Professional Documents
Culture Documents
MODYUL 1 at 2:
Parabula o Talinghaga
Metaporikal na
Pagpapakahulugan
(UNANG LINGGO)
Samson
Da Who?
David at Goliath
Da Who?
Noah
Da Who?
Moses
Da Who?
Adan at Eba
Ang inyong mga nabanggit ay pawang mga karakter sa mga tunay
na salaysay mula sa Bibliya. Nasa Bibliya ang iba’t ibang anyo ng
panitikan kabilang na ang parabula. Ang parabula ay naglalaman
ng mga aral ni Hesus, na nakapaloob sa matatalinghagang
pahayag.
Maraming simbolong matatagpuan sa Bibliya na may kahulugang
ispiritwal.
May mga pagkakataong nabanggit ang puting kalapati sa Lumang
Tipan at Bagong Tipan ng Bibliya. Sa Bagong Tipan , ang kalapati ay
kumakatawan sa Banal na Espiritu na lumitaw noong bininyagan ni
San Juan Bautismo si Hesus sa Ilog Jordan.
Ang “bato” ,sa literal na kahulugan nito ay isang bagay na matigas.
Samantalang sa mga Kristiyano, kumakatawan ito sa kalakasang
hinuhugot natin mula sa pananalig natin sa Panginoon, wika nga,
“Ang Panginoon ay ang” batong ating sandigan” sa panahon ng
kasawian o kahirapang nararanasan.
“Sa dulo ng bahaghari ay may gintong kayamanan”. Ang
metaporang ito ay nangangahulugang pagtatagumpay, pagkakamit
ng mga pangarap sa buhay. Sa kabilang dako ,batay sa kuwento ni
Noah sa Unang Tipan ng Banal na Aklat, lumitaw ang bahaghari
matapos humupa ang delubyo. Ang bahaghari ay siyang simbolo na
magpapaalala sa sangkatauhan ng pangakong pagpapala mula sa
Panginoon.
Ano ng ba ang Parabula?
Ang parabula ay nagmula sa salitang Griyego na parabole na
nagsasaad ng dalawang bagay na maaaring tao, hayop, lugar o
pangyayari para paghambingin. Ito ay makatotohanang
pangyayaring naganap noong panahon ni Hesus batay sa nakasaad
sa Banal na Aklat.
Ang mga aral na mapupulot dito ay nagsisilbing patnubay sa
marangal na pamumuhay ng mga tao. Ang mga mensahe ng
parabula ay isinulat sa patalinghagang pahayag. Ang parabula ay
di lamang lumilinang ng mabuting asal na dapat nating taglayin
kundi binubuo rin nito ang ating moral at espirituwal na pagkatao.
Tinatawag ding talinghaga ang parabula. Ayon sa Diksyonaryong
Sentinyal ng Wikang Filipino ang talinghaga ay “parirala,
pangungusap o isang salaysay na may malalim o hindi tuwirang
kahulugan na kailangang pag-isipang mabuti upang maunawaan.
Sa kahulugang ito maaaring ibilang sa talinghaga ang tayutay,
idyoma at parabula. Ang lahat ng ito ay may kahulugang iba sa
kahulugang literal..
Narito ang mga halimbawa ng mga parabula na mababasa sa
Ikalawang Tipan ng Bibliya: