PEBRERO

An altered excerpt from Magda (2014) of Gloc-9

4CL ARUCAN ZMV

Mahal kong tatang, alam kong tulog mo'y malalim

Nangangarap ka naman, kaya’t di na kita ginising
Salamat nga pala sa pag-aruga mo sa amin
Hatid ko’y pinakamagandang balita para sa atin.

No’ng iniwan ko ang bayan natin ay naghanda ako

isang tunay na pangarap ang matatagpuan ko
Tumakbo kung saan-saan at sumunod kung kani-kanino
di ko inakalang ang Pebrero ay maaabutan ko
 
Imbes na ako'y humikbi, at malugmok sa dilim
Minabuti kong sabihin na “kaya ko pa rin!”
Kung pagod ay mahimbing. Kung masakit ay gamutin
Kung di maaninag ang pag-asa, sa Diyos lamang idaing

Kahit ako’y di kalakihan at isang hamak na babae

Alam ang amoy ng araw, kasabay mga lalaki
Isa lang ang kaya kong sayo'y maipagmalaki
ikaw ang bukod tanging inspirasyon kaya’t ako’y sumali

Gusto ko mang manatili sa iyong mga yakap

Ako ma'y nasasabik, luto mo ay hanap-hanap
Nanaginip akong sa bahay natin nakadampi
Ngunit ng magising, ako’y di maaaring umuwi

 
Pinangarap kong matuwa ka sa kabila ng iyong bigong pangarap
at sa dami ng pagsubok, taas noo ihaharap
Di ko malilimutan ang pabaon mong ngiti
Na iyong mapagtanto, babaeng anak ay hahalili
 
Regalo ng Maykapal na ikaw ang aking tatang
Mula sa Academia Militar,
Nagmamahal, Amaya.