Ano ang kahalagahan ng Saligang Batas? Ang Saligang Batas ay nagbibigay ng isang sistema ng mga tseke at balanse na idinisenyo upang maiwasan ang paniniil ng alinmang sangay. Ang pinakamahalagang pagkilos ay nangangailangan ng pakikilahok ng higit sa isang beses na sangay ng pamahalaan. Ang isa pang mahalagang pag-andar ng Saligang Batas ay ang paghati ng kapangyarihan sa pagitan ng pambansang pamahalaan at ng mga gobyerno ng estado. Ang isang bansa ay pinamamahalaan ng pamahalaan, mga katawan ng hudisyal, mga tao nito, at pinaka-mahalaga sa Saligang Batas. Ang konstitusyon ay nagsisilbing backbone ng bansa. Kung wala ito, ang Batas at Jurisdiction ay hindi hahawak at hindi mahuhulog nang walang oras, ngunit ang mga ito ay sinadya upang tumayo nang malakas.
Ang mga layunin ng pagtuturo ay nakasalalay din sa layunin ng edukasyon na
makikita sa sumusunod na batayan. Ang pinakapangunahing basihan ng mga nilalaman ng kurikulum at mga layuning pagtuturo ay ang mga probisyong pang-edukasyon sa bagong Konstitusyon 1987 na matatagpuan sa Artikulo XIV, seksyon 3, bilang 2. Sa mga tanging bahagi ay ito ang nakasaad. Kami, ang nakapangyayaring sambayanang Pilipino, na humihingi ng tulong sa Makapangyarihang Diyos, upang bumuo ng isang makatarungan at makataong lipunan at magtatag ng isang Pamahalaan nakakatawan sa aming mga mithiin at mga lunggatiin, magtataguyod ng kabutihan sa bawat isa, mangangalaga at magpapaunlad ng aming kamanahan, at titiyak para saming sarili at angkanang susunod ng mga biyaya ng kalayaan at demokrasya sa ilalim ng pananaig ng batas at ng pamamahalang puspos ng katotohanan, katarungan, kalayaan, pag-ibig, pagkakapantay-pantay at kapayapaan, ay naglalagda at naghahayag ng Konstitusyong ito. Ikintal ang patriotismo at ang nasyunalismo. Ihasik ang pag-ibig pangkatauhan, paggalang sa karapatang pantao, at pagpapahalaga sa mga ginampanan na mga pambansang bayani sa makasaysayang pagbuo ng ating bansa. Ituring ang mga karapatan at tungkuling pangpamayanan. Patatagin ang mga pagpapahalagang etikal at espirituwal. Linangin ang karakter na moral at disiplina sa sarili. Pasiglahin ang mga mapanuri at malikhaing pag-iisip. Palawakin ang pangkaalamang pansiyensa at panteknolohiya. Itaguyod ang kakayahang bukasyunal. BATAS REPUBLIKA BILANG 9155 Isang batas na nagpapaloob ng isang balangkas na nagpapamahala para sa batayang edukasyon, nagtatatag ng awtoridad at pananagutan, nagpapalit ng pangalan ng kagawaran ng edukasyon, kultura, palakasan bilang kagawaran ng edukasyon, at para sa iba pang layunin. SEKSYON 1- MAIKLING PAMAGAT Makikilala ang batas na ito bilang “Batas Pamamahala sa Batayang Edukasyon ng 2001”. SEKSYON 2- PAGPAPAHAYAG NG POLISIYA Ipinahahayag dito ang polisiya ng estado upang pangalagaan at itaguyod ang karapatan ng lahat ng mamamayan para sa pagkakaroon ng batayang edukasyon na may kalidad at upang gawing bukas para sa lahat ang naturang edukasyon sa pamamagitan ng pagkakaloob sa lahat ng batang Filipino ng isang edukasyong libre at kinakailangan sa antas elementarya at libreng edukasyon sa sekundarya. SEKSYON 3- MGA LAYUNIN AT OBHETIBO A) Magkaloob ng balangkas para sa pamamahala ng batayang edukasyon na magtatakda ng mga pangkalahatang direksyon para sa mga polisiya at pamantayang pang-edukasyon, at magtatag ng awtoridad, pananagutan at rensposibilidad para sa pagkakamit ng mas mataas na tunguhin sa pagkatuto. B) Magpakahulugan sa mga gawain at pananagutan, at magkaloob ng mga kagamitan sa mga tanggapan sa larangan na magpapatupad ng pang-edukasyong programa, proyekto, at serbisyo sa mga pamayanang pinaglilingkuran nila. C) Gawing pinakamahalagang lunsaran ang mga paaralan at mga sentro ng pagkatuto at pagtuturo para sa paghubog sa mga mag-aaral na Filipino ang pagmamahal sa bayan at dangal nito sa mayaman nitong pamana. D) Tiyaking natatanggap ng mga paaralan at sentro ng pagkatuto at nakatuong atensyon na karapat-dapat sa kanila, at naisaalang-alang ng mga pang-edukasyong programa, proyekto, at serbisyo ang interes ng lahat ng kasapi ng pamayanan. E) Matulungan ang mga paaralan at sentro ng pagkatuto na salaminin ang mga halaga ng pamayanan sa pamamagitan ng paghihintulot sa mga guro o tagapagpadaloy ng pagkatuto at iba pang katuwang na mas maging malaya sa pamamaraan upang paglingkuran ang mga pangangalaingan ng mag-aaral. F) Hikayatin ang mga inisyatibang lokal para sa pagpapabuti sa mga paaralan at mga sentro ng pagkatuto, at pagkalooban sila ng mga pamamaraan upang makamit at mapanatili ang mga pagpapabuting ito. G) Magtatag ng mga paaralan at mga sentro ng pagkatuto bilang mga pasilidad kung saan makakapag-aral ang mga bata sa paaralan ng saklaw ng mga ubod na kasanayang hinihingi para sa mga programang pang-edukasyon sa elementarya at hayskul o kung saan pinagkakalooban ang mga kabataang wala sa paaralan at matatandang mag-aaral ng mga programa para sa pagkatutong alternatibo at nang makatanggap ng akreditasyon para man lamang sa katumbas ng isang edukasyon sa hayskul. LAYUNIN NG EDUKASYON AYON SA PAMBANSANG SANGGUNIAN NG EDUKASYON
1. Ikintal sa ating mamamayan na sila ay mga mamamayan ng republika.
2. luminang ng isang malusog, matalino at hubog sa kagandahang-asal na mga mamamayan, udyok ng isang matatag na pananalig sa Bathalang Mapagkalinga. 3. Itanim sa isip ng ating mamamayan ang mga simulain ng demokrasya, ipaunawa na sa papaano man ay dapat pangalagaan ang mga pangunahing karapatan ng tao kung dapat matamo nila ang katuparang pansarili. 4. Linangin sa mga mamamayan ang mga ugaling kasipagan at pagtitipid at mapagkalooban sila ng kailangang kasanayan at kaalamang makatutulong sa kanila upang kumita ng isang malinis na ikabubuhay at makapag-abuloy sa kagalingang pangkabuhayan ng bansa. 5. Sanayin ang ating mga kalalakihan at kababaihan sa mga pananagutang pampamilya at sa mga obligasyon sa tahanan. 6. Patnubayan ang ating mga mamamayan sa wastong paggamit ng oras na malaya upang makatulong ito sakanilang pansariling kaunlaran at maitaguyod ang kagalingan ng pamayanan. 7. Ikintal sa bawat isa ang hangarin at pagkukusang tumulong sa kanyang pamayanan, iturong unti-unti sakanya ang pagdamay, pag-unawa, at pagtingin sa kanyang kapwa. 8. Itaguyod ang ating kabataan sa isang pamamaraan sa buhay na sumasaklaw sa pinakamahusay na pamanang pangkalinangan natin napinayaman ng mahalagang karanasan ng ibang bansa. 9. Pagyamanin sa ating mga mamamayan ang pagpapahalaga sa sining, siyensya at panitikan sa ikadadalisay ng kanilang mga panlsa, ikasusulong ng kanilang buhay at ikalalawak ng kanilang pang-unawa. 10. Linangin sa ating mga mamayan ang isang pang-unawang may pagtingin sa ibang mga bansa sa pamamagitan ng pag-aaral sa mga naitutulong ng mga bansang ito sa sibilisasyon. MGA LAYUNIN NG EDUKASYON: AYON SA PAMBANSANG LUPON NG EDUKASYON 1. Ihasik ang pagpapahalagang moral at ispiritwal udyok ng isang matatag na pananalig sa Diyos. 2.Luminang ng mga mamamayang matalino, makabayan, makabuluhan at maibigin sa matuwid at angkop manirahan sa lipunang demokratiko. 3. Linangin ang ugali ng kasipagan at pagtitipid, at ihanda ang bawat isa upang sa kapanahunan ay makatulong sa ikauunlad ng kabuhayan at sa matalinong pangangalaga ng mga likas na kayamanan ng bansa. 4. Pamalagiing buo at matatag ang angkan, pabutihin ang sama-samang pamumuhay sa pook, pamalagiin ang balanang kanais-nais na pamanang lahi at itaguyod ang layunin sa kapayapaang lahi at itaguyod ang layunin sa kapayapaang pandaigdig. 5. Itaguyod ang mga siyensya, sining, at panitikan para sa lalong ikapagiging makahulugan ng buhay at ika-kikilala sa marangal na kalagayan ng tao. MGA LAYUNIN NG EDUKASYON BATAS NG KAGITINGAN AT KAGANDAHANG ASAL
1. Manalig kang may Dakilang Lumikha na siyang namamatnugot sa kapalaran ng
mga tao at ng mga bansa 2. Ibigin mo ang iyong tinubuang-lupa sapagka’t iyan ang tahanan ng iyong kaligayahan at kaginhawahan. Kauna-unahan mong tungkulin ang siya’y ipagtanggol. Humanda ka sa lahat ng sandali na magpakasakit at mamatay nang dahil sa kanya kung kinakailangan. 3. Igalang mo ang Saligang-Batas sapagka’t iyan ang katuturan ng makapangyarihan mong kalooban. Ang Pamahalaan ay pamahalaan mo. Itinatag iyan alang-alang sa iyong ikaliligtas at ikakapanatag. Sundin mo ang mga batas at sikaping matupad din ang lahat. At ang mga punung-baya’y magsignap ng kanilang mga tungkulin. 4. Magbayad kang kusa maaagap ng iyong buwis. Ang pagka-mamamayan ay nangangahulugan di lamang ng mga karapatan kundi ng mga tungkulin man. 5.Ipag sanggalang mo ang kalinisan ng paghahalal at igalang ang mga kapasiyahan ng nakararami. 6. Ibigin mo at igalang ang iyong mga magulang. Tungkulin mong sila’y paglikuran nang buong-puso at kasiyahan. 7. Pahalagahan mo ang iyong dangal gaya ng pag-papahalaga mo sa iyong buhay. Mahalaga ang karukha-ang may karangalan kaysa kayamanang walang dangal. 8. Magpakatapat at magpakalinis ka sa iyong mga iniisip at ikinikilos. Maging makatuwiran ka at mapag-kawang –gawa, mapitagan nguni’t marangal sa iyong pakikipagkapwa-tao. 9.Magpakalinis ka’t magpakatalino sa pamumuhay. Huwag kang mag-aksaya ng panahon sa walang kabuluhang bagay at pagpapalalo. Huwag kang magmarangya sa pananamit at magmagaslaw sa pag-uugali. 10.Mamuhay ka nang sang-ayon sa mga dakilang kasaysayan ng ating bayan.Mamitagan ka sa gawa at ngalan ng ating bayani.Ang pamumuhay nila ay siyang nagtuturo ng landas ng tungkulin at karangalan. 11.Magpakasakit ka. Huwag mong katakutan ni ikahiya ang mga paggawang manwal. Ang gawaing pinakikinabangan ay siyang nagbubunga ng kapanatagan sa buhay at nagdaragdag ng kayamanan sa bansa. 12.Iasa mo sa mga sariling sikap ang iyomg kaunlaran at kaligayahan. Huwag kang kanawanawang masisindak. Magtiyaga ka sa pagganap ng iyong mga tumpak na adhika. 13.Harapin mo ang iyong gawain nang buong sigla,puspusan at maayos.Ang gawaing masama ang pagkakagawa ay masahol pa sa gawaing di ginagawa.Huwag mong ipagpabukas ang magagawa mo ngayon. 14. Tumulong ka sa ikabubuti ng iyong kapwa at paunlarin mo ang katarungang pangmadla.Di ka nabubuhay nang para sa iyo lamang ni para sa iyong mga anak.Ikaw ay bahagi ng lipunang pinagkakautangan mo ng mga tiyak na sagutin. 15.Mamihasa ka sa paggamit ng mga yari sa Pilipinas. Tangkilikin mo ang mga ani at kalakal ng iyong mga kababayan. 16.Gamitin mo at paunlarin ang ating likas na kayamanan at simpanin para sa hinaharap. Ang mga kayamanang iya’y mana ng ating bayang di maipamimigay. Huwag mong kalakalin ang iyong pagka-mamamayan. Mga Layunin ng Edukasyon sa Elementarya Ang edukasyon elemental ay nag lalayong malinang ang ispiritwal,moral, sosyal, emosyunal, mental at pisikal na mga kakayahan ng mag-aaral sa pamamagitan ng pagdudulot ng mga karanasang kailangan sa demokratikong pamumuhay para sa isang matalino, makabayan,makatwiran at kapakipakinabang na pamamayan, tulad ng mga 1.Pagkikintal ng mga pagpapahalagang ispiritwal at sibiko at paglinang ng isang mabuting mamamayang Pilipino na may pananalig sa Diyos at may pagmamahal sa kapwa tao. 2. Pagsasanay sa mga kabataan sa kanilang mga karapatan, tungkulin at pananagutan sa isang lipunan demokratiko para sa isang aktibong pakikilahok sa isang maunlad at pamapamayan. 3. Paglinang ng pangunahing pang-unawa sa kulturang Pilipino, mga kanais-nais na tradisyon at gawi ng ating mga ninuno at kabutihan ng mga mamamayan na pangunahing kailangan sa pagkakamit ng pambansang kamalayan at kaisahan. 4. Pagtuturo ng mga batayang kaalamang pangkalusugan at paglinang ng mga kanais-nais na gawi at ugaling pangkalusugan. 5. Panglinang ng karunungan sa bernakular , Filipio at ingles upang maging kasangkapan sa patuloy na pagkatuto. 6. Pagkakaroon ng mga batayang kaalaman, saloobin, kasanayan at kakayahan, sasiyensiya, araling panlipunan, matemakika, sining, at edukasyong paggawain at ang matalinong paggamit ng mga ito sa angkop na sitwasyon ng buhay.