PRÁCTICA ABAU: comentario de mapas de temperaturas medias

Para o comentario de mapas e gráficos segue sempre os tres pasos básicos:

DEFINICIÓN, DESCRICIÓN e INTERPRETACIÓN

DEFINICIÓN

Estamos diante dun mapa climatolóxico, no que se representan as

temperaturas medias anuais rexistradas en España través de diversas tonalidades
separadas por isotermas. As isotermas son liñas que unen puntos coa mesma
temperatura media anual.

A temperatura (Tª) é a cantidade de calor presente nunha masa de aire.

Mídese en graos (a pesares da existencia de diversas escalas a máis utilizada é de
graos Celsius) mediente termómetros.

1
 O espazo xeográfico representado corresponde ao Estado español: a
Península Ibérica e os arquipélagos balear e canario.

DESCRICIÓN

Pódese observa que a temperatura media anual na península é suave,

atendendo principalmente á súa localización na zona temperada do hemisferio norte
aínda que modificadas pola súa elevada altitude media (660 m). Por outra banda,
advírtese claramente no mapa un aumento da temperatura nas rexións costeiras.

Tendo en conta o anterior podemos dividir España en varias zonas atendendo

ás diferenzas de temperatura media anual:

- Por enriba dos 18º encontraríase a maioría do arquipélago canario,

e do arquipélago Balear que, aínda que cunha temperatura media inferior a
Canarias, se beneficia de estar rodeado por un mar cálido, o Mediterráneo.
Na España peninsular estas temperaturas daríanse en toda a costa
mediterránea e a depresión do Guadalquivir, así como algunhas zonas máis
baixas de Estremadura.

- Unha segunda zona que estaría ente os 15º e os 18º aparece en

toda a costa cantábrica, na submeseta sur e na depresión do Ebro.

- Por debaixo dos 15º estaría fundamentalmente a submeseta norte,

que debido á súa altitude ten invernos moi fríos e veráns suaves.

- Por debaixo dos 10º só estarían as zonas de alta montaña debido á

diminución da temperatura por efecto da elevada altitude.

INTERPRETACIÓN

Neste punto hai que considerar os factores que afectan ás temperaturas no

territorio español, para o cal tes que explicar como afectan á península os factores
do clima e dar exemplos concretos en cada un deles.

2
Lembra que os factores que explican as temperaturas medias son:

- Latitude (as medias máis elevadas rexístranse nos observatorios máis

meridionais da península e en Canarias cos 22ºC de Tenerife, mentres
que descenden cara ao norte).

- Influencia do mar (acción termorreguladora ou atemperante do mar

tamén pode chegar ao interior, como no val do Guadalquivir).

- Relevo: tanto pola altitude (baixada aproximada de 0,6º cada cen

metros de subida) como pola orientación (maior temperatura na
pendente da solaina).