SALLY

….”I now pronounce you husband and wife, you may now kiss your wife.”
“Wooohooo!…..”
 Maugmang nagsikat ang aldaw sabay kang mahayupuyop na paros sa banwaan kang Tabaco, Albay, binati kang
kada saro ang bagong kasal na sina Jeff buda Faye. Sarabay na nag- urugma hanggang sa matapos ang aldaw kang
saindang kasal. Sindang duwa ay nasa dis- enmwube anyos pa sana kundi ay pareho nang sigurado pakatapos na
magkamidbidan sarong taon ang makalipas, asin may kabootan na, na magtindog ki sadiring pamilya kaya sinda
tinugutan kang kada pamilya.
Makalipas ang tulong taon pakatapos na sinda pinagsaro, biniyayaan sinda ki duwang aki, babayi asin lalaki na
pinangaran nindang si Sally, na duwang taon na buda si Jem, na masarong taon pa sana. Sa saindang sadit na kubo- kubo
sinda naguurugma dawa may diit sana basta makaraos sa uro- aldaw.
“Uhhuhh punaw na ang baby naan, wawa man, mari na mari na. Eu na po magatas na ang baby.”
Mas pinili ni Faye na maging tunay na ilaw kang harong dawa na sya ay lisensyadong maestra, habang ang
saiyang agom ay sarong karpintero. Hasa asin matibay na karpintero si Jeff kaya dakol ang naghuhuron saiya.
“oh! Yaon na si papa.” (nagkugusan ang mag- agom habang ubo- ubo ni Faye si Jem)
Nagpamahaw na si Jeff asin handa na para sa saro naman na halabang oras sa trabaho. Habang tiglalakaw lakaw
ni Faye si Sally asin Jem sa luwas kang saindang harong, saiyang nakasabatan ang saiyang duwang ka- batchmates na
pasiring sa saindang trabaho. Namalisyahan niya ang eleganteng panuluton, magayon- gayon ang kolorete asin postura
kang duwa, sabay baling kang hiling niya sa saiyang lalawgon na may ubo- ubo buda kabit- kabit na mga aki. Mamundo
na buminalik sinda sa harong.
Sarong kabanggihon, uminuli na buyong si Jeff ta nagpainom su tigtrabahuhan niya bilang pasasalamat naman ta
tapos niya na ang pinaayos saiya. Inabot na ni Jeff ang saiyang panghudyan na sweldo kay Faye
Habang nasa hirit sa pagtatrabaho si Jeff, naganunsyo ang saindang oss na magkaka- igwa sindang meeting. Sa
pagtitiripon, sinabi na nasa pagka- bankrupt na ang kompanya, kaya habang amay pa, sinabihan sindang mga emplayado
na maghanap nang ibang trabaho. Namroblemahon asin grabe ang pagkamundo ni Jeff, sa kaisipan a pano na ang
saiyang pamilya.
“Tama na an Jeff, buyungon kana.” sabi kang saiang katrabaho.
“Padi, pano na sana ang sakong pamilya, su gatas, pagkaon, ako man sana ang tig- asahan sa harong.”
Habang naglalakaw pauli si Jeff, buyong asin dae nakayanan na mapahibi.
“Oh yaon kana palan, mare na ta magpamanggi.”
“Dae akong gana.” malumba na sambit ni Jeff.
“May problema ba?”
‘”Makaturog na ako, pagal lang sa trabaho.”
Nag- abot na ang aldaw na naghanap nang ibang trabaho si Jeff. Dawa anong raket ang saiyang nilaugan:
pagkokonstraksyon, nagrerepair ki mga gadgets, waiter, janitor. Nagbalo man siya namag- aplay sa ibang kompanya pero
ni- saro warang may nag- aapod saiya.
Hanggang sarong kabanggihon, nariparo ni Faye napubos na ang gatas kang saindang aki. Dae sa kaaraman ni
Faye na wara na sa kompanya si Jeff, sa katunayan, paiba- ibang trabaho ang tiglaog na kang saiynag agom. Pagalon na
uminuli si Jeff sa harong habang wara nang maitimpla pa si Faye na gatas. Nagkapasuwayan ang duwa hanggang sa
naghararom asin nagsumbatan sinda. Makalihis pa ang pirang aldaw, parehas nag