Republic of the Philippines

Department of Education
Region IV-A CALABARZON
Division of Rizal
Gov. Isidro S. Rodriguez Sr. Memorial National High School
St. Gregory Village, San Isidro Cainta, Rizal

Ika-apat na Markahang Pagsusulit sa Edukasyon sa Pagpapakatao 9

Panuto: Basahin at unawain ng bawat pangungusap. Isulat sa papel ang titik ng tamang sagot.
Paalala: Anumang bura sa inyong papel ay mamarkahang mali. 

1. Ang sumusunod ay elemento ng kabutihang panalahat maliban sa isa:

a. Tawag ng katarungan o kapakanang panlipunan ng lahat
b. Paggalang sa indibidwal na tao
c. Kapayapaan
d. Katiwasayan
2. Ang sumusunod ay hadlang sa pagkamit ng kabutihang panlahat maliban sa:
a. Pagkakait ng tulong para sa kapuwa na nangangailangan
b. Pakikinabang sa benepisyong hatid ng kabutihang panlahat subalit pagtanggi sa pagbabahagi para
sa pagkamit nito.
c. Pagkakaroon ng pakiramdam na mas malaki ang naiaambag ng sarili kaysa sa nagagawa ng iba.
d. Paggawa ng tao ayon sa kaniyang pansariling hangad.
3. Ano ang kabutihang Panlahat?
a. Kabutihan ng lipunang nararapat bumalik sa lahat ng mga kasapi nito.
b. Kabutihan ng bawat indibidwal na kasapi ng lipunan
c. Kabutihan ng mga pangkat na kasapi ng lipunan
d. Kabutihan ng lahat ng tao
4. Ang buhay ng tao sa lipunan. Ang pangungusap ay:
a. Tama, dahil lahat n gating ginagawa at ikinikilos ay nakatuon sa ating kapuwa.
b. Mali, dahil may iba pang aspekto ang tao maliban sa pagiging panlipunan.
c. Tama, dahil sa lipunan lamang siya nakapamumuhay
d. Mali, dahil may mga pagkakataong ang tao ang nagnanais na makapag-isa.
5. Sa pamamagiitan nito natutuhan ng tao ang katotohanan ukol sa Diyos na hindi karaniwang natutuhan
sa ibapang institusyon. Ano ito?
a. Pamahalaan  b. Simbahan c. Paaralan  d. Pamilya
6. Ano ang tunay na layunin ng lipunan?
a. Kasaganaan b. Katiwasayan c. Kabutihang Panlahat d. Kapayapaan
7. Ayon kay Santo Tomas Aquinas, may akda ng aklat na Summa Theologica, sa pamamagitan lamang
ng lipunan makakamit ng tao ang layunin ng kaniyang pagkakalikha. Ano ang ibig pakahulugan ng
kaniyang nilathala?
a. Mahalaga sa pagpapakatao ang pagkilala ng tao na kailangan niya ang lipunan dahil binubuo siya
ng lipunan at binubuo niya ang lipunan.
b. Hinahanap talaga ng tao na mamuhay sa makabuluhang lipunan.
c. Malaki ang nagagawa ng lipunan sa paghubog ng iyong pagkatao. Mayroon itong impluwensiya sa
paraan ng iyong pag-iisip at pagkilos.
d. Lahat ng iyong iniisip, nararamdaman, sinasabi at ginagawa ay naiimpluwensiyahan ng lipunang
iyong kinabibilangan.
8. Alin sa mga sumusunod ang hindi nagpapakita ng Prinsipyo ng Solidarity?
a. Sama-samang pagtakbo para sa kalikasan
b. Pagkakaroon ng kaalitan
c. Bayanihan at kapit-bahayan
d. Pagkakaroon ng panahon sa pagpupulong
9. Alin sa mga sumusunod ang hindi nagpapakita ng Prinsipyo ng Subsidiarity?
a. Pagsasapribado ng mga gasolinahan
b. Pagsisingil ng buwis
c. Pagbibigay daan sa Public Bidding
d. Pagkakaloob ng lupang matitirikan para sa pabahay
10. Ano ang tawag sa nabuong gawi, tradisyon, paraan ng pagpapasiya, at mga hangarin sa isang
pamayanan?
a. Kultura b. Relihiyon c. Batas d. Organisasyon
11. Ito ay ang kapangyarihang moral na gawin, hawakan, pakinabangan at angkinin ang mga bagay na
kailangan ng tao sa kaniyang estado sa buhay.
a. Tungkulin b. Karapatan c. Obligasyon d. kultura
12. Ang pinakamataas sa antas ng mga karapatan na pumipigil sa abortion at pagpatay.
a. Karapatang magpakasal c. karapatang magtrabaho
b. Karapatan sa pribadong ar-arian d. karapatan sa buhay
13. Hindi maaalis sa tao ang karapatang ito dahil kailangan ng tao ang sariling gamit o pag-aari.
a. Karapatang sumamba c. karapatan sa buhay
b. Karapatan sa pribadong ar-arian d. karapatanng magtrabaho
14. May karapatan ang tao na bumuo ng pamilya sa pamamagitan ng pag-iisang dibdib.
a. Karapatang magpakasal c. karapatang magtrabaho
b. Karapatang pumunta sa ibang lugar d. karapatan sa buhay

15. Kasama sa karapatang ito ang karapatang lumipat o tumira sa ibang lugar upang makapagtrabaho o
lumayo sa panganib.
a. Karapatan sa pagpili ng propesyon c. karapatang pumunta sa ibang lugar
b. Karapatan sa buhay d. karapatang magpakasal
16. Ito ang ginagamit upang kilatisin kung ano talaga ang mabuti.
a. Isip b. puso c. isip at puso d. moral
17. Ang siyang kilos ng pagsisikap na lagging kumilos tungo sa pagbubuo at pagpapaunlad ng sarili at ng
mga ugnayan.
a. Mabuti b. Makatao c. Moral d. Tama
18. “Ang paggawa ay isang obligasyon, isang tungkulin ng isang tao. Kailangan tumugon ng tao sa
ninanais ng Diyos na pagtulong at pagyamanin o paunlarin ang sangkatauhan.” Ano ang layunin na
tinutukoy nito?
a. Upang kitain ng tao ang salapi na kaniyang kailangan upang matugunan ang kaniyang mga
pangunahing pangangailangan.
b. Upang makibahagi sa patuloy na pag-angat at pagbabago ng agham at teknolohiya.
c. Upang tulungan ang mga nangangailangan.
d. Upang maiangat ang kultura at moralidad ng lipunang kinabibilangan.
19. Alin sa mga sumusunod ang hindi kabilang sa paggawa na daan tungo sa tunay na pag-unlad ng
teknolohiya:
a. Ang paggawa ay higit pa sa pagkita lamang ng salapi.
b. Pagbuo ng tao ng kanyang pagkakakilanlan at kakayahan.
c. Pagkamit ng kaganapang pansarili.
d. Pagtulong sa kapuwa upang makamit ang kaniyang kaganapan.
20. Ito ang dahilan kung bakit nabubuhay ang tao.
a. Upang umasa b. upang gumawa c. upang kumain d. upang matulog
21. Ano-ano ang dapat Makita sa isang taong nagsasagawa ng pakikilahok at bolunterismo?
a. Kayamanan, Talento, at Bayanihan c. Talento, Panahon, at Pagkakaisa
b. Pagmamahal, Malasakit, at Talento d. Panahon, Talento, at Kayamanan
22. Malikhain ang isang manggagawa kapag:
a. nagnanais siyang iangat ang kanyang kalagayan sa pamamagitan ng paggawa.
b. madali siyang matuto, maparaan upang makagawa gamit ang mga bagay sa kanyang paligid.
c. lagi niyang isinasaisip ang disiplina at pagtitiyaga bilang susi sa tagumpay at mahusay na
paggawa.
d. palagi siyang tinatamad at walang pakialam sa mga gawain.
23. Ano ang pinapakita ng halimbawang ito: “Hindi mo kayang maglinis sapagkat mahina ang iyong
katawan. Makapagbibigay ka ng tulong sa pamamagitan ng donasyon, paghahanda ng pagkain para
sa mga naglilinis o di kaya’y pagpapalaganap ng impormasyon sa mga tao para makilahok sila.”
a. Pagsuporta b. impormasyon c. konsultasyon d. pagpapasiya
24. Alin ang hindi nagpapakita ng sama-samang pagkilos?
a. Nagtulungan na maglinis ang bawat miyembro ng barangay sa kanilang nasasakupan.
b. Nagbigay ng gagawin ang Brgy. Captain, sa halip na tumulong kanya-kanyang gumawa ang
kanyang nasasakupan.
c. Mga tao na ginagawa lamang ito bilang pampalipas ng oras.
d. Mga tao na tumutulong dahil may hinihintay na kapalit.
25. Ito ang ipinagkaloob ng Diyos sa bawat isa sa atin. Ito ay magagamit natin upang maibahagi at
maipakita sa iba tulad ng pagkanta, pagsayaw o pagtula.
a. Panahon b. Kayamanan c. Talento d. Kabutihan
26. Ayon sa karaniwang kahulugan, ito ay pagbibigay sa kapuwa ng nararapat sa kaniya.
a. Karapatan b. Pagmamahal c. Katarungan d. Pagkatao
27. Sino ang nagwika na ang katarungan ay isang pagbibigay at hindi isang pagtanggap?
a. Dr. Manuel Dy Jr. b. Sto.Thomas de Aquino c. Andre Sponville d. Pope Juan Pablo II
28. Siya naman ang nagsabi na ang katarungan ay isang gawi na gumagamit lagi ng kilos-loob sa
pagbibigay ng nararapat sa isang indibidwal.
a. Pope Juan Pablo b. Dr. Manuel Dy Jr. c. Andre Spomville d. Sto.Thomas de Aquino

29. Ano ang isang makatarungang tao? Ayon kay Andre Comte-Sponville (2003), ito ay:
 a. Kung ginagamit mo ang iyong lakas sa paglabag ng mga batas
b. Paggamit ng iyong kakayahan sa panloloko ng tao
c. Kung ginagamit mo ang iyong lakas at kakayahan sa paggalang sa batas
d. Nakikitaan ng kompetisyon at paghadlang sa isang tao
30. Ano ang epekto sa buhay ng tao ng sitwasyong ito: “Paggamit ng opisyal ng pamahalaan sa kaban ng
bayan.”
a. Patuloy na magtitiwala ang tao sa tiwaling opisyal.
b. Walang pakialam sa ginagawa ng kurakot na opisyal.
c. Hinahayaan ang mga pagnanakaw na nagaganap sa bansa.
d. Mawawalan ng tiwala sa opisyal na nagnanakaw sa kaban ng bayan.

31. “Isang pamilya na biktima ng pagpatay ang nakararanas ng pang-aapi at pangmamaliit ng abogado
mula sa suspect ng krimen.” Ano ang maaring paraan ng paglutas na naayon dito?
a. Harapin ang takot, humanap ng taong makatutulong sa dinaranas na pang-aapi.
b. Hayaan na lang ang pang-aapi at pangmamaliit na dinaranas.
c. Magparinig sa taong nang-aapi sa biktima.
d. Ipapatay ang taong nang-aapi at nang-mamaliit sa biktima.

32. Ito ay tumutukoy sa pagsisikap na gawin o tapusin ang isang Gawain nang buong puso at may malinaw
na layunin sa paggawa.
a. masigasig b. malikhain c. kasipagan d. tiyaga
33. Ang produkto o gawaing lilikahin ay bunga ng mayamang pag-iisip at hindi panggagaya o pangongopya
sa gawa ng iba.
a. masigasig b. malikhain c. kasipagan d. tiyaga
34. Ang katangiang ito ay nagpapakita ng hangganan ng kaniyang ginagawa at mayroong paggalang sa
ibang tao.
a. Disiplina sa sarili b. tiyaga c. masigasig d. malikhain
35. Tumutukoy ito sa yugto ng paggawa ng plano na gabay sa pagbuo ng isang Gawain o produkto. Ito
ang unang yugto sa pagkatuto sa paggawa.
a. Pagkatuto habang ginagawa c. Pagkatuto bago ang paggawa
b. Pagkatuto pagkatapos Gawin ang Isang Gawain d. Pagkatuto mula sa mga Karanasan

36. Ano ang katangian na tumutukoy sa taong mausisa o mahilig magtanong?

a. Pagiging bukas sa Pagdududa, Kawalang Katiyakan (Sfumato)
b. Pagsubok ng Kaalaman Gamit ang Karanasan, Pagpupunyagi (Persistence)
c. Ang Pananatili ng Kalusugan at Paglinang ng Grace at Poise (Corporalita)
d. Pagiging Palatanong (Curiosita)

37. Ano ang ibig sabihin ng “Everything is connected to everything else?”

a. Ang pagkilala sa pagkakaugnay-ugnay ng bawat isa
b. Pagpapanatili ng pagsasamahan
c. Tayong lahat ay magkakaparehong nilalang
d. Pagpapahalaga sa sarili

38. Ito ang pinakamalaga sa lahat ng pagpapahalaga upang masabi na kakaiba, may kalidad at kagalingan
ang paggawa.
a. Pagiging tamad c. naayon sa kalooban ng Diyos
b. Pagmamalaki na ikaw ay magaling d. pagtatago ng iyong talent

39. Pinangarap ni Sandy Javier na magtayo ng tindahan ng litsong manok. Sinimulan niya ito sa pagtitinda
ng ilang piraso ngunit hindi nabebenta. Ano ang maaring gawin ni Sandy Javier?
a. Sumuko at huwag na ituloy ang negosyong nasimulan.
b. Pag-aralan mabuti ang nagawang mali at huwag sumuko.
c. Maging kampante na lang sa magiging resulta.
d. Hayaan ang sarili na malubog sa utang.

40. Hindi natapos ni Baldo ang kaniyang kolehiyo dahil sa hirap ng buhay. Sa kabila nito siya ay
matagumpay dahil sa negosyong kaniyang itinayo at pinaunlad. Naging madali ito para sa kaniya dahil
ito ay ayon sa kaniyang gusto at hilig. Ano ang katangian ang mayroon si Baldo?
a. Masipag, madiskarte, at matalino
b. May pananampalataya, malikhain, may disiplina sa sarili
c. Maganda ang relasyon niya sa Diyos, may pagpapahalaga sa sarili, kapuwa at bansa.
d. May angking kasipagan, pagpupunyagi, at tiwala sa sarili.
 41. Alin sa mga pansariling salik na dapat pagbatayan sa pagpili ng kurso na may kinalaman sa iyong
kahusayan o galling sa isang bagay o tiyak na abilidad na maari mong matuklasan mula sa mga taong
nakakasalamuha, paglutas ng mga mahihirap na bagay, pagbubuo at masistemang paraan sa pagkuha
ng datos at iba pa?
a. Hilig b. kasanayan (skills) c. pagpapahalaga d. talento
42. Sa teoryang Multiple Intelligences ni Howard Gardner (1983), ang lahat ng tao ay may angking likas na
kakayahan, iba’t iba ang talino o talent. Bilang nasa Baitang 9, ano ang mahalagang gampanin na
dapat mong gawin sa mga talino o talentong ipinagkaloob sa iyo na may kaugnayan sa pagpili mo ng
nais na kurso sa pagtuntong mo sa Senior High School?
a. Pahalagahan at Paunlarin
b. Pagtuunan ng pansin at palaguin para sa pansariling kapakanan lamang.
c. Paunlarin para sa sarili at ibahagi para sa kabutihang panlahat
d. Tuklasin at gamitin sa pagpapayaman mula sa tinapos na kurso
43. Ano ang dapat maging aksyon mo sa panahong ikaw naguguluhan pa sa mga pagpipiliang kurso para
sa nalalapit na Senior High School?
a. Makinig sa mga gusto ng kaibigan
b. Huminto muna at sa susunod na taon na lang mag-aral
c. Magbasa at maglaan ng panahon na makapag-isip at magplano
d. Humingi ng tulong sa malapit sa iyo at umasa sa kanilang desisyon
44. Alam ni Rosita na hindi niya kakayanin ang kursong Medisina gayundin ang kakayahan ng kaniyang
magulang na suportahan siya. Kaya ang kaniyang ginawa ay naghanap siya ng mga scholarship sa
kanilang munisipyo at iba pang institusyon at unti-unti ay nagsulat siya ng mga tiyak niyang plano at
mga paalaala upang maging gabay niya. Anong pansariling salik ang isinagawa ni Rosita?
a. Katayuang pinansiyal c. mithiin
b. Hilig d. pagpapahalaga
45. Ang ibig sabihin nito ay calling o tawag:
a. Bokasyon b. Misyon c. Tamang Direksiyon d. propesyon
46. Ang sumusunod ay pansariling pagtataya sa paglikha ng Personal na Misyon sa Buhay o PPMB
maliban sa:
a. Suriin ang iyong ugali at katangian
b. Tukuyin ang iyong pinapahalagahan
c. Sukatin ang mga kakayahan ng bawat tao
d. Tipunin ang mga impormasyon

II. Ibigay ang kahulugan ng mga sumusunod na acronym mula sa Senior High School Track o Strand
sa ibaba:
47. STEM = ________________________________________________________________________
48. HUMMS = ______________________________________________________________________
49. ABM = _________________________________________________________________________
50. GAS = _________________________________________________________________________

Inihanda ni:

RACHELLE J. ESTANISLAO
Guro sa ESP 9

Binigyang Pansin:

MERCY A. MIRANDA
Tagapangulo, ESP

Sinang-ayunan:

NENITA N. DE LEON
Punong Guro II