✝ጸሎተ ምቅናይ::✝

አድኅነነ ሕዝበከ ወባርከነ ርስተከ

ሀበነ ኃይለ ወመዊዐ ለአግብርቲከ
ለእለ ንጼውዕ ስመከ
ዕቀበነ ውሉደ ሕዝብከ
ወሕጽረነ በኃይለ መላእክቲከ
ወትረ በኵሉ ጊዜ ወበኵሉ ሰዓት
በኃይለ መስቀልከ ርድአነ
ወበዕፀ መስቀልከ ቤዝወነ
በእንተ አብርሃም ፍቁርከ
ወበእንተ ይስሐቅ ቍልዔከ
ወበእንተ እስራኤል ቅዱስከ
ተዘከር እግዚኦ ኪዳነከ
ፍጡነ ፈኑ ሣህለከ
መሐር ኪያነ ዘፈጠርከ
ሥረይ ኃጠአተ ሕዝብከ
ወመሐር ተግባረከ
እግዚኦ ታጥፍአነ ሐሰ ለከ
በእንተ ማርያም ወላዲትከ
ወበእንተ ዮሐንስ መጥምቅከ
ወበእንተ ኵሎሙ ቅዱሳኒከ
ርድአነ ወትረ በኃይለ መስቀልከ
ኢታስተኃፍረነ እግዚኦ በቅድሜከ
እግዝእትነ ነጽሪ ኀቤነ
ጸልዪ ለነ ለደቂቅኪ
ወአድኅንነ እምኵሉ ምንዳቤ ወኀዘን
መዓልተ ምስሌነ
ወሌሊተ ማዕከሌነ
አንተ እግዚኦ ኢትርኃቅ እምኔነ
ሀሉ ምስሌነ ረዳኤ ኩነነ
ኢትግድፈነ ወኢትመንነነ
አምላከ ሰላም ተራድአነ።

፩, እግዝእትነ
እግዝእትነ
እግዝእትነ
ነጽሪ ኃቤነ
ሰላመ ወልድኪ
የሀሉ ምስሌነ።
፪, ኢትግድፈነ
ኢትግድፈነ
ወኢትመንነ
አምላከ ሰላም ተራድአነ።

፫, በመስቀልከ
በመስቀልከ
ባርከነ
ተክለሃይማኖት አበ ኵልነ።
፬, በመስቀልከ
በመስቀልከ
ባርከነ
ዜና ማርቆስ አበ ኵልነ
፭, በመስቀልከ
በመስቀልከ
ባርከነ
ገብረ መንፈስ ቅዱስ አበ ኵልነ
 ፮, በመስቀልከ
በመስቀልከ
ባርከነ
መርቆሬዎስ አበ ኵልነ።
፯, በኪዳንከ
በኪዳንከ
ተማኅጸነ
ዐቢየ እግዚእ አበ ኵልነ።
በኪዳነኪ
በኪዳነኪ
ተማጸነ
ወላዲተ አምላክ
እመ ኲልነ