Professional Documents
Culture Documents
Komiks
Komiks
Ni Rustom M. Gaton
Maikling Kuwento
Sa unang pagkakataon, nakita kong maayos ang kuwarto ko.
Nakatupi ang kumot, tama at walang yukot ang bedsheet, nakapuwesto
ang mga unan. Wala na ring laman ang laundry bin, at wala ring nagkalat
na damit sa itaas at ilalim ng kama.
Maayos na sana lahat kung wala lang ang malamig kong katawan na
nakabitay sa ceiling fan at ang nakatumbang monobloc chair sa ilalim.
Dapat talaga masaya ako ngayon eh kasi sa
wakas ay naayos ko na lahat. Naiwan ko na lahat
ng pagod ko. Hinihintay ko na lang ang liwanag
na kukuha sa akin.
“Ale, heto po ang bayad ko para sa biskwit,” ang sabi ko sa nagtitinda, sabay
abot sa kaniya ng sampung pisong barya mula sa bulsa ng luma kong paldang
pang-eskwela.
“Sige.”
Tumalikod ako at sinimulang kainin ang binili kong biskwit. May paparating
na namang bagyo. Mag e-evacuate na naman kami ni Tatay neto. Binilisan ko
ang lakad upang sabihin sa kaniya ang narinig kong balita.
“May bagong bagyo. Sana malakas para masuspende na naman ang klase natin.
Ha-ha-ha!”