Dung-aw - pagtangis at pagpapahayag ng dalamhati dahil nawalan ng mahal
sa búhay. Para sa mga Ilokano, nakatutulong ang dúng-aw sa paglalabas ng kanilang saloobin at nakapagpapagaan ng kanilang kalooban. Baya-o - inaawit na pagsasalaysay ng mga alaala ng yumaong mahal sa buhay na isinasagawa ng mga taga-Cordillera sa burol. Maaaring sabayan ito ng pananangis dahil sa bugso ng damdamin. Elohiyo - talumpati upang parangalan o papurihan ang isang taong buhay o yumao na
Elehiya sa Kamatayan ni Kuya
Bhutan Isinalin sa Filipino ni Pat V. Villafuerte Hindi napapanahon! Sa edad na dalawpu’t isa, isinugo ang buhay Ang kaniyang malungkot na paglalakbay na hindi na matanaw Una sa dami ng aking kilala taglay ang di- mabigkas na pangarap Di maipakitang pagmamahal At kahit pagkaraan ng maraming pagsubok Sa gitna ng nagaganap na usok sa umaga4 Maniwala’t dili panghihina at pagbagsak!
Ano ang naiwan!
Mga naikuwadrong larawang guhit, poster at larawan, Aklat, talaarawan at iba pa. Wala nang dapat ipagbunyi Ang masaklap na pangyayari, nagwakas na Sa pamamagitan ng luha naglandas ang hangganan, gaya ng paggunita Ang maamong mukha, ang matamis na tinig, ang halakhak At ang ligayang di- malilimutan.
Walang katapusang pagdarasal
Kasama ng lungkot, luha at pighati Bilang paggalang sa kanyang kinahinatnan Mula sa maraming taon ng paghihirap Sa pag-aaral at paghahanap ng magpapaaral Mga mata’y nawalan ng luha, ang lakas ay nawala O’ ano ang naganap, Ang buhay ay saglit na nawala
Pema, ang immortal na pangalan
Mula sa nilisang tahanan Walang imahe, walang anino at walang katawan Ang lahat ay nagluksa, ang burol ay bumaba, ang bukid ay nadaanan ng unos Malungkot na lumisan ang tag-araw Kasama ang pagmamahal na inialay Ang isang anak ng aking ina ay hindi na makikita Ang masayang panahon ng pangarap Elehiya (dalitlumbay)
Tulang liriko na nagpapakita ng masidhing damdamin tulad ng kalungkutan, kasawian o
kaligayahan dahil sa minamahal na namatay. Ito ay tula ng pananangis, pag-alaala, pagpaparangal sa mahal sa buhay na ang himig ay matimpi, mapagmuni-muni at di- masintahin. Higit na personal sa pagpapahayag ng damdamin kaysa sa ibang estilo ng panulaan.
Elemento ng Elehiya
Tema - pangkalahatang kaisipan o mensahe na nais palutanginng may
akda.
Tauhan - ang persona (namatayan) sa tula at pinaghahandugan ( yumao) nito. Tagpuan - kung saan ang lugar o panahon na pinangyarihan ngtula. Kaugalian o Tradisyon - masasalaming kaugalian o tradisyon sa tula. Wikang ginamit - ang ginamit ng makata sa pagpapahayag ng kaisipan at damdamin sa tula na maaaring pormal ( pampanitikan o pambansa) o di
pormal (balbal, kolokyal o lalawiganin) na wika. Simbolismo - ito ay kongkretong imahe na gumagabay sa mambabasa na isipin ang kahulugang napapaloob dito. Ginagamit ito upang ipahiwatig ang isang kaisipan o ideya sa akda.
Kung Tuyo na ang Luha mo, Aking Bayan
ni Amado V. Hernandez
Iluha mo ang sambuntong kasawiang nagtalakop
Na sa iyo’y pampahirap, sa banyaga’y pampalusog: Ang lahat mong kayamana’y kamal-kamal na naubos, Ang lahat mong kalayaa’y sabay-sabay na natapos; Masdan mo ang iyong lupa, dayong hukbo’y nakatanod, Masdan mo ang iyong dagat, dayong bapor, nasa laot!
Lumuha ka kung sa puso ay nagmaliw na ang layon,
Kung ang araw sa langit mo ay lagi nang dapithapon, Kung ang alon sa dagat mo ay ayaw nang magdaluyong, Kung ang bulkan sa dibdib mo ay hindi man umuungol, Kung wala nang maglalamay sa gabi ng pagbabangon, Lumuha ka nang lumuha’t ang laya mo’y nakaburol.
May araw ding ang luha mo’y masasaid, matutuyo,
May araw ding di na luha sa mata mong namumugto Ang dadaloy, kundi apoy, at apoy na kulay dugo, Samantalang ang dugo mo ay aserong kumukulo; Sisigaw kang buong giting sa liyab ng libong sulo At ang lumang tanikala’y lalagutin mo ng punglo!
Mga Lahing/Bansang Nanakop sa Pilipinas
Kastila - 1565-1898 (333 taon) Amerikano - 1898-1946 (48 na taon) Hapon - 1942-1945 (3 taon) Paglinang ng Talasalitaan: Tukuyin ang kahulugan ng mga sumusunod na salitang nasalungguhitan sa loob ng pangungusap. Piliin ang kasagutan mula sa kahon ng pagpipilian.
Pagdurusa Maglakbay Pagsubok Inialay
Ipagdiwang Malakas na bagyo Hindi Maganda
1. Isinugo ng ina ang kaniyang buhay, mailuwal lang ang sanggol.
2. Ipinagbunyi ng lahat ang pagkapanalo ni Pacquiao laban kay Browner. 3. Huwag mong pabayaan ang iyong pag-aaral kung ayaw mong magkaroon ng masaklap na kinabukasan. 4. Ang taong maglandas sa maling daan ay tiyak na hahantong sa kasawian. 5. Ang pighati sa buhay ay maaaring gamiting inspirasyon upang lalo tayong magsikap na magtagumpay.
Sundin ang mga sumusunod na
pamantayan/krayteria sa pagsasagawa ng sabayang pagbigkas. Pamantayan 5 4 3 2 1 Kaisahan ng Tinig Koreograpiya Tindig at Ayos Kagamitan at Props Hikayat sa Madla Kabuoang Puntos
(Ang pamantayan na ito ay mula kay Roda Doroques at mayroon lang kaunting idinagdag at ibinawas).