Maging Hangin Na Lang

GCP-June 2021

Akala’y di mahuhupa
Bawat halakhak
Halos Liparin ng hangin
Tungo sa kabilang mundo
Tila walang ibang ingay
Sa sulok ng tagpuan
Di pansin ang orasan
Tungo sa hangganan…

Akala’y di titigil
Ang kumpas ng musika
Kung saan panig ang iisa
Iikutin ang saya
Ibabangon sa pagkadapa
Walang bibitaw sa lubid
Kahit may puwang
Walang mascara…

At nabuksan ang salamin

Unti-unting nababasag,
Kulay ng replica
Sinubukang buuin
Di na kayang kumapit
Bubog mistulang usok
Sa pintong nakasusi
Kusang lumalabas
Ang totoong anino…

Nahulog sab along mababaw

Tila ayaw umahon
Paikot-ikot lang
At tuluyang nagpalamom pailalim
Sa tumahimik na mundo…

Hayaang maging hangin na lang

Hanggang matauhan
Hanggang mapagod
Hanggang mabura
Hanggang tuluyang
Maging hangin na lang?