LEARNER’S PACKET BILANG 5

QUARTER 2

GAWAING PAGKATUTO SA ARALING PANLIPUNAN 6

Pangalan: _________________________ Antas:____________ Q:2-Lesson: __5__

• Natatalakay ang mga layunin at mahahalagang pangyayari sa pananakop ng

Hapones. (AP6KDP-lle-5)
1. Natatalakay ang mga layunin at mahahalagang pangyayari sa
pananakop ng Hapones;
2. Nauunawaan ang mga layunin at mahahalagang pangyayari sa
pananakop ng Hapones; at
3. Nakasusulat ang mga layunin at mahahalagang pangyayari sa
pananakop ng Hapones.

ANG MGA LAYUNIN AT MAHAHALAGANG

PANGYAYARI SA PANANAKOP NG HAPONES

Sa Smile Learner’s Packet na ito, tatalakayin ang mga pangyayari sa Pilipinas

noong Ikalawang Digmaang Pandaigdig at ang pagsakop ng mga Hapones sa atin.
May apat na aralin sa modyul na ito:
• Aralin 1 – Pagsiklab ng Digmaan
• Aralin 2 – Labanan sa Bataan
• Aralin 3 – Death March
• Aralin 4 – Labanan sa Corregidor

SDO-Cam Sur_AP_Grade 6_Q2_LP 5

1
PAGSIKLAB NG DIGMAAN
Noong Setyembre 1, 1939 sumiklab ang Ikalawang Digmaang Pandaigdig. Ito
ay nang simulang lusubin ng Alemanya o Germany ang Warsaw, Poland na bahagi
ng Europa sa pamumuno ni Adolf Hitler na pinuno ng Germany. Isinunod ni Hitler na
sakupin ang Norway, Denmark, Netherlands, at Belgium. Noong Hunyo 22, 1940
nasakop nila ang France at binomba ang Britain. Ngunit lumaban ang mga sundalo
ng British Royal Air Force at nailigtas ang Britain sa mga Nazi. Noong 1939 habang
sumisiklab ang digmaan sa Europa ay nakipagkasundo ang Hapon sa Alemanya at
Italya. Ang tatlong bansang ito’y tinawag na Axis Powers o Lakas Axis.
Naging sanhi ng pagkasangkot ng Estados Unidos sa digmaan ang pagsakop
ng Japan sa Tsina. Pinutol ng Estados Unidos ang kasunduang pangkalakalan sa
Japan, kaya nawalan ng magagamit na metal sa paggawa ng mga kagamitang
pandigma ang mga Hapones. Nangunguna sa Asya ang Japan sa pagpapalawak ng
teritoryo. Kilala ang Japan bilang “Energetic People”. Noong 1931 sinakop ng Japan
ang Manchuria. Pagkatapos ng anim na taon isinunod niya ang bahagi ng China at
French Indochina o Indotsinang Pranses (binubuo ito ng Myanmar, Laos, Cambodia,
Thailand, at Vietnam). Nang masakop ng Hapon ang Indochina, pinutol ng Estados
Unidos ang pagtutustos ng langis sa Japan. Dahil dito nagpasya ang Japan na
makipagdigma sa Estados Unidos. Iminungkahi ng Estados Unidos na ayusin ang
kanilang sigalot sa pamamagitan ng patakarang dapat igalang ang kasarinlan ng lahat
ng bansa. Hindi tinanggap ng Hapon ang mungkahing ito. Dahil sa mga naganap na
tensiyon sa pagitan ng Japan at Estados Unidos, pinag-ibayo ng Estados Unidos ang
paghahandang militar sa Pilipinas at sa ibang bansa sa Timog-Silangan Asya. Itinatag
ang United State Armed Forces in the Far East o USAFFE sa pamumuno ni Heneral
Douglas MacArthur. Binuo ni Pangulong Quezon ang Civilian Emergency
Administration sa bawat bayan at nagsagawa ng mga pagsasanay militar para sa mga
kabataan sa Pilipinas.
Noong Disyembre 7, 1941 binomba ng Hapon ang Pearl Harbor sa Hawaii na
isang kolonya ng Estados Unidos sa dagat Pasipiko. Nabigla at nasindak ang mga
Amerikano sa pagkawasak ng base militar sa Hawaii, at kulang-kulang sa 5,000
Amerikanong opisyal at marino ang napinsala (namatay, nasugatan, at nawawala).
Pagkaraan ng apat na oras mula sa pagbomba ng Japan sa Pearl Harbor, sumalakay

SDO-Cam Sur_AP_Grade 6_Q2_LP 5

2
ang mga Hapon sa Pilipinas. Binomba ng mga Hapon ang lungsod ng Davao, Clark
Air Field, Baguio, Aparri, Nichols Air Base, at Sangley Point sa Cavite. Nawasak ang
maraming eroplanong Amerikano, kaya’t namayani ang mga Hapon sa himpapawid.
Naging malaya sila sa pagbomba sa maraming lugar sa kapuluan na ikinabigla at
ikinagimbal ng lahat. Pinasabog maging ang mga imbakan ng gasolina ng Shell at
Caltex.
Noong Disyembre 10, 1941 dumating ang Hukbong Pandagat ng Hapon sa
Aparri at Vigan, sa Hilagang Luzon. Sa mga sumunod na dalawang araw, dumating
naman sa Legaspi ang iba pang puwersang Hapones. Noong Disyembre 20 nilusob
nila ang Davao. Noong Disyembre 22 dumating sa Lingayen at Leyte si Tinyente
Heneral Masaharu Homma. Siya ang pinakapunong puwersang panakop ng mga
Hapones. Nang sumunod na mga araw, patuloy na dumadating ang mga Hapon sa
iba’t ibang lugar ng bansa. Noong Disyembre 24 ang Atimonan, at Mauban sa
Tayabas (Quezon na ngayon) ang kanilang binomba. Sinunod nilang wasakin ang
mga barko ng Hukbong Pandagat ng USAFFE at eroplano sa mga base militar.
Nakakatakot ang malawakang pambobomba at pagdating ng mga Hapones, ngunit
buong tapang na nakipaglaban ang mga Pilipinong kawal na kabilang sa USAFFE,
kabalikat ang hukbong Amerikano. Sa Batangas Airfield, naipakita ng mga Pilipinong
piloto na sina Kapitan Jesus Villamor, Tinyente Cesar Basa, at Tinyente Geronimo
Aclan ang kanilang kabayanihan sa pamamagitan ng pakikipaglaban sa himpapawid
at pagpapabagsak ng mga eroplano ng mga Hapones.
Noong Disyembre 26, 1941 ideneklara ni Hen. Douglas MacArthur ang Maynila
bilang Open City upang mailigtas ang Maynila sa malaking pinsala. Ibig sabihin ay
maaari nang sakupin ito nang walang paglalaban upang maiwasan ang pambobomba
at tuluyang pagkasira ng lungsod. Ngunit hindi ito pinansin ng mga Hapones at patuloy
na binomba ang Maynila. Dahil dito marami ang nasawing sibilyan at nasirang mga
ari-arian.

Ang layunin ng Japan sa pananakop ay mapalawak ang kanyang teritoryo at

magtatag ng bagong kaayusan sa Asya na tinatawag na Greater East Asia Co-
Prosperity Sphere. Nais nilang kilalaning lider ng mga bansang Asyano.

SDO-Cam Sur_AP_Grade 6_Q2_LP 5

3
LABANAN SA BATAAN

Noong Enero 2, 1942 lubusang nasakop ng mga Hapones ang Maynila. Ang
mga sundalong Pilipino at Amerikano ay umurong mula sa Bataan patungo sa kuta ng
Corregidor. Dahil sa maraming tao na ang namamatay, napilitan silang sumuko at ito
ang dahilan ng pagbagsak ng Bataan sa kamay ng mga Hapones.

Isinulong ni Douglas Mac Arthur ang War Plan Orange 3 dahil sa pagbagsak
ng depensa ng USAFFE (United States Army Forces in the Far East) sa baybayin ng
Lingayen at Lamon sa Luzon at ang walang humpay na pag-atake ng hukbong
panghimpapawid ng Japan. Ang nasabing plano ang nagpasimula ng pag-atras ng
puwersang USAFFE at mga gerilyang Pilipino patungong Bataan. Nanatili sila sa
Bataan at naghintay ng tulong mula United States ngunit hindi ito dumating.
Lumaganap ang gutom at sakit sa mga sundalong nakipaglaban.

Noong Pebrero 20, 1942 mula sa Corregidor, inilikas ni Manuel L. Quezon ang
Pamahalaang Commonwealth pati na ang kanyang pamilya sa Amerika. Sila ay
sumakay sa isang submarine upang makalusot sa mga nakaharang na Hapones.
Ipinagpatuloy ni Quezon ang Pamahalaang Commonwealth sa Amerika. Ang Abucay
Line ang kauna-unahang depensa sa Bataan. Tuloy tuloy ang paglusob na ginawa ng
mga Hapones dito at sa bayan ng Mauban ngunit hindi sila nagtagumpay. Sa
pamumuno ni Brigadier General Vicente Lim naging matatag ang 41st Division sa
pakikipaglaban sa mga Hapones kaya tinagurian itong “Rock of Bataan”. Maraming
ulit na naipagtanggol ng USAFFE ang Bataan ngunit ang maramihang pagkamatay
ng mga sundalo ang nagbunsod upang tuluyang mapasok ang Abucay Line. Wala
nang lakas lumaban ang puwersa ng USAFFE at kahit walang pahintulot ni Heneral
Jonathan Wainright, sumuko si Hen. Edward P. King sa Japan. Noong Abril 9, 1942
bumagsak ang Bataan sa kamay ng mga Hapones.

DEATH MARCH
Nang bumagsak ang Bataan, pinagmartsa ng mga Hapones ang mga
sundalong Amerikano at Pilipino mula sa Mariveles, Bataan hanggang San Fernando,
Pampanga. Marami sa mga kawal ang namatay dahil sa pagod, gutom, at sakit kaya
tinawag ito na “Death March.”
Pinalakad ang 76,000 na mga sumukong kawal na Pilipino at Amerikano sa
Bataan Corregidor mula Mariveles, Bataan hanggang sa San Fernando, Pampanga
SDO-Cam Sur_AP_Grade 6_Q2_LP 5
4
at dinala sa Kampo O’Donneil sa Capas, Tarlac. Dahil sa walang inumin at pagkain,
napilitan ang iba na uminom ng tubig mula sa kanal na kanilang nadaanan. Marami
sa mga sundalo ang nanghina at namatay sa daan na umabot ng limang (5,000).
Maliban sa sakit at gutom sila ay pinatay sa saksak ng bayoneta habang naglalakad
nang walang pahinga. Isinakay sa tren o bagon ang mga sundalong umabot hanggang
San Fernando. Marami sa kanila ang tumakas at ang mga nahuling tumatakas ay
pinagbabaril. Noong Abril 9, 1942 tinawag na Death March ang paglakad nila ng 100
kilometro. Ito ang naging matibay na dahilan ng parusang kamatayan kay Heneral
Masaharu Homma pagkatapos ng digmaan.
LABANAN SA CORREGIDOR
Ginawa lahat ni Hen. Jonathan Wainwright ang pagtatanggol sa Corregidor
upang ipagtanggol ang isla ngunit sila ay nasakop na ng mga Hapones. Simula noong
Abril 29, 1942, isang linggong walang tigil na pinagbobomba ang ginawa ng mga
Hapones sa Corregidor. Ito ang kaarawan ng kanilang pinuno na si Emperor Hirohito.
Noong Mayo 4, 1942, ang pinakamahirap na araw na naranasan ng mga sundalo dahil
sa walang tigil na pag-ulan ng bala at kanyon. Noong Mayo 5, 1942, ibinuhos ng mga
sundalong Pilipino at Amerikano ang lahat ng kanilang makakaya sa pagtanggol ng
Corregidor subalit nagapi pa rin sila sa mga Hapones.
Noong Mayo 6, 1942 isinuko ni Hen. Wainwright kay Hen. Homma ang
Corregidor. Labin-dalawang libong (12,000) sundalong USAFFE ang sumuko.
Matapos sumuko ni Hen. Wainwright, dinala siya sa Maynila upang basahin sa radyo
KZRH ang kautusan sa lahat ng kumander sa buong Pilipinas upang sumuko sa mga
Hapones. Sinunod ang kautusang ito ng lahat ng mga nakabababang mga opisyal.
Subalit ang mga Pilipino sa ibang pulo ay nakipaglaban pa rin gaya ng Panay, Cebu,
at Mindanao. Isinuko ni Hen. William F. Sharp Jr, kumander ng mga puwersa sa
Visaya at Mindanao ang mga bahaging ito noong Mayo 10, 1942.
Sa pagbagsak ng Corregidor, bumagsak na rin at napasakamay ng Japan ang
buong Pilipinas. Para sa mga Amerikano, tapos na ang pakikipaglaban, kayat
nagsipagbaba sila ng mga armas at sumuko sa mga Hapones. Subalit para sa mga
Pilipino, nagpatuloy sila sa hangaring makamit ang kalayaan at nakipaglaban bilang
mga gerilya.

SDO-Cam Sur_AP_Grade 6_Q2_LP 5

5
Gawain I: HULA-TREN

Panuto: Piliin mula sa tren ang angkop na pahayag. Isulat sa patlang ang
tamang sagot

Disyembre 26, Energetic Hen. Douglas

1941 People Mac Arthur

Greater East-Asia
Co-Prosperity
Hawaii Sphere

______________1. Lider ng United State Armed Forces in the Far East o USAFFE
______________2. Petsa na idineklarang Open City ang Maynila
______________3. Programang pinalaganap ng mga Hapones
______________4. Mayroong pinakamalaking base pandagat ang Estados Unidos
______________5. Tawag sa bansang Hapon

Gawain Il: THUMBS-EMOJI!

Panuto: Basahin at unawaing mabuti ang mga pahayag. Kulayan ang
THUMBS UP kung ito ay tama at THUMBS DOWN naman kung mali.

MGA PANGYAYARI TAMA MALI

1. Hindi sumuko ang

mga Pilipino at mga
Amerikano sa mga
Hapones.

SDO-Cam Sur_AP_Grade 6_Q2_LP 5

6
 2. Ipinagpatuloy ng mga
tumakas na Pilipino
ang pakikipaglaban sa
mga Hapones.
3. Sumakay ng
submarine si
Pangulong Quezon
kasama ang kaniyang
mga pamilya.
4. Sinalakay ng mga
Hapones ang kampo
ng USAFFE at
maraming sundalong
namatay.
5. Idineklara ni Hen.
Douglas MacArthur
ang Maynila bilang
Open City upang
makaligtas sa
trahedya sa digmaan.

Gawain III: LIST EVENT

Panuto: Gamit ang graphic organizer, ilagay sa loob ang mga mahahalagang
pangyayaring naganap noong panahon ng Death March.

SDO-Cam Sur_AP_Grade 6_Q2_LP 5

7
Gawain IV: AKO BILANG BATA!
Panuto: Ilagay sa loob ng graphic organizer kung ano ang dapat gawin sa
panahon ng digmaan o kahirapan.

Mga dapat gawin sa

panahon ng digmaan
o kahirapan

• Modyul ng Mag-aaral Baitang 6, Araling Panlipunan 6

• Most Essential Learning Competencies Grade 6 pahina 47

Isinulat ni:
ROSIE Q. REGLOS
Teacher 1/ Quirico Borja Sr.
Memorial Elementary School

Reviewed/Edited by: Design and Lay-out:

MARGIE R. REOTERAS JEROME B. ORDOVEZ

Teacher III/ Pili West Central School Teacher I/ G. Dumalasa ES
Pili-West District Calabanga East District

SDO-Cam Sur_AP_Grade 6_Q2_LP 5

8
Gawain I
1. Hen. Douglas MacArthur
2. Disyembre 26, 1941
3. Greater East-Asia Co-Prosperity Sphere
4. Hawaii
5. Energetic People

Gawain II
1.

2.

3.

4.

5.

Gawain III
1. Pinagmartsa ng mga Hapones ang mga sumukong sundalong Amerikano
at Pilipino mula sa Mariveles, Bataan hanggang San Fernando,
Pampanga.
2. Marami sa mga kawal ang namatay dahil sa pagod, gutom, at sakit kaya
tinawag ito na “Death March.”
3. Marami sa mga sundalo ang nanghina at namatay sa daan na umabot ng
limang (5,000).
4. Nasa 100 kilometro ang nilakad ng mga sumukong sundalo.
5. Noong Abril 9, 1942 sinimulan ng mga Hapones ang Death March.

Gawain IV (mga posibleng sagot)

1. Tulungan ang mga sundalong nasugatan.
2. Maging magalang at mabait upang maiwasan ang alitan.
3. Magtago sa lugar na ligtas kasama ang pamilya.
4. Bilhin lamang ang mga pangunahing pangangailangan.
5. Magtipid sa kagamitan at pagkain.

SDO-Cam Sur_AP_Grade 6_Q2_LP 5

9