Mapagpalang umaga sa lahat

Mukhang ang lahat ay nagagalak kagaya ng nararapat

Ang nakatayo ngayon at kasalukuyan nyong pinapakinggan, Darna ang pangalan.
Biro lang sapagkat
Hindi ako si Darna
At kahit malapit na ang pasko mas lalong hindi ako si Starla
Maliban na lang kung ako ang star ng iyong pasko o bayani ng buhay mo na di lumulunok ng
bato pero adik at handang gawin ang lahat para sa mga taong minamahal ko.

Unang Araw ng Desyembre

Ako'y may naalala at nadiskubre
Ito ay nararapat lamang na aking ibahagi
Ito ay isang kwento ng aking pasko
Nangyari noong di pa masyadong magulo at di pa gaanong limitado ang mundo
Panahong walang masyadong kahulugan ang pag-ubo at pagbahing, mga mix signals mo pa lang
may ibig sabihin sakin.
Ito yung panahong di ka pa hahanapan ng vaccination card o sisitahin kung di sumusunod sa
health protocols o walang social distancing
Sapagkat kakaramput na atensyon mo pa lang ang aking hinihiling
At imbis na sitahin Ikaw ay aking sisintahin.

Naaalala mo ba nang minsan ako'y nagawi sainyo

Batid ko na iyong narinig ang aking sintonadong tinig
Ang nagsindi nitong ilaw walang iba kundi Ikaw, at doon nagtagpo ang ating mga tinginang
nakakatunaw.

Malinaw parin sakin nang mangyari ang himala ng pasko

Sa apat na buwan ng Ber months
Tatlumput Isang araw ng Desyembre
Siyam na simbang gabi
Sinabi mo na ako rin ay iyong tinatangi
Umabot tayo sa palitan ng regalo
Ngunit di sumasapat ang mga material na bagay
Sa kaalamang mas maganda paring mabatid at marinig tuwing exchange gifts na ako'y sayo tapos
ikaw ay akin

Totoo, masyadong mabilis ang mga pangayayari

Ngunit diba sa pasko himala at pag ibig ang maghahari?

Ngunit kaakibat pala nang kumikutikutitap na paligid, makukukalay na parol na nakasabit. Sa

harap ng mga ito
Di mo naitanggi na meron palang iba
Pilit mo lang kinukubli.
Ang lakas mo, ako sa Noche Buena tapos Medya Notche ay sya?

Kung papaano humantong sa ganito

Yan di ko na sigurado
Nasasaktan ako kaya kayo ay aking tinalikuran
Bahay nyo ay aking nadaanan
Sinigaw ko ito ng may kalakasan
"Namamasko po, pakisauli ng nawasak kong puso"
Tulala sa tabi
Ito ang mga katagang aking nasabi
"Dati ang maubusan lang ng salad ang iniiyakan ko, ngayon pati na ikaw dahil nakakaubos din
palang magkagusto sa taong tulad mo"

Di man naging masyadong maganda ang kwento natin sa pasko

Marami namang aral ang napulot ko
Nakita ko ang tunay na diwa ng pasko
At ngayon din sa entabladong ito nais kong ibahagi na ako ay natuto,
Dahil alam kong di lang yung nangyari sa atin ang pinakamasakit na pagkatumba
Iyon ay ang dinanas natin sa pandemya
Miss na kita balik ka na posting no more dahil sa lahat ng return of the comeback,
Ipagdiriwang muli ang pasko sa normal na Mundo ang babalik-balikan ko
Batid kong ganun din ang nais nyo
Kung kaya't nararapat lang na ipagdiriwang ang natatanging araw kasama ng mga taong
minamahal mo at tunay na nagpapahalaga sayo, tulad ng pamilya
Higit sa lahat mas lalo pa tayong manalig sa Kanya

Ako ulit ito, hindi si Darna o si Starla.

Ngunit batid ko na,
Na kahit sino pwedeng maging star ng pasko at bayani sa kapwa tao.
Ako ito si Athena
Na bago lisanin ang entablado magiging marupok man ulit tayo sa darating na pasko pero sana sa
pagkakataong ito mas matatag na at matalino.