MA. ROSEMARIE A. TRANGIA Bb.

Victoria Dorado Palma

BSCE 2-A Ika-20 ng Nobyembre, 2021
FILIPINO-3
GAWAIN: Pumili ng Epiko at gawan ng buod ito.

“Indarapatra at Sulayman”
(Epiko ng Maguindanao)
Pamagat ng napiling Epiko

BUOD NG EPIKO

Ang Indarapatra at Sulayman ay isang epikong-bayan ng mga Maguindanao

sa Mindanao. Inaawit na ito bago pa man dumating ang paniniwalang Islam sa
isla. Pangunahing tauhan nito ang magkapatid na sina Raha Indarapatra at Raha
Sulayman at kung paano nila iniligtas ang Mindanao laban sa mga halimaw. Hari si
Indarapatra ng Mantapuli, isang malaki at dakilang lungsod na pinamamahayan ng
maraming tao, samantalang magiting na mandirigma si Sulayman. Bukod sa
epikong-bayang ito, lagi ring nababanggit si Indarapatra sa ibang kuwentong-
bayang Maguindanao, at maituturing siyang kanilang maalamat na bayani.

Nagsisimula ang Indarapatra at Sulayman nang mababalitaan ni Indarapatra

ang malimit na pananalakay ng mga dambuhala at mababangis na hayop sa ibang
panig ng Mindanao, sa labas ng kaniyang kaharian ng Mantapuli. Ipinatawag niya
ang kapatid na si Sulayman. Papakiusapan niya itong puksain ang mga halimaw, at
ipahihiram ang kaniyang mahiwagang singsing at mahiwagang kris, ang Juru Pakal,
na animo’y may sariling isip sapagkat káya nitóng lumusob sa kalaban nang mag-
isa. Pagkatapos ng iba pang tagpo at labanan, sa dulo ng salaysay ay
ipanganganak sina Rinamuntaw at Rinayung, kambal na anak na lalaki at babae ni
Indarapatra at sinasabing ninuno ng ilan sa mga tribu ng rehiyon ng Lawang
Lanao.

Ayon sa aklat ni Damiana L. Eugenio, umaayon ang lunan ng epikong-bayan

sa lupaing pamilyar sa mga Magindanaw, tulad ng mga bundok Kabalalan,
Matutun, Bita, at Gurayn. Kahit may nakapasok na mga pangalang Arabe,
nananatili pa rin daw tapat ang naratibo sa katutubong tradisyon ng mga
Magindanaw.

MAIKLING KWENTO:

“Indarapatra at Sulayman”
(Epiko ng Maguindanao)
Si Emparador Indarapatra ay isang matalino, magiting, at mabuting
emperador ng Kahariang Mantapuli. Mayroon siyang kakaibang sandata—isang
sibat na kapag inihagis sa kaniyang mga kaaway ay babalik sa kaniya. Kinakaya
niya ang mga salot na gumagambala sa aknila kabilang ang isang dambuhalang
halimaw.

Gayunman, mayroong apat na salot na gumagambala noon sa Mantapuli.

Hindi ito kakayanin ni Indaraptra kaya naman nanghingi siya ng tulong sa isang
bayani.

Layunin nitong matalo ang apat na salot na kinabibilangan nina Kurita,

maraming paa at kayang kumain ng limang tao sa isang buka ng bibig; Pha, isang
ibong may malaking pakpak na kayang padilimin ang isang lugar; Tarabusaw,
anyong tao na kayang kumain din ng tao; at si Kurayan na isang ibong mayroong
pitong ulo.

Kumasa si Sulayman sa misyon. Naglagay siya ng mahiwagang bulaklak sa

bintana. Sa oras na malanta ito at hindi pa nakababalik si Sulayman, ibig sabihin
ay namatay na ito.

Napuksa ni Sulayman ang lahat ng halimaw, ngunit nadaganan siya ng

malaking pakpak ng isang halimaw na ikinamatay niya. Nalanta ang bulaklak.

Nagtungo si Indaraptra sa kinaroroonan ni Sulayman. Sa pamamagitan ng

panalangin kay Bathala ay muling nabuhay si Sulayman. Ikinasal siya sa isang
magandang dilag na kaniyang nailigtas.