Ang Pagbomba sa Pearl Harbor

Noong ika – 7 ng Disyembre 1941, binomba ng mga Hapones ang Pearl Harbor sa Hawaii sa utos ng Hukbong
Imperyal ng Hapon. Malaki ang napinsala sa Amerika dahil ang lakas pandagat nito ay nasa Pearl Harbor. Ito
ang naging hudyat ng Ikalawang digmaang Pandaigdig sa Pasipiko. Dahil sa ang Pilipinas ay nasa ilalim ng
Amerika noon, nasangkot ang mga Pilipino sa digmaan.
Naging napakabilis ng mga pangyayari. Ilang oras lamang matapos pasabugin ng mga Hapones ang Pearl
harbor, ganap na ika – 7:55 ng umaga , nilusob naman ng kanilang mga eroplanong pandigma ang Clark Field
sa Pampanga at sa Nichols Air Base. Ang Davao ay binomba nila, gayundin ang Baguio, Tarlac, at Tuguegarao.
Ang Maynila ay binomba noong umaga ng Diyembre 9.
Upang maiwasan ang higit pang malaking pamiminsala at pansamantalang matigil ang paglusob ng mga
Hapones, ipinahayag ni Heneral Douglas Mac Arthur na bukas na lungsod o “ Open City “ ang Maynila noong
Disyembre 26, 1941. Madali nang nakapasok ang mga Hapones sa Maynila. Sinira nila ang mga radyong
softwave. Inagaw nila ang mga sasakyan, tirahan, at pagkain ng mga Pilipino. Nilapastangan at pinagmalupitan
nila ang mga mamamayan. Malaking hirap ang dinanas ng ating kapwa Pilipino noon.
Tanong:
• Kailan binomba ng mga Hapones ang Pearl Harbor?
• Bakit binomba ng mga Hapones ang Pearl Harbor?
• Bakit nasangkot ang Pilipinas sa Ikalawang Digmaang Pandaigdig?
• Kailan nakarating sa Pilipinas ang mga eroplanong pandigma ng mga Hapones?
• Ano ang inyong nadama habang ikinukwento ko sa inyo ang pagbomba ng mga Hapones sa Pearl Harbor?

Labanan sa Bataan
Nang dumating sa Pilipinas ang mga mananakop na Hapon, ipinasya ni Heneral Douglas MacArthur na ilipat sa
Bataan ang Hukbong Sandatahan ng Estados Unidos sa Dulong Silangan ( United States Armed Forces in the
Far East ) o USAFFE. Magiting na ipinagtanggol ng mga kawal – Pilipino at Amerikano ang Bataan pero higit na
malakas ang puwersa ng Hapones na maraming eroplano, tangke, at kagamitang pandigma.Nang umalis si
Heneral MacArthur patungong Australia, si Heneral Jonathan Wainwright ang namuno sa USAFFE. Dahil sa
patuloy na pagbomba ng mga Hapones, kakulangan ng pagkain, at pagkakasakit, isinuko ni Edward P. King Jr.
ang Bataan noong April 9,1942. Ang pagsusuko sa Bataan ang ganap na pagsakop ng Hapones sa Pilipinas
nitong Ikalawang Digmaang Pandaigdig.
Tanong:
• Sino ang pinuno ng USAFFE?
• Bakit natalo ng mga Hapones ang mga Amerikano at Pilipino?
• Sino ang namuno sa USAFFE nang umalis patungong Australia si Hen. Douglas MacArthur?
• Kailan isinuko ang Bataan sa mga Hapones?
• Kung isa ka sa mga Pilipinong kasama sa labanan sa Bataan sa pagtatanggol sa bansa ,pero matapos ang
mahabang pakikipaglaban sa mga Hapones isinuko na rin ng inyong pinuno ang inyong ipinaglalaban, ano ang
iyong madarama ?

Ang Martsa ng Kamatayan ( Death March )

Nang bumagsak ang Bataan noong Abril 9, 1942, pinagmartsa ng mga Hapones ang may 30, 000 sundalong
Amerikano at Pilipinong bihag, kasama na ang mahihina, maysakit , at sugatan, mula sa Mariveles, Bataan
hanggang sa San Fernando, Pampanga.Pinalakad sila nang walang inumin at pagkain. Napilitan ang iba na
uminom ng tubig mula sa mga kanal na kanilang nadaraanan. Marami sa mag sundalo ang nanghina at namatay
sa daan. May 5,000 ang namatay sa sakit o sugat, o kaya ́y pinatay sa saksak ng bayoneta habang lumalakad
nang walang pahinga,pagkain, at inumin. Marami sa kanila ang tumakas. Ang mga nahuling tumakas ay
́ onnel
pinagbabaril. Isinakay sa tren ang mga sundalong umabot hanggang San Fernando at dinala sa Kampo O D
sa Capas, Tarlac. Sa kampong ito sila ikinulong. Tinawag ang pangyayaring ito na Death March.
Tanong:
• Ano ang ginawa ng mga Hapones kanilang bihag na sundalong Amerikano at Pilipino?
• Ilang sundalong Amerikano at Pilipino ang nabihag ng mga Hapones?
• Kung 30,000 ang nabihag na sundalong Amerikano at Pilipino ng mga Hapones, at sa kanilang pagmamartsa
5,000 ang namatay, ilan ang natira sa mga bihag?
• Saan nagsimula ang paglalakad ng mga sundalong Amerikano at Pilipino at saan ito nagtapos?
• Saan ikinulong ang mga bihag ng mga Hapones?
Labanan sa Corregidor
Simula noong Abril 29, 1942 , walang tigil na pagbobomba ang ginawa ng mga Hapones sa Corregidor. Ito ang
kaarawan ng kanilang pinuno na si Emperador Hirohito.Noong Mayo 4, 1942 ang pinakamahirap na araw na
naranasan ng mga sundalo dahil sa pag – ulan ng bala at kanyon.Noong Mayo 5, 1942, ibinuhos ng mga
sundalong Pilipino at Amerikano ang lahat ng kanilang makakaya sa pagtatanggol ng Corregidor subalit nagapi
pa rin sila ng mga Hapones.Si Hen. Jonathan Wainwright, ang huling heneral na nagtanggol sa Corregidor,ang
inatasan ni Hen Masaharu Homma na manawagan sa lahat ng mga sundalong Amerikano at Pilipino na sumuko
na.
Sa pagsuko ng Corregidor noong Mayo 6, 1942, ganap nang bumagsak ang buong bansa sa kamay ng mga
Hapones.Ngunit kahit na sumuko ang halos 12,000 sundalong Pilipino, hindi pa rin nagwakas ang digmaan.
Matibay ang hangarin ng mga Pilipino na makamit ang kalayaan.Sinikap nilang makamit ito.Nagpatuloy ang mga
Pilipino na makamit ito.Nagpatuloy ang mga Pilipino sa paglaban bilang mga gerilya.
Tanong:
• Bakit sinasabing noong Mayo 4, 1942 ang pinakamahirap na araw para sa mga sundalong Amerikano at Pilipino
?
• Ano ang mahalagang naganap noong Mayo 5, 1942 sa Corregidor?
• Bakit tuluyang nagapi ng mga Hapones ang mga sundalong Amerikano at Pilipino sa Corregidor?
• Noong Mayo 5, 1942, ibinuhos na lahat ng mga sundalong Amerikano at Pilipino ang kanilang makakaya upang
ipagtanggol ang Corregidor subalit natalo pa rin sila ng mga Hapones, kung kayo ay isa sa mga sundalong Pilipino
na kasama sa labanang iyon , ano kaya ang inyong madarama?
• Ilang sundalong Amerikano at Pilipino ang sumuko sa mga Hapones?