Ang presensiya ay may natatanging kakayahan na pagaanin at iparamdam sa
kahit na kaninong indibidwal ang pagpapahalaga’t pagmamahal. Hindi namamalayang may mga sugat na naghihilom at luhang napapawi sa panahong iniaalay ang kaunting oras, pagbubukas ng taenga at mahinang tapik sa balikat. Ninanais ng bawat tao na magkaroon ng mga nilalang na makasasama sa kanilang paglalakbay, at mapagbabahagian ng tagumpay man o pagkadihado. Ang mapayapang espasiyong nais nating mapuntahan ay hindi lugar kundi mga nilalang na nariyan upang dumamay at gumabay. Sa layuning mapalakas ang kalusugan ng mentalidad, inilunsad ng Filamer Christian University Psyche (FCU PSYCHE) at nang Filamer Christian University Student Republic (FCUSR-CAS) ang CASamahan Peer Group nang ika-5 ng Nobyembre taon kasalukuyan. Pinangunahan ng 3rd year Municipality Mayor na si Frenzy Earl Sydney Batilaran na isa ring BS Psychology Student, siya ang punong tagapangasiwa ng inisiyatibong ito. “To having been listened by people I barely knew at first, being accepted and belonged to, were the things I took inspiration from to form CASamahan. I earnestly desire to spread it to my generation, however, I cannot do that entirely. Hence, I started with the platform I have, in my own environment—the College of Arts of Sciences department. I felt the need to tell my peers that there are people willing to lend their time and ears for them; I want the youth to experience the warmth I felt and create a space so safe to tell anything” naging dahilan ni Frenzy upang umpisahan ang nasabing programa. Ang CASamahan ay isang inisyatibo na may layuning makabuo ng mga grupong may tatlo hanggang limang miyembro at magtitipon isang beses sa isang buwan. Layunin nitong maging isang mapayapang espasyo, kung saan malaya silang mapakikinggan at magkaroon ng kaalaman ukol sa kung paano mapapangalagan ang mental na aspeto ng tao. Ang bawat mag-aaral ng College of Arts and Sciences o CAS ay malayang nakibahagi sa CASamahan. Nagkaroon ng iba’t-ibang promosyon ang dalawang organisasyon upang mahikayat ang buong departamento na sumali sa nasabing programa, sapamamagitan nito ay nagkaroon ng pitong grupo mula sa tatlongpu’t apat na kabuuang kasapi na nagmula sa iba’t ibang kurso at taon. Sa bawat buwan ay mayroong iba’t-ibant topiko mula sa Mental health PH at sa ilalim nga Kagawaran ng Kalusugan o Department of health. Ang pitong grupo ay mayroong dalawang tagapangasiwa na inihanda sa pamamagitan ng Dab-ot: Mental Health responding training, isang pagsasanay na naglalayon na maturuan kung paano ang tamang pag responde sa mga taong nangangailangan ng emotional at mental na atensiyon. Dumaan sila din sila sa masusing pagsala upang masigurado na magiging epektibo ang kanilang pakikinig at pagbibigay kaalaman. May kabuuang 14 na mga tagapangasiwa na hinati para sa pitong grupo. Ang nasabing programa ay nakatutulong din upang mahubog ang kakayahan ng mga tagapangasiwa na maging epektibong pinuno sa mga nasasakop nito. Ang bawat grupo ay may oportunidad na makapagbahagi ng kanilang sarili sa lugar na malayo sa panghuhusga. “I said yes to be one of the facilitators of CASamahan, simply because I wanted to be there for someone struggling to share their challenges or experiences because others might judge them for what they are going through. I want to be someone that they can lean on, someone who can make them feel that they are heard, understood, and cared for. I believe that becoming a facilitator could help others overcome feelings of isolation and loneliness that often accompany mental health struggles by offering support and compassion. Also, taking part in CASamahan can make a huge difference, not just for others but also for myself. I can hear others' stories and journeys, from which I can gain different perspectives, expand my knowledge, and become more educated about various situations.” Pagbabahagi ni Dionnalyn Kaye Bayot, isa sa mga tagapangasiwa ng CASamahan.