Professional Documents
Culture Documents
Filipino Quarter 2 Reviewer 1
Filipino Quarter 2 Reviewer 1
halakhak
tawa
hagikgik
ngiti
Mga Paraan ng Pagpapahayag ng Emosyon o 1. Mga Pangungusap na Padamdam – Ito ay mga pangungusap na nagpapahayag ng matinding damdamin o
Damdamin emosyon. Ginagamitan ito ng tandang padamdam (!)
Halimbawa:
• Naku po, hindi ko maaatim na patayin ang inosenteng sanggol na ito!
• Ang sakit malamang ang sariling anak ang pumaslang sa ama!
2. Maiikling Sambitla – Ito ay mga sambitlang iisahin o dadalawahing pantig na nagpapahayag ng matinding
damdamin.
Halimbawa:
• Aray! Nasugatan ako ng patalim.
• Wow! Ang bango ng ulam natin ngayon.
3. Mga Pangungusap na Nagsasaad ng Tiyak na Damdamin o Emosyon ng Isang Tao – Ito’y mga
pangungusap na pasalaysay kaya’t hindi nagsasaad ng matinding damdamin, ngunit ito ay nagpapakita ng
tiyak na damdamin o emosyon.
Halimbawa:
Kasiyahan: Napakasayang isipin na may isang bata na namang isinilang sa
mundo. Pagtataka: Hindi ko lubos maisip kung bakit ipatatapon ng isang
magulang ang isang walang kamalay-malay na sanggol.
Pagkalungkot: Masakit isiping ang mag ama ang nagharap sa isang pagtutunggali.
Pagkagalit: Hindi dapat kinikitil ang buhay ng isang sanggol.
Pasang-ayon: Tama ang naging desisyon ng pastol na hindi patayin ang bata.
Pagpapasalamat: Mabuti na lamang at nakapag-isip ang pastol.
Ang bilang ng populasyon ng kababaihan sa mundo ay 51% o 2% na mataas kaysa kalalakihan. Maaaring isipin ng
ilan na ang kababaihan ay nakakukuha ng parehong pagkakataon at karapatan gaya ng kalalakihan. Ilang kababaihan lamang sa
buong mundo ang nakakakuha ng pantay na karapatan at paggalang tulad sa kalalakihan. Ang tungkulin at kalagayan ng
kababaihan ay unti- unting nagbabago sa nakalipas na 50 taon. Ito ay makikita sa dalawang kalagayan : una ang pagpapalit ng
gampanin ng kababaihan at ang ikalawa ay ang pag-unlad ng kanilang karapatan at kalagayan. Nakikita ito sa Taiwan.
Ang unang kalagayan noong nakalipas na 50 taon, ang babae sa Taiwan ay katulad sa kasambahay o housekeeper. Ang
tanging tungkulin nila ay tapusin ang hindi mahahalagang gawaing-bahay na hindi natapos ng kanilang asawa. Ang mga babae
ay walang karapatang magdesisyon dahil sa kanilang mababang kalagayan sa tahanan.
Ngayon, nabago na ang tungkulin ng mga babae at ito ay lalong naging komplikado. Sa bahay ng mga Taiwanese, sila
pa rin ang may pananagutan sa mga gawaing-bahay. Ngunit sa larangan ng trabaho, inaasahang magagawa nila kung ano ang
nagagawa ng kalalakihan. Sa madaling salita, dalawang mabibigat na tungkulin ang nakaatang sa kanilang balikat.
Ang ikalawang kalagayan ay pinatutunayan ng pagtaas ng kanilang sahod, pagkakataong makapag-aral, at mga batas na
nangangalaga sa kanila. Karamihan sa mga kompanya ay nagbibigay ng halaga sa kakayahan ng babae at ang mga kinauukulan
ay handang kumuha ng mga babaeng may kakayahan at masuwelduhan ng mataas. Tumataas ang pagkakataon na umangat ang
babae sa isang kumpanya at nakikita na ring may mga babaing namamahala. Isa pa, tumaas ang pagkakataon para sa mga babae
pagdating sa edukasyon. Ayon sa isang estadistika mula sa gobyerno, higit na mataas ang bilang ng mga babaing nag-aaral sa
kolehiyo kung ihahambing sa kalalakihan makalipas ang 50 taon.
At ang huling kalagayan ay ang pagbabago ng mga batas para sa pangangalaga sa kababaihan ay nakikita na rin.
Halimbawa, sa Accton Inc., isa sa nangungunang networking hardware manufacturer sa Taiwan, ginawa nang isang taon ang
maternity leave sa halip na 3 buwan lamang. Ang gobyerno ng Taiwan ay gumagawa na ng batas sa pagkakaroon ng pantay na
karapatan upang higit nilang mapangalagaan ang kababaihan.
Bilang pagwawakas, naiiba na ang gampanin ng mga babae at higit itong mapanghamon kung ihahambing noon. Ang
kanilang karapatan at kahalagahan ay binibigyan na ng pansin. Ngunit hindi ito nangangahulugan na ang mga babae ay
tumatanggap na ng pantay na posisyon at pangangalaga sa lipunan. Mayroon pa ring mga kompanya na hindi makatarungan ang
pagtrato sa mga babaing lider nito. Marami pa ring kalalakihan ang nagbibigay ng mabigat na tungkulin sa kanilang asawa sa
tahanan. Ito ay matuwid pa rin sa kanila. Marami pa ring dapat magbago sa kalagayan ng kababaihan sa Taiwan at malaki ang
aking pag-asa na makita ang ganap at pantay na karapatan nila sa lipunan.
MODYUL 4: WIKA AT GRAMATIKA: ANGKOP NA MGA PAHAYAG SA PAGBIBIGAY NG
OPINYON, MATIBAY NA PANINIDIGAN AT MUNGKAHI
Opinyon - isang saloobin o damdamin lamang batay sa mga makatotohanang pangyayari at hindi maaaring mapatunayan kung
tama o mali
- ang pagbibigay ng opinyon sa mga pangyayaring nagaganap o namamamalas sa ating paligid ay maituturing na
bahagi na ng ating pang araw-araw na buhay
- sa pagbibigay ng opinyon, makabubuting tayo ay may sapat na kaalaman sa paksang pinag-uusupan upang masusing
mapagtimbang -timbang ang mga bagay at maging katanggap-tanggap ang ating mga opinyon
Mga pahayag sa pagbibigay ng iyong opinyon o pananaw:
• Sa aking palagay ….
• Sa tingin ko ay ….
• Para sa akin ….
• Ang paniniwala ko ay ….
• Ayon sa nabasa kong datos ….
• Hindi ako sumasang-ayon sa sinabi mo dahil ….
Halimbawa:
Para sa akin ang mga kababaihan ay unti-unti na ring napahahalagahan.
Ayon sa nabasa kong datos ang sexual harassment ang madalas na daing ng mga kababaihan.
Ang paniniwala ko ay ang mga kababaihan ay hindi katulong na tagasunod sa lahat ng mga ipinag-uutos ng ilang nag-aastang “Panginoon”
Sa kabuoan, ang isang talatang nagsasalaysay ay dapat magtaglay ng sumusunod na katangian upang
ito’y maging mabisa:
• Kinakailangang ang mga kaisipan nito ay nagtataglay ng kaisahan.
• Kinakailangang ito ay nagbigay-diin sa mahalagang pangyayaring isinasalaysay.
• May paglalarawan upang magkaroon ng kulay at buhay ang mga pangyayari.
• May kasukdulan na siyang lumilikha ng pananabik sa bumabasa o nakikinig
Mga angkop na gagamitin sa simula, gitna at Simula - noong unang panahon, sa simula pa lamang, at iba pang pananda sa pagsisimula
wakas Gitna - kasunod, sumunod ay, pagkatapos, walang ano-ano, at iba pang pananda na
naghuhudyat ng pagkakasunod-sunod ng mga pangyayari
Wakas - sa huli, sa wakas, sa dulo, sa pagtatapos, at iba pang pananda na naghuhudyat ng
makahulugang pagtatapos
Madalas, ang maikling kuwento ay may tatlong bahagi – ang simula, gitna at wakas
1. Simula – Sa bahaging ito isa-isang ipinakikilala ng manunulat ang mga tauhang kanyang
pagaganapin ng mahahalagang papel sa kuwento. Dito rin inilalahad o inilalarawan ang tagpuan ng
kuwento. Maaari itong simulan sa mga panandang inilahad sa itaas. Pagkatapos ay maaaring isunod
ang:
a. Pang-uri gaya ng:
- Napakaganda ng sikat ng araw at napakaaliwas ng paligid…
b. Pandiwa gaya ng:
- Ipinagbunyi ng buong nayon ang kanyang pagdating…
c. Pang-abay gaya ng:
- Matagumpay na naisakatuparan ni Huiquan ang lahat ng kanyang balakin….
2. Gitna – Dito magsisimulang isasalaysay ng manunulat ang mga kawing-kawing na pangyayari.
Ang manunulat ay patuloy na gagamit ng mga naglalarawang salita upang mapanatili ang
kawilihan o interes ng mambabasa sa larawan at aksiyong isinasalaysay. Kinakailangan na ito ay
may kasukdulan o climax. Magiging maayos ang daloy ng mga pangyayari kung ang manunulat ay
gagamit ng mga panandang naghuhudyat ng wastong pagkakasunod-sunod ng mga pangyayari
gaya ng mga naibigay na halimbawa sa itaas
3. Wakas – Napakahalaga ng bahaging ito sapagkat dito nakapaloob ang mensaheng magpapabuti o
magpapabago sa kalooban at isipan ng lahat
“Niyebeng Itim” ni Liu Hueng Isinalin sa Filipino ni Galilio S. Zafra
Mga Tauhan sa “Niyebeng Itim” • Li Huiquan – dating bilanggo na sinikap magbagong-buhay
• Tiya Lou – tumulong kay Huiquan sa paghahanap ng trabaho o mapagkakakitaan
• Tiyo Li – tumulong kina Huiquan at Tiya Lou
• Luo Xiaofen – kababata ni Huiquan
Tapuan sa “Niyebeng Itim” • Lugar – Tsina
• Panahon – Bisperas ng Bagong Taon
MODYUL 6: KASANAYAN (PAKIKINIG, PAGBASA, PANONOOD, PAGSULAT, WIKA AT
GRAMATIKA)
Drama - nahango sa salitang Griyego na “drama” na nangangahulugang gawin at ikilos at ito rin ay isang
pampanitikang panggagaya sa buhay upang maipamalas sa tanghalan
Dula - ayon kay Aristotle, ay isang masining at makaagham na panggagaya sa kalikasan ng buhay. Ito’y
kinatha at itinatanghal upang magsilbing salamin ng buhay – sa wika, sa kilos, at sa damdamin.
Bilang sining, may layunin itong makaaliw, makapagturo o makapagbigay ng mensahe o makaantig
ng damdamin at makapukaw ng isip.
- May mga dahilang nagbabago ang paniniwala ng tao dahil sa galaw at pagbabago rin ng mundo.
Dumarating ang isang pambihirang pagkakataon o isang bagay na hindi man inaasahan ay
magpapabago sa ating pananaw, pilosopiya at paniniwala sa buhay.
Elemento ng Dula • Aktor
• Diyalogo
• Direktor
• Iskrip
• Manonood
• Tanghalan
• Tema
Aktor - ang nagsasabuhay sa mga tauhan sa iskrip na isinulat ng mga “Screen writer”. Nasa loob ng
isang iskrip ang mga diyalogo na sinasabi ng mga tauhan
Diyalogo - ang mga bitaw na linya ng mga aktor na siyang sandata upang maipakita at maipadama ang mga
emosyon. Nagiging mas maganda at makapangyarihan ang dula kung may mga malalakas at
nakakatagos na mga linyang binibitawan ng mga aktor
Direktor - ang siyang nagpapakahulugan sa iskrip at nagsasabi kung ano ang lagay ng entablado, puwesto ng
mga tauhan at iba pang bagay sa entablado o tanghalan
Iskrip - ang pinakaluluwa ng isang dula
Manonood - ang mga taong nagbibigay halaga sa dula
- kung wala ang mga manonood, walang makakakita ng dula na pinaghirapan ng lahat ng tao sa likod
nito
Tanghalan - anumang pook na pinagpasyahang pagtanghalan ng isang dula; tanghalan ang tawag sa
kalsadang pinagtanghalan ng isang dula, tanghalan ang silid na pinagtanghalan ng mga mag-aaral sa
kanilang klase
Tema - ang pinakapaksa ng isang dula
- ang nagbibigay ng diin sa mga manonood sa kung ano ang ipinahihiwatig ng dula, ang emosyon ng
mga tauhan, pagkasunod-sunod ng mga pangyayari at iba pa
Katangian ng Dula • Sulyap sa Suliranin – pagpapakilala sa problema ng kwento. Pagsasalungatan ng mga tauhan, o
kaya’y suliranin ng tauhan na sarili niyang likha o gawa.
• Saglit na Kasiglahan – ito ay ang saglit na paglayo o pagtakas ng mga tauhan sa suliraning
nararanasan.
• Tunggalian – maaaring sa pagitan ng mga tauhan, tauhan laban sa kanyang paligid, at tauhan laban
sa kanyang sarili, maaaring magkaroon ng higit sa isa o patung-patong na tunggalian.
• Kasukdulan – sa puntong ito nasusubok ang katatagan ng tauhan. Dito pinakamatindi at
pinakamabugso ang damdamin o ang pinakakasukdulan ng tunggalian.
• Kakalasan – ang unti-unting pagtukoy sa kalutasan sa mga suliranin at pag-ayos sa mga tunggalian.
Kalutasan – dito mawawaksi at natatapos ang mga suliranin at tunggalian sa dula.
Bahagi ng Dula • Yugto – ito ang bahaging pinanghahati sa dula. Inilaladlad ang pangmukhang tabing upang
magkaroon ng panahong makapahinga ang mga nagsiganap gayundin ang mga manonood.
• Tanghal – ang bahaging ito ang ipinanghahati sa yugto kung kinakailangang magbago ng ayos ng
tanghalan.
• Tagpo – ito ang paglalabas-masok sa tanghalan ng mga tauhang gumaganap sa dula.
Pang-ugnay - Ang pang-ugnay ay mga salitang nagpapakita ng relasyon ng dalawang yunit sa pangungusap, maaaring salita, dalawang parirala o ng
dalawang sugnay.
3 Uri ng Pang-ugnay
1. Pang-angkop (ligature) – ito ay ang mga katagang nag-uugnay sa panuring at salitang tinuturingan. Ito ay nagpapaganap lamang ng mga pariralang
pinaggagamitan. May dalawang uri ng pangangkop.
a. Ang pang-angkop na – ginagamit kapag ang unang salita ay nagtatapos sa katinig maliban sa n. Hindi ito isinusulat ng nakadikit sa unang salita.
Inihihiwalay ito. Nagigitnaan ito ng salitang panuring.
Mga Halimbawa:
masarap na kainan
aklat na makapal
bahay na bato
b. Ang pang-angkop ng – ginagamit kung ang unang salita ay nagtatapos sa patinig. Ikinakabit ito sa unang salita.
Mga Halimbawa:
maruming damit
lupang hinirang
babaeng salawahan
Kapag ang unang salita naman ay nagtatapos sa n tinatanggal o kinakaltas ang n at ikinakabit ang –ng.
Mga Halimbawa:
balong malalim
bayang malaya
2. Pang-ukol (preposition) – ito ay isang uri ng pang-ugnay na nagsasaad ng kaugnayan ng pangngalan o panghalip sa ibang salita sa pangungusap.
Mga Halimbawa:
Para sa, ukol sa, laban sa, alinsunod sa, labag sa, ayon sa, para kay/kina, ukol kay/kina
Ayon sa anunsyo kahapon sa radyo, magkakaroon ng malawakang rally sa Gitnang Luzon.
Alinsunod sa itinadhana ng batas, ang mga mapatutunayang may kinalaman sa krimen ay papatawan ng karampatang kaparusahan.
3. Pangatnig (conjunction) – ito ay bahagi ng salitang nag-uugnay ng isang salita o kaisipan sa isa pang salita o kaisipan sa isang pangungusap.
a. Pamukod – ginagamit upang itangi ang isa sa isa pang bagay.
Mga Halimbawa:
Ni sa pangarap ni sa panaginip ay hindi siya nag-isip ng gayon.
b. Paninsay o pasalungat – ginagamit kung nagsasaaad ng pagsalungat
Mga Halimbawa
subalit, datapwat, bagama’t, kahit, habang
Sasali raw siya kahit masama ang kanyang loob.
Siya ay umaawit habang kami ay kumakain.
c. Panubali o Panlinaw – Kung may pag-aalinlangan o pagbabasakali, ang ginagamit ay: kung, pag, sana, baka, pagka, kapag, sakali, kung gayon.
Mga Halimbawa:
Pinamihasa mo ang iyong anak sa karangyaan baka magsisi ka pagdating ng araw.
Gusto mong sumama kung gayon magbihis ka.
d.Pananhi – tumutugon sa tanong na bakit, nagsasaaad ng kadahilanan.
Mga Halimbawa:
sapagkat, dahil sa, palibhasa, kasi
Sumama ang kanyang pakiramdam dahil sa kinain niyang hilaw na mangga.
Lumayas ang anak niya kasi sobra niyang pinagmalupitan.
“Munting Pagsinta” mula sa pelikulang Mongol: The Rise of Genghis Khan
ni Sergei Bordrov, Hinalaw ni Mary Grace A. Tabora
Mga Tauhan ng “Munting Pagsinta • Temüjin - anak ni Yesügei na mula sa Tribong Borjigin
• Yesügei- ama ni Temüjin
• Borte - isang dalaginding na taga ibang tribo
Tagpuan ng “Munting Pagsinta - Kawangis ng madilim na kalangitan ang nadarama ng magiting na mandirigmang
naninimdim sa takbo ng kapalarang sinapit na nakatalungko sa isang sulok ng makipot at
karima-rimarim na piitan.
MODYUL 7: MGA KASANAYAN: PAKIKINIG, PAGBASA, PAGLINANG NG TALASALITAAN,
PAGSULAT NG SARILING AKDA NA NAGPAPAKITA NG PAGPAPAHALAGA SA PAGIGING
ISANG ASYANO
Akdang Panitka na may Tatlong Bisa: (1). Bisang Pangkaisipan na nagbubunsod sa mga mambabasa na mag-isip upang umunlad
ang diwa at kaisipan.
(2). Bisang Pangkaasalan na tumutulong sa paghubog ng katauhan ng mambabasa.
(3). Bisang Pandamdamin na tumutukoy sa mga nabuong damdamin o emosyon batay sa
akdang nabasa.
Ang isang manunulat ay hindi lamang dapat Magtanong – Ano ang aking isusulat? Ano ang magiging paksa at tema ng aking sulatin? Para
na marunong magsatitik ng mga kanino ang aking susulatin?
nararamdaman iniisip, nakikita, naririnig, Magplano – Paano ko sisimulan? Anong estilo ang gagamitin ko? Saan ako maghahagilap
napanonood at nasaliksik. Dapat ay ng mga datos? Sino ang mga nararapat kong kapanayamin?
marunong din siyang: Magbalangkas – Ano ang mga dapat na nilalaman ng aking panimula? Ng gitna? Paano ko ito
wawakasan?
Magrebisa – Ano kayang bahagi ng akda ang dapat kong alisin dahil walang kaugnayan sa
paksa? Paano ko pa mas mapupukaw ang interes ng mga mambabasa sa umpisa? Paano ko mapananatili ang
kanilang kawilihan? Angkop ba ang mga salitang ginamit ko? Wasto rin ba ang mga bantas na ginamit ko?
Bilyon ang Naitala, Barya ang Nakukuha Halaw sa Pinoy Week, Agosto 12, 2020
Bilyon ang Naitatala, Barya ang Nakukuha
Halaw sa Pinoy Week Agosto 12, 2020
Bumubulusok ang ekonomiya ng bansa. Nakita na itong paparating ilang buwan bago pa naitala ng Philippine Statistics Authority (PSA) itong
pinakamatinding paglubog ng ekonomiya simula noong dekada otsenta. Ang magiging tugon kaya ng gobyerno’y katulad ng sa pandemya: Mabagal, magulo,
at maliit kung ikukumpara sa gahiganteng kahingian? Dala ng usaping ekonomiya ang mga numero at termino na sa totoo’y ibang pangalan lang para sa
kalunus-lunos na danas ng karaniwang Pilipino. Iba-iba ang mukha ng 16.5 porsiyento na naging pagliit ng gross domestic product (GDP) ng bansa ngayong
ikalawang kapat ng 2020.
Nariyan ang mga pamilyang umaasa sa remitans ng kamag-anak na Overseas Filipino Worker, pero ngayo’y mas maliit ang natatanggap, kung mayroon
pa. Makikita itong tinatawag na recession sa danas ng mga pamilyang sabay-sabay nawalan ng bread winner, o kaya nama’y gahiganteng tapyas sa suweldo
ang hinarap. Sa tala ng PSA nitong Abril, halimbawa, may 7.3 milyong katao sa Pilipinas ang nawalan ng trabaho. Inaasahang tataas pa ang bilang na ito kung
hindi makokontrol ang coronavirus disease-2019 (Covid-19) at patuloy na magtitipid ang mga negosyante at employer.
Paghingi ng ayuda sa kung sino-sino sa Facebook. Panlilimos ng mga tsuper. Pakikipagbarter ng kagamitan may maipangraos lang sa araw-araw o sa
darating na pasukan ng mga estudyante. Ito ang danas na dapat kasabay na sinisilip ng gobyerno habang gumagawa ito ng komprehensibong tugon
pangekonomiya.
Pero sa ginagamit na pananalita ng administrasyon at ng ibang ekonomista, hindi ito ang nakikita natin. Natural ang recession. Makakabangon ang
ekonomiya. Ang pagbulusok ng ekonomiya’y dahil sa pandemya. Ilan lang iyan sa mga katagang maya’t maya lumalabas sa bibig ng mga opisyal. Halimbawa,
noong unang linggo ng Mayo, sabi ni Bangko Sentral ng Pilipinas Gob. Benjamin Diokno na “makakabangon naman ang ekonomiya bago matapos ang taon”.
Ang idinugtong niya ang mahalagang pagtuunan. Sabi niya, makakabangon naman “kung makokontrol ang pandemya sa ikalawang kapat ng taon.”
Ikalawang kapat na ng taon at kaliwa’t kanan ang paghingi ng saklolo ng healthcare workers. Ang kinailangan sana’y pagkontrol sa pandemya, hindi
pagdepende sa bakunang hindi pa nalilikha, hindi milagrosong biglaang pagkawala ng sakit.
Posible ba sana ito? Kung titignan ang kaso ng Vietnam, na ngayo’y nakakakita na ng maliit na pagangat ng ekonomiya, oo.
Ayon na nga sa executive director ng Ibon Foundation na si Sonny Africa, “pinagdurusahan natin ang pinakamalalang krisis pangkalusugan at pang-
ekonomiya sa Timog Silangang Asya, at maging sa naitala nating kasaysayan.”
Ngayon, kailangang bantayan ng bawat Pilipino ang binubuong tugon ng administrasyon. Sa datos ng naging paggastos ng mga gobyerno sa Timog
Silangang Asya ngayong panahon ng pandemya, isa na ang administrasyong Duterte sa pinakakuripot. Dinaig pa ito ng mga gobyerno ng Brunei at Timor
Leste, dalawang bansa na mas maliit ang ekonomiya kaysa sa Pilipinas.
Nakikita nating nagpapatuloy ang barya-baryang pagtugon na ito sa isinusulong na Bayanihan to Recover as One o Bayanihan 2, na maglalaan ng hindi
lalagpas sa P180- Bilyon, o wala pa sa isang porsiyento ng GDP ng bansa. Itong paggastos sana ng gobyerno ang makatutulong sa milyong pamilya na
ngayo’y walang maipangtustos, at maliliit na negosyong hindi nakayanan.
Mga hakbang sa pagsulat a. Tukuyin ang paksa at/o tema ng akdang isusulat.
b. Tukuyin ang layunin sa pagsulat (Magpaliwanag, Mangatwiran, Maglarawan o Magsalaysay)
c. Tukuyin kung saan at paano makakukuha ng sapat na datos kaugnay ng paksa (Mag-iinterbyu?
Magsasaliksik? Magsasagawa ng sarbey?)
Mga dapat gawin bago sumulat (Pre-writing a. Pagtatanong – Dito nagsisimula ang pagkakaroon ng mas maraming kaalaman
Activities) b. Pagbabasa at Pananaliksik – Napalalalim ang mga nakalap na impormasyon o kaalaman
c. Pag-iinterbyu – Nakakukuha ng mga karagdagang datos at kaalaman
d. Pagsasagawa ng sarbey – Nagkakaroon ng mas malalim na kahulugan ang mga nakalap na
datos
Aktuwal na pagsulat - Dito nagaganap ang pagsasatitik ng mga nakalap, nabasa, narinig at nasaliksik na kaalaman sa isang
lohikal at organisadong pamamaraan
Pagkatapos ng pagsulat - Dito nagaganap ang pag-e-edit at pagrerebisa ng sulatin. Binabasa muli ang nabuong sulatin upang
maiwasto ang mga maling baybay, mapalitan ang mga salitang mali ang pagkakagamit, at
matanggal ang mga pangungusap at/o talata na nakaaapekto sa kaayusan at kaisahan ng mga
kaisipan o ideya.