TEMA; Kagitingan ng mga Beterano, Pundasyon ng Nagkakaisang Pilipino
Ang Pilipinas ay isang bansang Malaya, meron tao, pamahalaan, teritoryo at soberanya. Mga elemento na dapat taglayin ng isang bansa upang maging ganap ang Kalayaan nito buhat sa pang aalipin o pananakop ng ibana bansa. Subalit alam ba ninyo na minsa’y ipinagkait ang kalayaang ito sa atin ng mga dayuhan? Kalayaang pilit ipinaglaban ng ating mga magigiting na bayani at Pilipinong nagbuwis ng kanilang buhay. Paano nga ba natin natamasa ang kalayaang ito buhat sa mga dayuhang mananakop, gaya ng Kastila, Amerikano at Hapon. Ating balikan ang kagitingan ng ating mga mamamayang nakipaglaban sa sa pwersa ng Hapon upang makamit natin ang ating Kalayaan. Ang ating bansang Pilipinas ay sinakop ng bansang Hapon sa panimula ng ikalawang digmaan pandaigdig. Dahil sa kalupitan at walang awang mga Hapon, bumagsak ang Corrigidor at Bataan na sentro ng Pwersa ng Amerika at Pilipinas. Ito ay kinubkob ng mga Hapon at maraming mga Pilipino ang pinahirapan at pinatay. Dumanak ang dugo, maraming nagbuwis ng buhay kahit ang mga kababaihan o mga bata ay hindi pinaligtas ng malupit na pamamahala ng mga Hapon. Bilang tugon sa kalupitan ng mga Hapon, ang mga mamamayan ay bumuo ng Samahan upang labanan at wakasan ang imperyong Hapon sa Pilipinas. Sumiklab ang digmaan at bagamat maraming Pilipino ang nasawi ay nakamtan parin nila ang minimithiing Kalayaan sa tulong narin ng hukbong sandatahan ng Amerika. Hindi matatawaran ang pinakitang tapang ng mga Piilipino sa kabila ng kakulangan sa armas ay nagawa nilang mapagtagumpayan ang digmaan laban sa Hapon. Sila ang mga magigiting nating mga Beterano ng digmaan. Handing ialay ang buhay at karanganlan para sa kaligtasan ng ating bansa. Ngayon, tunay na masasabi nating ang pagkakaisa ang magdadala sa tugatog ng minimithing pangarap at tagumpay. Kagaya ng ating mga magigiting na beterano ng digmaan na may pagkakaisa, pagtutulungan at may hangaring mapagtagumpayan ang anumang balakid para sa minimithing Kalayaan. Dapat natin tularan at ipagmalaki ang kanilang ambag dahil ito ay isang susi ng nagsarang pinto ng kahapon upang magbukas ng panibagong pag-asa at pagkakaisa sa hinaharap. Dahil ang kagitingan ng mga Beteranong nagbuwis ng buhay ay pundasyon nating mga Pilipino sa pagkakaisa at tagumpay.