IKATLONG MODELO NG PAIKOT NA DALOY NG EKONOMIYA

a. Sambahayan:
 nagmamay-ari ng mga salik ng produksyon at kumukonsumo ng produkto at
serbisyo.
 Ang kita na kanilang natatanggap mula sa pagbibenta ng produkto o serbisyong
kanilang iniaalok ay maaaring gamitin o itago bilang savings.
 Ang savings ay isang paraan ng pagpapaliban ng paggastos, at maaaring itong
magamit sa hinaharap para sa iba't ibang layunin, tulad ng pagnenegosyo o
pangangailangan sa oras ng pangangailangan.

b. Bahay-Kalakal:
 Ang bahay-kalakal ay may pangarap na magpalawak ng negosyo sa iba't ibang
panig ng bansa at hindi lamang sa lokal na merkado.
 Ang pagpapalawak ng sakop ng produksiyon ay maaaring mag-ambag sa pag-
unlad ng negosyo, ngunit maaaring mangailangan ng karagdagang puhunan
 Ang bahay-kalakal ay maaaring manghiram ng karagdagang salapi mula sa
sambahayan o pamilihang pinansiyal upang maisakatuparan ang kanilang plano
 Ang panghihiram ay may kapalit na kabayaran, kadalasang may kasamang
interes, na kailangang bayaran ng bahay-kalakal sa sambahayan.

c. Pamilihang Pinansiyal (Financial Market):

 Ang pamilihang pinansiyal ay nagiging daan para sa pag-iimpok at pamumuhunan.
 Ang indibidwal o sambahayan ay maaaring maglagak ng kanilang ipon bilang
financial asset tulad ng stocks, bonds, o mutual funds.
 Ang pag-iimpok at pamumuhunan ay nangyayari sa pamamagitan ng ugnayang
pinansiyal, na nagbibigay daan sa pag-usbong ng ekonomiya.

PAMAHALAAN SA EKONOMIYA:
Sa ikaapat na modelo, ipinakikita ang partisipasyon ng pamahalaan sa sistema ng pamilihan.
Ang tungkulin ng pamahalaan ay hindi lamang sa pagpapatupad ng mga batas at programa,
kundi pati na rin sa pangongolekta ng buwis mula sa sambahayan at bahay-kalakal.
Ang kita mula sa buwis, na tinatawag na public revenue, ay ginagamit ng pamahalaan para sa
pampublikong serbisyo at proyekto na naglalayong tugunan ang pangangailangan ng
mamamayan at sektor ng negosyo.

Buwis at Public Revenue:

 Ang buwis ay kinokolekta mula sa sambahayan at bahay-kalakal, at ito ang nagsisilbing
public revenue ng pamahalaan.
 Ang public revenue ay ginagamit sa iba't ibang proyekto at serbisyong pampubliko, tulad
ng edukasyon, kalusugan, imprastruktura, at iba pa.
 Ang buwis ay isang paraan para mapondohan ng pamahalaan ang mga aktibidad na
nakakatulong sa pangkalahatang kaunlaran ng bansa.
EKONOMIKONG INTERAKSYON NG SAMBAHAYAN, BAHAY-KALAKAL, AT
PAMAHALAAN:

 Sa ilalim ng modelo, naitatakda ang kita ng ekonomiya batay sa kabuuang gastusin ng

sambahayan, bahay-kalakal, at pamahalaan.
 Ang buwis na binabayad ng sambahayan at bahay-kalakal ay nagiging bahagi ng
pangkalahatang kita ng ekonomiya.
 Ang positibong motibasyon ng pamahalaan, tulad ng pagbibigay ng pampublikong
serbisyo sa kabayaran ng buwis, ay naglalayong mapatatag ang ekonomiya sa
pamamagitan ng produktibong paggamit ng kita mula sa buwis.