ARALIN BLG.
1: ANO ANG IBIG SABIHIN NG PAGIGING Ang katotohanan:
KRISTIANO?
TALIBUKAS:
Maraming mga maling paniniwala patungkol sa paksang ito.
Madalas na ginagawang dahilan ng tao na ang hindi nila pagiging
Muslim; Buddhist o pagano ay nangangahulugang sila ay Kristiano
na. Pansinin natin ang ilang mga katotohanan:
1. MGA MALING PANINIWALA
A. Ang lahat ng tao ay anak ng Diyos kaya masasabing ang
Iahat ay Kristiano.
Ang katotohanan:
 Ito ay hindi totoo sapagkat tinukoy na hindi lahat ng tao ay anak
ng Diyos. (Juan 8:44)
 Hindi lahat ng tao ay maliligtas. (Mateo 7:21)
 Maraming tutungo sa impiemo kaysa sa langit. (Mateo 7:13,14)
 Maraming tao ang nag-aakalang sila ay ligtas ngunit hindi pala.
(Mateo 7:22,23)
 Kung ang lahat ng tao ay Kristiano at ligtas ay wala nang
pinakawalang kabuluhang kamatayan kundi ang sa Panginoong
Hesus; sapagkat Siya ay namatay upang tubusin tayo sa ating
mga kasalanan. (Efeso 1:7)
B. Ang tao ay nalitigtas o nagising Kristiano sa pamamagitan ng
binyag.
1
 Si Simon ay sinasabing nabinyagan ngunit napatunayang hindi
ligtas o hindi Kristiano (Mga Gawa 8:13)
 Ang magnanakaw na napako sa kanan ng krus ni Kristo ay
tinukoy na ligtas ngunit hindi nabinyagan (Lukas 23:43)
 Ang pagiging miembro ng isang relihiyon ay nakapagliligtas.
 Si Hudas ay miembro ng Panginoong Hesus at ingat yaman pa
ngunit siya'y hindi ligtas. (Juan 5:70, 71)
 Ang pagiging madasalin at relihiyoso ay nakapagliligtas.
 Si Cornelio ay kinakailangan pang paalalahanan ni Apostol
Pedro ng tungkol sa kaligtasan sa kabila ng kanyang pagiging
relihiyoso, (Mga Gawa 10)
TAMANG PARAAN NG PAGIGING KRISTIANO
Sa Mga Gawa 11:26, tinutukoy na ang mga tagasunod ni
Hesus ay mga Kristiano. Ang mga Kristiano ay yaong pag-aari ng
Panginoong Hesukristo. Bilang tanda, ang tunay na Kristiano ay
tinatahanan ng Espirito ng Diyos (Roma 8:9). Kung magkagayon,
ang mga sumusunod na mga hakbang ang nararapat gawin upang
ang tao ay maligtas o maging Kristiano:
 Kilalanin mong ikaw ay makasalanan. (Roma 3:10; 3:23;
Jeremias 17:9)
 Pagsisihan mo ang kasalanan at humingi ka ng tawad sa
Panginoon. (1 Juan 1:9)
 Pananampalatayanan at anyayahan ang Panginoong Hesus sa
iyong puso na maging Panginoon at Dios ng inyong buhay.
(Apocalipsis 3:20; Juan 1:12) At sa pamamagitan nito, Siya ay
papasok sa iyong puso at ikaw ay ililigtas Niya.

ANG MGA BUNGA NG PAGIGING LIGTAS O KRISTIANO
 Ikaw ay binigyan ng karapatang maging anak ng Diyos. (Juan
1:12)
 Ikaw ay pinatawad sa lahat ng kasalanan. (Epeso 1:7)
 Ikaw ay binigyan ng kapayapaan ng Panginoon. (Roma 5:1)
 Ikaw ay binigyan ng buhay na walang hanggan (Juan 3:16)
 Ikaw ay ginawang mamamayan ng langit. (Filipos 3:20)
 Ikaw ay binigyan ng makalangit na mana. (1 Pedro 2:4, 5)
 Ikaw ay binigyan ng bagong katauhan. (II Corinto 5:17)
TALIWAKAS:
Ang tunay na Kristiano ay tinaguriang ligtas sapagkat siya ay
inalis mula sa daan ng kapahamakan tungo sa daan ng katuwiran.
Kung talagang ikaw ay lumapit sa Panginoon at tunay mo siyang
tinanggap sa iyong puso't buhay, ang mga nabanggit ay
makatotohanan sa iyong buhay.
ARALIN BLG. 2: ANG MGA TANDA NG TUNAY NA
KRISTIANO
TALIBUKAS:
Maraming tao ang nagsasabing sila ay Kristiano ngunit sa
katotohanan ay hindi. Mayroong mga tanda ang isang tunay na
Kristiano. Nararapat lamang na ang sinomang nagsasabing siya ay
tagasunod ni Kristo ay mapatunayan ito sa pamamagitan ng kanyang
buhay. (II Tim. 3:5, 7 ; Tito 1:16) Pansinin natin ang mga tanda:
2
1. ANG ISANG TUNAY NA KRISTIANO AY MAY
BINAGONG BUHAY
 Ang tunay na Kristiano ay may bagong pag asa. (Il Corinto
5:1-5 ; 1 Pedro 1:3 ; 3:15)
 Ang tunay na Kristiano ay may bagong pagnanasa. (II Cor. 5:9 ;
Colosas 3:1-4 ; 3:17)
 Ang tunay na Kristiano ay may panibagong lakad (II Cor. 5:7)
 Siya ay may bagong gawain. (Mga Gawa 1:8) (nanghihikayat
ng tao - 11 Cor. 5:11)
 Siya ay may bagong hangarin. (1 Cor. 10:31) (pagluwalhati sa
Dios)
 Siya ay may bagong motibo o layunin. ("ang pag-ibig ni Kristo
ang pumipilit" (II Cor. 5:14)
 Siya ay may bagong kaugnayan sa Dios. (anak na ng Dios -
Juan 1:12)
 Siya ay makikianib sa Iglesiang nagtuturo ng tamang
pananampalataya. (Mga Gawa 2:47)
 2. ANG ISANG TUNAY NA KRISTIANO AY. MAY
KATIYAKAN NG KALIGTASAN
Ang isa sa pinakadakilang tanda ng isang tunay na
mananampalataya ay ang katiyakan ng kaligtasan.
 Ang isang tunay na Kristiano ay tiyak ang kaligtasan at ito ay
alam niya. (Roma 8:16, 17, 1 Juan 5:11, 12, 13)
 Ang isang tunay na Kristiano ay may patotoo ng Salita ng Dios.
(Juan 3:16 ; 1 Juan 5:11, 12)
3. ANG ISANG TUNAY NA KRISTIANO AY MAY BAGONG
DAMDAMIN
 Siya ay may pagmamahal sa Panginoong Hesus. (Juan 8:42)
 Siya ay may pagmamahal sa kaniyang kapwa tunay na
mananampalataya. (1 Juan 3:14)
 Siya ay may pagmamahal sa Salita ng Dios. (Juan 8:47; 1
Pedro 2:2)
 Siya ay may pagmamahai sa kabanalan. (Hebreo 12:4)
 Siya ay may pag-ibig sa gawain. (Mateo 28: 18-20)
 Siya ay may pag ibig sa pagtitipon o pagsamba. (Hebreo 10:25)
TALIWAKAS:
Ang mga ito ay ilan lamang sa mga tanda ng isang tunay na
mananampalataya. Ang isang tunay na Kristiano ay nararapat na
nagtataglay ng mga ito.
ARALIN BLG. 3: ANG KARAPATAN AT TUNGKULIN NG-
PANALANGIN
(Roma 8: 26)
TALIBUKAS:
Ngayong ikaw ay Kristiano na (at matapos mong
maunawaan ang tunay na kahulugan nito at ang mga tandang
kaalinsabay nito) ay nararapat mo ring malaman ang ilan sa iyong
mga pangunahing tungkulin at mga karapatan bilang isang
mananampalataya.
3
Ang isa sa mga pinakaunang karapatan at tungkulin mo ay
ang PANANALANGIN. Ang bagay na ito ay itinuturing na
tungkulin sapagkat nararapat gawin ng isang mananampalataya
ngunit higit sa rito, ito ay itinuturing na isang karapatan sa
dahilang hindi lahat ng tao ay maaaring manalangin ng
panalanging katanggap-tanggap sa Dios. Nararapat nating
maunawaan pa ang panalangin ay tuwirang pakikipag-ugnay sa
Dios.
Ang panalangin ay may mga mahahalagang bahagi: una, ay
pagpupuri sa Dios (Adoration); pangalawa, ay pagpapahayag ng
kasalanan (Confession), pangatlo, ay pagpapasalamat
(Thanksgiving); at ang huli ay, paghingi ng ating mga
pangangailangan at karaingan (Supplication)
I. ANG ORAS NG PANALANGIN?
 Tayo ay dapat manalanging lagi. (Lukas 18:1; 1 Tesalonica
5:17)
Ang salitang "manalanging walang patid" ay nanganga- hulugan
lamang na sa bawat sandali, tayo ay nararapat na makipag-ugay sa
Dios.
 Tayo ay dapat na manalangin sa umaga. (Mga Awit 5:3)
 Tayo ay dapat na manalangin sa tanghali (Mga Awit 55:17)
 Tayo ay dapat manalangin araw-araw. (Lukas 18:1)
 Tayo ay dapat manalangin araw at gabi. (Mga Awit 88:1)
II. ANG DAKO NG PANALANGIN
 Sa isang saradong silid. (Mateo 6:6)
 Sa loob ng Iglesia. (Lukas 18:10)
 Sa lahat ng dako. (1 Timoteo 2:8)
III. ANG MGA DAPAT IPANALANGIN:
 Ang mga ligtas. (Juan 17:20)
 Ang ating mga kaaway. (Mateo 5:39, 44)
 Ang pamahalaan at mga nanunungkulan. (1 Timoteo 2:1-4)
 Ang mga manggagawa. (II Tesalonica 3: 1, 2)
 Ang mgs maysakit. (Santiago 5:13-16)
IV. ANG MGA NARARAPAT ISAISIP TUNGKOL SA
PANALANGIN
 Manalangin sa pangalan ng Panginoong Hesus. (Juan 16:26)
 Sumunod sa mga utos ng Panginoong Hesus. (1 Juan 3:22)
 Magpatawad sa mga nagkasala. (Markos 11:25)
 Manalangin sa kalooban ng Dios. (1 Juan 5:14-15)
 Magkaroon ng pananampalataya. (Markos 11:24 ; Santiago
1:6-7)
V. MGA HADLANG SA PANALANGIN
 Suliraning pantahanan. (1 Pedro 3: 1-7)
 Kakulangan ng pananampalataya. (Santiago 1:6-7)
 Mga kasalanang hindi napagsisihan. (Mga Awit 68:18)
 Hindi pagpapatawad. (Markos 11:25)
 Panalanging mali ang motibo. (Santiago 4:3)
TALIWAKAS:
Ang tunay na mananampalataya ay nararapat na
makipagtagpo sa Dios sa tuwi-tuwina. Ito ang tanging paraan upang
4
tayo ay makipag-ugnay sa ating Ama. Sinabi Niya na kaya tayo
hindi tumatanggap ay sapagkat hindi tayo humihingi. Ito ay dapat na
maging araw-araw at maya't-mayang gawain ng isang tunay na
mananampalataya.
ARALIN BLG. 4: PAGBASA NG BIBLIA
TALIBUKAS:
Sa pamamagitan ng pananalangin tayo ay nakikipag-usap sa
Dios at sa pamamagitan naman ng pagbabasa ng Biblia, ang Dios ay
nangungusap sa atin. Dahil sa katotohanang ito, ang pagbasa ng
Biblia ay dapat maging isang pamalagiang gawain ng mga tunay na
mananampalataya.
I. ANG HALAGA NG BIBLIA SA BUHAY NG TAO
 Ito ay pagkain ng kaluluwa. (Mateo 4:4, 1 Pedro 2:2)
 Ito ay ilaw sa ating landas. (Mga Awit 119:105)
 Ito ang nagtuturo sa atin tungkol sa buhay na walang hanggan.
(Juan 6:68)
II. ANG MGA HAKBANG NA DAPAT GAWIN PARA SA
MABUNGANG PAGBABASA NG BIBLIA
 Dumako sa tahimik na pook.
 Magsimula sa pamamagitan ng panalangin. Hilingin ang gabay
ng Banal na Espirito.
 Isulat sa isang notebook ang mga bagay na ipinagkaloob sa iyo
ng Panginoon
 Sundin ang mga sumusunod na alituntunin para sa inyong
pagbabasa:
 Isulat ang lahat ng mga pangunahing tauhan.
 Isulat ang pangunahing talata
 Lagyan ng pangalan at paksa.
 Isipin kung ang Panginoong Hesus ay makikita sa mga
talatang nabasa.
 Itanong sa sarili kung anu-ano ang mga aral na makukuha sa
mga talatang binasa tulad ng mga sumusunod:
 Mayroon bang mga pangakong maaring angkinin?
 Mayroon bang utos na dapat sundin?
 Mayroon bang kasalanang dapat iwasan?
 Mayroon bang dapat matutunang aral?
 Mayroon bang halimbawang dapat sundin?
 Tapusin ang inyong pagbabasa ng Biblia sa pamamagitan ng
panalangin.
TALIWAKAS:
Ang Banal na Kasulatan ay Salita ng Dios. Sa pamamagitan
ng Biblia ay nakikita natin ang kalooban ng Dios. Ito ang pagkain ng
ating kaluluwa. Nararapat na tayo ay maging matapat sa bagay na
ito. Ang tanong ng isang tao, "Kung ikaw ay may dalawang aso:
isang puti at isang itim, at sila ay mag-away, alin ang mananalo?".
Ang sagot ng ilan ay "Itim!"; ang sagot naman ng ilan ay "Puti!".
Ngunit ang tamang kasagutan dito ay yaong asong pinakain ang
tiyak na mananalo
5
ARALIN BLG. 6: PAGBABAUTISMO
TALIBUKAS:
Ang Dios ay nagbigay sa Iglesia ng dalawang ordinansa o
sakramento. Ito ay ang BAUTISMO at BANAL NA HAPAG
(Holy Communion). Para sa isang bagong mananampalataya ang
unang tungkulin sa mga ordinansang ito ay ang pagsunod sa
sakramento ng bautismo. Ito ay isang bagay na dapat gawin kaagad
ng isang tunay na Kristiano sapagkat ito ay ipinag-utos na ating
gawin (Mateo 28:18, 19). Ito ay isang bagay na hindi maaaring
pamilian ng tao. Sapagkat ito ay utos, ang tao ay nararapat lamang
sumunod.
II. ANG KAHALAGAHAN NG BAUTISMO
 Ito ay pagsunod sa halimbawa ng Panginoong Hesus. (Mateo
3:16, 17 ; 1 Pedro 2:21)
 Ito ay hakbang ng pagsunod sa utos ng Panginoong Hesus.
(Mateo 28:19)
 Ito ay nagpapatotoo sa ginawang paghahandog ng Panginoong
Hesus ng Kanyang buhay para sa atin. (Roma 6:3, 4, 10, 11)
 Ito ay naglalarawan ng katotohanang hindi nakikita ngunit
naganap sa puso ng tao. Tayo ay namatay na kasama ng
Panginoong Hesus, nabuhay na kasama Niya at lumalakad sa
isang panibagong pamumuhay. (Roma 6: 1-11)

II. ANG KAHULUGAN NG BAUTISMO
 Ito ay hindi binyag. Ang salitang binyag ay ang pagbibigay ng
pangalan at pagbubuhos ng tubig sa isang bata. Ito ay hindi
itinuturo ng Biblia at hindi nararapat gawin ng tunay na
mananampalataya.
 Ito ay naglalarawan ng pagkamatay at pagkabuhay na mag-uli ng
Panginoong Hesus. (Roma 6:3,4)
 Ito ay naghahayag ng pakay at katuparan ng pagparito ng
Panginoong Hesus sa buhay ng isang tunay na Kristiano. (Roma
6:1-11 ; Galacia 3:27 ; Colosas 3:3)
 Ito ay nghahayag ng kamatayan at pagkabuhay na mag-uli. (1
Cor. 15:12-22)
 Ito ay ang pagka-lubog sa tubig at pag-ahon ng isang tao sa
ilalim ng pagpapala ng Panginoong Dios. (Roma 6:1-11 ;
Mateo 3:16-17)
III. MGA HAKBANG SA PAGTUPAD SA KAUTUSAN NG
BAUTISMO
A. Sino ang dapat bautismuhan?
 Ang tanging maaaring bautismuhan ay yaong mga tunay na
Kristiano o ang mga ipinanganak na muli. (Mateo 28:19 ; Mga
Gawa 2:41 ; ga Gawa 16:30-33)
 Ang mga taong dapat bautismuhan ay yaong pagkatapos
tumanggap sa Panginoong Hesus ay nagpakita ng mga karapat-
dapat na bunga ng pananampalataya. (Mateo 3:6, 8 ; Lukas 3:7,
8)
6
 Ang pagbabautismo ng bata ay hindi itinuturo ng Biblia.
Samakatuwid, ito ay dapat iwasan at hindidapat na gawin ng
mga tunay na Kristiano.
B. Papaano ang paraan ng pagbabautismo?
 Ito ay dapat na lubog. Ang kahulugan ng salitang bautismo, na
hinango sa salitang Griyego (orihinal na lenguwahe ng Biblia na
baptizo ay "to dip" sa Pilipino ay ilubog.
 Ito ay lubog sapagkat ito ay makikita nating inilarawan sa
Markos 1:5, 8, 9, 10 at sa Mateo 3:16.
 Ito ay nakita nating lubog sapagkat ito ang ginawang ng mga
Apostol at mananampalataya ng unang Iglesia.
TALIWAKAS:
Ang bautismo ay hindi makapagliligtas kundi ito ang unang
hakbang ng pagsunod ng isang tunay na ligtas. Ang isang tunay na
ligtas ay nararapat na magpabautismo; yaong hindi nagpabautismo
ay nabubuhay sa pagsuway.
ARALIN BLG. 6: PAGDALO SA PANANAMBAHAN
TALIBUKAS:
Ang isa sa pinakamahalagang tungkulin ng isang tunay na
Kristiano ay ang matapat na pagdalo sa pananambahan.
 I. ANG KAHALAGAHAN NG PAGDALO SA
PANANAMBAHAN
 Ang halimbawa ng Matandang Tipan ay hindi matatawaran.
Maging ang hayop ay pinatitigil kung araw ng Sabbath. (Exodo
20:10)
 Ang pagsira ng Kautusan tungkol sa Sabbath ay pinarusahan.
(Mga Bilang 15:32-36)
 Ang pagsamba ng mga Kristiano ay ipinag-utos na huwag
pababayaan. Ang utos ay dumalo at mag-aralan sa isa’t-isa.
(Hebreo 10:25)
II. ANG TAMANG ARAW NG PANANAMBAHAN
 Ang araw ng Sabado ay ibinigay ng Dios na kautusan na ipangilin
ng mga Israelita at mga mananampalataya sa Matandang Tipan.
(Exodo 20:10; 34:21 ; Mga Bilang 15: 32-36)
 Ang araw ng Sabado ay tanda ng Dios sa mga Israelita lamang.
(Exodo 31:13 ; 31:17)
 Ang kautusan ay lilipas kapag ito ay natupad. (Mateo 5:17, 18 ;
Lukas 21:32)
 Ang kautusan ay hanggang kay Juan lamang. (Lukas 16:16)
 Ang kautusan sa Matandang Tipan ay tinupad ng Panginoong
Hesu Kristo. Samakatuwid, si Kristo ang kapupunan ng
kautusan, (Galacia 4: 4, 5 : Efeso 2:15; Colosas 2:16.; Mateo
5:17)
 Magmula sa Batang Tipan, ang ibinigay ng Dios na araw ng
pagtitipon at araw ng pagsamba ng mga mananampalataya ay
araw ng Linggo o unang araw ng sanlinggo. (Mga Gawa 20:7 ;
I Cor. 16:2)
7
 Ang Sabbath kailanman ay hindi naging araw ng pagsamba ng
mga Kristiano sa Bagong Tipan. Kailanman ito ay hindi ipinag-
utos sa mga mananampalataya. (Mga Gawa 15:24)
III. ANG DAPAT GAWIN NG TUNAY NA
MANANAMPALATAYA
 Dapat tayong dumalo sa pananambahan ng bung katapatan.
(Hebreo 10:25)
 Ang mga tunay na mananampalataya ay hindi lamang dapat
dumalo kung hindi dapat maging maaga at hindi huli. (Mga
Awit 63:1)
 Ang tunay na mananampalataya ay dapat lamang pumalya sa
pagdalo kung sa palagay niya at sa gabay ng Banal na Espiritu,
ang kanyang hindi pagdalo ay makaluluwalhati sa Dios. (1
Corinto 10:31 ; Colosas 3:17)
TALIWAKAS:
Ang pagdalo sa mga pagsamba ay tanda ng isang tunay na
Kristiano. (Mateo 7:20). Ang hindi pagdalo ay maihahalintulad sa
isang pulubi na matapos mapagkalooban ng isang naglilimos ng
anim na piso sa pitong pisong pera niya ay hinarang pa ito at pinatay
ng pulubi upang kunin ang natitira nitong piso sa bulsa. Gayon din
naman ng tao ay pinagkalooban ng Diyos ng anim na araw upang
gawin ang lahat ng kanyang ibig ngunit kinukuha pa ng tao ang
tanging araw na nalalabi sa Dios ukol sa pagsamba sa Kanya, ang
araw ng Linggo.

ARALIN BLG. 7: PAGBIBIGAY SA PANGINOON
TALIBUKAS:
Ang isang tunay na Kristiano ay nararapat na umibig sa
Panginoong Hesus. Ang pagibig na ito ay sinusukat sa kanyang
pagsunod sa mga utos ng Dios. Ang sabi ng Panginoon, "Kung ako'y
inyong iniibig, sundin ninyo ang aking mga utos."
Ang isang taong umiibig ay hindi makakaiwas na magbigay.
Ang isang lalaking magmamahal sa isang babae ay nagpapahayag
ng kanyang damdamin sa pamamagitan ng pagkakaloob. Siya ay
nagbibigay ng panahon, ng kanyang sarili at ng kanyang salapi.
ANG ISANG TAO AY MAAARING MAGBIGAY NG HINDI
UMIIBIG, NGUNIT ANG ISANG UMIIBIG AY HINDI
MAAARING HINDI MAGBIGAY.
Samakatuwid, ang paksang ito ay isa sa mga batayan ng
ating pag-ibig sa Dios. Kung tutuusin, ang pinakamabisang paraan
ng pagkakamit mula sa Dios ng mga pagpapalang kailangan natin ay
sa pamamagitan ng pagbibigay.
I. ANG PAMANTAYAN NG PAGBIBIGAY (MARK 12:41)
A. ANG PAGBIBIGAY NG IKAPU.
 Ang Biblia ay tahasang nagtuturo na ang ika-sampung bahagi ng
lahat ng ating kinikita ay hindi atin sapagkat ito ay sa Dios.
(Malakias 3:7-10)
8
a. Sang-ayon sa Malakias 3:8, ang hindi pagbibigay ng ika-
sampung bahagi ay katumbas ng pagnanakaw sa Dios
sapagkat ito ay hindi atin.
 Ito ay hindi ibinigay bilang isang bahagi ng kautusan. Ang
patunay dito ay ang katotohanang bago pa magkaroon ng
kautusan, ang pagbibigay ng Ikapu ay tinutupad na ng mga
banal.
a. Si Abraham ay nauna sa kautusan ngunit siya ay nagbigay
ng ikapu. (Hebreo 7:1-4)
b. Gayon din si Jacob; siya ay nagbigay ng ikapu sa Panginoon
at sa pamamagitan nito, ang biyaya ng Dios ay dumaloy sa
kanya.
 Hindi rin maikakatuwiran na ang pag-iikapu ay hindi itinuturo sa
Bagong Tipan sapagkat maging ang Panginoong Hesus ay
nagsabi na ang pagbibigay nito ay nararapat. Tinambalan pa niya
ito ng mga ibang katangiang nararapat na maging kaugnay ng
gawaing ito. (Mateo 23:23)
B. ANG PAGBIBIGAY NY KUSANG LOOB ("LOVE
OFFERING").
 Ang pagbibigay ng kusang loob ay hindi lamang pagbabahagi ng
ating kinikita kundi pagkakaloob ng may katuwaan. Hindi ito
dapat maging mabigat sa loob na paghahandog. (II Corinto 9:5-
8)
 Ang pagbibigay ng kusang loob ay hindi nangangahulugang
wawalaing kabuluhan na ang ikapu. Ang kusang loob na
pagbibigay ay nararapat na manggaling sa ating mga salapi,
samakatuwid ay sa maiiwan sa atin matapos bawasin ang ikapu.
 ANG PAGBABALIK NG IKAPU SA DIOS AY HINDI
PAGBIBIGAY KUNG TUTUUSIN. ITO AY PAGBABALIK
LAMANG NG HINDI ATIN. TAYO AY KATIWALA
LAMANG NG BAGAY NA ITO.
 Ang pagbibigay (mula sa naiwan matapos alisin at ibalik sa Dios
ang ikapu) na may katuwaan ay nakalulugod sa Dios. (II Cor.
9:7)
C. ANG PAGKAKALOOB NA MAY PAGPAPAKASAKIT
("SACRIFICIAL OFFERING").
 Ipinakita ni Apostol Pablo ang pinakamataas na uri ng
pagkakaloob, ang pagbibigay nang may pagpapakasakit. (II Cor.
8:2)
 Ang uri ng pagkakaloob na ito ay hindi maaaring gawin ng
sinoman hangga't hindi niya nagagawa angdalawang noauna. Ito
ang pagkakaloob sa gitna ng pangangailangan tulad ng balong
pinuri ng Panginoong Hesus dahil sa pagbibigay nito ng higit.
II. ANO ANG NARARAPAT IBIGAY
Ang salitang pagbibigay laban sa maraming paniwala ay
hindi lamang tumutukoy sa pagkakaloob ng salapi. Sa Banal na
Kasulatan ay binabanggit na maraming nararapat ibigay angisang
tunay na Kristiano.
 Kinakailangang ibigay natin ang ating mga katawan bilang
handog sa Panginoon. (Roma 12:1, 2)
9
 Kinakailangan din naman tayong magbigay ng pasasalamat sa
Dios sa lahat ng mga bagay na tinatanggap natin mula sa Kaniya.
(1 Tesalonica 5:18)
 Kinakailangang tayo ay magbigay sa Dios ng ating panahon.
a. Panahon sa pagbubulay-bulay. (1 Tim. 4:13)
b. Panahon sa pakikinig. (Hebeo 2:1)
c. Panahon sa pananalangin. (Mga Gawa 6:4)
d. Panahon sa pagdalo sa kapulungan. (Hebreo 10:25)
e. Panahon sa pagpapatotoo. (Mateo 28:18-20)
III. MGA GANTIMPALA SA PAGBIBIGAY
 Ang pagbibigay ng ikapu ang siyang tanging paraan tungo sa
maka-Dios na kasaganaang pangpamumuhay. Ang pangako ng
Dios ay bubuksan Niya ang pinto ng langit at ibubuhos ang di-
mabilang na mga pagpapala. (Malakias 3:10, 11)
 Ito ay isang nakalulugod na bagay sa Dios. Samakatuwid, ito ay
nagbibigay kasiyahan sa Dios. (Fillpos 4:18 ; Roma 12: 1, 2)
 K. Sa pamamagitan ng pagbibigay, tayo ay nag-iimpok ng
kayamanan sa langit na hindi masisira kailanman. (Mateo 6:20)
 Tayo ay ituturing ng Dios na pinagpala. (Mga Gawa 20:35)
TALIWAKAS:
Ang lihim ng pagiging milyonaryo ni R. G. Letourneau,
isang mananampalatayang mangangalakal ay ang kaniyang
pagbibigay ng ikasampung bahagi ng kaniyang kinikita. At habang
pinapagpala siya ng Dios, siya ay nagpatuloy na' nagbigay' ng higit
pa sa bahagi na hinihingi ng Dios sa kanya.
 Kaya maraming Kristiano ang walang kasiyahan,
masuliranin at hindi mabigyan ng pagpapala ng Dios ay, sapagkat
hindi sila mapagkatiwalaan ng Dios sa maliit na bahagi ng
pagkakaloob.
Ang tinutukoy ni Apostol Pablo sa 1 Corinto 16:2 na pag-
kakaloob ng pantay-pantay ay tiyak na matutupad lamang sa
pamantayan ng Dios. Hindi sa pamamagitan ng pantay-pantry
batay sa dami ng kaloob. Ang pamantayan ng ikapu ay pantay-
pantay batay sa porsiento. Ang pagkakaloob ayon sa katuwaan ay
pantay-pantay ayon sa damdamin ng tao, at ang pagkakaloob naman
ng may pagpapakasakit ay pantay-pantay ayon sa kakayahan ng tao.
ARALIN BLG. 8: PAGPAPATOTOO
TALIBUKAS:
Isa sa pinakadakilang tungkulin ng isang tunay na
mananampalataya ay ang magbigay ng patotoo sa iba tungkol sa
kanyang pananampalataya.
Ang Banal na Kasulatan ay nagtuturo sa atin na ang pantas
ay humihikayat ng mga kaluluwa (Mga Kawikaan 11:30). Ang
bawat isang tunay na Kristiano ay inaasahang magdadala ng mga
kaluluwa sa paanan ng Paginoong Hesus sa pamamagitan ng
pagpapatotoo.
I. ANG MGA DAHILAN NG PAGPAPATOTOO
Ano-ano ang mga dahilan kung bakit tayo ay nararapat na
magpatotoo sa ma tao tungkol sa ginawa ng Dios sa atin?
10
 Ang bagay na ito ay iniutos ng Panginoong Hesus bilang
huling habilin Niya bago umakyat sa langit. (Mateo 28:18-20;
Mga Gawa 1:7,8)
 Ang kahalagahan ng kaluluwa ng tao.
Sa pamantayan ng Dios ang kaluluwa ng isang tao ay higit na
mas mahalaga kaysa buong santibutan at mga kayamanan nito.
(Markos 8:35-38)
 Ang pagiging makatotohanan ng Impierno.
Ang Bagong Tipan ay mayroong 264 na kapitulo o kabanata. Sa
loob nito ay binabanggit ang tungkol sa impierno sa humigit
kumulang na 234 na ulit. Ang Panginoong Hesus ay bumanggit
ng higit na maraming beses tungkol sa paksang ito kaysa sa
paksa ng langit. Sa Markos 9:42-50, tinukoy Niya na ang
dakong ito ay isang dako ng pagdurusa, sa dahilang mayroong
isang dako ng pagdurusa, tayo ay nararapat na gumawa upang
maibahagi ang TANGING paraan ng pag-iwas sa lugar na ito.
 Pagmamahal sa mga kasambahay.
Kung mahal mo ang iyong mga kasambahay ay nararapat mong
ibahagi sa kanila ang magandang balitang ito.
 Gantimpalang naghihintay sa isang tunay na
mananampalatayang matapat na naglilingkod sa Dios sa
ganitong paraan.
 Pansariling kasiyahan sa puso ng isang tunay na
mananampalataya na hindi lamang niya mabibigyan ng
kaluguran ang Dios sa pagsunod sa utos Niya kundi maiiiwas
niya ang isang tao sa pagkapahamak.
 Ang katuwaan ng langit na ibubunga ng kaligtasan ng
kaluluwa. (Lukas 15:7, 10)
 Ang paghihirap ng Panginoong Hesus sa krus.
Kung Siyang Dios ay naghirap sa krus at namatay para sa
kaluluwa ng tao, tayo pa kayang mga anak Niya ang hindi
magmalasakit?
II. MGA KATANGIAN NG ISANG MAGPAPATOTOO
 Kinakailangang siya ay isang tunay na Kristiano o
mananampalataya
 Kinakailangang siya ay nabubuhay ng isang malinis at maayos
na pamumuhay. Ang mga tao ng sanlibutan ay walang dahilang
maniwala na sinumang hindi kinakikitaan ng pagbabagong
buhay sapagkat walang bisa sa kanyang buhay ang kanyang
itinuturo.
 Siya ay may marubdob na pag-ibig sa mga kaluluwa.
 Siya ay may sapat na kaalaman sa Biblia upang malaya at
maayos niyang maibahagi ang katotohanang nangyari sa kanya.
11
 Siya ay dapat mapanalanginin at laging nanghihingi na
mabigyan ng pagkakataong maibahagi ang Salita ng Dios
 Ang kanyang buhay ay suko sa Dios at siya ay handang
sumunod sa ipinag-uutos ng Panginoon. Kung maramdaman
niyang siya ay inuutusang magsalita, nararapat na siya ay
handang lagi na gawin ito.
 Siya ay nararapat na maging matiyaga. Ang tao ay hindi
nararapat piliting tumanggap kay Kristo. Maraming tao ang
nagkunwaring tumanggap ngunit hindi naunawaang lubusan ang
kanilang ginawang hakbang bunga ng sapilitang pagpapagawa sa
kanila ng bagay na ito.
 Siya ay dapat maging maunawain. Ang pag-unawa sa damdamin
at suliranin ng kapwa ay magdudulot ng higit na mabisang
paraan ng pag-abot sa kalagayan ng taong nais nating madala sa
Panginoon.
III. MGA PARAAN NG PAGPAPATOTOO
A. Mga dapat ihanda bago makipag-usap:
 Maging malinis sa sariling katawan sapagkat ito ay isa sa mga
magandang patotoo na ikaw ay tunay na binago na ni Kristo.

 Maghanda ng "gospel tract" na ibibigay pagkatapos kausapin
ang tao.
 Maglagay ng palatandaan sa mga talatang gagamitin upang hindi
malito sa paghahanap habang nakikipag-usap.
 Ihanda ang sarili sa pamamagitan ng panalangin bago lumakad.
 Kung may kasama, pagkasunduan muna kung sino ang taga-
pagsalita upang maiwasan ang magulong pakikipag-usap. Kung
magkaminsan, ang magkasama pa ang nagtatalo-talo.
B. Mga dapat gawin habang nasa tahanan o lugar na
patutunguhan:
 Igalang ang tahanang patutunguhan, maging maliit o malaki, sa
pamamagitan ng pagkatok ng marahan.
 Magpakilala (kung hindi pa kilala) at sabihin ang kinaaanibang
kapilya
 Humanap ng pagkakataong mabuksan ang pakikipag-usap:
 Humanap ng kapuri-puring bagay at pansinin iyon ng may
pagpuri.
 Humanap ng mga bagay na may kinalaman sa Dios at
gawing daan sa pagpapatotoo. Huwag aatakihin o pipintasan
12
ang napansing bagay o ang relihiyong kinaaaniban ng may-
ari ng bahay.
 Tandaang kayo ay panauhin at gamitin lamang ang mga
nabanggit na bagay upang maging daan sa pagpapatotoo.
 Maging magalang sa lahat ng oras. Gumamit ng "po" at "opo."
 Kung ang tao’y mahirap pagpaliwanagan, lagging maging
matiyaga at huwag mawawalan ng tiwala sa Dios at sa sarili.
 Laging tanganan ang Biblia at basahin ang talata mula roon.
Kung maaari, ang taong kinakausap ang pabasahin.
C. Mga paraang maaaring gamitin:
1. DAAN NG KAPANGANAKANG-MULI (THE NEW BIRTH
APPROACH)
Mga hakbang sa paggamit nito:
 Ipakita ang pangangailangan ng tao upang maligtas. Ang tanging
kailangan ng tao ay ang siya ay ipanganak na muli. (Juan 3:3)
 Ipakita kung bakit kailangan ito. Ang taong makasalanan ay
hindi maaaring mapunta sa langit sa pamamagitan ng kanyang
sarili sapagkat siya ay anak ng Diablo. (Juan 8:44)
 Ipakitang sa kabila ng katotohanang ang tao ay anak ng Diablo,
siya ay iniibig pa rin ng Dios.
 Ang tao bagaman makasalanan ay inibig ng Dios kaya ipinadala
Niya ang Kaniyang Bugtong na Anak. (Juan 3:16)
 Ipakitang ang taong hindi pa ipinanganganak na muli ay
hinatulan na. (Juan 3:18) Ang taong ito ay tiyak na tutungo sa
lugar ng kaparusahan sapagkat siya ay hinatulan na at ang
kanyang tanging pag-asa ay ang alok ng Diyos na siya ay
ipanganak na muli.
 Ipakita kung ano ang kahulugan ng kapanganakang-muli sa
ganitong paraan:
 Ang tao ay ipinanganak na likas na makasalanan (Mga Awit
51:5) kaya siya ay tinukoy na anak ng Diablo (Juan 8:44) at
dahil dito, siya ay kasama ng Diablong dadalhin sa impierno
(Mateo 25:41).
 Ang tanging lunas sa kalagayang ito ay ang pagkalipat ng tao
mula sa pamilya ng Diablo tungo sa pamilya ng Dios.
 Ipaliwanag na ang kapanganakang-muli ay kababalaghang
gagawin ng Dios sa isang makasalanang tao (anak ng
Diablo) upang siya ay magkaroon ng karapatang maging
anak ng Dios at makatungo sa tahanan ng Dios. (1 Hari
8:30)
 Ipakita kung paano ipapanganak na muli ang isang tao:
 Ipakita muna ang maling paraan,
13
 Hindi sa pamamagitan ng binyag o bautismo maaaring
ipanganak na muli ang tao. Inihalimbawa ang magnanakaw
sa krus na hindi nabautismuhan ngunit pinangakuang
dadalhin sa paraiso. Sa kabilang dako, si Hudas ay
nabinyagan ngunit hindi naligtas. (Efeso 2:8, 9 ; Tito 3:5)
 Hindi sa pamamagitan ng mabuting gawa maaaring maligtas
ang tao. Muli, ang magnanakaw sa krus ay hindi nakagawa
ng mabuti ngunit naligtas. (Efeso 2:8, 9 ; Tito 3:5)
 Hindi sa pagiging kasapi ng Iglesia maaaring ipanganak na
muli. (Mga Gawa 16:30, 31)
 Ipakita ang tamang paraan,
 Ang maliligtas ay iyong sasampalataya at tatanggap kay
Kristo na Siya ang Anak ng Dios. (Juan 1:12)
Kinakailangan niyang tanggapin o kilalanin na siya ay
makasalanan.
Magpasiyang tanggihan at pagsisihan o talikuran ang kasalanan.
Mataimtim na anyayahan niya ang Panginoong Hesus sa
pamamagitan ng dalangin na pumasok sa kanyang puso at
buhay.
Hilingin niyang linisin siya at gawing anak ng Dios.
 Ipaalam sa kaniya na ang kaniyang ginawa ay isang kasunduan o
isang kontrata na dapat niyang sundin o ingatan. Ang
kapanganakang-muli ay isang kasunduang higit pa sa pag-
sasawa sa dahilang ito ay hindi lamang pang-habambuhay sa
lupa kundi pangwalang-hanggan.
 Ipakita na kung buong taimtim niyang ginawa ito at taos sa
kaniyang puso, siya ay pinagkalooban na ng karapatang maging
anak ng Dios. Siya ay hindi na patungong impierno sapagkat
siya ay naipanganak nang muli.
 Ipakita sa kaniya ang mga bagong kaugnayan at bagong
tungkulin tulad ng panalangin, pagdalo sa pagsamba at iba pa.
2. DAANG GINAGAMIT ANG MGA TALATA SA AKLAT
NG MGA TAGA ROMA: (ROMAN'S ROAD)
 Ipakitang ang tao ay makasalanan (Roma 3: 10, 23)
 Ipakita ang kabayaran ng kasalanan. (Roma 6:23)
 Ipakitang ang Dios ay nagnanasa na tayo ay bigyan ng buhay
na walang hanggan. (Roma 6:23)
 Ipakita ang tanging paraan. (Roma 10: 9, 10)
 Sa pamamagitan ng pananampalataya ay buksan mo ang
pintuan ng iyong puso at anyayahan mo si Kristo Hesus na
pumasok. (Apocalipsis 3:20 : Juan 1:12)
TALIWAKAS:
Kapag ang isang tao ay handa nang tumanggap sa Panginoon
at handa ng ibigay ang kanyang buhay sa Dios, siya ay maaari mong
pangunahan sa isang dalangin ng pagsisisi at pagtanggap kay Kristo.
Higit na mabuti kung siya ay mananalangin ng nakaluhod ngunit
maaari ring gawin ito sa ano mang puwestong hindi makakaabala sa
kaniya. Pagkatapos nito, kunin mo ang kaniyang pangalan at tirahan
(kung hindi mo pa alam ito) at ipadalaw sa kapulungang malapit sa
kaniya, isang kapulungang nagtuturo ng wasto at ayon sa Salita ng
Dios. Bigyan din siya ng babasahing makakatulong sa kaniya.

3. MAARI RING GAMITIN ANG PARAANG SUMUSUNOD:

 Kilalanin mo sa harapan ng Dios na ikaw ay makasalanan.
(Roma 3: 10, 23)
 Pagsisihan mo ang lahat ng iyong kasalanan. (1 Juan 1:9 ;
Mga Gawa 17:30)

14