PANGERAN SECOADININGRAT II

Pangeran Secoadiningrat II anèka sareng sapopona èbhuna sè asmana Dewi Sarini, lajhu ngaghungè
pottra binè’ anyama Saini kalabân nyama jhuluk. Radhin AjuPottrè Konèng, amarghâ kolè’na konèng
ngamennyor. Pottrè Konèng tombu jhurbhu dhâddhi orèng binè’ sè raddhin tèngkapolana (P. Secoadiningrat
II nyemma’ ḍâ’ Pottrè Konèng sè parappa’na alèngghi neng taman).

P. Secoadiningrat II : “Tang ana’….., apa sè èkalako bâ’na?, arapa ma’ ce’ Kominagghâ.

Pottrè Konèng : “Rama …, saporana sadhâjâna kacangkolangan abdhina sè ta’ bisa matekka hajhât pa-
ponapa sè èkasokanè Rama. (Ca’èpon Pottrè Konèng kalabân sowara alos).”

P. Secoadiningrat II :”Aḍhâsar apa bâ’na ngoca’ paḍâ moso jârèya?.

Kadhâddhiyân panèka ampon kalampan abit sè akhèrra Pottrè Konèng amèt ḍâ’ Rama tor èbhuna
ka’angghuy atapa neng Ghuwâ Pajhuḍḍhân.

Pottrè Konèng : “Rama…, abdina nyo’on kalabân bellâs kanèserrè abdhina.” Abdhina atapa’aneng
Ghuwâ Pajhuḍḍhân

Sa’amponna na-ngarèna tor èbhâng-tèmbhâng akhèrra orèng seppona Pottre Konèng ngèdhinè
kalabân syarat èbhârengngè sareng kabulâna.

P. Secoadiningrat II : “Kèbâ kabulâna bâ’na!”

Pottrè Konèng : “Èngghi Rama.”

Ebhuna : “Tè-ngatè Na’.(Ebhuna kobâter dâ’ Pottrè Konèng)

Pottrè Konèng mangkat adhina’aghi karaton nojjhu ghuwâ Pajuḍḍhân. Pottrè Konèng ajhâlânè masa
patapa’anna kalabân ta’ ngakan, ta’ ngènom, tor ta’ tèḍung. È sèttong arè tangghâl pa’ bhellâs Pottrè
Konèng tatèḍung, sè è ḍâlem tèḍungnga ghi’ bhuru Pottrè Konèng atemmo moso orèng lakè’ ngoḍâ sè
gântheng tor gâgâ’.

Pottrè Konèng : “Sapa bâ’na?.”

Adi poday : “Sèngko’ Adi Poday.”

Ta’ sabetara abiddhâ, Pottrè Konèng abâli ka karaton kalabân èyèrèngngè kabulâna. Bit- abit,Bâḍâ
sèttong kajunèlan ḍâ’ Pottrè Konèng, iyâ arèya, neng tabu’na sajân rajâ. Nalèkana abhâreng èbhuna bân
Pongghâbâna sè parappa’na lân-jhâlânan neng taman, kalabân dhâdhâghân Pottrè Konèng modhâr.

Ebhuna : “Na’, arapa bâ’na? Apa bâ’na sakè’ ?”

Pottrè Konèng : “Ta’ onèng èbhu ! Abdhina ta’ onèng aponapa.”

Ebhuna abhâkta Pottrè Konèng sè kalerresan èghidhing sareng kabulâna nojjhu ḍâ’ kamarra.

P. Secoadiningrat II : “Bâḍâ apa? “ (Pètanyana jhughân ghetton)

Ebhuna : “Abdhina korang onèng !”

Saterrossèpon P. Secoadiningrat ngolok Pongghâbâna :

P. Secoadiningrat II : “Pongghâbâ…, “ ca’èpon P. Secoadiningrat kalabân sowara ranyèng.”

Pongghâbâ : “Bâḍâ ponapa sè Moljâ !

P. Secoadiningrat : “Ceppet olok tabib.”

Pongghâbâ : “Èngghi sè Moljâ “

Saellana abit aḍântè’, akhèrra tabibbhâ ḍâteng.

Tabib : “Bâḍâ ponapa ajunan adhikanè abdhina ? Ca’èpon tabib

P. Secoadiningrat : “Sèngko’ mènta’a tolong parèksa’aghi Pottrè Konèng “

Tabib : “Èngghi sè Moljâ !”

Tabib èdhikanèka’angghuy marèksa Pottrè Konèng

Ebhuna : “Kadhiponapa kabâḍâ’ânna ana’ Kaulâ, Tabib” Pètanyana Ebhuna

Tabib : “Saporana sè Moljâ Ebhuna, saèstona Ebhuna ta’ Songkan,tapè parappa’na kabâḍâ’ân
bhubhut.”

P. Secoadiningrat : “Pottrè Konèng …!! Apa sè èkalako bâ’na?! Bâ’na ella aghâbây aib pokpara sè rajâ, iyâ
arèya bâ’na ella nganḍung è lowar nèka. Bân ella marosak nyamana kalowarga.
Ca’èpon Pangèran P. Secoadiningrat.” Bân samarèna arosak nyama bhâghussâ Keraton
panèka”.

Ca’èpon Pangeran Saccadiningrat.

Pottrè Konèng : “Ponapa !!!... Nganḍung ? Bhunten, ta’ maso’ akal Rama! abdhina ta’ angrasa
ngalakonè (aghili aèng mata)”

P. Secoadiningrat : “Apa Ca’na bâ’na ?, ceppet mangkat ḍâri karajhâ’ân arèya !!! ca’na Ghir-maghighir”
sèngko’ ta’ terro ngabâssâ ana’ poto .

Ebhuna : “Ampon ajjhâ’ angen-angen sè paḍâ moljâ, Pottrè ponapa ana’ kodhu èyojuk ?”

P. Secoadiningrat :”Ḍiyem !! ajjhâ’ mon ana’ rowa !! jarèya ella aghâbây kèya toḍus.”

Pongghâbâ :”Tapè sè Moljâ ?”

P. Secoadiningrat :“Ceppett !! Apa bâ’na kèya terro èyojughâ ḍâri kennengngan rèya?. “Lajhu najhâ’
tanangnga Pottrè Konèng kalabân paksa, maju noro’ Pottrè Konèng.

Pottrè Konèng : “Bhunten Rama ! Bhunten “

P. Secoadiningrat : “Ḍiyem !! Ceppet nyèngghâ bâ’na :”

***

Sajjhegghâ èyojuk ḍâri karajhâ’ân Pottrè Konèng sè ngennengngè bengko abhâreng kabulâna sampè’
ia ana’na bhâbhâr. Lajhu Pottrè Konèng nyoro kabulâna ka’angghuy mowang ana’ kasebbhut.

Pottrè Konèng : “Sèngko’ sanget senneng bân nèser ka ana’, saporana èbhu !” ca’èpon Pottrè Konèng.”

Kabulâ : “Pottrè…, ampon Pottrè ! “ ca’èpon”.

Pottrè Konèng : “Bu’-embhân! Sèngko’ ta’ tèghâ ngallè bhâji’ rèya, bân apa arèya cara sè palèng
bhâghus.” Ca’èpon sang Pottrè ajhârbâ’aghi.

Kabulâ : “Ponapa maksoddhâ towan Pottrè?” pètanyana bu’- embhân kalabânatè sè ghetton.”

Pottrè Konèng : “Sabâ’ tang ana’ jârèya neng kennengngan sè jhâu ḍâri aman. Ca’na sang Pottrè.
Kakobâtèranna.”

Kabulâ : “Èngghi Towan Pottrè abdhina poron alampa’aghi sadhâjâna pangaterro towan Pottrè tor
ka’angghuy kasalameddhânna towan Pottrè. Jâwâbbhâ bu’-embhân.”

Kalabân atè sè sanget berrâ’ tor ètoro’ènyapcabbhâ aèng socana sang pottrè masra’aghi bhâji’
kasebbhut ḍâ’ ka bu’-embhân. Maka mangkaddhâ bu’-embhân ka alas tor nyabâ’ bhâji’ kasebbhut neng
kennengngan sè ella èyangghep aman. Bhâji’ kasebbhut è sabâ’ è bâbâna ka’ bhungka’an sè naong bân è
totobhi kalabân unḍâunan, saellana alampa’aghi pakon jârèya. Maka kabulâ abâli ḍâ’ ka karaton.

***

Saponapa taon ka bingkèng arè neng karaton P. Secoadiningrat abhâḍhi parjhânjiyân sè

èyomommaghi ḍâ’ sakabbhina maghârsarè Songennep.

P. Secoadiningrat :”Pasèra sè bisa makala Dempo Abâng ḍâgghi’ bhâkal èyangkat dhâddhiRato neng
Karaton panèka.”

Ngèḍingngaghi jhânjhi P. Secoadiningrat, bânnya’ ngangoḍâdhân sè nyacak ka’angghuy ènalèka

dempo bânnya’ para Ngangoḍâdhân sè taḍâ’ sala sèttong sè bisa makala, ènalèka bâḍâ kadhâddhiyân
perrang Jokotole ḍâteng ka’angghuy abhânto P. Secoadiningratka’angghuy makala Dempo Abâng.

Dempo abâng : “Sapa bâ’na na’-kana’ ngoḍâ ! jhâ’ noro’ acampor!”ca’na Dempo Abâng dhuka.”

Jokotole : “Ajjhâ’ bânnya’ caca ! Aḍhebbhi sèngko’” Ca’na Jokotole Jokotole sambi alabân.”

Paperranganna kalampan antarana Jokotole sareng Dempo Abâng sè lajhu Jokotole èyangghep
mennang ḍâlem paperrangan. P. Secoadiningrat senneng ngabâs bân ngolok Jokotole ka’angghuy
masemma’.

P. Secoadiningrat :”Sapa nyamana bâ’na kana’ sè ngoḍâ! “ ca’na P. Secoadiningrat

Joko tole :”Sembhâna ḍâ’ sè moljâ, nyama kaulâ Jokotolè “ sambi nyongkem.

P. Secoadiningrat :”Asabâb bâ’na tekka makala Dempo abâng, maka bâ’na èyangkat èpadhâddhiRato neng
Karaton arèya.”Ghi’ ta’ sempat ajâwâb, lajhu Mpu kelleng rabu.

Mpu kelleng : “Saporana abdhina sè moljâ, amarghâ lancang rok-ngèrok sè Moljâ”. Ca’na Mpu kelleng
sacara dhâdhâghân.

Jokotole : “Rama….” Ca’na Jokotole kalabân rassa takerjhât.

P. Secoadiningrat : “Ponapa ka’ ḍissa Ramana ?” Pètanyana ḍâ’ Joko tolè

Joko tole : “Èngghi sè Moljâ”

P. Secoadiningrat : “Pottrana sanget hèbat “ Ca’na P. Secoadiningrat kalabân mojhi.

Mpu kelleng : “Mator sakalangkong sè Moljâ. Sè Moljâ saèstona abdhina bâḍâ sè parloèyatorraghiyâ!“
P. Secoadiningrat : “Apa sè èkoca’aghiyâ? “

Mpu kelleng : “Saèstona abdhina bânnè orèng towana Joko. Orèng towa Jokotole sè lerres ènggghi
panèka…... “Ca’na Mpu kelleng kalabân ngètèk, Nerrossaghi cap-ocabhânna “ Sè Moljâ,
Jokotole èngghi panèka pottrana sè moljâ Pottrè Konèng“.

P. Secoadiningrat : “Ponapa ?, bhenḍer ?” ḍhâbuna P. Cakrdiningrat pètanyana.”

Mpu kelleng : “Sè Moljâ.”

P. Secoadiningrat : “Mèlana bâ’na rèya tang kompoy Jokotole “ ca’èpon P. Secoadiningrat ngepkebbhi
jokotole.

Jokotolè : “Emba …! “ ḍâlem kepkebbhânna embana

P. Secoadiningrat : ”Satèya è ḍimma tang ana’ sè anyama Pottrè Konèng ? “ Pètanyana P. Secoadiningrat
ḍâ’ Mpu kelleng Laju Pottrè Konèng ḍâteng asareng Ebhuna tor kabulâna.

Pottrè Konèng : “Hamba panèka Rama kaulâ ! “ Ca’na Pottrè Konèng.

P. Secoadiningrat : “Pottrè.”

Jokotole : “Èbhu…”

Amanat: pajhet pangestona oreng towa da’ ana’ tadek batessa ban kodhuh toro’ oca’ da’ ka oreng towa
kalaban pa ikhlas karna da’ budi areh bhekal olle belesan se sae kalaban jhendi emosi kadek manabi andik
masalah kodhu adabbhikalaban pekkeran se cellep karna masalah ponapa’ah beih pagghun bedeh jhalan
kalowarra.