Matti National High School

Grade 10 - Krypton

I. ABORSYON

Ipinasa ni: Louise Zandra F. Rañon

Ipinasa kay: Julius Castañares

March 2019
II. Panimula

Ang Aborsyon ay naging bahagi na ng kultura ng maraming bansa sa buong

mundo. Ito ay tinuturing na tradisyon sa mga tribo sa iba’t ibang bansa. Nagdesisyon ang
maraming mga bansa na gawing legal ang aborsyon sa kanilang mga lugar at maging
bahagi na ng kanilang kultura.
Marami na rin ang nagdebate tungkol sa pagapapatupad o pagpapagawang legal
ng aborsyon sa Pilipinas ngunit hanggang sa kasalukuyan ito ay pinagdedebatehan pa
rin. Meron itong positibo at negatibong aspeto.
Ang aborsyon ay merong magandang maitutulong at may mga positibong epekto
rin. Tulad ng pangangalaga sa kalusugan ng babae, maiwasang maghirap ang bata at
maiwasan ang paglobo ng populasyon.

A. Pagpapakilala ng paksa

Ang ABORSIYON o PAGPAPALAGLAG ng isang fetus sa sinapupunan ng ina.

Ito ay isang paraan ng pagkitil ng buhay ng isang bata na nasa sinapupunan. Ang
aborsiyon ay ang resulta ng pagkamatay ng bata sa loob ng sinapupunan ito’y
maaring tawagin na Kusa (Miscarriage) at Sapilitan (Induce). Ang Kusa
(Miscarriage) ay nagaganap kung ang bata ay natanggal dahilan sa natural na
pangyayari o isang aksidente. Ang Sapilitan (Induce) naman ay ang pagtanggal
ng bata sa sinapupunan sa pamamagitan ng pag-opera o pagpapainom ng mga
gamot. Sa ilang mga bansa ang aborsiyon ay itinuturing na legal dahil isa ito sa
mga paraan upang mapigilan ang paglaki ng populasyon ng isang bansa. Ngunit
sa Pilipinas, ang aborsyon ay isang krimen. Ang isyu sa aborsiyon ay mayroong
dalawang magkasalungat na posisyon ang publiko: ito ay ang Pro-life at Pro-
choice. Ang mga “pro-life” naman ay ang mga taong hindi sumasang-ayon sa
aborsyon. Naniniwala sila na ang pagkitil ng buhay ng isang anak ng Diyos ay
masama. Ayon sa mga “pro-choice” (sumasang-ayon sa aborsiyon), dapat gawing
legal ang aborsyon dahil pinahihintulutan nito ang isang babae na mapanatili ang
kanyang mga karapatan, matulungan ang isang bata na maghihirap lamang dahil
sa lungkot at hirap ng buhay at makapagtatag ng mas ligtas at mapayapa na
bansa.

B. Ang sariling pananaw sa isyu

Isa ito sa malaking isyu ng ating lipunan, sa aking pananaw ay hindi ako
sumasang-ayon sa isyung ito. Para sa akin hindi ito isang mabuting gawain at
lalong hindi ito solusyon sa problem ng ating populasyon. Naniniwala ako na ang
 ating buhay ay bigay lamang ng Diyos at siya lamang ang may karapatang
kumuha nito sa atin. Ang pagmamahal ng Diyos sa atin ay walang kapantay kaya
dapat ganoon din ang ating gagawin sa ating kapwa lalong-lalo na sa mga batang
nasa sinapupunan. Mayroon itong mga negatibong epekto, nagkakaroon ng mga
komplikasyon sa mga babaeng nagpapaaborsyon dahil sa mga infection na
natatamo nito kapag ito’y nagpapalaglag na walang sigurado sa mga kagamitang
ginagamit nito. Ang aborsyon ay may sikolohikal din na epekto ayon sa pag-aaral
ni David C. Reardon. Ang mga magulang na nagpa-aborsyon ay nakararamdam
ng depresyon, ang iba naman ay binabangungot. Para sa iba ang aborsyon ay
dapat gawing legal ngunit hindi nila naiintindihan na hindi ito ligtas sa kalusugan
ng iilang mga kababaihan at sa mata ng ating Diyos.

III. Mga Argumento sa Isyu

Ang mga argumento tungkol sa aborsyon ay tumatalakay sa kabuuan ng aborsyon at

kung paano ito nakaapekto sa buhay ng mga mamamayan. Tinalakay ang pagiging
biktima ng panggagahasa at pagbubuntis. Sapat ba itong dahilan upang kitilin ang buhay
ng isang inosente? Napag-usapan din ang maaaring gawin kapag nakataya ang buhay ng
ina sa pagbubuntis. Tama bang ipalaglag ang bata para sa kapakanan ng ina? Ang
aborsyon kahit ano pang dahilan ay mali at kasalanan pa rin ngunit walang hindi
napapatawad ang Diyos.

A. Buod ng mga argumento

Hindi partikular na tinukoy sa Bibliya ang isyu ng aborsyon. Gayun pa man,

napakaraming mga talata sa Bibliya ang malinaw na nagpapakita kung ano
ang pananaw ng Diyos tungkol sa aborsyon. Sinasabi sa atin ng Jeremias 1:5
na kilala na tayo ng Diyos sa simula pa at Siya ang humuhugis sa atin sa tiyan
ng ating ina. Ipinahayagi naman ng Mga Awit 139:13-16 ang aktibong
pagkilos ng Diyos sa paglikha at paghugis sa kaanyuan ng bata sa tiyan ng
kanyang ina. Sa Exodo 21:22-25 naman ay ipinahayag ang hatol na
kamatayan sa sinumang magiging dahilan ng kamatayan ng sanggol na nasa
tiyan pa lamang ng kanyang ina. Ito ay malinaw na nagtuturo na itinuturing
ng Diyos ang sanggol sa tiyan ng ina na gaya sa isang matanda na mayroon ng
 sapat na pag-iisip. Para sa mga Kristiyano, ang pagpapalaglag ay hindi
maituturing ng karapatan ng ina upang mamili. Ito ay patungkol sa buhay o
kamatayan ng isang tao na ginawa ayon sa wangis ng Diyos (Genesis 1:26-27;
9:6).

B. Mga impormasyong sumusuporta sa mga argumento

Ayon kay Panopio (2013) sa ngayon sa ating bansa, marami na din batas ang
nagbabawal sa di-makatao at makatarungang paraang ito. Ipinapasa na din
sa ngayon ang RH Bill na kung saan nilalayon ang mag-asawa na gumamit ng
mga paraang contraceptive o family planning ngunit ito pa din pinag-aaralan
at pinagtatalunan sa senado sa ngayon sa pagitan ng mga tagapagpasa nito
at ng simbahang katoliko.

Ayon sa isang report mula sa Guttmacher Institue noong 2005, mahigit

500,000 na babae ang nagpapa-abort bawat taon. 25% sa mga ito ang
nagpupunta sa mga illegal na mgaabortion clinic . 30% ay umiinom ng gamot
na pampalaglag gaya ng Cytotec. 20% ang nagpapahilot para malaglag ang
baby. Ang iba po ay gumagawa pa nang iba’t ibang paraan gaya ng pag-inom
ng alak, pagpasok sa pwerta ng iba’t ibang gamit, at iba pa.

C. Mga ebidensiya para sa mga argumento

Ang aborsyon sa Pilipinas sa kabuuan ay illegal at hindi pinapayagan ng

Saligang batas. Ang sinumang tumulong sa pag papalaglag ng bata sa
sinapupunan ay may katampatang parusa. Kung ito ay doktor o midwife ay
maaring mawalan ng lisensya pag napatunayan.

Ayon sa Revised Penal Code ng Pilipinas, Artikulo 256 ay naglalaman ng ng

katampatang parusa sa sadyang pagpapalaglag ng bata pananakit man ang
paraan o iba pa na kahit ito ay pinapayagan ng nanay o ng nagbubuntis.
 Sa Artikulo 257, makatampatang parusa kahit hindi sinasadyang malaglag ang
bata sa pamamagitan ng pananakit sa nagdadalang tao.

Sa Artikulo 258, sadyang pagpapalaglag sa bata ng ina o ng magulang nito ay

mabibilanggo ayon sa kaparusahan igagawad ang itatagal.

Sa Artikulo 259, ang doktor o midwife na mag sasagawa ng aborsyon ay

maaring makulong. Kahit ang pagbebenta ng gamot na maaaring makalaglag
sa bata ng isang nagdadalang tao ay may multa.

IV. Ang Sarili Posisyon sa Isyu

A. Aborsyon: Kailangan na ba Talaga sa Panahong Ito?

1) Ang masasabi ko ay hindi ito tama dahil ang tanging dapat nating
malaman ay disiplina at tamang kaalaman. Sinumpa ito ng Bibliya at
ng ating mga paniniwala bilang mga Kristyano dahil masama ang
pagpatay ng tao. Kahit sinuman ang hindi pwedeng papatayin. Sama
na rin ang mga batang hindi pa isinilang.

2) Una ay ang PMS o Pre-marital Sex. Pagkatapos, may unwanted

pregnancy dahil sa karuhkhaan at iba’t ibang rason bakit hindi
makakayang sumuporta ng bata ang mga magulang. Dahil sa
maraming problema na makukuha sa pagpapalaki ng bata,
magkaroon ng dalawang mapipilian – aborsyon o adopsyon.

B. Bakit ba kailangan ang aborsyon kung may ibang mapipilian maliban sa

gawaing ito?

1) Kung ayaw ng mga magulang ang bata bakit kailangan pa itong

patayin? Marami namang mga mag-asawa ang gustong magkaroon ng
anak. Maraming tao pa din naman na mas piliing kupkopin ang bata
 kesa naman makita itong nahihirapan. Dapat bigyan nating ng
oportunidad ang bata sa buhay dahil karapatan niyang magkaroon ng
buhay at mga magulang mag-aaruga.

2) Kasingmarami ang mga taong kontra-aborsyon tulad ko sa mga taong

naniniwala na sapat at kinakailangan ang aborsyon. Ang kanilang mga
inaangkin ay sumang-ayon at sumusuporta ang Diyos sa aborsyon,
kinakailangan na raw ang aborsyon sa laki nga populasyon natin
ngayon, at ayaw nilang magkaroon ng mga batang may psychological
defects dahil sa kanilang paglaki sa hindi sapat na kundisyon tulad ng
broken family o paglaki niya sa kahirapan o sa pagiging isang
unwanted child.

C. Paano kung ang ina ay biktima ng panggagahasa ng ibang tao o ng sariling

kapamilya?

1) Ang pagpatay ba sa sanggol sa sinapupunan ang solusyon sa

karimarimarim na nangyari sa isang babae? Hindi ba
nakakapanghilakbot din ang pagpatay ng isang inosenteng sanggol sa
sinapupunan? Ang isang kasalanan ay hindi puwedeng itama ng isa
pang kasalanan. Ang bata na bunga ng panggagahasa ng ibang tao o
ng sariling kapamilya ay maaaring ampunin ng mag-asawang hindi
magkaanak upang magkaroon sila ng sariling pamilya o kaya nama'y
palakihin siya ng kanyang sariling ina. Ang bata ay walang kinalaman
sa lahat ng nangyari at hindi siya ang kailangang magdusa sa
kasalanang nagawa ng kanyang ama.

2) Sa Exodo 21:22-25 naman ay ipinahayag ang hatol na kamatayan sa

sinumang magiging dahilan ng kamatayan ng sanggol na nasa tiyan pa
lamang ng kanyang ina. Ito ay malinaw na nagtuturo na itinuturing ng
Diyos ang sanggol sa tiyan ng ina na gaya sa isang matanda na
mayroon ng sapat na pag-iisip
V. Konklusyon

A. Buod ng iyong posisyon

Ang usapin ng aborsyon ay hindi pa rin matapos-tapos. Mula noon hanggang

ngayon ay marami pa rin ang nagdedebate dito. Maraming naghahangad na
maging legal ito ngunit marami din ang humahadlang upang maging legal ito.
Sa pagdaan ng panahon, di pa rin nawawala ang aborsyon sa lipunan ng
bansa. At sa bawat pag-ikot ng oras ay patuloy pa rin ang pagdami ng mga
kababaihang nagsasagawa nito. Sa isang konserbatibong bansa tulad ng
Pilipinas ay matagal-tagal pa bago ito maging legal, kung ito man ay magiging
legal, dahil na rin sa lakas ng pananampalataya at pagka-relihiyoso ng mga
Pilipino. Modernisasyon at pag-unlad ang sigaw ng mga pumapabor dito,
samantalang katarungannaman para sa mga hindi sumasang-ayon.

B. Plano ng pagkilos

Para maiwasang mapapunta sa sitwasyon kung saan ang pagdadalang-tao

ang pinagsisihan at ang aborsyon ay pinag-iisipan, mag-family planning!
gumamit ng condom, pills o iba pang proteksyon. at umiwas sa pakikipagtalik
sa hindi pa tamang panahon. kung ang desisyong pagaaborsyon ay ginagawa
para lamang sa sariling kagustuhan o upang matakpan ang dungis ng
kahihiyang idudulot nito, hindi ito sapat upang may isang batang magbuwis
ng isang buhay.

VI. Sanggunian

1. https://tl.wikipedia.org/wiki/Pagpapalaglag

2. https://www.gotquestions.org/Tagalog/aborsyon-pagpapalaglag-pagaagas.html

3. https://mysteriousmerz.livejournal.com/1812.html
4. http://kalusugan.ph/%E2%80%9Cpampalaglag-ng-bata%E2%80%9D-aborsyon-
sa-pilipinas-at-bakit-ito%E2%80%99y-nakasasama/

5. https://www.reproductiverights.org/world-abortion-laws/philippines-abortion-
provisions