Professional Documents
Culture Documents
ავტორები:
პლატონი
პავლე მოციქული
ნიკოლო მაკიაველი
თომას ჰობსი
ჯონ ლოკი
მერი უოლსტონკრაფტი
ადამ სმითი
იმანუელ კანტი
კარლ მარქსი
ჯონ სტიუარტ მილი
ილია ჭავჭავაძე
პლატონი
პლატონი, ძველი ბერძენი ფილოსოფოსი (ძვ.წ.427-347) დაიბადა ათენის
არისტოკრატიულ ოჯახში . მისი მასწავლებელი იყო სოკრატე . პლატონის ერთ-ერთი
ცნობილი ტექსტია ,,სახელმწიფო ’’. პლატონი არის ათენის ფილოსოფიური სკოლის
დამფუძნებელი , რომელსაც შემდგომ აკადემია ეწოდა. რაც შეეხება პლატონის წერის
სტილს , მისი ეს ტექსტი დიალოგებითაა გამოცემული.
პლატონის წარმოდგენით ,ცხოვრება არ არსებობს იდეის გარეშე, ნებისმიერი
აზრის ,ქცევის ან საგნის უკან იმალება იდეა ,რის გამოც ადამიანი მის შესასრულებლად
ყველაფერს აკეთებს .ადამიანი უნდა მიისწრაფოდეს საკუთარი სურვილების
ასრულებისკენ .
ბრბო არის ერთად შეკრებილ ადამიანთა უზარმაზარი მასა ,რომელთა
კონტროლიც შუძლებელია .ბრბო და ფილოსოფოსები ერთმანეთისგან
რადიკალურად განსხვავდებიან . ბრბოს ფილოსოფოსობა შეუძლებელია. ვინც
ფილოსოფოსია იგი აუცილებლად იგმობა ბრბოს მიერ .ფილოსოფოს შესწევს ძალა
შეგნებისა და აღიარების, ხოლო ბრბოს არა . ბრბო შუბრალებელი და დაუნდობელია
მათ შეუძლიათ განსხვავებული აზროვნების ან ქცევების გამო ადამიანი დაამციროს ან
მოკლას, ხოლო ფილოსოფოსი ყველა საქმეში უპირატესობას სიმშვიდეს ანიჭებს
.პლატონის აზრით , ფილოსოფოსობა სწორად აღზრდითაა შესაძლებელი.ნებისმიერი
ადამიანი ფილოსოფია პატარაობიდანვე უნდა იაზრებდეს მხირე დოზით მაინც.
პლატონი თავის ნაშრომში ,,სახელმწიფო’’ გვიხატავს იდეურსა და რეალურ
სამყაროს. პლატონის აზრით, ყველა გზას მივყავართ აზრის იდეასთან . სიკეთის
იდეის ცოდნა ადამიანისთვის უმნიშვნელოვანესია .როდესაც სიკეთეს ვახსენებთ
ყველას გვგონია, რომ მისი ჭეშმარიტი მნიშვნელობა ბოლომდე ვიცით . ყველა ქცევას
მოვლენას აქვს თავისი იდეა და დანიშნულება. სიკეთის იდეა ყველაზე
მნიშვნელოვანი იდეაა ,რომლის ცოდნაც ნებისმიერ ადამიანს სჭირდება ,სწორედ
სიკეთის იდეას მივყავართ და გვაყენებს ჭეშმარიტ გზაზე :,, სწორედ სიკეთის იდეაა
ყოველივე ჭეშმარიტისა და მშვენიერის მიზეზი , ხილულ სამყაროში ,ის ბადებს
ნათელს და მის მეუფეს გონით საწვდომ სამყაროში კი თვითონვეა მეუფეც და
მბრძანებელიც, რომლისგანაც დასაბამს იღებს ჭეშმარიტება და გონიერება ’’ (პლატონი
2019,43).
სიკეთის იდეის უკეთ გადმოსაცემად და მისი აზრის უკეთ გასაგებად
პლატონი იშველიებს მზის, წრფისა და მღვიმის შედარებას .ეს შედარებები გვეხმარება
სიკეთის იდეის უმაღლეს იდეად გააზრებაში .
მზეს აიგივებს სიკეთესთან ,რადგან მზის სინათლის წყალობით ვხედავთ
სამყაროს .მზე რომ არ იყოს ჩვენ ვერ დავინახავდით ხილულ სამყაროს .პლატონს
სწორედ ამით მივყავართ დასკვნამდე რომ მზე არის სიკეთე ხილულ სამყაროში . მზე
სიკეთის იდეაა ,მზის დახმარებით ხილულ სამყაროში შგვიძლია ჭეშმარიტი გზის
გაკვლევა ,ასევეა იდეურ სამყაროში შესაძლებელი სიკეთის იდეით ჭეშმარიტი
მიმართულების აღება ,ჭეშმარიტების დანახვა : ,,ის , რაც არის მზე ხილულ სამყაროში
,არის სიკეთის იდეა აზროვნებით საწვდომ სამყაროში ’’(პლატონი 2019, 9).
პლატონი სიკეთის იდეის უკეთ გადმოსაცემად ასევე იშველიებს მღვიმის
ალეგორიას . პლატონის მღვიმეს რეალურ სამყაროს ადარებ , სადაც ჯაჭვით დაბმული
ადამიანები არიან, რომლებსაც რეალური რამის დანახვა არ შეუძლიათ ,რადგან მათ
განძრევა ან უკან მოხედვა არ შეუძლიათ ,ისინი მხოლოდ კედელზე არსებულ
ჩრდილებს ხედავენ .პლატონი მღვიმეში გამოკეტილი ადამიანების ჩვენებით იდეურ
კავშირს გვიხატავს გაუნათლებლობასთან . ავტორი ამის ჩვენებით ცდილობს
დაგვიმტკიცოს რომ გრძნობით საწვდომი საგნები წარმოადგენს რეალობას .
პლატონი მღვიმის ალეგორიაში ასევე გვიჩვენებს რა შედეგი შეიძლება
ჰქონოდა ერთ-ერთი ადამიანის გათავისუფლებას .თუ ვინმე რომელიმე მათგანს
ბორკილებს მოხსნიდა მზის სინათლე უცხო იქნებოდა მისთვის ,ეს სულაც არ
იქნებოდა სასიამოვნო შეგრძნება , რადგან იგი მიჩვეულია გამოქვაბულის სიბნელეს
,მას გაუჭირდებოდა საგნების ერთმანეთისგან გარჩევა .თუმცა ,როდესაც იგი
გააცნობიერებდა და შეეჩვეოდა ამ გარემოს აღარ მოისურვებდა გამოქვაბულში
დაბრუნებას ,სადაც მხოლოდ სიბნელეა და კედელზე არეკლილი არარეალური
სამყარო . ამით პლატონი ცდილობს დაგვანახოს ,რომ შესაძლებელია ადამიანის
გონებისა და აზროვნების შეცვლა .პირველ რიგში ჩვენ მათ მიმართ თანაგრძნობა უნდა
გამოვავლინოთ . ,, დავუკვირდეთ შემცბარსა და დაბნეულ სულს ,საგანთა გარჩევის
უნარი რომ დაჰკარგვია ,მაგრამ ბრიყვულად ნუკი დავუწყებთ დაცინვას არამედ
დავუფიქრდეთ -უფრო მაღალი ყოფიდან მოვიდა და მისთვის უჩვევმა სიბნელემ
დაუვსო თვალი ,თუ ,პირიქით სრული უმეცრებიდან ამაღლებულს თვალი მოსჭრა
სინათლის ასევე უჩვევმა ბრწყინვალებამ ?’’ (პლატონი 2019, 44)
მღვიმის ალეგორიას დღევანდელობასთან თუ დავაკავშირებთ შეიძლება
მივიდეთ იმ დასკვნამდე ,რომ თუ არ ვისწავლით და განათლებულები არ ვიქნებით
ცხოვრებაში რამის მიღწევა გაგვიჭირდება .ასევე ადამიანისთვის მნიშვნელოვანია
შეეძლოს თანაგრძნობა. პლატონიც ცდილობს გადმოგვცეს რომ განათლებას დიდი
მნიშვნელობა აქვს ადამიანის ცხოვრებაში .ის გვასწავლის თუ როგორ უნდა დავადგეთ
სწორ გზას და რა არის ცხოვრებაში ჭეშმარიტება რეალურ ცხოვრებაში .
ამრიგად,პლატონი თავის ნაშრომში ,,სახელმწიფო ’’ გვიჩვენებს
ერთმანეთისგან განსხვავებულ ორ სამყაროს: რეალურსა და იდეურ სამყაროს ,ასევე
განგვიმარტავს სიკეთის იდეას ,რისთვისაც იშველიებს მზის ,წრფისა და მღვიმის
ალეგორიებს. ამით პლატონი ცდილობს შეგვიქმნას წარმოდგენა იდეალური
სახელმწიფოს შესახებ .
ჯონ ლოკის აზრით, ადამიანს ბუნებითი უფლებები გააჩნია, რაც იმას ნიშნავს,
რომ მე, როგორც ცალკეულ ინდივიდს, მაქვს დამნაშავის დასჯის უფლებ, ასევე,
შემიძლია, თავადვე შევიმუშავო დამნაშავის დასჯის სათანადო ფორმა. თუმცა, რა
საკვირველია, ისიც უნდა მახსოვდეს, რომ დამნაშავის დასჯასაც გააჩნია გარკვეული
ზომა, რასაც თავისივე ჩადენილი დანაშაულის მიხედვით განვსაზღვრავ. უნდა
მახსოვდეს, სად გადის ზღვარი, რათა არ გადავცდე მას და ჩემი უფლებები ბოროტად
არ გამოვიყენო, ანუ უფლება არ ჩავთვალო ზედმეტ, უსაზღვრო უპირატესობად
დამნაშავის წინააღმდეგ. სწორედ ეს არის ბუნების კანონის დამცველი ადამიანის ერთ-
ერთი უმთავრესი მიზანი, შეასრულოს თავისი მოვალეობა ისე, რომ ამით არავის
უფლება არ შეზღუდოს. რადგან ხშირ შემთხვევაში, ეს ორი ფაქტი
ურთიერთგამომრიცხავია. ყველაზე საინტერესო კი ის არის, რომ აღნიშნული
უფლებები სრულიად ხელშეუხებელია, ეს ის შემთხვევაა, როცა არავის შეუძლია,
შემზღუდოს, ვინაიდან და რადგანაც, როგორც სიცოცხლე, ეს უფლებებიც თავად
უფლისგან მებოძა. მაშასადამე, არავის აქვს უფლება, ხელჰყოს იგი. ჩვენ უკვე ვთქვით,
რომ საჭიროების შემთხვევაში, ადამიანს აქვს უფლება, დასაჯოს დამნაშავე. ალბათ
გაგვიჩნდება კითხვა- თუ კი ეს თავადაც შეგვიძლია, მაშინ რაში გვჭირდება
სახელმწიფო?! ჯონ ლოკი საკმაოდ ამომწურავად გვპასუხობს. მისი მოძღვრების
თანახმად, „სახელმწიფოს არარსებობის პირობებში მეტი შანსია, დამნაშავე
დაუსჯელი, საზოგადოება კი- მის მიმართ დაუცველი დარჩეს“(ჯონ ლოკი,207,2019).
ლოკის აზრით, სახელმწიფოს მიერ დასჯა მეტად სრულყოფილი და ნაყოფიერია.
სწორედ ამიტომ, სოციუმი უარს ამბობს საკუთარ უფლებებზე და ერთობლივად
თანხმდებიან იმაზე, რომ შეიქმნას სახელმწიფო, რათა დამნაშავე უფრო ეფექტურად
და სრულყოფილად დაისაჯოს, ვიდრე ეს ცალკეული ინდივიდის მიერ დასჯის
შემთხვევაში ხდებოდა. ასევე, მათ იმედი აქვთ, ხელისუფლებას ექნება ყოველგვარი
რესურსი იმისა, რომ უზრუნველყოს ცალკეულ ინდივიდთა კეთილდღეობა და
უსაფრთხოება. ვფიქრობ, ყოველივე ეს ფრიად საინტერესოა თითოეული
ჩვენგანისთვის. სწორედ ეს არის „საზოგადოებრივი შეთანხმების“ არსი და ყველაზე
მთავარი ფუნქცია, ზემოთ ჩამოთვლილი კრიტერიუმები გახლავთ განმაპირობებელი
ფაქტორი იმისა, თუ რატომ სურთ ადამიანებს სახელმწიფოს შექმნა და რაც ყველაზე
მთავარია, რა უდევს საფუძვლად მათ შეთანხმებას.
განვიხილოთ კიდევ ერთი, არანაკლებ მნიშვნელოვანი საკითხი, თუ როდის
შეგვიძლია, შევცვალოთ ხელისუფლება. წარმოვიდგინოთ, რომ შეიქმნა სახელმწიფო,
თავიდან ყველაფერი იდეალურად მიმდინარეობდა, თუმცა თანდათან ვამჩნევთ, რომ
არაფრის უფლება აღარ გვაქვს. ანუ, დროთა განმავლობაში გაიზარდა შეზღუდვები და
ავტომატურად შემცირდა ადამიანთა უფლებებიც. ფაქტობრივად არანაირი აზრი და
მნიშვნელობა აღარ აქვს ადამიანთა არსებობას. ასეთ შემთხვევაში, „ყოფნა-არყოფნა,
საკითხავი აი ეს არის“. (უილიამ შექსპირი, „ჰამლეტი“). ანუ, სხვა სიტყვებით რომ
ვთქვათ, თუ კი ვამჩნევთ, რომ სახელმწიფო თანდათან ტირანიად გადაიქცა, მასში
გადაიზარდა, ან აბსოლიტური ბატონობა მოინდომა, საზოგადოებას სრული უფლება
აქვს, აჯანყდეს ამ ხელისუფლების წინააღმდეგ და ყველაზე ცუდ შემთხვევაში, მისი
შეცვლა მოითხოვოს, რაც სრულიად საფუძვლიანია. მე ვირჩევ სახელმწიფოს
იმისთვის, რომ თავი მეტად დაცულად და უსაფრთხოდ ვიგრძნო. თუმცა თუ კი ამას
ხელისუფლება ბოროტად გამოიყენებს, ანუ, ჩემს უფლებებს თავად გადაიბარებს და
მთლიანად მისი ბატონობის ქვეშ მომაქცევს, ეს თავისმხრივ ნიშნავს ბუნების კანონის
დარღვევას. ანუ, იგი ხელჰყოფს ჩემს უფლებას, ჩემს საკუთრებას. არ არის რთულად
მისახვედრი, რომ ყოველივე ეს საზოგადოების ჯანსაღ კრიტიკასა და აჯანყებას
გამოიწვევს, ის ერთობლივით ძალით იბრძოლებს, რათა დაიბრუნოს ყოველივე ის
უფლება, რაც უფლისგან ებოძა, რადგან ვიცით, რომ ის ხელშეუხებელია და მუდამ ასე
უნდა იყოს.
მილი
ბრიტანელი ფილოსოფოსი ჯონ სტიუარტ მილი დაიბადა 1806 წლის 20 მაისს. მილი
იყო მე-19 საუკუნის ბრიტანელი ფილოსოფოსი, საზოგადო მოღვაწე, ეკონომისტი. იგი
XIX საუკუნის ყველაზე გავლენიან მოაზროვნედაა მიჩნეული. იგი ასევე იყო
გავლენიანი პოლიტიკოსი. მილის ერთ-ერთ გავლენიან ნაშრომად ითვლება წიგნი
,,თავისუფლების შესახებ’’. ეს წიგნი დღემდე ითვლება და არის თავისუფლების
არსობის მნიშვნელოვან მოდელად.