Kahalagahan ng Pagiging Mulat sa Kontemporaryong Isyu
Araling Panlipunan
Kahalagahan ng Pagiging Mulat sa
Kontemporaryong Isyu
Kontemporaryo - Mga pangyayari sa daigdig mula sa
20th Century (1900s - 2000) hanggang sa
kasalukuyang panahon na nakakaapekto sa
kasalukuyang henerasyon.
Isyu - Mga paksa, tema, pangyayari, usapin o suliraning
nakakaapekto sa tao at lipunan.
Kontemporaryong Isyu - Tumutukoy sa mga
napapanahong pangyayari na maaaring gumambala,
nakakaapekto, at maaaring makapagpabago sa
kalagayan ng tao at sa lipunang kaniyang ginagalawan.
Mga Kasanayang Kailangan sa Pag-aaral ng
Kontemporaryong Issue
1. Pagkilala sa Primarya at Sekundaryang
Sanggunian
● Ang primaryang sanggunian o pinanggalingan
ng impormasyon ay ang mga orihinal na tala ng
mga pangyayaring isinulat o ginawa ng mga
taong nakaranas ng mga ito.
Halimbawa: sariling talaarawan, dokumento,
larawan, pahayagan, talambuhay, talumpati,
sulat at guhit.
● Ang sekundaryang sanggunian ay ang mga
detalye at interpretasyon batay sa primaryang
pinagkunan.
Halimbawa: aklat, komentaryo, encyclopedia
2. Pagtukoy sa Katotohanan at Opinyon
● Ang katotohanan ay ang totoong pahayag o
pangyayari na pinatutunayan sa tulong ng
aktwal na datos. May ebidensiyang
nagpapatunay na totoo ang mga pangyayari.
● Ang opinyon (kuro-kuro, palagay, o haka-haka)
ay nagpapahiwatig ng saloobin at kaisipan ng
tao.
3. Pagtukoy sa Pagkiling (Bias)
● Ang pag-aanalisa ng mga impormasyon na may
kaugnayan sa agham panlipunan ay walang
kinakampihan, ibinibida, o kinikilingan.
4. Pagbuo ng Paghihinuha, Paglalahat, at
Konklusyon
● Ang hinuha (inferences) ay isang pinag-isipang
hula o educated guess tungkol sa isang bagay
para makabuo ng isang konklusyon.
Kinakailangan din dito ang masusing
obserbasyon upang makakalap ng sapat na
impormasyon.
● Ang paglalahat (generalization) ay ang proseso
kung saan binubuo ang mga ugnayan bago
makagawa ng konklusyon.
● Ang konklusyon ay ang desisyon, kaalaman, o
ideyang nabuo pagkatapos ng pag-aaral,
obserbasyon, at pagsusuri ng pagkakaugnay ng
mga mahahalagang ebidensya o kaalaman.