Treasury of Storybooks

This storybook is a product of the National Competition on Storybook Writing

2017 of the Department of Education.

Pursuant to the Intellectual Property Code of the Philippines, no copyright

shall subsist in this work of Government of the Philippines. However, prior
approval of the Department of Education shall be necessary for exploitation
of such work for profit. DepEd may, among other things, impose as a
condition the payment of royalties. No prior approval or conditions shall be
required for the use for any purpose of statues, rules and regulations, and
speeches, lectures, sermons, addresses, and dissertations, pronounced, read
or rendered in courts of justice, before administrative agencies, in deliberative
assemblies and in meetings of public character.

This storybook is a product of the National Competition on Storybook Writing

2017 of the Department of Education.

Padiernos, Rhea M. Ikoy, Ang Asul na Palaka. DepEd-BLR, 2018.

Development Team

Writer: Rhea M. Padiernos

Illustrators: Adelaida D. De Guzman & Ruel C. Quindoy
Layout Artist: Rhea M. Padiernos
Learning Resource Manager: Ma.Editha R. Caparas,Ed.D.,
Regional LRMDS Education Supervisor
Beverly T. Mangulabnan, EPS I LRMDS

LRMDS Division of Nueva Ecija

Region III
 Learning Competencies:

F3KP-IIb-d-8
Natutukoy ang mga salitang magkakatugma

F3WG-IIIh-6
Nagagamit nang wasto ang mga pang-abay na
naglalarawan ng isang kilos o gawi

F3PL-oa-j-3
Naipamamalas ang paggalang sa ideya, damdamin at
kultura ng may akda ng tekstong napakinggan o nabasa
Sa mga Magulang at Guro,

Sa kuwentong ito, matutuhan natin na

lahat ng nilalang ay sadyang nilikhang hindi
magkakatulad.
Ang pagpapahalaga at pagtanggap sa
sariling katangian at kakayahan ay
mahalaga. Ang pagiging kakaiba ay hindi rin
hadlang upang tumulong at maging
kapakipakinabang sa iba.
Tinatalakay rin sa kwentong ito ang
pagkakapantay pantay ng bawat nilalang
ano man ang kulay at anyo.
Tuklasin natin ang kuwento at karanasan
ni Pikoy gayon din ang kanyang ginawang
kabayanihan.

5
6
 Sa tabi ng munting sapa,
naninirahan ang mga
palakang bibo at listo. May
isa na laging tinutukso.
Kakaiba siya. Hindi berde
ang kulay ng balat niya, at
hindi rin abo.
Siya si Ikoy, ang asul na
palaka ng Sapang Bato.

7
8
 Sadyang nakapagtataka
ang kulay niya, maging ang
kilos at gawi ay kakaiba. Hindi
siya mahilig lumangoy at hindi
rin mahilig kumanta.
Samantalang naglalaro at
nagsasaya ang ibang palaka,
lagi lamang siyang
nakamata.

9
10
 Ayaw siyang kasama ng
mga ibon, isda at alimango.
“Ikoy ang Palakang Wirdo,”
ang laging tukso sa kanya.
Malungkot at laging nag-
iisa ang asul na palaka.

11
12
 Isang umagang mainit,
naisip ng palakang pilyo na
hamunin sa paglangoy ang
palakang walang kibo.
“Halika, Ikoy tayo ay
maglaro. Pabilisan sa
paglangoy. Ang
pinakamatagal sumisid ang
siyang panalo,” wika ng
palakang mabiro.
“Naku, Kaibigan,
ipagpaumanhin mo kung
ikaw ay tanggihan ko. Nais ko
mang gawin ang iyong gusto,
sa paglangoy ako’y talagang
bigo,” ang tugon ni Ikoy sa
paanyaya nito.
13
14
 Ang mga nakarinig na
hayop ay nagtawanan
pagkat ngayon lang nakakita
ng palakang di marunong sa
languyan.
Kaya itong si Ikoy ay
napahiya. Umuwing
malungkot at may luha sa
mata.

15
16
 Sa di kalayuan ay may
kaaway na mabangis. Si
Asyong, ang sawa na sa
kayabangan ay talagang
nakaiinis.
Ang balat nito ay
nakasisilaw sa kinis. Ang laki at
lapad ng katawan ay walang
kaparis.
Laging nakanganga at
handang manlingkis.

17
18
 Isang gabing tahimik, isang
malakas na iyak ang kanilang
narinig.
“Kokakkkkkkkkk...kokak....!”
iyak sabay nginig.
“Ang aking asawa, kinain ni
Asyong Sawa!!” sigaw ng
kaawa-awang palaka.
“Labis ang aking gutom
kaya kulang pa ang isa..
sshh.. sshh.. sshhhhh..,” ang
wika ng walang kabusugang
si Asyong Sawa.

19
20
 Natakot lumabas ang mga
palaka, ngunit kailangang
may magsakripisyong isa.
Kung hindi tiyak na mauubos
ang lahi nila.
Mula kung saan, lumitaw
ang asul na palaka. Ang sarili
ay inihain nang kusa.
Siya na lamang daw ang
kainin ng sawang walang
awa.
Wika pa niya “Ako ay
walang halaga, kaya
mainam pang sa mundo ay
mawala na.”

21
22
 “Humahanga ako sa iyong
katapangan, kaya naman
kakainin kita nang dahan-
dahan,” ang wika ni Asyong
Sawa.
“ Paalam, Sapang Bato,
paalam sa inyo,” ang huling
winika ng asul na palaka.

23
24
 Ngunit ilang sandali pa,
itong si Asyong ay biglang
nasuka. Si Ikoy ay kanyang
iniluwa.
Ang bibig ng matakaw na
sawa ay bumula at ang
mahabang katawan ay
bumagsak sa lupa. Ang
masamang sawa nalason na
pala.

25
26
 Sa pagkalason ni Asyong
Sawa, nailuwa rin nito ang iba
pang palaka. Ang lahat ay
nagdiwang sa nasaksihang
kabayanihan.
Nagpalakpakan sila at
nagsayawan.
Ngayon nila naisip na may
silbi nga pala ang asul na
palakang kanilang
pinagtatawanan. Mula noon,
si Ikoy ay ganap na
hinangaan.

27
28
 Nagpasalamat si Ikoy sa
Poong Maykapal pagkat
nilikha man siyang kakaiba sa
karamihan, nakatitiyak na
siyang ito ay may dahilan.
Isang bagay pa ang
kanyang napatunayan. Abo,
berde o asul man ang kulay
ng isang nilalang, hindi ito
dahilan upang gumawa ng
kabutihan.

29
 GAWIN NATIN
Hanapin at bilugan ang
mga palakang nasa larawan.

30
DAGDAG KAALAMAN

Larawang kuha mula xdesktopwallpapers.com

Ang Blue Poison Dart Frog o Blue Poison

Arrow Frog ay higit na kilala sa tawag
na Okopipi. Ang kulay asul na balat nito
ay may lason na nagsisilbing proteksyon
laban sa mga hayop na nais siyang
kainin. Naninirahan ito sa malalamig na
lugar na malapit sa tubig ngunit
kakaiba ito pagkat hindi ito mahilig
lumangoy gaya ng ibang palaka.

Sanggunian: Wikipedia 31
 Ang kuwentong ito ay
tungkol kay Ikoy, ang asul na
palaka. Dahil siya ay kakaiba,
lagi siyang tinutukso ng
kapwa palaka.
Malungkutin at mapag-isa
si Ikoy dahil iniisip niya na
walang silbi ang mga tulad
niya.
Subalit isang pangyayari sa
Sapang Bato ang
nagpatunay na ang mga
kagaya ni Ikoy ay may
puwang sa mundo.

32
29
Ang may Akda
RHEA MANALILI PADIERNOS

Isa siyang guro sa Paaralang

Elementarya ng San Francisco sa
Bgry. San Francisco, Sto. Domingo,
Nueva Ecija. Paboritong libangan
ng may akda ang sumulat ng mga
kwento at mga tula. Likas na
masayahin at positibo sa buhay.
Mahilig siyang magbasa ng mga
aklat tungkol sa mga hayop at manood ng mga
animated films na pambata. Pangarap niyang
maging mahusay na manunulat at ang
makapaglakbay sa iba’t ibang lugar sa mundo.
Itinanghal na Grand Winner sa kauna-unahang
National Competition on Storybook Writing For
Kindergarten - Grade 3 (Grade 3 Category)