Ang Unang Modelo: Ang Sambahayan at ang Bahay-Kalakal. M: Sa unang modelo ipinakita ang ugnayan ng sambahayan at bahay kalakal sa pagpapaikot na daloy ng ekonomiya. May dalawang bahagi ang unang modelo, ang inner circle at outer circle. J: Sa inner circle, makikita ang daloy ng mga produkto at serbisyo mula at papunta sa sambahayan at bahay-kalakal. Sa sambahayan nanggaling ang mga yaman o pangangailangan para sa produksiyon gaya ng paggawa, capital, at entreprenyur. Ito ang nagsisilbing pamilihan ng mga salik ng produksiyon na kinakailangan ng bahay-kalakal sa paglikha ng mga produkto at serbisyo. Samantala, ang bahay-kalakal naman ang gumawa o ang nagproseso ng mga salik ng produksiyon upang maging ganap na produkto o serbisyo na nakalaan para sa pagkonsumo ng sambahayan. Ito ay nagsisilbing pamilihan ng tapos na produkto at serbisyo na kailangan ng sambahayan. M: Sa outer circle naman makikita ang daloy ng kita para sa sambahayan at bahay-kalakal. Sa pamamagitan ng, pagkonsumo ng mga produkto at serbisyo ang sambahayan, kumikita ang bahay-kalakal. Ang natanggap nilang kabayaran sa pagkonsumo, ay nagsisilbing kita o income para sa sambahayan at bahay-kalakal. Magbibigay ng suweldo o kita ang bahay- kalakal sa sambayanan at ang natitira ay gagamitin o ilalaan para sa produksiyon o para sa hinaharap. J: Ang sambahayan at bahay-kalakal ay ang mga pangunahing sektor sa ng pambansang ekonomiya. Nakikipag-ugnayan ang sambahayan at bahay- kalakal sa mga pamilihan ng kalakal at paglilingkod dahil dito bibili ang sambahayan ng produkto sa pantugon sa mga pangangailangan o kagustuhan nito. M: At ngayon ay tinatawag namin sina Khaliel Fortich at Nina Maambong, upang ipaliwanag at ibahagi ang ikalawang modelo