GOTONG ROYONG

Alhamdulillahi Robbil alamin wahdahu wassolatu wassalam’ala asyrofil anbiyai wal

mursalin wa’ala alihi washobihi ajma’in amma ba’du.

Parjolo mari hita ucapkon puji syukur tu Allah SWT na madung mangalehen
nikmat tu hita sasudena, ima berupa nikmat kesehatan, nikmat waktu sahinggo bisa hita
marluhut dimanyogot ni ari on di lapangan ni sikola na hita cintai on ima dalam acara
mamparingati Bulan Bahasa.

Sholawat dohot salam hita sampehon tu ruh ni panutanta Nabi Besar Muhammad
SAW na berbunyi “Allohumma Sholli ‘ala Sayyidina Muhammad Wa’ala Ali Sayyidina
Muhammad” mudah-mudahan hita mandapot syafaatna di yaumil hisab di hari parpudi.
Amin ya Robbal Alamin.

Na u hormati Bapak Ketua yayasan Pendidikan Bina Ul Ummah dohot sude

jajaranna. Na u hormati Ustazah Kepala SD IT Bunayya Padangsidimpuan. Na u
hormati Ustadz/Ustadza ima na manjadi guru na mangajari hami bahat ilmu na Insya
Allah mangalehen cahaya hapadean dohot kemuliaan di hami sasudena. Dan na u
sayangi karena Allah dongan dongan seperjuangan sasudena.

Ustadz Ustadzah dohot dongan dongan sasudena, na dirahmati Allah SWT,

adong pe judul ni pidatoku pada saat on ima tentang “Gotong Royong” sanga pe
“Marsitolong tolongan” bisa juo rap dikarejoon marsamo samo. Gotong royong on, on
ma salahsatu budaya na hita puna na adong nilai hapadeanna, na akkon hita
partaonkon dohot hita lestaion sanga pe hita paliharo.

Gotong royong juo menderminkon rasa marsaudaro dohot marsipaturean antara

hita umat manusia. Songon dia na adong di carito nabawiyah, Nabi Muhammad SAW
na madung mangalehen contoh langsung marsitolong tolongan sanga pe gotong
royong, songon pajeges Ka’bah di Moka, mambangun Masojid Quba di Madinah, dohot
manggali bondar ima di saat porang Khandaq mambaen benteng partahanan.

Ustad-ustadzah dohot dongan dongan sa sude na na hu muliaon, di lingkungan

sikola SD IT Bunayya na idokkon gotong royong I madung hita baen satiop hari, songon
paias kalas marsamo-samo, kegiatan Jumaat bersih, mananom nanom suan-suanan
dohot na lain-lain, dohot margotong royong madung mangajari hita rap bekerja sama na
sada dohot na lain sahinggo cepat salose karejoi, karejo na bahat menjadi momo, dungi
marsibantuan antara hita.

Songon dia Firman Allah QS Al-Maidah : 2

“Marsitolong tolongan ma hamu dalam makkarejoon napade dohot takwa dohot
ulang hamu marsitolong-tolongan mambaen dosa dohot parbadaan.

Sian ayat di ginjang madung jelas mangambarkon bahwa gotong royong marupaon
salah satu contoh wujud tarciptana marsitolong tolongan. Marima hita dongan dongan
sebagai warga negara indonesia na patuh hita akkon manjunjung tinggi dasar negara
Pancasila dohot mangamalkon nilai nilai na terkandung di bagasan termasuk budaya
gotong royong, na sannari on adong ima di profil pelajar Pancasila.

Sebagai pelajar Pancasila hita harus malestarion budaya gotong royong baik di
sikola, dibagas dohot di lingkungan masing-masing.

Saima isi ni pidatokon, semoga marmanfaat di hita sasudena, mangido maaf pola
adong kekurangan dohot kesalahan dalam penyampaianku, tu Allah au mangido ampun
dohot tu hita sasudena au mangido moof.

Billahi Taufik Wal Hidayah, Assalamu’alaikum warohmatullahi wabarokatuh.