Mga Hakbang sa Pagsulat ng Papel

Pananaliksik:

Aralin 11 : Kabanata 1: Pagsulat ng Balangkas at

Pagsulat ng Unang Burador
Pagkatapos ng talakayan, ang bawat mag-aaral ay:

• Natutukoy ang kahulugan at kahalagahan ng pagsulat ng balakas at draft;

• Napahahalagahan ang konsepto ng paggawa ng balangkas at draft;at
• Nakasusulat ng unang balangkas at unang burador.
Pangkatang Gawain:
Pagsusuri Sa
Konseptong Papel
Ang pagsulat ng panimula ay maihahambing sa kakayahan
ng bawat indibidwal na gumawa ng kwento sa iskolarling
pamamaraan. Kailangan sa kwentong ito ang
kapangyarihan ng makumbinsi ang mga mambabasa na
ipagpatuloy ang nasimulang pagbasa. Mahalaga na bahagi
ng pananaliksik ang panimula sapagkat ito ang nagbibigay
tono sa direksyon na tatahakin ng kabuuan ng gagawing
pananaliksik. Pahapyaw na tinatalakay sa bahaging ito ang
dahilan o rationale ng pag-aaral. Kasama rito ang mga
sanligang impormasyon na may pagpapahalaga sa
kawastuhan ng mga suliranin sakop ng imbestigasyon.
Masasabing ang panimula ay ang pangkalahatang
paglalatag ng mga suliraning pag-aaral. Inilalarawan nito
ang paksa.

Kaakibat ng magandang panimula ang maayos na sipi

buhat sa mga isinagawang pagbasa.

Si Pratt (2014) ay nagbigay ng ilang mungkahi upang

mapaganda ang panimula sa isang pag-aaral tulad ng mga
sumusunod:
1. Iwasan na maging masyadong malawak ang pagtatalakay sa
panimula.
2. Magbigay ng mga makabuluhan at may kaugnayang sanligan ng
paksa.
3. Magbigay ng pangunahing argumento o thesis.
4. Magbigay lamang ng mga makatutulong at makabuluhang
impormasyon.
5. Iwasan ang pagbibigay ng mga palasak na panimula.
6. Huwag pilitin ang sarili na unahin ang pagbuo ng panimula ng
pag-aaral.
7. Kumbinsihin ang mga mambasa na ang kasalukuyang
pananaliksik ay makabuluhan at nararapat basahin.
Ang mahusay na istilo sa panimula ng isang pananaliksik ay maaaring
magbigay ng magandang impresyon sa mga magbabasang isang
pananaliksik. Ang mga sumusunod ay ilan lamang sa mga istilo na
maaaring gamitin ng isang mag-aaral sa pagsulat ng kanyang panimula.
1. Analohiya (Analogy)
2. Alusyon (Allusion)
3. Paglalahad/Anekdota (Narration/ Anecdote)
4. Deskripsiyon (Description)
5. Pagbibigay ng Kahulugan (Definition)
6. Pagbibigay ng Halimbawa (Example)
7. Pagbibigay ng Katanungan (Question)
8. Sipi (Quotation)
9. Paggamtin ng Estadistika (Statistics)
1. Analohiya (Analogy)
Upang makatawag ng pansin sa mga magbabasa
ang pagpapakilala ng paksa ng pananaliksik, maaaring
gumamit ng hambingan (comparison) bilang istilo. Kung
ang pag-aaral ay may kaugnayan sa pagpapaganda ng
sistema ng pamamahala sa Lokal na Pamahalaan,
maaaring maglahad ng isang Lokal na Pamahalaan na
may katulad na sitwasyon sa Lokal ng Pamahalaan na
nais gawan ng pag-aaral.
1. Analohiya (Analogy)
Sa pamamagitan ng hambingan ng sitwasyon ng
dalawang Lokal na Pamahalaan ay mailalantad nang
mabuti ng mananaliksik ang pangangailangan na
makapagsagawa ng pag-aaral sa Lokal na Pamahalaan
na nais gawan ng pag-aaralm gamit ang naunang pag-
aaral sa Lokal na Pamahalaan bilang batayan o
framework.
2. Alusyon (Allusion)

Sa pamamagitan ng istilong ito, ang kasalukuyang

pag-aaral ay naiuugnay sa mga naunang literatura o pag-
aaral, tao, o mga pangyayari.Tingnan ang halimbawa ng
panimula sa pananaliksik na may kaugnayan sa
pagsusulong ng Pemenismo sa Panitikang Pilipino.
2. Alusyon (Allusion)

Apat na dekada na ang nakalipas nang isulat ni Betty

Friedan sa kanyang aklat na The Feminine Mystique ang
tungkol sa mga kababaihang may mga pinagdaraanan na
hindi alam ang katawagan. Pagod na pagod na silang
maging pagod na pagod at mawalan ng sariling
pagkakakilanlan.... Sa kasalukuyang pag-aaral,
susubukan ng mananaliksik na hanapan ng solusyon ang
mapait na pinagdaraanan ng kababaihan sa lipunan.
3. Paglalahad/ Anekdota (Narration/Anecdote)

Ang isa pa sa magandang istilo upang simulan ang

panimula ng isang pag-aaral ay ang paglalahad ng mga
pangyayari na may kaugnayan sa desisyon ng
mananaliksik na magsagawa ng pag-aaral hinggil sa
paksa.
4. Deskripsyon (Description)

Isa sa pinakamadaling pamamaran upang

makapagsimula ng pananaliksik ay ang pagbibigay ng
deskripsyon sa pag-aaral. Sa ganitong pamamaraan, ang
mambabasa ay magkakaroon ng ideya sa kung ano at
para saan ang tinatahak ng kasaluyang pag-aaral.
5. Pagbibigay ng Kahulugan (Definition)

Mahalaga na maipaunawa ng mananalilksik sa

kanyang mga mambabasa sa pamamagitan ng panimula
kung para saan ang isinasagawang pag-aaral. Hindi
matatamo ang layuning to ng pananaliksik kung may mga
terminolohiyang mahirap maunawaan. lto as dahilan kung
bakit sa simula pa lamang ng pag-aaral ay maipaliwanag
na ang mahihirap subalit mahahalagang terminolohiya.
5. Pagbibigay ng Kahulugan (Definition)

Dapat nga lamang tandaan ang terminolohiyang ito

ay dapat bigyan ng paliwanag sa paraan na ito ay ginamit
sa pag-aaral at hindi sa depinisyon na nanggaling sa
diksyunaryo.
6. Pagbibigay ng Halimbawa (Example)

Maaaring simulan ang pag-aaral sa pamamagitan ng

pagbibigay ng halimbawa. Mahalaga ito upang mabigyan
ng maayos na ideya ang mga magbabasa ng
pananaliksik sa direksyon na nais ng pag-aaral.
7. Pagbibigay ng Katanungan (Question)

Maaaring magbigay ng tanong o mga katanungan na

may kaugnayan sa pag-aaral bilang panimula ng
pananaliksik. Tandaan lamang na ang bawat tanong ay
kailangan na bigyan ng kasagutan pagtatapos ng
talataan.
8. Sipi (Quotation)

Palasak din sa mga pag-aaral ang paggamit ng sipi o

quotation bilang lunsaran ng pagtalakay. Dapat
siguraduhin ng mananaliksik na maiuugnay niya ang sipi
sa paksa ng pag-aaral. Dapat itong himay-himayin para
sa ganap na pagkaunawa ng mga magbabasa.
9. Paggamit ng Estadistika (Statistics)

Malaki ang kayang maitulong ng estadistika sa

pagpapatatag ng argumento ng isang pag-aaral. Ito ay
maaaring maging sanligan na ang pag-aaral ay totoo at
may sapat na batayan.
Ang balangkas teoretikal ay tumutukoy sa mga teorya o
konsepto na ginamit ng mananaliksik na may kaugnayan
sa isinasagawang pag-aaral.Sa pamamagitan ng mga
teoryang ito, naipaliliwanag nang mabuti ng mananaliksik
ang kaligiran at lawak ng pananalisik. Bilang balangkas,
ito ang nagsisilbing estruktura ng pananaliksik na
magpapaigting at susuporta sa pag-aaral.Bukod sa mga
teorya, maaari ring gumamit ng mga metodo o
pamamaraan mula sa mga dalubhasa na susuporta sa
pag-aaral.
Ang paksa ay ukol sa paraan ng pagtuturo sa mga mag-aaral sa haykul.
• Teoryang Classical Conditioning- natuklasan ni Ivan
Pavlov na nagsabing maaaring matutunan ang isang
bagay sa pamamagitan ng pagkokondisyon.
• Modelo ng Multiple Intelligence- Ayon kay Howard
Gardner , may iba’t ibang uri ng katalinuhan bukod
sa IQ .Sa teoryang ito ipinakikitang mas mainam na
bigyan ng halaga ang taglay na katalinuhan ng isang
tao sa halip na sukatin ang kanyang katalinuhan.
Kaugnay ng paraan ng pagtuturo, mas magiging mabisa ang pagtuturo
kung gagamit ang guro ng iba’t ibang estilo na makatutugon sa uri ng
katalinuhan o kasanayan ng estudyante
 Nagsisilbing gabay ng mananaliksik ang balangkas na
konseptuwal upang matugunan ang suliranin at layunin ng
pananaliksik.
May kaugnayan ang balangkas konseptuwal sa teoretikal
na balangkas, sapagkat hango sa mga teorya o modelong
tinukoy ang mga konsepto o ideyang gagamitin. Sa balangkas
konseptuwal , kailangang maipakita ng mananaliksik ang
relasyon ng mahahalagang konsepto na tinatawag na baryabol
(variable). Maipapakita rito ng mananaliksik ang kanyang
pagsusuri sa suliranin matapos matunghayan ang iba’t ibang
teorya o modelong may kinalaman sa pag-aaral.
 Sa balangkas konseptuwal, mahalaga ang papel ng
mga baryabol na kumakatawan sa mga konseptong
tinutukoy sa pag-aaral.
• nakapa-iisang variable (independent)- hindi nagbabago
at ito ang dahilan kung bakit may pagbabagong
nagaganap sa ibang baryabol.
• di nakapag-iisang baryabol (dependent) ay maaaring
magbago bilang epekto ng nakapag-iisang baryabol.
Paksa : Antas ng Stress sa mga Empleyado ng Call Center
Tekstong Pahayag : Nakapagdudulot ng stress sa mga
empleyado ang paiba-ibang oras ng tulog at haba nito.
Suliranin : Bakit mataas ang antas ng stress ng empleyadong
nagtatrabaho sa call center ?
Layunin: Tukuyin ang mga dahilan kung bakit mataas ang antas
ng stress ng empleyadong natatrabaho sa call center.
Nakapag-iisang baryabol – Oras ng tulog , haba ng tulog
Di nakapag-iisang baryabol – antas ng stess ng mga
empleyado na nagtatrabaho sa call center.
Bago bumuo ng balangkas konseptwal, iminumungkahi
ang mga sumusunod:
1.Pumili ng paksa. Ang pagpili ng paksa ang
pinakamahalagang sangkap sa pagdidisenyo ng
balangkas konseptwal na gagamitin sa pag-aaral.
Magpasya sa paksa na malapit sa puso at nais na maging
espesyalisasyon. Isaalang-alang din ang daming literatura
at mga kaugnay na pag-aaral na maaaring magsilbing
batayan ng mga baryabol na gagamitin sa konsepto.
2. Magbasa. Mahalaga ang mga literatura at mga
kaugnay a pag-aaral sa pagbuo ng konsepto ng isang
pag-aaral sapagkat napalalawak nito ang pananaw ng
isang mananaliksik sa isang paksa na gagamitin sa pag-
aaral. Kaugnay nito ang pagtugon sa kalidad ng mga
bababasahin, literatura, at mga pag-aaral na gagamiting
sanligan ng kasalukuyang pananaliksik. Hanggat maaari
ay gumamit ng ng peer-reviewed na dyornal at iba pang
siyentipikong dyornal sapagkat ang mga ito kinikilala
bilang makatotohanang sanggunian.
3. Tukuyin ang mahahalagang baryabol na maaaring
gamitin sa pag-aaral. Sa isasagawang rebyu ng mga
literatura at mga pag-aaral, maaaring matukoy ng
mananaliksik ang mahahalagang baryabol na pwedeng
gamitin sa kasalukuyang pananaliksik na kanyang
ginagawa. Hindi ito labag sa etika ng pananaliksik kung
may rekognisyon sa sanggunian na pinanggalingan.
Kadalasan na makikita sa mga sumusunod ang baryabol
ng pag-aaral: abstrak, metodo, kinalabasan, kongklusyon,
at rekomendasyon.
4. Bumuo ng balangkas konseptwal batay sa mga
baryabol na nakuha sa mga binasang literatura at
pag-aaral. Ang mga suliranin ng pag-aaral ang
magsisilbing pamantayan sa pagbuo ng balangkas
konseptwal. Ang iyong pananaliksik ay kailangang
sumagot sa mga katanungan na hindi pa nasagot ng
ibang pag-aaral na itong binasa ang iyong pananaliksik ay
kailangang tumugon sa mga pangangailangan ng
kaalaman (knowledge gap)
Ang una at pinakamahalagang hakbang sa pagbuo ng
pananaliksik ay ang pagtukoy sa suliranin o usapin ng
pag-aaral (Bwisa, 2017). Kung walang suliranin o usapin,
walang maibibigay na maayos na metodo sapagkat
walang kinakailangan na bagong pagtuklas.
Layunin ng paglalahad ng suliranin na: (1) ipakilala sa
mga mambabasa ang kahalagahan ng paksa na pinag-
aaralan; (2) dito nakabatay ang mga katanungan hinuha o
hypothesis; (3) pagbibigay ng pagkakataon na
maipaliwanag nang husto ang konteksto sa punto na
mabibigyan ng linaw ang hangganan ng paksa na pag-
aaralan; (4) makapagbigay ng balangkas upang maibigay
ang resulta o kinlabasan ng pag-aaral
Ang mga sumusunod ay mga katangian na dapat taglayin
ng mga suliranin na (lalahad sa isang pananaliksik batay
sa pamantayang teknikal at personal:
1. Dapat itong tumugon sa mga pangangailangan na hindi
pa nasasagot sa mga pag-aaral.
2. Ang mga katanungan ay may kaugnayan sa kurso na
pinagkakadalubhasaan.
3. Ito ay bago at wala pang ibang nakapag-aaral
4. Dapat itong maging batayan ng iba pang mga pag-
aaral.
5. Ang mga suliranin ay mabibigyan ng solusyon sa
pamamagitan ng mga imbestigasyon gamit ang
pangangalap ng datos.
6. Ang paraan upang masolusyunan ang suliranin ay
katanggap-tanggap sa etika ng pananaliksik.
7. Ang mga suliranin ay may katumbas na metodo upang
mabigyan ito ng kasagutan.
8. Ang mga suliranin na nakalahad ay may kaugnayan sa
bawat isa.
9. Ang mga usapin ay nasa interes ng mananaliksik at
angkop sa kaniyang kakayanan, oras, at mga
mapagkukunan ng mga pangangailangan.
10. Pagkakaroon ng mga instrumento/ kagamitan na
makatutulong sa pangangalap at pagbibigay ng
interpretasyon sa mga datos.
Ang mga sumusunod ay ilan lamang sa mga nakitang
isyu sa pagbuo ng suliranin ng ibang mananaliksik:

1. Pangangalap ng datos kahit na hindi maliwanag ang

layunin ng pag-aaral. Dapat isaalang-alang ng
mananaliksik ang layunin ng pag-aaral upang magsilbing
gabay sa pagbuo ng ibang bahagi ng pananaliksik.
2. Paglalahad ng suliranin kahit na hindi pa dumadaaan
sa mahalagang proseso ng pagbabasa ng mga kaugnay
na pag-aaral at literatura. Samakatwid, ang unang dapat
isaalang-alang sa pananaliksik ay ang pagbabasa.
Mahalaga itong pundasyon upang makapagbigay nang
maayos na direksyon sa tunguhin ng pag-aaral.
3. Pagkuha ng mga datos na madaling kalapin at
pagsubok na iakma rito ang mga katanungan para sa
pananaliksik.
4. Paglalahad ng layunin sa malabong terminolohiya na
dahilan upang hindi makabuo ng nararapat na
kongklusyon sa pag-aaral.
5. Paglalahad ng mga katanungan na walang
pamantayang konsepto o teorya.
6. Pagbibigay ng mga katanungan na kayang sagutin ng
tama o mali.
7.Paglalahad ng mga katanungan nasa anyong
katanungan para sa sarbey.
Ang sakop ng pag-aaral ay tumutukoy sa mahahalagang
detalye na kasangkot sa pag-aaral. Iniisa-isa nito ang
kung anu-ano ang mga kasangkot sa pag-aaral gaya ng
konsepto, bilang ng paksa ng pag-aaral, bilang ng
populasyon o respondente kasama ang panahon na
kailangang gugulin sa kabuuan ng pag-aaral.
Sa aklat nina Price at Muran (2004) kanilang sinabi na
ang limitasyon ay ang kakanyahan ng pananaliksik sa
disenyo at metodo na nakaiimpluwensya sa pagbibigay
ng interpretasyon sa mga datos at resulta o kalalabasan
ng pag-aaral pananaliksik. Ito ang mga salik na
nakaapekto sa paglalahat (generability), paggamit sa
kasanayan, o paggamit ng mga pamamaraan na yong
pinili upang mapatatag ang kawastuhan ng mga datos na
makakalap. Iminungkahi pa rin nina Price at Murnan ang
mga sumusunod:
1. Tanggapin ang limitasyon ng pananaliksik;
2. Tandaan na ang limitasyon ay isang pagkakataon
upang magbigay ng mungkahi para sa mga susunod
pang pag-aaral;
3. Pagtanggap na ang limitasyon ay pagkakataon na
ipakita ang yong malalim na pag-unawa sa paksa ng
yong pag-aaral, pag-unawa sa mga literatura at mga
pag-aaral na may kaugnayan dito, at masuri nang
husto ang metodo ng pag-aaral.
 Ang pangunahing layunin ng pananaliksik ay hindi
lamang tumuklas ng bago, kundi harapin ang mga
palagay at siyasatin ang hindi natin alam;
4. Ang pagbibigay ng limitasyon ay isang subhetibong
proseso sapagkat.
Mahalaga ang bahaging ito ng pag-aaral sapagkat dito
inilalahad ang mga espisipikong indibidwal at samahan na
maaaring makinabang sa pag-aaral. Bagamat sa
Panimula ng pag-aaral ay nabigyan na ng ideya ang mga
magbabasa sa kapakinabangan na kanilang makukuha
sa pag-aaral, ang bahaging ito ay kailangan pa rin para
sa higit na detalyadong pagtalakay.
Bagamat napakaliit na bahagi ang inilaan ng pananaliksik
upang talakayin at bigyan ng kahulugan ang mga
terminolohiyang ginamit sa pag-aaral, malaki naman ang
papel na ginagampanan nito upang higit na magkaroon
ng matalinong pag-unawa ang mga magbabasa sa
kasaluyang pag-aaral.
Ang pitak o bahaging itong pag-aaral ang nagbibigay ng
pagkakataon na bigyan ng kahulugan ang mga salitang
ginamit sa pag-aaral na ang karaniwan nitong kahulugan
ay kakaiba sa paraan ng pagkagamit ng mananaliksik sa
kanyang pag-aaral. Sa wikang Ingles, ang tawag dito ay
operational definition of terms.
Bakit mahalagang interes mo o
kinahihiligan mo ang iyong isinasagawang
pananaliksik?