MGA BANGHAY/BALANGKAS NG AKDANG

MEDITERRANEAN

SI PYGMALION AT SI GALATEA
(SIMULA)

 Si Pygmalion ay isang makisig na eskultor na kinahuhumalingan ng maraming

kadalagahan ngunit kailanma’y hindi sya nagpakita ng interes sa sinumang babae.

 Upang hindi magambala ng mga kababaihan, ginugol ni Pygmalion ang lahat ng

kanyang oras sa paglilok at hindi kapani-paniwalang lumikha siya ng isang babae bilang
kaniyang obra maestra na pinangalanan niyang Galatea.

 Nang katagalan ay umibig siya sa estatwa dahil tila lahat ng katangiang hindi nya
matagpuan sa kahit sinong totoong babae ay nasa kaniyang obra na.

(PATAAS NA PANGYAYARI)

 Tuluyan nang nagbago ang mundo ni Pygmalion. Nauubos na ang kaniyang panahon sa
pakikipag-usap sa isang estatwang inaalayan rin niya ng mga regalo.

 Naiiling na lamang ang mga tao at hindi malaman kung maaawa o matatawa ba sa
binata. Subalit walang halaga kay Pygmalion ang ano mang isipin o sabihin ng iba.

 Ang balitang pagkakahumaling ng binata sa isang estatwa ay kumalat sa bayan at

nakarating kay Aphrodite, ang diyosa ng pag-ibig at kagandahan.

 Naawa ang diyosang si Aphrodite sa kalagayan ng binata dahil hindi masuklian ang pag-
ibig nito.

(KASUKDULAN)

 Nang sumapit ang kapistahan ng diyosang si Aphrodite ay nagtungo si Pygmalion sa

templo upang mag-alay at umusal ang dasal na magkaroon siya ng kasintahang katulad
na katulad ng estatwang kaniyang nilikha.

 Narinig ng diyosa ang hiling ng puso ng binata kaya binigyan niya ito ng isang tanda.
Ang apoy mula sa sinunog na alay ay tatlong beses pumailanlang.

(PABABANG PANGYAYARI)

 Pag uwi sa kaniyang tahanan mula sa templo ay agad niyang niyakap ang estatwa subalit
laking pagtataka niya ng maramdaman ang init ng katawan nito.

 Nang halikan niya ang estatwa, nagtaka siya kung bakit malambot ang mga labi nito.
Nang titigan niya si Galatea ay lubos ang galak ni Pygmalion dahil buhay ang babaeng
 pinakamamahal niya.

 Ngayon ay alam na niya ang pinakitang palatandaan ng diyosang si Aphodite sa templo

ay ang pagbibigay-buhay kay Galatea.

 Sa kabila ng lubos na kagalakan ay hindi niya nakalimutang magpasalamat kay

Aphrodite. Agad siyang bumalik sa templo at nanikluhod sa paanaan ng diyosa bilang
tanda ng pasasalamat.

(WAKAS/KATAPUSAN)

 Hindi nagtagal, naganap ang pinakamasayang pangyayari sa buhay si Pygmalion. Ang

pag-iisang-dibdib nila ay binasbasan ni Aphrodite.

 Biniyayaan sila ng panganay na lalaki na pinangalanang Paphos, isinunod ng mga

mamamayan ng Cyprus sa isang bayan na matatagpuan sa bansa. At isa pang anak na
babaeng pinangalanan namang Metharme.

 Sa kabila ng lahat ng ito ay hindi nakalimutan ng pamilya ni Pygmalion ang

magpasalamat sa diyosang si Aphrodite sa pamamagitan ng pag-aalay sa templo taon-
taon na ikinatuwa naman ng diyosa.

 Ang pagtatagpo ni Pygmalion at Galatea ay nagsilbing inspirasyon sa buhay pag-ibig ng

nakararami.

(SARILING OPINYON)

 Ang akdang ito ay nagsilbing inspirasyon para sa mga taong nagmamahal na huwag
mawalan pag-asa at patuloy na maniwala sa taong pinag-aalayan natin ng pagmamahal.

 Nagpakita din ito ng mga bagay na ang pagbabago ng isang tao ay hindi imposible.
Dahil si Pygmalion na isang lalaking walang tipo sa mga babae ay natutong magmahal at
ialay ang kaniyang tiwala sa isang babaeng tila imposibleng maging kaniyang kabiyak.

ANG PARABULA NG SAMPUNG DALAGA

(SIMULA)

 Isang malaking kasalan ang inihahanda ng mga Hudyo sa bayan ng Israel. Isang maringal
at malaking kasalan na pinaghahandaan ng mahabang panahon.

 Nagsimula ito sa pag-uusap at pagkakasunod ng ama ng mga ikakasal na sinundan ng

pagtanggap ng dalaga sa panunuyo ng kanyang mangingibig.

 Pinag-usapan ang mga detalye ng kasalan, lugar at mga paghahandang gagawin. Kung
magkano ang dote o bigay-kayang ipagkakaloob sa dalaga.

(PATAAS NA PANGYAYARI)
 Nang matapos ang kasunduan ay lumayo muna ang binata upang ihanda ang kanilang
magiging tahanan.Halos isang taon ang kanilang pagkakalayo na sumubok sa katatagan
ng kanilang pagmamahalan.

 Ang kasalan ng mga hudyo ay karaniwang ginaganap sa gabi.

 Nang sumapit na ang gabing pinananabikan ng lahat ay unang pumunta ang binata sa
bahay ng dalaga upang ito ay sunduin.