Republic of the Philippines

Department of Education
Region V(Bicol)
Division of Albay
MARCIAL O. RAÑOLA MEMORIAL SCHOOL
San Francisco, Guinobatan, Albay

SANAYANG PAPEL SA IKATLONG MARKAHAN (Ikalimang Linggo)

FILIPINO 9

Pangalan:__________________________________________________ Petsa:________________________
Seksyon:___________________________________________________Lebel:________________________

I. LAYUNIN

1. nailalarawan ang natatanging kulturang Asyano na masasalamin sa

epiko (F9PB-IIIg-h-54).
2. nabibigyang-katangian ang isa sa mga itinuturing na bayani ng alinmang bansa sa Kanlurang Asya
(F9PT-IIIg-h-54)

II. TUKLASIN NATIN: HulaRawan

Panuto: Kilalanin kung ano o sino ang mga nasa larawan upang magkaroon ka ng ideya tungkol sa bansang
India. Gamiting patnubay ang pahayag sa kahon na nauukol sa larawan. Isulat ang sagot sa hiwalay na
papel.
1. Ang dalawang palad ay pinagdaraop at iniyuyuko ang
mukha. Ito ang paraan ng pagbati at paggalang ng mga
Hindu

_________________________________
2. Ito ay ipinagawa ni Emperador Shah Jahan para sa
kaniyang namayapang asawang si Mumtaz Mahal bilang
simbolo ng kaniyang wagas na pagmamahal sa asawa.

_________________________________
3. Isang madreng Katolikong nakilala bilang isang “buhay na
santo” noong nabubuhay pa siya.

_________________________________
4. Pinaniniwalaan ng bansang India ang kagandahan,
katotohanan, at _______________.

_________________________________
III. PAGLINANG NG TALASALITAAN:
Panuto: Punan ng nawawalang letra ang kahon na walang nakasulat upang mabuo ang kahulugan ng salitang
binigyaan diin sa pangungusap.
1. Bihagin mo si Sita para maging asawa mo.
u o
2. Hinablot ni Ravana ang mahabang buhok ni Sita.
i a
3. Nagpanggap si Ravana bilang isang matandang paring Brahman.
g k w
4. Nakumbinsi ni Maritsa si Ravana kaya umisip sila ng ibang paraan.
n p w l
5. Gumawa sila ng patibong para maagaw nila si Sita.
b g

IV. PAGLALAHAD NG ARALIN

Ano Ang Epiko?

 Ang epiko ay tulang pasalaysay na nagsasaad ng kabayanihan ng pangunahing tauhan na nagtataglay ng

katangiang nakahihigit sa karaniwang tao at kadalasan siya’y buhat sa lipi ng mga diyos o diyosa.
 Ang paksa ng mga epiko ay tungkol sa mga kabayanihan ng pangunahing tauhan sa kaniyang paglalakbay at
pakikidigma.
 Ang epiko ay galing sa salitang Griyego na epos na nangangahulugang ‘awit’ ngunit ngayon ito’y tumutukoy
sa pasalaysay na kabayanihan.
 Mga Epiko sa Pilipinas: Biag ni Lam-ang, Hudhud at Alim, Ibaloy, Ullalim, Ibalon, Maragtas, Hinilawod, Agyu,
Darangan. • Mga Epiko sa Ibang Bansa: Iliad at Odyssey ng Gresya, Siegried ng Alemanya, Kaleva ng
Pinlandiya, Ramayana at Hiawatha ng India, Kasaysayan ni Rolando ng Pransiya, Beowulf ng Inglatera, El Cid
ng Espanya, Epiko ni Haring Gesar (Tibet)

Basahin at Unawain ang halimbawang epiko:

Rama at Sita (Isang kabanata)

Epiko – Hindu (India)
Isinalin sa Filipino ni Rene O. Villanueva

Sa gubat tumira sina Rama, Sita, at Lakshamanan nang ipatapon sila mula sa kaharian ng Ayodha. Minsan,
isang babae ang dumalaw sa kanila. Hindi nila alam, nagpapanggap lamang ang babae. Siya ay si Surpanaka, ang
kapatid ni Ravana, na hari ng mga higante at demonyo. “Gusto kitang maging asawa,” sabi nito kay Rama. “Hindi
maaari,” sabi ni Rama. “May asawa na ako.” Narinig ni Sita ang dalawa kaya lumabas siya. Niyakap ni Rama si Sita sa
harap ni Surpanaka. Nagselos nang husto si Surpanaka. Sa galit ay bigla siyang naging higante. Nilundag niya si Sita
para patayin. Pero mabilis na nayakap ni Rama ang asawa at agad silang nakalayo kay Surpanaka, siya namang
pagdating ni Lakshamanan.

“Sige patayin mo siya!” sabi ni Rama. Binunot ni Lakshamanan ang kaniyang espada at nahagip niya ang
tenga at ilong ng higante. “Sino ang may gawa nito?” sigaw ni Ravana nang makita ang ayos ng kapatid.
Nagsinungaling si Surpanaka kay Ravana para makaganti kay Rama. Sinabi niyang nakakita siya ng pinakamagandang
babae sa gubat at inalok niya itong maging asawa ni Ravana pero tumanggi ang babae.

Nang pilitin daw niya, tinagpas ng isang prinsipe ang kaniyang ilong at tenga. “Tulungan mo ako, Ravana,”
sabi pa nito. Bihagin mo si Sita para maging asawa mo.” Naniwala naman si Ravana sa kuwento ng kapatid. Pumayag
siyang ipaghiganti ito.

Ipinatawag ni Ravana si Maritsa. May galing si Maritsa na mabago ang sarili sa kahit anong anyo o hugis.
Nang malaman ni Maritsa na sina Rama at Lakshamanan ang makakalaban, tumanggi itong tumulong. “Kakampi nila
ang mga diyos,” sabi ni Maritsa. “Kailangang umisip tayo ng paraan kung paanong makukuha si Sita nang hindi
masasaktan si Rama.” Nakumbinsi naman si Ravana kaya nag-isip sila ng patibong para maagaw nila si Sita.
 Isang umaga habang namimitas ng bulaklak, nakakita si Sita ng isang gintong usa. Tinawag niya agad sina
Rama at Lakshamanan para hulihin ang usa na puno ng mamahaling bato ang sungay. “Baka higante rin iyan,”
paalaala ni Lakshamanan. Dahil mahal na mahal ang asawa, kinuha ni Rama ang kaniyang pana at busog. “Huwag
mong iiwan si Sita kahit ano ang mangyari,” bilin ni Rama sa kapatid. Parang narinig ng usa ang sinabi ni Rama. Agad
itong tumakbo kaya napasigaw si Sita. “Bilis! Habulin mo ang gintong usa!”

Matagal na naghintay ang dalawa pero hindi pa rin dumarating si Rama. Pinilit ni Sita si Lakshamanan na
sumunod sa gubat. “Hindi, kailangan kitang bantayan,” sabi nito. Ilang oras pa silang naghintay nang bigla silang
nakarinig ng isang malakas na sigaw. Napaiyak si Sita sa takot pero ayaw pa ring umalis ni Lakshamanan kaya nagalit
si Sita. “Siguro gusto mong mamatay si Rama para ikaw ang maging hari,” sabi nito kay Lakshamanan. Nasaktan si
Lakshamanan sa bintang ni Sita. Para patunayang mahal niya ang kapatid, agad siyang sumunod sa gubat. Wala
silang kamalay-malay na sa labas ay naghihintay si Ravana.

Sa gubat, napatay ni Rama ang usa at bigla itong naging si Maritsa. Nagpanggap naman si Ravana na isang
matandang paring Brahmin. Nagsuot ng isang kulay kahel na roba at humingi siya ng tubig kay Sita. Hindi
nakapagpigil si Ravana. “Bibigyan kita ng limang libong alipin at gagawin kitang reyna ng Lanka,” sabi ni Ravana.
Natakot si Sita at nabitiwan ang hawak na banga! Itinulak ni Sita si Ravana. Bumalik sa anyong higante si Ravana.
Hinablot ni Ravana ang mahabang buhok ni Sita at isinakay sa karuwaheng hila ng mga kabayong may malapad na
pakpak. Nagsisigaw at nanlaban si Sita pero wala siyang magawa. Lihim na nagsisi si Sita sa ginawa niya kina Rama at
Lakshamanan.

Itinapon niya ang mga bulaklak sa kaniyang buhok. Nagdasal siya na sana ay makita iyon ni Rama para
masundan siya at mailigtas.

Mula sa isang mataas na bundok, narinig ng isang agila ang sigaw ni Sita. Hinabol ng ibon ang karuwahe ni
Ravana. Pinagtataga ni Ravana ang agila at duguan itong bumagsak sa lupa.

Pabalik na sina Rama at Lakshamanan nang makita nila ang naghihingalong agila. “Dinala ni Ravana ang
asawa mo sa Lanka,” sabi nito bago mamatay. Sinunog ng magkapatid ang bangkay ng agila. Pagkatapos ay naghanda
sila upang sundan ang hari ng mga higante sa Lanka. Dinala ni Ravana si Sita sa Lanka, ang kaharian ng mga higante
at demonyo. “Mahalin mo lamang ako ay ibibigay ko sa iyo ang lahat ng kayamanan.” Sabi ni Ravana. Pero hindi niya
napasuko si Sita.

Hiningi ni Rama ang tulong ng hari ng mga unggoy para salakayin ang Lanka. Sa labanang naganap, maraming
kawal na unggoy ang napatay pero mas maraming higante ang bumagsak na pugot ang ulo. Hinanap ni Rama si
Ravana at silang dalawa ang naglaban.

Matagal na naglaban sina Rama at Ravana hanggang sa mapatay ni Rama ang hari ng mga higante. Tumakas
ang iba pang mga higante nang makita nilang patay na ang kanilang pinuno. Umiiyak na tumakbo si Sita sa asawa.
Nagyakap sila nang mahigpit at muling nagsama nang maligaya.

IV. PAGSASANAY

Gawain 1: Pagsusuri sa nilalaman ng akda

Panuto: Sagutin ang mga sumusunod na tanong. Isulat ang sagot sa inyong papel.

1. Anong kabayanihan ang ginawa ng pangunahing tauhan? Ibigay ang ilang pangyayari sa epiko bilang iyong
patunay.
2. Makatotohanan ba ang kaniyang ginawa upang patunayan ang kaniyang pagmamahal kay Sita?
Pangatwiranan.
3. Ano-ano ang mga ‘di makatotohanang pangyayari sa epikong binasa?
4. Paano pinatunayan nina Rama at Sita ang kanilang pagmamahalan?
5. Paano naiiba ang epiko sa alamat?
Gawain 2:
Panuto: Ibigay ang katangian ni Rama mula sa epikong Rama at Sita. Kopyahin ang pormat sa inyong papel at isulat
ang sagot sa loob nito.
PISIKAL PAG-IISIP

RAMA
ISPIRITWAL PAGSASALITA

Gawain 3:
Panuto: Bigyang hinuha ang maaaring mangyari sa mga sumusunod na pangyayaring napakinggan sa akda. Isulat
ang sagot sa inyong papel.

Pangyayaring nabasa o narinig Maaaring maganap

1. Gustong-gusto ni Surpanaka si Ravana.
2. Iniwan ni Rama si Sita para habulin ang usa.
3. Umalis si Lakshamanan papunta sa gubat para sundin
ang kagustuhan ni Sita.
4. Inihulog ni Sita ang mga bulaklak sa kaniyang buhok.
5. Sinundan ng agila ang karuwaheng lulan sina Sita at
Ravana.

Gawain 4:
Panuto: Isa-isahing ilarawan ang mga kulturang Asyanong masasalamin sa epikong Rama at Sita mula sa bansang
India. Kopyahin ang grapikong pantulong sa inyong papel at isulat ang sagot sa loob nito.

V. PAGTATAYA

Panuto: Magsaliksik ng isang maituturing na bayani sa totoong buhay mula sa Kanlurang Asya. Bigyan siya ng
katangian batay sa mga hinihingi sa loob ng kahon. Ilarawan din ang kulturang taglay niya bilang Asyano. Gayahin
ang pormat sa ibaba sa pagsagot.

Pangalan ng bayani: ________________________________________

A.Pisikal na katangian _______________________________________

B.Intelektuwal na kakayahan _________________________________

LARAWAN NG BAYANI
C.Karangalang ibinigay sa bansa _______________________________

D. Kabayanihang ginawa _____________________________________

E. Kulturang taglay bilang Asyano ______________________________

Inihanda ni:

BIANCA CAMILLE C. PANDAAN

Mga Sanggunian:
https://drive.google.com/drive/folders/1-Z315DH7Pwdw7qkfMKzmAj-gE42Fgwpr
https://youtu.be/RhIP1hWwxuw
https://www.youtube.com/watch?v=Lk3YWDkPv_k

Dr. Voltaire M. Villanueva. 2018, “#ABKD (AKO BIBO KASE DAPAT) Alpabeto ng Inobatibo at Makabagong Guro sa
Agham Panlipunan, Edukasyon sa Pagpapakatao, at Filipino,” VMV11483 Book Publishing House P. Binay St. Bangkal,
Makati City. Peralta, R.N. et al. (2014),

“Panitikang Asyano 9,” Meralco Avenue, Pasig City. Department of Education – Instructional Materials Council
Secretariat (DepEd- IMCS)

SUSI SA PAGWAWASTO:
Tuklasin natin:
1. Namaste
2. Taj Mahal
3. Mother Theresa
4. Kabutihan

Paglinang ng Talasalitaan
1. Ikulong
2. Hinila
3. Nagkunwari
4. Napaniwala
5. Bitag

Gawain 1:
Iba iba ang inaasahang sagot. Guro ang bahalang magpasya

Gawain 2:
Iba iba ang inaasahang sagot. Guro ang bahalang magpasya

Gawain 3:
Iba iba ang inaasahang sagot. Guro ang bahalang magpasya

Gawain 4:
Iba iba ang inaasahang sagot. Guro ang bahalang magpasya

Pagtataya:
Iba iba ang inaasahang sagot. Guro ang bahalang magpasya