Pagbasa at Pagsusuri ng

Iba't Ibang Teksto Tungo

sa Pananaliksik
Ikatlong Markahan – Modyul 4:
Kaisipang Nakapaloob sa Teksto
Pagbasa at Pagsususuri ng Iba’t Ibang Teksto Tungo sa Pananaliksik – Ikalabing-
isang Baitang Alternative Delivery Mode
Ikatlong Markahan-Modyul 4: Kaisipang Nakapaloob sa Teksto
Unang Edisyon, 2021

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan muna ang
pahintulot ng ahensiya o tanggapan ng pamahalaan na naghanda ng akda kung ito ay pagkakakitaan.
Kabilang sa mga maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay
ng karapatang-ari ng mga iyon. Pinagsumikapang matunton ang mga ito upang makuha ang
pahintulot sa paggamit ng materyales. Hindi inaangkin ng mga tagapaglathala at mga may-akda ang
karapatang-aring iyon. Ang anomang gamit maliban sa modyul na ito ay kinakailangan ng pahintulot
mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

MGA BUMUO SA PAGSULAT NG MODYUL SA SENIOR HS

Awtor : Sylvia D. Gatus/ Maria Raquel R. Nalus
Ko-Awtor - Editor : Marites M. Ravago
Ko-Awtor - Tagasuri : Marites M. Ravago
Ko-Awtor – Tagaguhit : Mae Laine C. Villaruel
Ko-Awtor - Tagalapat : Aldrine Y. Teleron

Mga Tagapangasiwa:
Punong Guro : Arlene M. Matilde
LRMDS Koordinator : Aldrine Y. Teleron

MGA TAGAPAMAHALA SA DIBISYON NG BATAAN:

Schools Division Superintendent : Romeo M. Alip, PhD, CESO V
OIC- Asst. Schools Division Superintendent : William Roderick R. Fallorin, CESE
Chief Education Supervisor, CID : Milagros M. Peñaflor, PhD
Education Program Supervisor, LRMDS : Edgar E. Garcia, MITE
Education Program Supervisor, ADM : Romeo M. Layug
Education Program Supervisor, Filipino : Mila D. Calma
Education Program Supervisor, Senior HS : Danilo S. Caysido
Project Development Officer II, LRMDS : Joan T. Briz
Division Librarian II, LRMDS : Rosita P. Serrano

MGA TAGAPAMAHALA SA REHIYON NG GITNANG LUZON:

Regional Director : May B. Eclar, PhD, CESO III
Chief Education Supervisor, CLMD : Librada M. Rubio, PhD
Education Program Supervisor, LRMS : Ma. Editha R. Caparas, EdD
Education Program Supervisor, ADM : Nestor P. Nuesca, EdD
Inilimbag sa Pilipinas ng Department of Education – Schools Division of Bataan
Office Address: Provincial Capitol Compound, Balanga City, Bataan
Telefax: (047) 237-2102
E-mail Address: bataan@deped.gov.ph
Pagbasa at Pagsusuri ng
Iba’t Ibang Teksto
Tungo sa Pananaliksik
Ikatlong Markahan – Modyul 4:
Kaisipang Nakapaloob sa Teksto
Paunang Salita
Ang Self-Learning Module o SLM na ito ay maingat na inihanda para sa
ating mag-aaral sa kanilang pag-aaral sa tahanan. Binubuo ito ng iba’t ibang
bahagi na gagabay sa kanila upang maunawaan ang bawat aralin at malinang ang
mga kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na

naglalaman ng mga paalala, pantulong o estratehiyang magagamit ng mga
magulang o kung sinumang gagabay at tutulong sa pag-aaral ng mga mag-aaral sa
kani-kanilang tahanan.

Ito ay may kalakip na paunang pagsusulit upang masukat ang nalalaman

ng mag-aaral na may kinalaman sa inihandang aralin. Ito ang magsasabi kung
kailangan niya ng ibayong tulong mula sa tagapagdaloy o sa guro. Mayroon ding
pagsusulit sa bawat pagtatapos ng aralin upang masukat naman ang natutuhan.
May susi ng pagwawasto upang makita kung tama o mali ang mga sagot sa bawat
gawain at pagsusulit. Inaasahan namin na magiging matapat ang bawat isa sa
paggamit nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot sa
mga pagsasanay.

Hinihikayat ang mga mag-aaral na makipag-ugnayan agad sa kanilang guro

kung sila ay makararanas ng suliranin sa pag-unawa sa mga aralin at paggamit ng
SLM na ito.

Sa pamamagitan ng modyul na ito at sa tulong ng ating mga tagapagdaloy,

umaasa kami na matututo ang ating mag-aaral kahit wala sila sa paaralan

Ang modyul na ito ay naghahanda sa mga mag-aaral upang maipaliwanag

ang kaisipang nakapaloob sa teksto. Ang kahirapan mo bilang mag-aaral sa aralin
na ito ay mawawakasan sa tulong ng modyul na ito.

Mga Tala para sa Guro

Ang modyul na ito ay naghahanda sa mga mag-aaral upang
maipaliwanag ang mga kaisipang nakapaloob sa teksto. Ang
kahirapan mo bilang mag-aaral sa aralin na ito ay mawawakasan.
sa tulong ng modyul na ito.
 Alamin

Ang modyul na ito ay ay idinisenyo at isinulat upang tulungan kang matukoy at

maunawaan ang kaisipang nakapaloob sa teksto.

Matapos ang modyul na ito, inaasahang matutuhan mo ang;

1. naiuugnay ang mga kaisipang nakapaloob sa binasang teksto sa sarili, pamilya,
komunidad, bansa at daigdig. (F11PB-IIId-99);
2. naipaliliwanag ang mga kaisipang nakapaloob sa tekstong binasa (F11PS-IIIf-
92).

1
 Subukin

Alamin natin ang lalim ng iyong kaalaman sa asignaturang ito sa pamamagitan ng

panimulang pagsusulit.

Pangkalahatang Panuto: Basahin at unawaing mabuti ang mga tanong sa modyul

na ito. Isulat ang sagot sa hiwalay na papel.

A. Basahing mabuti ang teksto at tukuyin kung saan maiuugnay ang mga
kaisipang nakapaloob dito. Piliin ang titik ng tamang sagot sa loob ng kahon.
Isulat ito sa sagutang papel.

a. sarili
b. pamilya
c. komunidad
d. bansa
e. daigdig

1. Abala na naman ang lahat sa paghahanda para sa isang bagong umaga na

magkakasama ngunit nagimbal ang lahat sa isang napakagandang balita. Ang
ilaw ng tahanan ay lumabas bitbit ang pregnancy test na may dalawang guhit
na pula tanda ng pagdating ng panibagong anghel sa kanilang tahanan.

2. Pinayagan nanng magbukas ang arcade at sinehan sa mga lugar na nasa

General Community Quarantine aminado ang pamahalaan ng Pilipinas na
nagluluwag na sa mga lugar na nasa GCQ pero hindi ibig sabihin na
magluluwag din sila sa mga Health Protocols.

3. Napakahalaga na kilalanin ang iyong kamalian, ang pagtanggap dito ay hindi

nangangahulugang kabawasan ng iyong pagkatao bagkus ay isang yugto ng
malalim na pagkatuto sa bawat karanasan.

4. Ang bayan ng Dinalupihan ay binubuo ng 46 na barangay. Ang populasyon

nito ayon sa census noong nakaraang 2015 ay nasa 106,371 na katao. Ang
kanilang katutubong wika na ginagamit dito ay Tagalog.

5. Dahil sa nauusong Tiktok, napagpasyahan ng pamilya Vasquez na mag-

upload nito at isinali sa palabas na Will Time Bigtime. Ang nais lamang nila ay
magkasama-sama sa isang bidyo na puno ng kasiyahan at pagmamahalan
hindi nila akalain na sila ang napiling nagwagi ni Kuya Will.

2
 6. Pinahintulutan ng bansang Cambodia ang agarang paggamit ng China
Sinovac Covid-19 Vaccine.

7. Halos lahat ng tao ay nabulabog at nagimbal sa mga kaganapang may

kinalaman sa pandemyang Covid-19. Marami ang nabuhay sa takot at pag-
aalala ngunit sa kabila ng mga dinanas ang bawat tao patuloy silang
lumalaban dahil alam nilang kapanalig nila ang Diyos sa bawat suliranin.

8. Perlas ng Silanganan ang taguri sa ating bansang minamahal kung saan ang
mga bayani ay nabuhay sa pakikibaka makamit lamang ang kalayaang
kanilang hinahangad para sa ating bansa.

9. Hindi lahat ng nanunungkulan ay nabibigyang pagkakataong maglingkod sa

ikalawang pagkakataon tulad ng nangyari kay Donald Trump, Ang kanyang
panunungkulan bilang Presidente ng Amerika ay natapos nang ang kanyang
katunggaling si Joe Biden ay nagwagi laban sa kanya.

10. Ang kakayahan ng mga pinoy ay hindi matatawaran tulad na lamang noong
ipinamalas ng Groove Unlimited Philippines nang sila ay lumahok at naging
ikalawang kampeon sa United Dance Organization-UDO World Street Dance
Competition na ginanap sa Blackpool United Kingdom

B. Tukuyin ang kaisipang nakapaloob sa bawat talata. Isulat ang titik ng

tamang sagot sa hiwalay na papel.

11.Hindi lamang mag-aaral ang dumaranas ng kahirapan sa bagong sistema ng

pag-aaral, may mga magulang na hindi maiiwasang magsalita at magkaroon
ng hinaing kaugnay nito, may ilang bilang din ng guro na nahihirapan sa
makabagong sistema, Ang kinakailangan lang sa ganitong pagkakataon ay
ang pagtutulungan ng bawat isa upang hindi mapilayan ang edukasyon.

a. Hinaing sa pandemya.
b. Hirap na dinanas sa pandemya.
c. Magtulungan sa panahon ng makabagong sistema ng edukasyon
d. Hindi lamang masusurang pangyayari ang ating naranasan sa panahon
ng pandemya

12. Naging bahagi ng malaking usapin ang Child Protection Policy kung saan ang
bawat mag-aaral sa Face to face Education noon ay alam ang kanilang
karapatan at ipinaglalaban. Ang kanilang hinaing ay narinig ngunit may ilang
bilang din ng guro ang nakaranas ng hindi maganda sa kamay ng kanilang
mag-aaral, Hindi ba dapat kung mayroong Child Protection Policy ay
magkaroon din ng Teacher Protection Policy bilang proteksiyon ng mga guro sa
ilang bilang ng mag-aaral na walang pagpapahalaga at respeto sa kanilang
guro.

3
 a. Dapat magkaroon ng Teacher Protection Policy
b. Hindi magandang magkaroon ng Teacher Protection Policy
c.Hindi lamang mag-aaral ang nangangailangan ng polisiyang
pamproteksiyon maging ang guro ay nangangailangan din nito.
d. Mas maraming bilang ng mga mag-aaral ang nakaranas ng pagmamalupit
sa kamay ng kanilang pinagkakatiwalaang mga guro.

13. Ang aralin mo sa matematika o sipnayan ay lubhang napakahirap. Hindi

ka matulungan ng iyong magulang sa asignaturang ito, ang ibang miyembro
rin ng iyong pamilya ay walang ideya sa pagkuha ng tunay na sagot `sa mga
tanong, Ano ang nararapat mong gawin sa ganitong pagkakataon?

a. Hindi sasagutan ang mga tanong na lubhang mahirap unawain

b. Makipag-uugnayan sa guro na tulungan sa araling nagdadala ng kahirapan.
c. Makiusap sa kamag-aral na sagutan ang mga katanungang hindi kayang
sagutin
d. Nakatutuwa na hindi na kailangang maghirap ng mga mag-aaral dahil
may pagkukuhanan na ng sagot sa modyul.

14. Bilang mag-aaral gaano kahalaga ang mga kaisipang nakapaloob

sa teksto sa sarili, pamilya, komunidad, bansa at daigdig.
a. Anomang uri ng teksto ay dapat kapulutan ng aral na maaaring magamit
sa buhay
b. Napakahalaga sapagkat ang tekstong binasa ay mag-iiwan ng tatak sa
isip ng mambabasa.
c. Mahalaga ang kaisipan sa teksto dahil ito ay batayan ng magiging
tagatangkilik ng akdang isinulat.
d. Napakahalaga sapagkat ang kaisipang nakapaloob sa teksto ay
makatutulong upang magkaroon ng malawak na kaalaman mula rito.

15. Paano makatutulong ang kaisipang nakapaloob sa teksto

sa damdaminng mga mambabasa?
a. Ang kaisipang nasa teksto ay isang paraan para malito ang isipan ng mga
mambabasa
b. Napakainam na ang kaisipang nakapaloob sa teksto ay
mapapakinabangan ng manunulat.
c. Ang kaisipan ay nakadepende sa pananaw ng bumabasa ng akda na
makakakuha ng simpatiya sa iba.
d.. Ito ay maaaring makapagpabago ng ideya o konsepto ng babasa ng teksto
para sa mas mabuting pagpapasiya at kaalamang makukuha

Aralin Kaisipang Nakapaloob

4
 1 sa Teksto

___________________________________________
Ang pagbibigay-linaw sa isang babasahin ang makapagbubukas ng
kamalayan ng mambabasa.

___________________________________________

Sa iba’t ibang uri ng babasahin nakakukuha ng malawak na kabatiran ang

tao. Ito ang mag-uugnay sa kaniya sa akdang kanyang binabasa. Nagkakaroon siya
ng pagkakataon makapagbigay ng sariling ideya, kaalaman at opinyon sa kaniyang
binasa.

Napakahalagang maihanay ang mga tiyak na kaalaman dahil ito ay

makatutulong sa malawakang pang-unawa na dapat makuha sa teksto. Ang bawat
salita na magbibigay ng sapat na kabatirang tutugon sa mga katanungan
malalapatan ng kasagutan sa akda gamit ang kanyang sariling konsepto at
kabatiran sa paksang pinag-uusapan.

Ang bawat kaalaman na makukuha sa tekstong binasa ay isang mabisang

aplikasyon sa mga naisin ng tao. Nabibigyang pagkakataon niya ang kanyang sarili
na makapaghabi ng mga pananaw at opinyon na makatutulong upang
makapagbahagi siya ng isang kabatiran na magagamit ng iba.

Isang malinaw na kabatiran ang magdadala sa mambabasa sa isang tiyak

na konsepto na magiging daan upang maging ganap ang mga kaalamang dapat
makatugon sa mga kanyang katanungan. Ang mabisang pagpapaliwanag ang isang
pinakamabisang instrumento sa pang-unawang magtatawid sa kamalayan ng tao
sa mga kaalamang nais niyang matamo.

5
 Tuklasin

Ang lahat ng kaganapan sa mundo ay may paliwanag. Dahil hindi tumitigil

ang tao na humanap ng kasagutan sa mga tanong na hindi niya kayang sagutin.
Ang pagiging maalam niya ang makatutulong upang ang isang katanungan ay
mabigyan ng kasagutan batay sa impormasyon, kaalaman, ideya at konsepto na
kanyang matatamo.

Ang paghahanay ng mga kaisipang makukuha ay sinisigurong malinaw at

naihanay nang maayos ang daloy ng mga ideya sa pagbuo ng isang konsepto.

Ang kaunlarang mayroon ang tao ngayon ay bunsod ng kanyang kahusayan

na maghabi ng mga kaisipang nasasaklaw ng malalim na kaalaman ng tao.

Ang pag-uugnay at pagpapaliwanag ng kaisipan ay makatutugon sa malalim

na pang-unawa ng tao batay sa sarili, pamilya, komunidad, bansa at daigdig.

Alam mo Ba?

Mahalagang matukoy ang mga kaisipang nakapaloob sa teksto.

Makatutulong ang mga kasanayan sa paghahanay ng mga kaisipan upang

magamit sa pagpapahayag ng mga konsepto, kaalaman at ideya mula sa mga
kaisipang nais ipabatid ng teksto.

Kilalanin mo na!

Sa aralin nating ito ganap ang iyong magiging pagkilala sa mga kaisipang
nakapaloob sa teksto.

Simulan na natin.

6
 Suriin

Matapos ang iyong pagkilala sa ating aralin, ganap nating alamin ito sa
pamamagitan ng mga tiyak na halimbawa na makatutulong sa iyong malawak na
pag-unawa sa aralin.

Ang bunga ng kaisipang nakapaloob sa teksto na nagpapahayag ng layunin

na magiging daan sa pagkakaroon ng mas malalim na kaalaman ng tao.

Ito ay magsisilbing tulay sa pagkakaroon ng mataas na kamalayan ng tao

upang mas higit niyang mapabuti ang kanyang pamumuhay. Ang kaisipang
nakapaloob sa teksto ang magiging daan upang magkaroon ng kasagutan ang mga
tanong na nakabitin sa kanyang isipan. Makapagdidibuho siya ng mga konsepto at
pananaw na magbibigay ng maayos na pagpapaliwanag sa mga kaisipang dapat
magbibigay ng kaalaman.

Halimbawang Teksto:

Kaming Mga Guro

ni: Sylvia D. Gatus

Nabubuhay kaming may iisang layunin, ang debosyon sa sinumpaan

naming tungkulin ang pinakasandata namin sa lahat ng hirap at pagtitiis na
kaakibat ng aming pagtuturo. Bagamat iba-iba ang paraan na ginagamit sa
pagkatuto ng mag-aaral ang pangunahin naming layunin ay makapagbahagi ng
kaalaman at karunungang sa kanila. May mga guro na daig pa ang delivery
man sa Lazada sa pagde-deliver ng modyul sa mag-aaral, tila naging call center
agent sa paggamit ng telepono matawagan lamang isa-isa
ang kanilang mag-aaral, ipaabot ang dapat nilang gawin at
matutuhan sa kanilang aralin. Nagamit din ang iba’t ibang
app na makatutulong magkaroon lamang ng tiyak na
ugnayan sa mga estudyante. Mababakas ang pagiging
maaalalahanin, mapagtiis at maunawain sa mga
sitwasyong kinakaharap ng mga mag-aaral. Ang mga
hadlang o balakid sa pagbabahagi ng karunungan ay hindi
namin inaalintana bagkus ang mga balakid na ito ang
ginagawa naming daan upang mas lalo pang magpatuloy
na mag-abot ng karunungan sa kahit pinakamahirap na pamamaraan.

7
Mga Kasanayan sa Pagtatamo ng mga Kaisipang nakapaloob sa Teksto

Narito ang ilan sa mga kasanayan sa pagtatamo ng ng mga kaisipang nakapaloob

sa isang teksto.

1.Pagtukoy sa mga pangunahin at pantulong na kaisipang nakapaloob sa teksto

Ang pangunahing ideyang nakapaloob sa talata ang pangunahing kaisipang

nakapaloob dito. Ito ay inilalahad sa bahagi ng talata na maaaring matagpuan sa
simula, gitna o wakas. Makatutulong ang paggamit ng mga pamaksang
pangungusap sa pagtukoy ng pangunahing kaisipang nakapaloob sa akda,
makatutulong rin ang mga detalye o pantulong na kaisipan sa pagtukoy ng
pangunahing kaisipang ipinahayag sa loob ng isang sulatin. Ang pagkabuo ng
talata batay sa ugnayan ng mga salita sa paksa ay makatutulong sa pagtukoy ng
mga pangunahin at pantulong na kaisipan sa loob ng teksto.

Ang pangunahing ideya na nakapaloob sa akda ay ang uri ng guro, ginamit

na pantulong na ideya ang katangian ng guro, kasalukuyang paraan na ginagawa
sa pagkatuto ng mga mag-aaral at mga salik nakaaapekto sa kanilang pagtuturo.

Ang kaisipang nakapaloob dito ay gagawin ng guro ang lahat kahit ang
pinakamahirap na pamamaraan makapagtamo lamang ng kaalaman at
karunungan ang mga mag-aaral.

2. Pagtukoy sa damdamin o tono ng teksto

Likas na sa tao ang maipakita ang damdamin tungkol sa binasang teksto.

Mababakas ang pangunahing nilang saloobin batay sa tonong naghahari sa teksto
maaaring ito ay malungkot, masaya, galit, nakatatakot at iba pa.

Halimbawang Teksto:

Akala ko, Kaya pala!

ni: Sylvia D. Gatus
Sa simula, ang lahat ay parang isang munting paraiso sa maliit na bubong
ng ating tahanan, salat man sa karangyaan ngunit ang pagmamahal na binalot
mo rito ay sapat upang ang lahat ng mga materyal na bagay na kulang ay
mapunuan.
Ang mga pangarap na hinabi nating dalawa ay unti-unti na nating
pinagdudugtong. Buong kasiyahan mong ipinaaalam sa akin ang mga plano
mong nagtagumpay. Hindi ka nag-aatubili na gumawa ng mga bagay na
magpapataas ng antas ng ating kabuhayan. Ang iyong hanapbuhay ay
dinagdagan upang mas maipatikim sa akin ang kaginhawahan. Sino ba ang
hindi mabibighani sa iyo mahal, ang mga tingin mo na lumalagos sa kaluluwa,
ang mga kamay mong banayad humaplos na nangangako ng panghabambuhay
na kaligayahan, ang mga tinig mong parang musika sa aking tainga, ang mga
halakhak mo na tila ba walang puwang ang kalungkutan.

8
 Iyon ang buong akala ko. Nang makita kong nag-iiba ang kulay ng iyong
mga labi, nang mapansin ko na unti-unting nahahapis ang iyong matipunong
pangangatawan at ang dating makislap mong mga mata ay nawalan ng kinang
at sigla, doon ko napagtanto na may kakaiba sa iyo.

Mahal bakit hindi mo sinabi na tinuldukan na ng doktor ang buhay mo?

Bakit hindi mo pinaalam sa akin? Kaya pala ang mga halakhak mo nitong mga
huling araw ay tila huwad, kaya pala sa bawat taginting ng iyong tinig ay may
mga maliliit na butil ng tubig na bumubukal sa pagitan ng iyong mga mata.
Nagsimulang mag-iba ang lahat, Ang iyong tinig, ang iyong gawi, ang iyong
lakas. Isa lang ang hindi nagbago sa iyo, iyon ay ang pagmamahal mo sa akin.
Akala ko ihahain mo sakin ang pinakamasarap na uri ng pagmamahal na
dapat kong malasap sa piling mo. Akala ko sabay nating aabutin ang mga
pangarap nating binuo. Akala ko lang pala iyon, kasi sa kandungan ko putol na
ang iyong hininga… Akala ko...Kaya pala…

Ang teksto ay kinapapalooban ng sari-saring emosyon o damdamin. Ang

pinakapangunahing damdamin na mararamdaman ng mambabasa ang magiging
tono ng teksto.

Ang pangunahing kaisipang nakapaloob sa akda ay maging matatag sa lahat

ng pagsubok na darating sa buhay. Ihanda ang sarili sa mga hindi inaasahang
pangyayari na puwedeng maganap at kapag dumating ito huwag magpatalo sa
kalungkutan.

3. Pagkilala sa Opinyon at Katotohanan

Ang mundong ating ginagalawan ay nakararanas ng iba’t ibang uri ng

sitwasyon kaya hindi maiiwasan ang pagbibigay ng opinyon o pananaw sa isang
paksa. Ang opinyon ay ang sariling palagay o kurukuro sa paksang pinag-
uusapan, Walang maling opinyon sa nagbibigay ng sariling haka, ngunit ito ay
maaring tama o hindi sa iba. Ang katotohanan naman ay may tiyak na basehan,
may pinagkuhanan ng mga angkop at tumpak na datos o detalye na dumaan sa
isang pagsusuri.

Halimbawang Teksto:

Senior High School, ang unang sasabak sa Face to Face na klase

ni: Sylvia D. Gatus
Pinag-aaralan ng pamahalaan at ng Kagawaran ng Edukasyon ang muling
pagkakaroon ng Face to face Classes at tinatayang ang mga mag-aaral ng
Senior High School ang unang sasabak sa inihahaing bagong programa.
Ayon kay Education Undersecreatary Diosdado San Antonio, patuloy ang
ginagawang paghahanda ng ahensya para sa face-to-face classes. Hinihintay na
lamang ang pagpayag ng Pangulong Rodrigo Duterte para sa pagpapasimula ng
bagong programang pang-edukasyon.

9
 Ang lahat ng ito ay pinag-aaralan pa at kinakailangan rin ang pagpayag ng
lokal na pamahalaan, magulang at mag-aaral sa napipintong face to face
classes.

Patuloy ang ugnayan ng bawat

paaralan, ahensya ng pamahalaan at ng
mga mamamayan sa inihahaing bagong
programa. Walang masama kung
susubukan tiyakin lamang ang
kaligtasan ng mga taong magiging
bahagi ng nasabing programa.

Dahil tayo ay tao likas na sa atin ang ipahayag ang kung ano ang
nasasaloob natin, maging ito man ay katotohanan o opinyon.

Ang talahanayan sa ibaba ay nagpapakita ng katangian ng katotohanan at

opinion

Katotohanan Opinyon
Ayon kay Education Undersecreatary Walang masama kung susubukan
Diosdado San Antonio, patuloy ang tiyakin lamang ang kaligtasan ng mga
ginagawang paghahanda ng ahensya taong magiging bahagi ng nasabing
para sa face-to-face classes. Hinihintay programa
na lang ang pagpayag ni Pangulong
Duterte para sa pagpapasimula ng
inihahaing bagong programa , Ang face
to face classes

Ang pagkilala sa katotohanan at opinyon ay napakahalaga sa pagbasa ng

iba’t ibang akdang pampanitikan

Ang iyong sariling pag-unawa sa teksto ang makatutulong sa iyo upang ang
mga detalyeng nakapaloob dito ay magbigay ng isang konsepto o bagong pananaw
na magagamit mo upang magbalangkas ng mga kaisipang nakapaloob sa teksto at
kung paano mo ito iuugnay sa iyong sarili, pamilya, komunidad, bansa at daigdig.
Napakahalaga na matukoy ang mga impormasyong nakapaloob dito upang maging
ganap ang pagbibigay ng iyong ideya, saloobin at pananaw.

Ang eksposisyong sa mga salita sa loob ng teksto ay isang mabisang paraan sa

pagtuklas ng kasanayang uriin ng mga kaisipang nakapaloob sa teksto.

Pagyamanin

10
Binabati kita! Matapos mong pag-aralan ang ating aralin, ngayon naman ay dadako
tayo sa pagsagot ng mga gawaing inilaan para sa iyo.

Panuto: Basahin at unawain ang teksto. Sagutin ang mga katanungang kaugnay
ng aralin. Isulat ang iyong sagot sa hiwalay na papel.

A. Teksto # 1

Halimbawang Teksto:

Pag-aaral sa Panahon ng Pandemya

Ni: Sylvia D. Gatus

Isang makabagong sistema ng edukasyon ngayon ay ang modyular na pag-

aaral, Ito ay isang paraan upang patuloy na matugunan ang pangangailangan
ng mag-aaral sa pagtatamo ng mataas na antas ng karunungan.

Hindi naging hadlang ang pandemya ng Covid-19 upang ang sistema ng

edukasyon ay mapilayan. Bagkus gumamit sila ng iba’t ibang alternatibo upang
hindi mahinto ang pagbibigay ng karunungan sa mag-aaral, isa na rito ang
modyular na pag-aaral na ginagamit ngayon ng karamihan sa mga
pampublikong paaralan na walang kakayahan upang isagawa ang Online
Classes sa internet, Ito ay maisasakatuparan sa pakikipagtulungan ng bawat
isa. Kabilang sa mga ito ang magulang at iba pang miyembro ng pamilya na
walang sawang nakipag-uugnayan sa paaralan sa pagkalap ng mga
kakailanganing materyales ng mga bata, Siyempre ang mga guro na hindi
alintana ang nakatatakot na pwedeng kasapitan sa pamamahagi at pagkalap
ng modyul, Higit sa lahat ang mga kawani ng edukasyon at pamahalaan na
patuloy na lumalaban upang hindi mapilayan ang sistema ng edukasyon.

Lahat ay nagpapatuloy sa kagalingan ng edukasyon kahit na

nahihirapan.

Ang kahirapang dala ng bagong sistema ay patunay lamang na ang

edukasyon sa Pilipinas ay hindi pahihintulutan ang kahit na anupamang
pandemya o sakuna na magdudulot ng kahinaan sa pagbibigay ng kaalaman at
karunungang dapat matamasa ng isang mamamayang pilipino.

1. Sa pamamagitan ng Concept Map, Itala ang pangunahin at mga pantulong na

kaisipan sa teksto.

Pangunahing Kaisipan

Pantulong
na 11
Kaisipan

Pantulong
na Kaisipan
 Pantulong
na Kaisipan

2. Paano mo maiuugnay ang teksto sa iyong sarili at pamilya ?

3. Ang kaisipan sa teksto ay tumutukoy sa pagpapatuloy ng edukasyon sa kabila

ng pandemya, Ipaliwanag?

B. Teksto # 2
Halimbawang Teksto

Lugaping Kalikasan
ni: Sylvia D. Gatus
Marahang itindig ang kalikasang lugapi
Ng masaklap na pinagdaanag nagsabog ng lupit
Sa sangkalupaan at sangkatubigan na hinahagupit
Ng mga ganid at tusong sabik sa yamang pilit

1. Tukuyin ang Ganap ng sugatan

damdaming ang maliit
naghahari na binhi
sa teksto? ngito
Bakit kapaligiran
ang tono ng teksto?
Sugat na nagmula sa palaso ng mga lihim na kalaban
2. AnongKalaban
kaisipanna
ang nakapaloobmakakuha
nagngangalit sa tekstong binasa?
lamang ng kapirasong yaman
Kapalit ay malaking pagsabog sa galit ng kalikasan
3. Bilang kabataan, Paano mo maipakikita ang iyong pagmamahal sa kalikasan sa
ating bansaHuwag
at buong daigdig?
nating hintaying kalikasan ay magsimulang manlupig
Dahil kahit
C. Teksto # 3 ang taong walang malay sa kapalaluan ay hihiyaw ng pagtangis
Nakatatakot…Nakapangingilabot…
Halimbawang Teksto:
Huwag natin hintaying ang kalikasan sa atin ay mapoot

Kapag Nagmahal, Inaayawan

Ikaw kabataan alam kong taglay mo ang giting at kabayanihan
Habang may nang-aaba sa ating kalikasan ay lalo sanang mabuhay sa puso mo
ni: Sylvia D. Gatus
ang tapang
Ang masuyong hagod upang ingatan ang kapaligiran ay bigyang puwang
Hindi lahat ng nagmamahal ay ginugusto. Mayroong nagmamahal na
Ipagtanggol mo ang kaloob sa atin ng Diyos na yaman
inaayawan tulad ng mataas na presyo ng bilihin. Lubhang nakababahala ito
sa maraming Pilipino ngayon dahil ang pagtaas ng halaga ng basic
commodities ng tao ay nakisabay pa sa panahon ng pandemya.
12
Marami na ang mga pilipinong nagkukutkot ang kalooban sa sobrang
taas ng presyo ng bilihin sa pamilihan. Ang budget sa pagbili ng mga
pangunahing pangangailangan ay hindi na makasapat sa mga presyong
 1. Sa pamamagitan ng mga salitang nakasulat sa Graphic Organizer sa
ibaba, Tukuyin kung ano ang katotohanan at opinyon sa teksto.
Ilagay sa sagutang papel ang iyong sagot.

Katotohanan sagot
Opinyon sagot

2. Kapanayamin ang miyembro ng pamilya na siyang nagba-budget ng

pangunahing pangangailangan ninyo, Alamin ang mga pamamaraan na ginagawa
niya upang mapagkasya ang budget ng pamilya .

3. Anong kaisipan ang nakapaloob sa akdang binasa?

Isaisip

Magaling ang iyong naging Gawain sa binasang teksto, ngayon naman ay dadako
tayo sa bahaging maghahasa ng iyong kaalaman sa ating aralin.

Panuto: Basahin nang malakas ang teksto sa harap ng miyembro ng pamilya,

Unawain ang nilalaman nito at sagutin ang mga katanungan na nasa ibabang
bahagi. Isulat ang sagot sa sagutang papel.

Laban Lang
ni: Sylvia D. Gatus

Hindi lamang sa pamamagitan ng armas na de sabog nagkakaroon ng

labanan. Nang lumaban ako sa hamon ng buhay, kuwaderno at pluma ang
aking naging sandata, Tiyaga at tibay ng loob ang ginawa kong talim sa
pakikipagbuno sa aking mga aralin.

Makabagong bayani ako ng bayan dahil alam ko ang halaga ng buhay

at ang hirap ng pakikipagsapalaran. Nagpupumilit ako na ang bawat galaw
ko ay may kabuluhan at magkakaroon ng saysay ang adhikaing aking
tinatanaw sa dako pa roon.
13
Naaalala ko ang tagubilin lagi ni Inay at Itay na," Huwag kang titigil.
Huwag kang susuko. Laban lang."
 Puro numero ang naging kapiling ko sa limang taong pag-aaral. Paano
gumawa ng plano at paglalapat nito sa maka-agham na pamamaraan.
Mabusising proseso ngunit kapag narating mo ang dulo kahit karanasan na
dinanas ay maididibuho mo.

Ang mga kahirapan sa bawat asignatura ay payak lamang sa kahirapang

dinanas ko makapagtapos lamang ng pag-aaral. Ang pumasok sa paaralan na
walang baon. Ang pagtiyaan ang napakanipis na unipormeng bakas na ang
kalumaan. Ang isuot ang sapatos na nakangiti ang dulo at nakadila ang butas
na medyas na nakasilip dito. Ang pagpasok sa paaralan nang puyat dahil
kailangan mo pang maghanapbuhay sa gabi upang matustusan ang pag-aaral.
Ang nakikita kong pagpupumilit ni Inay at Itay na makatapos ako ng pag-aaral
sa kabila ng aming kahirapan. Ang paghimas ni Itay sa kanyang tricycle at
pagharap ni Inay sa gabundok na labada ang nagpatatag ng aking hangarin na
makapagtapos sa kahit na pinakamahirap na paraan. Kung ang mga magulang
ko nga hindi inalintana ang pagod at hirap, Ako pa kaya? Pinatibay ko lang ang
aking pananalig sa Diyos at alam kong sa bawat paglipad at pag-abot sa higit na
mataas na tanaw ay hindi Niya ako pababayaan. Basta laban Lang!

Mga Tanong:

1. Mula sa tekstong binasa, Ipaliwanag ang pangunahing kaisipan ng

akda at tukuyin ang mga pantulong na kaisipang nakapaloob dito.
________________________________________________________________
________________________________________________________________
________________________________________________________________
2. Isa-isahin ang mga damdaming nakapaloob sa teksto? Ilarawan ang
tono ng tekstong inilahad sa akda.
________________________________________________________________
________________________________________________________________
________________________________________________________________

3. Tukuyin ang mga bahagi ng teksto na naglalahad ng opinyon at

katotohanan.
________________________________________________________________
________________________________________________________________
________________________________________________________________
4. Paano mo maiuugnay sa sarili, pamilya, bayan, komunidad at bansa
ang tekstong binasa?
________________________________________________________________
________________________________________________________________
_______________________________________________________________

14
 Isagawa

Sa pagkakataong ito, mas higit nating palalawakin ang iyong kaisipan sa

pamamagitan ng pagsulat.

Muling balikan at basahin ang tekstong matatagpuan sa pahina 15.

Pagkatapos nito, sumulat ng tekstong naglalaman ng mga karanasan sa paglabang
ginawa sa mga hamon ng buhay

Pamantayan sa pagbuo ng teksto:

1. Binubuo ng tatlong talata na may tiglilimang pangungusap

2. May kaugnayan sa paksang Laban Lang!
3. Magkakaugnay ang mga ideya at kaisipan
4. Naglalaman ng mga kasanayan sa pagtatamo ng mga kaisipang
nakapaloob sa teksto
Narito ang mga pamantayan sa Pagmamarka ng sulatin

10 7 3

Ang kaisipang
Nilalaman ng Mabisang Medyo mabisa ang
nakapaloob sa
teksto naipakita ang kaisipan na
teksto ay
kaisipang nakapaloob sa
napakabisang
nakapaloob sa teksto.
naipakita.
teksto.

Pagkamalikhain Napakamalikhain Malikhain at Medyo malikhain

at kaiga-igaya ang maayos ang at hindi maayos
pagkakasulat ng pagkakasulat ng ang akda
akda akda

Kaangkupan May napakalaking May malaking Medyo may

kaugnayan sa kaugnayan sa kaugnayan sa
paksa paksa paksa

Kalinisan Malinis na malinis Malinis ang Medyo malinis at

ang pagkakabuo pagkakabuo at medyo may
pagkakasulat pagkakasulat kaayusan ang
isinulat.

15
 Tayahin

Nagagalak akong nagpamalas ka ng kahusayan sa pagsagot ng mga Gawain

sa modyul na ito, ngayon naman ay sagutin mo ang maikling pagsusulit na inilaan
para sa iyo.

Panuto: Piliin ang titik ng tamang sagot. Isulat ang iyong sagot sa hiwalay na
papel.

1. Nang tanungin mo ako padamdam kong sinabi sa iyo na ang panaklong ng

iyong pagmamahal ay huwad sapagkat ang puso ko ay kinuwit mo ng sakit na
nagmarka ng malalim na sugat, Panahon na upang maglagay ako ng gitling sa
pagitan nating dalawa dahil ang lahat ng tayo ay isang malaking tuldok na
lamang. Anong konsepto ang nabuo mo mula sa akda?
a. Ito ay gumamit ng malalalim na salita
b. Inilarawan ang damdamin ng sumulat.
c. Bigo ang may akda sa larangan ng pag-ibig.
d. Gumamit ang akda ng mga bantas upang mas mapaganda ang teksto.
2. Naging bahagi ng malaking usapin ang Child Protection Policy kung saan ang
bawat mag-aaral sa Face to face Education noon ay alam ang kanilang
karapatan at ipinaglalaban. Ang kanilang hinaing ay narinig ngunit may ilang
bilang din ng guro ang nakaranas ng hindi maganda sa kamay ng kanilang
mag-aaral, Hindi ba dapat kung mayroong Child Protection Policy ay
magkaroon din ng Teacher Protection Policy bilang proteksiyon sa mga guro
laban sa mga mag-aaral na walang pagpapahalaga at respeto sa kanilang guro.
Tukuyin ang bahagi ng pahayag na naglalahad ng katotohanan?
a. Maraming bilang ng mga mag-aaral ang walang respeto sa kanilang guro.
b. Kung may Child Protection Policy mayroon din namang Teacher Protection
Policy
c. Alam ng mga mag-aaral ang kanilang karapatan dahil sa Child Protection
Policy
d. Ang mga mag-aaral ay nakukulangan lamang sa atensyon ng guro at
kasama sa bahay.
3. Mula sa tekstong nasa bilang 2, Ano ang kaisipang nakapaloob dito?
a. Maraming mag-aaral ang nakararanas ng hindi magandang karanasan sa
kamay ng kanilang mga guro.
b. Ang mga mag-aaral ang mas higit na nangangailangan ng proteksiyon at
seguridad sa paaralan.
c. Tama lamang na maparusahan ang mga guro na gumawa ng hindi maganda
sa kanilang mga mag-aaral.
d. Hindi lamang mag-aaral ang nangangailangan ng proteksiyon maging ang
kanilang guro na hindi inirerespeto at ginagalang ng ibang mag-aaral.

16
4. Sino ang makapagsasabi na ako si Kirara? Ang dati kong kulot at itim na
buhok ay kulay ginto at unat na ngayon, Ang dati kong sarat na ilong ay
maihahalintulad sa ilong ni Pinochio ngayun. Ang makapal kong labi ay
singnipis na lamang ng labi ng baso. Ang maitim kong balat ay singputi
na ng labanos ngayun. Salamat doktor! Iba na talaga ang nagagawa ng
pera at ng siyensiya. Sino ang nagsasalita sa teksto?
a. lalaking naging babae
b. babaeng naging lalaki
c. babaeng nagbago ang hitsura dahil sa siyensya
d. balaki na litong-lito sa kasariang hindi niya rin mapagtanto kung ano.
5. Anong damdamin ang naghahari sa nagsasalita sa akda sa bilang 4?
a. Nag-aalala dahil isa na siyang bagong tao.
b. Nanghihinayang dahil gumastos siya ng malaki sa kaniyang ipinagawa.
c. Ramdam ang tagumpay dahil nakamit niya ang kaniyang kagustuhan.
d. Malungkot dahil hindi siya masaya sa kabila ng kaniyang mga pagbabago
6. Mula sa tekstong nasa bilang 4, Ano ang inilalahad na pangunahing
kaisipan nito?
a. Ang pera at siyensiya ay may malaking puwang sa lipunan.
b. Magpasalamat sa doktor na nakapagpabago ng kaanyuang panloob.
c. Ang pagbabago ng hitsura ng tao ang nakapagpapabago rin ng kaniyang
ugali.
d. Ang pera at siyensiya ay kayang makapagpabago ng panlabas na kaanyuan
ng tao.
7. Ang pagbabago ba ng pisikal na kagandahan ay makapagpapabago rin
ng ugali ng isang tao? Bakit?
a. Kasabay ng pagbabago ng hitsura ng tao ang pagbabago ng kanyang ugali.
b. Ang taong napaganda ng siyensiya ay nagiging mayabang
c. Ang kaanyuang panlabas ay iba sa kaanyuang panloob na hindi kailanman
mapapalitan.
d. Ang kaanyuan ng tao ay nakadepende sa taong kanyang nakakasalamuha
at nakakaharap sa mundo.
8. Nakita ko siya nakalutang sa hangin! Nakasuot ng damit na puting puti.
Anong damdamin ang naghahari sa pahayag?
a. masaya
b. nagagalit
c. natatakot
d. malungkot
9. Walang sawa akong tinutulungan ng aking mga magulang sa pagsagot
ng aking modyul. Para ngang sila ang mga mag-aaral sa paghahanap ng
mga posibleng kaalaman na makatutulong sa amin upang masagot ang
mga mahihirap na tanong sa modyul at kapag nasagot na ang tanong
napapatalon pa sa tuwa si Itay at Inay. Mas excited pa nga yata sila sa
akin sa linggo-linggo naming pagsasagot sa modyul. Sino ang nagsasalita
sa teksto?
a. guro

17
 b. kaibigan
c. magulang
d. mag-aaral
10. Paano inilarawan ng mag-aaral ang kanyang magulang sa teksto na
nasa bilang 9?
a. sapilitang nagsasagot ng modyul para sa anak
b. parang mag-aaral na may interes sa pagsagot ng aralin.
c. madaling magalit dahil hindi kayang sagutin ang tanong sa modyul
d. mainisin dahil hindi sila katulad ng ibang magulang na nakatuon sa
modyul ng anak.
11. Tukuyin ang pantulong na kaisipan na nakapaloob sa tekstong
binasa.
a. paghahanap ng mga posibleng kaalaman
b. masagot ang mga mahihirap na tanong sa modyul
c. kapag nasagot na ang tanong napapatalon pa sa tuwa si Itay at Inay.
d. makuha ang loob ng guro upang mataasan ang marka ng anak kabilang na
sila.
12. Ano ang pangunahing kaisipang nakapaloob sa teksto na nasa bilang
9?
a. paghahanap ng mga posibleng kaalaman
b. masagot ang mga mahihirap na tanong sa modyul
c. pagtulong ng magulang sa pagsagot ng modyul ng anak.
d. kapag nasagot na ang tanong napapatalon pa sa tuwa si Itay at Inay.
13. Nakita ko sa iyong mukha ang malaking pag-aalala nang sabihin na
ikaw ang kukuha ng aking modyul, Nang tumapak ka sa aming paaralan
takot ang nabakas ko dito dahil salat ka sa edukasyon, ni ang pangalan
mo nga ay hindi mo kayang isulat buti na lang may modyular na pag-
aaral, akalain mo yon hindi lamang ako ang natuto sa modyular na pag-
aaral pati ang aking pinakamamahal na ina. Marunong na pong bumasa
at sumulat si Inay. Anong kaisipan ang nakapaloob sa akda?
a. Napakahalaga ng modyular na pag-aaral
b. Hindi lamang anak ang natuto sa modyul maging ang ina.
c. Pag-aalala ng magulang sa pagkuha ng modyul sa paaralan.
d. Obligasyon ng magulang ang kumuha ng modyul ng anak sa paaralan.
14. Saksakan ka nang kupad, alam mo ba na dahil sa kabagalan mo
napag-iwanan ako, Halos iyakan kita makisama ka lang, na makita mo
ang pangangailangan ko sa iyo. Pero, walang nangyari sa pakiusap ko
ang dapat sa iyo lagutin. Hanggang sa tuluyan kang mamatay. Mabuti
pang ipaputol ko na ang internet connection ko. Ano ang ipinahihiwatig
ng akda sa mga mambabasa?
a. Ipinaputol ng may-ari ang linya ng kanyang internet.
b. Nagagalit ang nagsasalita sa teksto dahil sa mabagal na koneksiyon sa
internet.
c. Nakikiusap ang may-ari na bigyan ng isa pang pagkakataon sa gawaing
isasagawa.

18
 d. Naiinis ang may ari sa kanyang internet dahil napakabagal nito kumpara sa
bayad.

15. Gaano kahalaga ang mga kaisipang nakapaloob sa teksto sa sarili,

pamilya, komunidad, bansa at daigdig?
a. Anumang uri ng teksto ay dapat kapulutan ng aral na maaaring magamit sa
buhay
b. Napakahalaga sapagkat ang tekstong binasa ay mag-iiwan ng kakintalan sa
isip at damdamin ng mga mambabasa.
c. Napakahalaga sapagkat ang kaisipang nakapaloob sa teksto ay
makatutulong upang magkaroon ng malawak na kaalaman mula rito.
d. lahat ng nabanggit ay posibleng sagot.

Karagdagang Gawain

Ganap na ang iyong husay at galing sa ating mga aralin. Magpatuloy ka lamang!

Panuto: A. Balikan ang pahina 17, Basahin nang malakas at may damdamin sa
harap ng mga kasama sa bahay ang iyong likhang teksto, Matapos itong basahin
sagutin ang Graphic Organizer na nasa ibaba. Gamitin ang mga salitang
nakapaloob dito upang masagot ng angkop ang mga tanong. Ang kasagutan sa
bahaging ito ay kuhanin sa iyong likhang teksto.

19
 Pantulong na
Kaisipan

Pantulong Pangunahing Pantulong na

na Kaisipan Kaisipan Kaisipan

Pantulong na
Kaisipan

B. Nakatulong ba ang mga pantulong na detalye sa pagtukoy ng pangunahing

kaisipang nakapaloob sa iyong isinulat na teksto. Pangatwiranan ang sagot.

______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________

C. Paano mo maiuugnay ang iyong isinulat sa iyong pamilya, komunidad, bansa at

daigdig?

______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________

20
 sa
komunidad

sa pamilya Kaugnayan
ng Akda sa bansa

sa daigdig

D. Sa mga tekstong nabasa mo sa kabuuan ng modyul na ito, Ano ang

pinakanaibigan mo? Bakit?

______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________
______________________________________________________________________________

Susi sa Pagwawasto

Subukin: Tayahin: Isaisip:

Pagyamanin:
1. b Gawain 1
2. d Gawain A:
3. a 1. d Gawain 2
1.2.3 Ang sagot ay 2. b
4. c
batay sa mag-aaral 3. d Gawain 3
5. b
6. e 4. c
Gawain 4
7. e 5. c
Isagawa: 6. d
8. d Gawain B: Ang mga sagot ay
9. e
Likhang Teksto 7. c batay sa mga mag-
10. e 1,2,3 Ang sagot ay 8. c aaral
Angdsagot ay batay
11. sa mag-sa mag-aaral. 21 9. b
batay
aaral
12. c 10.b
13. b Gawain C: 11. d
14. d 12. c
1,2,3,4 Ang sagot ay
15. c 13. b
batay sa mag-aaral
Sanggunian

Alcaraz, C. V., Jocson, M. O., at Villafuerte, P. V., (2005) Filipino 2 Pagbasa at

Pagsulat Tungo sa Pananaliksik. Quezon City: LORIMAR Publishing Co., Inc.

DepEd (2016). K to 12 Curriculum Guide. Pagbasa at Pagsusuri ng Iba’t Ibang

Teksto Tungo sa PAnanaliksik

De Laza, C. S., (2016) Pagbasa at Pagsusuri ng Iba’t Ibang Teksto Tungo sa

Pananaliksik. Caloocan City: REX Book Store.

ABS-CBN News/File, Na-access 09 Pebrero 2021, https://news.abs-cbn.com

22
Para sa mga katanungan o puna, sumulat o tumawag sa:

Department of Education – Region III,

Schools Division of Bataan - Curriculum Implementation Division
Learning Resources Management and Development Section (LRMDS)

Provincial Capitol Compound, Balanga City, Bataan

Telefax: (047) 237-2102

Email Address: bataan@deped.gov.ph