Aborsyon

Ang aborsyon o pagpapalaglag ay isang sinasadyang pagtanggal ng sanggol na nasa sinapupunan

pa lamang ng kaniyang ina. Ito ay isang paraan ng pagkitil ng buhay ng isang batang hindi pa naisisilang.
Madalas itong nangyayari sa loob ng unang 28 linggong pagbubuntis. Ito ay maaring mangyari ng biglaan
katulad na lamang ng kapag ang isang babae ay nakunan. Maaari ring gamiting pamamaraan ang pag
inom ng gamot o pag opera sa pagpapalaglag ng sanggol sa loob ng matres. Samantala, tinatawag
nanakunan ang babae kung ang pagpapalaglag ay nangyari bago ang ika-dalawampung linggo ng
pagbubuntis, kung saan ito ay tinuturing na hindi pa buhay. Sa ilang mga bansa ang aborsyon ay
itinuturing na isang lehitimong paraan upang kontrolin pigilin ang paglaki ng pamilya o populasyon,
ngunit sa Pilipinas, itinuturing itong isang krimen. At hindi ako sang ayon sa pagpapalaglag o aborsyon
dahil ito ay isang krimen at isang malaking kasalanan sa ating panginoon. Ito ay ang pagkitil sa buhay ng
inosenteng bata na dapat ipagbawal sa ating bansa at sa buong mundo.

Maraming tao ang naniniwala na nag fetus sa sinapupunan ng nanay ay isa nang ganap na tao at
may mga karapatan na ring tulad ng sa atin. Naniniwala sila na ang aborsyon ay hindi maipapangatwiran
dahil ito ay pagpatay ng inosenteng tao. Bawat bata ay isang mahalagang regalo mula sa Diyos. Wala
tayong karapatan na sirain ang regalong ito. Ang walang muwang na bata ay nangangailangan ng
espesyal na proteksyon dahil hindi pa nito kayang ipaglaban ang kaniyang karapatan. Ang mga doktor at
nurse ay sumumpang magliligtas ng buhay, hindi pumatay. Ang aborsyon ay isang sensitibong usapin
lalo na dito sa bansang Pilipinas na maituturing na isang konserbatibong lugar. Alam naman natin na ang
aborsyon ay isang illegal na gawain dito sa bansa subalit mayroon dapat na mga panuntunan kung ano
ang limitasyon nito. Ang ilan dito ay ang pagkokonsidera ng kaligtasan ng ina, ang pagiging biktima nito
ng panggagahasa, o ang pagkonsidera sa kalagayang pang-ekonomiya ng magiging pamilya ng isang
bata. Sa aborsyon, mataas ang posibilidad na magkaroon ng septic abortion o impeksiyon. Ang
impeksiyon ay nakasentro sa inunan at may panganib na kumalat sa matris ng nanay, na nagiging sanhi
ng pelvic infection o maging sepsis at potensyal na pagkasira ng ibang bahagi ng katawan.

Ang usapin ng aborsyon ay hindi parin matapos-tapos. Mula noon ngayon ay marami pa rin ang
nagdedebate dito. Maraming naghahangad na maging legal ito ngunit marami din ang humahadlang
upang maging legal ito. Sa pagdaan ng panahon, di pa rin nawawala ang aborsyon sa lipunan ng bansa.
At sa bawat pag-ikot ng oras ay patuloy pa rin ang pagdami ng mga kababaihang nagsasagawa nito. Sa
isang konserbatibong bansa tulad ng Pilipinas ay matagal-tagal pa bago ito maging legal, kung ito man
magiging legal, dahil na rin sa lakas ng pananampalataya at pagkarelihiyoso ng mga Pilipino.
Modernisasyon at pag-unlad ang sigaw ng mga pumapabor dito, samantalang katarungan naman para sa
mga hindi sumasang-ayon. Subalit anu paman ang mga katwirang bumbalot dito, isipin natin kung
naaayon ito sa kabutihan ng lahat.