iyong at iba pa ay dapat nakabuod sa bahaging ito.

Bukod pa roon, sabi ng iba kailangan mo ring pag-usapan dito ang mga bagay na kailangan mo mula sa mga
taong magbabasa ng iyong plan. Kapag kailangan mo ng investment dahil sa iba ibang bagay, pwede mo silang
ilarawan dito. Siguraduhin mo lang na kaaya-aya ito para sa mga investors.

II. BUSINESS OR COMPANY DESCRIPTION

Kailangan nakalagay dito ang mga pinakamahalagang detalye ng iyong industriya at kumpanya. Gaano kalaki
ang iyong organisasyon? Saan kayo nakabase o nasaan ang opisina ninyo? Ano ang tunay na ginagawa ng iyong
kumpanya? (i.e. manufacturing products, services and repairs, atbp.)

Kailangan mo ring ilagay dito ang pinakamagagandang impormasyon tungkol sa kumpanya ninyo. Sabihin mo
ang mga bagay kung saan magaling ang kumpanya nyo at kung anu-anong bagay ang nakatutulong sa iyong
negosyo, tulad ng mga competitive advantages, operational strengths, technological advantages, at iba pa.

III. ORGANIZATION AND MANAGEMENT

Ano ang legal structure ng iyong kumpanya? (Sole proprietorship? Corporation?) Sino sino ang iyong
pinakamatataas na executives at team members? Mayroon ba sa inyong may special skills o experience na
mabuting makilala ng mga investors? May mga tauhan ka bang makatutulong ng husto sa iyong kumpanya
upang magtagumpay?
IV. MARKET STRATEGY OR MARKET ANALYSIS

Pag-usapan mo nang mabuti ang mga pangyayari sa iyong industriya at ang market na gusto mong pasukin.
Maraming tao ba ang bibili ng mga produkto o serbisyo mo? Papatok ba ang negosyo mo sa kasalukuyang
panahon? May mga bagong trends ka bang pwedeng gamitin? Mayroon din bang bagong developments o
posibilidad na pwedeng magdulot ng masamang epekto sa iyong negosyo? Alin naman doon ang magagamit mo
para lumakas ang posisyon ng iyong negosyo?

Anong klaseng tao (o organisasyon) ang nasa iyong target market (mga pagbebentahan mo)? Sinu-sino ang
iyong pinakamahahalaga customers? Sino ang mga taong bibili ng iyong produkto o gagamit ng iyong mga
serbisyo?

Bago pa iyon, kailangan mo ring alamin kapag may malaking market para sa iyong produkto o serbisyo, at kung
kaya nitong suportahan ang pangangailangan niyo. Kapag mali ang kalkulasyon mo dito, baka matulad ka sa
mga kumpanyang nagbebenta dati ng segway at “hoverboards”. May maganda nga silang produkto, pero hindi
naman pala ganoon kalaki ang market (walang masyadong bumibili).

V. COMPETITOR ANALYSIS

Ang isang mahalagang business tip na natutunan ko ay mabuti kapag mayroon kang kompetisyon. Kapag may
competitors ka na gumagawa ng produkto o serbisyong katulad ng iyo, ibig sabihin noon may market nga para
sa produkto mo. May mga taong bumibili ng mga bagay na gusto mong gawin, at marami ang bumibili kaya
may mga negosyong nabubuhay at lumalago dito.

Ang tanong naman ngayon, ano ang pwede mong matutunan mula sa iyong competitors? Ano ang ginagawa
nila? May mga trends ba silang sinusundan o sinisimulan? Ano ang pagkakaiba mo sa kanila? Bakit ka naman
pipiliin ng mga customers at hindi ang kakompetensya mo?

VI. PRODUCTS AND SERVICES

Ilarawan mo ng mabuti ang mga produkto at serbisyong ibebenta mo. Ano ang mga ito at ano ang benepisyong
naibibigay nila? Paano ito ginagawa? May mga kaparehong produkto ba sa market? Gaano kabuti ang iyong
produkto kumpara sa iba? Bukod sa lahat, pag usapan mo kung bakit gugustuhin ng mga customers ang iyong
produkto. Anong pangunahing benepisyo ang ibibigay ng iyong produkto o serbisyo sa ibang tao?
VII. MARKETING STRATEGY

Anong niche o specialization ang papasukin mo? Sinu-sino ang iyong ideal customers (mga taong tamang tama
para sa kanila ang iyong produkto)? Paano mo ipropromote o iaadvertise ang iyong produkto sa iyong mga
customers? Paano mo ibebenta ang produkto mo? Anong mga tindahan ang magiistock nito? Ibebenta mo ba ito
online? Paano mo gagawin ang pagtanggap ng orders at delivery? Ang lahat ng iyon at higit pa ay dapat kasama
sa iyong marketing strategy.

VII. FINANCIAL PLAN/ANALYSIS/PROJECTIONS

Kung kinakailangan mo ang funding, dito ang pinakamainam na lugar kung saan mo pwedeng ilagay iyon.
Ilarawan mo ang halagang kakailanganin mo, saan mo ito gagamitin, ang mga terms na gusto mo, at marami
pang iba. Gumawa ka ng napakaayos at detalyadong estimates ng posibleng cash flow, income statements,
balance sheets at iba pa dito.

Doblehin mo ang expected overhead projections (ang budget mo para sa iyong gastusin sa darating na taon).
Gaano ka man kametikuloso, mayroon palaging nakatagong babayaran na susurpresahin ka.

Habang sinasabi ng iba na nagiging walang kwenta ang battle plans kapag nakaharap mo na ang mga kalaban at
ang mga business plan ay nagiging walang kwenta kapag nakaharap mo na ang mga customers, kailangan mo
pa ring gumawa ng business plan. Sabi nga naman ng iba, ang mga hindi nagplaplano ay nagplaplanong
mabigo. Kailangan mo lang maging flexible at handang magbago ng ibaibang bagay kapag kinakailangan. Ang
business plan nga naman ay isang mabuting simula para sa mga bagay na kailangan mong gawin AT ito rin ay
mabuting dokumento kapag naghahanap ka ng mga investors.
Paaano gumawa ng business plan?

Dahil excited tayong magsimula sa ating negosyo kadalasan hindi na natin naiisip na gumawa ng isang business
plan. Isa daw ito sa pinakamahalagang kasangkapan upang maging matagumpay ang ating negosyo, dito natin
malalaman kung anu-ano ang mga kailangan natin sa ating binubuo o bubuoin na negosyo.

Hindi rin kailangan na maging komplikado ang iyong business plan o mahaba ang nakasulat. Gawin mo ito
napaka-simple para hindi maging mahirap para sa 'yo, at hindi rin mahirapan ang iyong isip habang binubuo mo
ang iyong business plan. 

Buod Ehekutibo (Executive Summary)

Dito natin ilalagay ang impormasyon tungkol sa negosyo, pwedeng magbanggit kung ano ang ititinda at mga
basic na impormasyon tungkol sa kabuuan ng iyong negosyo. 

Halimbawa: 
Nagtitinda kami ng sisig para sa mga tao sa sampung barangay dito sa Maynila.
Nagsimula kami sa isang tindahan at ngayon ay tatlo na ang aming munting tindahan. 
Binubuo ng apat na katao ang aming negosyo, mayroong nangangasiwa ng marketing, ng operasyon ng
negosyo, ng human resources, at business develeopment.

Business Objectives (Layunin ng Negosyo)

Ano ang objectives ng business mo?
Ano ba ang ginagawa ng negosyo mo?
Ano ang gusto mong mangyari sa iyong negosyo? 

Halimbawa:
Para magtinda ng masarap na ulam at pulutan para sa mga tao dito sa aming barangay at mga kalapit barangay.
Kung mayroon kang kakaibang ginagawa maaari mong pahapyaw na banggitin yan dito, at pagdating sa
marketing strategy o sa uniqueness ng negosyo may maaari mo itong ilagay sa ibang segements ng iyong
business plan.
- Maging nangungunang tindahan ng (pangalan ng negosyo) sa Metro Manila
- Magbigay ng masarap at abot kayang (pangalan ng negosyo) sa mga parakyano nito
- Makabenta ng 100 order ng Sisig bawat araw sa bawat tindahan

  

Mission Statement  (Layunin ng Negosyo)

Ang mission ng (ilagay ang Pangalan ng Negosyo dito) ay makapagbigay ng masarap at abot kayang pagkain
para sa prokyano nito. Gumamit ng dekalidad na mga sangkap para sa aming mga customers. Naniniwala kami
ng kung tama at dekalidad ang mga sangkap ay patuloy na darating at bibili ang aming mga parokyano.

Guiding Principles 
(Mga Prinsipyong Gumagabay sa iyong Negosyo)
Serbisyong taos puso ang aming ibinibigay sa aming mga customers, palagi din nakangiti ang aming mga
tauhan, bawal sa amin ang nakasimangot.
Magandang asal ang nangingibabaw sa aming mga staff at ibinibigay namin ang nararapat sa aming mga
customers.
Masarap at Makatwirang halaga ng produkto ang aming handog sa lahat ng aming mga parokyano.
   
Keys to Success (Susi ng Tagumpay)
Masarap ng produkto at dekalidad na sangkap ang isa susi ng aming tagumpay, mga premera klaseng
ingredients ang aming ginagamit sa aming mga produkto.
Mababait, palangiti, magagalang at tapat na crew ang isa pa sa aming susi ng tagumpay.
Dahil sa mabuting asal at masarap na producto bumabali-balik ang aming mga customers.

Company Description (Paglalarawan ng Kompanya)

Nagtitinda kami ng masarap ng (pangalan ng produkto), at ito ay pagmamaari ng dalawang tao na sina (ilagay
ang pangalan kung nais)
Bukas kami araw-araw mula alas diyes ng umaga hangang ala una ng madaling araw.

Ownership (Pagmamay-ari)
Ang negosyong ito ay pagmamay-ari ni (ilagay ang pangalan ng may ari o ng mga may-ari)
Ilagay lahat pangalan ng may-ari ng negosyo dito. Pati ang mga industrial partners o mga taong walang ambag
ng pinansyal sa negosyo
  
Legal Form (Legal na impormasyon)
Ilagay dito kung ito ay sole proprietorship o korporasyon. Ilagay din dito ang lugar kung saan nakalagay ang
negosyo. Kung higit sa isa ang branch ng inyong negosyo ay ilagay din dito o kaya ay magbigay ng link sa
internet kung saan makikita ang bawa branch nito upang makatipid sa espesyo.

Start-Up Summary (Panimulang puhunan at impormasyon)

Ilagay dito kung magkano ang inyong inisyal na gastusin o puhunan. At kung saan nanggaling ang panimulang
puhunan, kung sino-sino ang nag-ambag upang mabuo ang kapital, pati na rin kung ito ay hiram na kapital.

Location and Facilities Services (Lugar kung saan naroon ang negosyo)
Ilagay dito ang buong address ng negosyo, kung ano-anong baranggay malapit dito at kung may impormasyon
ka tungkol sa dami ng taong nakatira sa lugar kung nasaan ang negosyo ay isama mo na rin, dahil makatutulong
ito upang malaman ang potensyal ng negosyo. Ilagay din kung ito ba ay nasa isang business district o sa
maraming kabahayan o malapit sa palengke o malapit sa mga maraming tindahan.
Ito ba ay nasa isang malaking gusali o building o nasa isang maliit na tindahan. Ilagay mo rin kung may mga
sasakyan sa lugar na ito.

Daily Operations and Production

(Sino-sino ang gagalaw o gagawa ng pang-araw-araw na gawain sa negosyo)
Ilagay dito kung sinu-sino ang mga taong gagawa o gagalaw sa iyong negosyo. Ikaw ba mismo o may taong
kang uupahan para gumawa nito. Kailangan na detalyado ang bahaging ito tulad ng ibang bahagi dahil isa itong
kritikal na bahagi ng business plan.
Dito mo malalaman kung ikaw mismo ang dapat na gumawa kung wala kang makuhang tao para sa pang araw-
araw ng gawin o kailangan mong kumuha ng taong iyong makakatulong.
Linawin mo sa lahat ng mga kasama sa negosyo ang kani-kanilang mga tungkulin para sa negosyo.

Competitive Comparison (Sino-sino ang mga kalaban ng iyong negosyo)

Ilagay dito kung sinu-sino o anu-ano ang mga kalaban ng iyong negosyo. Ilagay ang kanilang mga pangalan at
lugar kung saan sila naka-pwesto at kung gaano sila kalayo sa iyong negosyo.
Maganda kung liligirin mo ang iyong mga kalaban na negosyo at kung maaari ay kunan mo ng letra to upang
magkaroon ka lamang ng basehan kung paano mo mas paggandahin ang iyong lugar ng negosyo.
Ilagay mo rin ang mga menu o klase ng produkto o serbisyo nila upang magkaroon ka ng basehan kung saan mo
sila mas malalamangan sa lasa ba ng pagkain o sa presentasyon o sa serbisyo. Kailangan mong saliksikin ang
iyong mga kalaban ng mabuti.

Suppliers (Mga Kontak na Suppliers para sa iyong mga stocks o taga-gawa ng serbisyo)
Dito mo ilagay iyong mga kontak na suppliers ang kanilang mga telephone numbers, lugar o address ng
negosyo at kung ano ang kanilang mga produkto o serbisyo na iyong magagamit o ginagamit sa iyong negosyo.
Mahalaga din na ilagay ang mga contact persons, dahil sil ang mga taong iyong palaging makakausap patungkol
sa mga supplies or services na kanilang ibibigay sa iyo.

Kailan ang kanilang araw at oras ng pagdadala ng mga produkto sa iyo. Maaari ba na utangin ang mga produkto
o kailangan na bayaran agad ang mga ito upang makapag deliver sila.

Management Controls (Pamamahala ng negosyo)

Sino ang may karapatan at may hawak ng pamamahala, ang proseso ng pamamahala, ito ay isang kritikal na
bahagi din ng iyong negosyo. Mabuting alam mo at lahat ng taong sangkot sa negosyo kung ang klase ng
pamamahala ang magaganap at kung paano magkakaroon ng check and balance pagdating sa lahat ng aspeto ng
negosyo.
Ilagay din dito kung paano gagawin ang inbentaryo ng iyong mga produkto, gagaano kadalas at sino ang
gagawa nito.
  
Administrative Systems
(Mga Sistemang pang Administratibo)
Ito ang mga kailangan na ilagay sa sistemang administratibo

Human resources
Sino ang mamahala ng pagtanggap ng mga tao sa iyong negosyo. Kung hindi pa naman kailangan ang human
resources department o contact person ay maaaring mo itong lagtawan o huwang isama.

Payroll
Sino ang mangangasiwa ng payroll at ano ang Sistema gagamitin? 
Huwag mangamba kung hindi ka bihasa dito matutunan mo rin ito. Hindi mahirap ang magpasahod ng iyong
tauhan, maaari mo itong gawing arawan, lingguhan o tuwing ikalawang linggo. Ang mahalaga ay tama ayong
iyong ipanapasahod sa iyong mga tauhan.
  
Inventory
Kailangan na magkaroon ng sistema ang iyong inbentaryo, sa simula ay ay maaari mo itong ilagay lamang sa
isang notebook o ledger ngunit kapag nagtagal ay maaari mo na itong ilagay sa isang excel sheet upang mas
maging maaayos ang iyong Sistema ng inbentaryo.

Purchasing
Nakalagay din dapat dito kung sino ang mamamahala ng pamimili at pakikipag usap sa iyong mga suppliers, at
kailangang din na may system ka ng pagtanggap ng mga invoice, mga bayarin, at mga ibang bagay na may
kinalaman sa pagbili ng mga kakailanganin.
  
Cash Control
Kailangan ng masusing pangangalaga pagdating sa pananalipi dahil ito ang dugo't at buhay ng isang negosyo.
Ang anong halaga ay dapat na maingat na binibigyang pansin ng namamahal ng pananalapi. Ilagay din dito
kung paaano mo pangangalagaan ang iyong pumapasok at lumalabas na pera. 

Future Services 
(Serbisyo o Produkto sa hinaharap)
Dito mo ilalagay ang mga produkto o serbisyo na inyong iaalok sa inyong mga customers sa hinaharap. Ilagay
na rin ang maaaring presyo nito ang pangalan ng produkto o serbisyo at kung ano ang description nito. 

Market Analysis

(Pagsusuri sa Merkado)
Hindi naman kailangan ng sobrang detalyado ng iyong market analysis kailangan lang na mabigyan ng pansin
ang industriya ng kung saan kabahagi ang iyong negosyo. 

Ito ang mga bagay na dapat na kasama sa iyong pagsusuri: 

> Halaga ng kinikita ng inyong industrya o kinikita ng kabuuan ng mga negosyong tulad mo rin ang kalakal o
itinitinda
>Ang mga negosyong kasama sa industriya ito
>Ang maaari mong maging papel ng iyong negosyo sa industriang ito

Industry Analysis
(Pagsusuri sa Industriya)
Ito ang mas komprehensibong pag talakay sa Industriya kung saan kabilang ang iyong negosyo. Kung nais mo
maaari mo ding gamitin ang ibang impormasyong iyong nasaliksik na sa iyong market analysis. 

Market Size
(Laki ng Merkado)

Dito mo ilalagay kung gaano kalaki ang merkadong kinabibilangan ng iyong negosyo. 

Industry Participants
(Sinu-sino ang mga kasama sa industriyang iyong kinabibilangan)

Isama o ilagay mo dito lahat ng mga negosyong kabilang sa industriyang kinabibilangan ng iyong negosyo.
Ilista ang agad na pumasok sa iyong isipan at unti-unti ay idagdag mo ang iba pang kabilang dito habang
nakatutuklas ka ng iyong mga kakompetensya. 

Main Competitors
(Mga kalaban sa negosyo)
Ilagay mo dito ang iyong mga direktang kalaban sa negosyo. Halimbawa kung ikaw ay nagtitinda ng sapatos na
pambabae ay ilagay mo lamang dito ang kompanyang nagtitinda ng sapatos na pambabae, at  hindi ang ibang
kompanyang nagtitinda din sapatos ngunit hindi pambabae ang tindang sapatos. 

Market Segments
(Ang iyong bahagi sa merkado)

Dito mo ilalagay kung sinu-sino ang magiging parokyano mo. Ilang taon sila? 
Ano kanilang kasarian?  Babae ba sila o lalaki? 
Saan sila nakatira? 
Mayroon ba silang trabaho o wala? 
Dito mo kikilalanin kung sino ang iyong mga customers

Market Tests
(Matatawag din itong Pagsusuri ng Merkado)
Ang kaibahan ay dito ang mismong mga parokyano ng negosyo magsasabi kung talagang posibleng magbukas
ng negosyo tulad ng sa 'yo dahil naranasan na nila ang gamitin ang iyong produkto o serbisyo. Dito mo
malalaman kung pwede ka ng sumabak sa iyong napiling negosyo. 

Target Market 
(Ang sakto kostomer ng iyong negosyo)
Dito mo ilalagay kung sino ang mga taong bibili sa iyong produkto sila ba ay babae o lalake, may trabaho o
wala, bata o matanda. 

Market Needs
(Kailangan ng Merkado)
Dito nakasaad ang pangangailangan ng merkado. Halimbawa kulang ang nagtitinda ng maaayos na damit sa
inyong lugar maaari kang magtayo ng tindahan ng damit. O kaya naman ay walang specialty store doon ng mga
pambatang laruan.

Market Trends
(Ano ang mga nangyayari sa merkado sa ngayon)

Kailangan na magsaliksik tungkol sa iyong industriya. Maaari kang kumuha ng impormasyon sa internet o sa
mga sangay ng gobyerno tulad ng National Statistics Office. 

Market Growth
(Paglago ng merkado)