- Script? Kahirapan, gutom, at problema sa kalusugan, bakit nga ba ito talamak sa ating bayan? Idagdag mo pa ang mataas na bilang ng krimen, kakulangan sa trabaho, mababang kalidad ng edukasyon. Bakit nga ba parang walang pag unlad sa bansa? Korapsyon. Korapsyon ay ang pag abuso sa kapangyarihan para sa pansariling pakinabang. Inaapektuhan nito ang ating kabuhayan, Karapatan, at kalusugan. Sinisira nito ang ating demokratikong Kalayaan, batas at tiwala sa gobyerno, ninanakaw nito ang ating oportunidad tungo sa mas maganda at maunlad na kinabukasan, isa itong sakit na laganap sa ating lipunan. Kada taon ay ilang bilyong piso ang nawawala mula sa kaban ng bayan, ang mga ponding nagmula sa buwis ng taumbayan, pinaglaanan ng dugo, pawis, at oras, na mapupunta lamang sa bulsa ng mga makapangyarihan sa halip na magamit ito upang maibsan ang kahirapan, itaas ang kalidad ng edukasyon, kalidad ng pangangalagang pangkalusugan, pagsugpo sa krimen, at pagsulong ng mga negosyo. Ang mayaman ay patuloy na yumayaman at ang mahirap ay nananatiling mahirap, paano natin ito malulutas? Paano natin mapapaunlad ang ating bansa kung ang mga hinahalal na opisyal ay corrupt? Ang kakulangan sa transparency at accountability sa bansa ang sanhi kung bakit ang korapsyon ay walang katapusan. Ang graft, panunuhol, paglustay ng pera, nepotismo at iba pa ang mga anyo ng korapsyon sa bansa. Maging matalino tayo sa paghalal ng mga uupo sa pwesto. Wag magpadala sa mga matatamis na salita tuwing kampanya, bagkus ay tignan ang mga naisagawang programa, ang mga kabutihang naidulot sa bansa sa panahon ng kanyang pagseserbisyo. Isipin ang kapakanan ng bansa sa loob ng mahabang panahon sa ilalim ng kanilang administrasyon. Higit sa lahat, maging isang matapat na mamamayan sa lahat ng pagkakataon. Serbisyo publiko man o hindi, ang pagkakaroon ng matuwid na moral ay isang pundasyon sa magandang pamumuhay.