Ang aktibong partisipasyon ng mga indibidwal sa mga usaping panlipunan ay isang mahalagang

salik sa pagsasagawa ng mabisa at mapanuring mga desisyon. Sa pamamagitan ng aktibong

pakikilahok sa mga usapin ng lipunan, nagkakaroon ng mas malawak at makabuluhang
pagpapahayag ng saloobin, mga pangangailangan, at mga isyu ng mga tao.Sa pagsasagawa ng
mabisa at mapanuring mga desisyon, kailangan ang malalim na pag-unawa sa mga isyung
panlipunan, pang-ekonomiya, pang-kultura, at pangkapaligiran na may epekto sa mga
komunidad.

Ang mga partisipante na aktibo sa mga usaping panlipunan ay may kakayahang

makipagtulungan, makipag-ugnayan, at magsagawa ng mga aksyon para sa kabutihan ng
kanilang komunidad. Ayon sa Press books, ang ating partisipasyon ay nagbibigay ng mga ideya,
pananaw, at solusyon na nakabatay sa tunay na pangangailangan ng mga tao o ng ating bansa. Sa
pamamagitan nito, ang mga desisyon na ginagawa ay may malalim na pagsasaalang-alang sa
bawat sektor ng lipunan.

Eleksyon, isa ito sa mga kailangan ng isang mapanuri at mabisang pagdedesisyon. Sa

pamamagitan ng pagboto, nakapipili ang mamamayan ng mga opisyal ng pamahalaan na sa
tingin nila ay makapaglilingkod nang maayos. Sa pamamagitan ng ating pagboto, tayo mismo
angnagtatakda ng kinabukasan ng ating bayan. Ngunit dahil sa hindi sapat ang ating kaalaman
tungkol sa mga taong kumakandidato madalas ay nagpapatangay tayo sa opinion ng iba. Hindi
natin inaalam ang tunay na isyu o mga impormasyon. Katulad noong Eleksyon 2022, madami
ang nagsabi na pinili lang nila ang isang kandidato na iyon dahil utos ng kanilang magulang at
dahil sa nakita niya sa Facebook. Ayon sa interview ni Sensei Adorador, pinili niyang iboto ang
kandidato na iyon sapagkat iyon ang utos ng kanyang tatay at dahil na rin sa nakita niyang post
sa Facebook.

Dahil dito, bilang isang resulta ng aktibong partisipasyon, lumalabas na ang mga desisyon ay
mas malalim at mas pumatnubay sa mga pangangailangan ng mga tao. Sa halip na magkaroon ng
mga desisyon na nakabatay lamang sa mga opinyon ng ilan, ang mga ito ay nababatay sa
konsensus ng mga partisipante na aktibo at nag-aambag sa pagbuo ng mga polisiya at programa.

Sa isang napapanahong konteksto, tulad ng kasalukuyang realidad ng pandemya, ang aktibong

partisipasyon ay naglalarawan ng kahalagahan ng kumunidad sa paghahanap ng mga solusyon at
pagtugon sa mga hamon na dulot ng mga suliraning pangkalusugan at ekonomiko. Sa
pamamagitan ng paglahok at pagbibigay ng kontribusyon, natutugunan ang mga
pangangailangan ng mga tao at nailalatag ang mga tamang hakbang upang harapin ang mga
hamon na kinakaharap.

At pang huli, ang aktibong partisipasyon ng mga indibidwal sa mga usaping panlipunan ay
nagbibigay-daan sa mabisa at mapanuring paggawa ng desisyon. Sa pamamagitan ng pakikilahok
sa mga usapin ng lipunan, ang mga tao ay nagkakaroon ng boses, nagsasabuhay ng mga ideya, at
nakakatulong sa pagbuo ng mga polisiya at programa na naglalayong tugunan ang mga
pangangailangan ng mga tao. Ang kahalagahan nito ay lalong nabibigyang-diin sa mga konteksto
tulad ng pandemya, kung saan ang pakikilahok at pagtulong ng mga tao ay mahalaga sa pagharap
sa mga hamon at pagbuo ng mga solusyon.

Sources:
https://ecampusontario.pressbooks.pub/buildingcommunityintrotoedi/chapter/chapter-9-active-
participation/#:~:text=Citizenship%20engagement%2C%20agency%20or%20active,solutions
%20and%20resources%20for%20action.
https://www.dailyguardian.com.ph/post-election-analysis-why-leni-lost-in-the-politics-from-
below/#:~:text=They%20believe%20that%20a%20female,oligarchs%20would%20easily
%20control%20Leni.