Sa panahon ngayon, ang teknolohiya ay gumaganap ng mahalagang papel sa lahat ng tao
sa mundo, lalo na sa mga kabataan ngayon. Gamit ang teknolohiya, ang mga tao ay maaaring makahahanap o makipagkaibigan ng isang tao bagaman hindi nakikita sa personal o hindi magkapareho ang lahi nito. Ngunit hindi maitatanggi na ang paggamit ng teknolohiya ay palaging mabuti ang naidudulot nito. Tayo ngayon ay nasa makabagong panahon na kung saan nakadepende na sa teknolohiya ang ang mga gawain ng tao. Telebisyon, radyo, kompyuter at cellphone ay mga halimbawa ng teknolohiya na kasalukuyang ginagamit ng mga tao sa buong daigdig. Marami ang pabor sa teknolohiya sa kadahilanang ito ay nagbibigay ng magandang dulot sa pag-aaral ng mga mag-aaral. Subalit minsan ay nakalilimutan na ng mga tao ang limitasyon ng paggamit nito, katulad na lamang sa senaryong nasa hapag-kainan at ang buong pamilya ay nakatuon ang pansin sa kanilang cellphone. Maaari ring makasisira ang teknolohiya sa pag-aaral ng mga mag-aaral dahil sa offline at online games.
Paano Nakaapekto ang Teknolohiya sa mga Kabataan?
Lubos na apektado ang mga kabataan sa mga negatibong epekto ng teknolohiya. Ang iba ay napabayaan ang kanilang pag-aaral dahil ito ay nahuhumaling sa paglalaro ng mga games sa computer. Mayroong iba na nagkakasakit dahil hindi na humihinto sa paglalaro gamit ang kanilang gadgets na siyang dahilan kung bakit nakakalimutan na ang pagkain sa tamang oras o minsan ay nalilipasan na sila ng gutom. Ang teknolohiya rin ay nakaaapekto sa pag-uugali ng mga kabataan sapagkat sila ay hindi na marunong gumawa ng mga tradisyonal na paggalang katulad ng pagmamano. Ito rin ay nakaaapekto sa kalusugan ng tao lalo na sa kanilang pisikal na kalusugan na nagiging sanhi ng problema sa paningin (vision problems), pagkawala ng pandinig (hearing loss), at nack strain.
Anu-ano ang mga Masasamang Naidudulot ng Paggamit ng Gadgets ng mga Kabataan?
Dahil sa patuloy na pag-unlad ng mundo ay nababago rin ang iilang mga paraan ng pamumuhay. At isa na rito ang makabagong teknolohiya. Halos lahat ng tao sa buong mundo ang pabor sa teknolohiya ngunit mayroon rin itong mga bagay na nakasasama sa tao. • Nagkukulong sa kanilang kuwarto at ayaw maki-halubilo sa iba — Marami na sa mga kabataan ngayon ang mas gugustuhin na manatili sa kanilang bahay at magdamag na maglaro sa kanilang gadget imbes na makihalubilo sa iba. Nagiging sanhi ito ng kanilang hindi paglalaro sa labas ng bahay. • Hindi makatulog ng maayos — Isa sa masamang dulot ng palaging paggamit ng gadget ay ang blue light na nilalabas nito na siyang sanhi sa hindi maayos na pagtulog. Nagiging dahilan rin ang paggamit ng gadget upang mapuyat ang mga kabataan dahil naaadik na sa laro. • Nagigingtamad — Sa tuwing inutusan ang mga kabataan ngayon, kanilang palaging nirarason upang hindi tupadin o minsan ay nakalilimutan ang iniutos sa kanila ay dahil sa paglalaro nila sa gadget. • Mababang marka sa pag-aaral — Dahil sa pagkagumon ng mga kabataan sa teknolohiya, may iba ay lumiliban sa klase.
Ano ang Maaaring Gawin Upang Maiwasan ang Mahumaling sa Paggamit ng
Teknolohiya? Ang disiplina ay sa sarili. Maaaring maiwasan ng isang tao ang malulong sa pagiging adik sa paggamit ng teknolohiya sa paraan ng pagkontrol ng kanilang pinaggagawa. Bagamat ito ay ginagamit sa pang-araw-araw na buhay, subukin pa rin na limitahan ang sarili katulad na lamang sa pag-set ng timer o hindi kaya ay gumawa ng schedule upang subaybayan ang oras. Gamitin lamang ang teknolohiya sa tamang paraan o sa tuwing ito ay kinakailangan lamang.
Ang kasaysayan ng online games ay ang simula din ng pagkakaroon nginternet at nag umpisa ito sa tinatawag na packed based computer internet noong 1970s na may mababang uri pa lamang ng mga elektronikong kagamitan.docx