Додаткові прохання на сугубій єктенії

За мир:
Давий заповідь Твою нам, єже любити Тебе, Бога нашого, и ближняго своєго,
сотвори, да ненависті, вражди, обіди, мздоїмства, кровопролитія і прочая
беззаконія прекратяться, істинная же любов да царствуєт в людіх землі Української
молим Ти ся, Спасителю наш, услиши і милостивно помилуй.

Єще молимся Господу і Спасителю нашому о єже сохранити в єдиненії і правовірії

Церков православную во всім мірі пребивающую і даровати їй мир і безмятежиє,
любов і согласіє, рцім всі, Господи, услиши і помилуй.

Єще молимся Тебі Господу Богу нашему о єже благословитися і помилувати рабов
Твоїх, воїнов православних (імена) і єже проститися їм всякому прегрішенію
вольному і невольному, огради їх от врагов видимих і невидимих, от сметроносния
рани і от всякого злого обстоянія, і нині, Преблаже, Ангела Мирна, Хранителя
молящимся воїнам пошли; здраво же і благополучно к славі Твоєй благослови
возвратитися в родительський уділ, усердно молим Ти ся, услиши, спаси, сохрани і
милостивно помилуй.

Єще молимся, о єже мир і тишину вселити в землю нашу Українську, і ізбавити нас
от всякого врага і супостата. Серцем сокрушенним взиваєм Тебі, Господи, Істочниче
любві і милосердія, Великодаровитий Защитниче наш, скоро услиши і милостивно
помилуй.

Призри, Владико Человіколюбче, милостивним Твоїм оком на народ наш, во скорбі

сущий і сохрани: в терпінії отчаявшихся, не по своїй нужді доми і селенія своя
оставившия. Благослови, Господи, людей с любовію і состраданієм приймающих їх і
самарянитову милосердную руку помощі їм подающих. Молимся Тебі, Спасителю
наш, скоро услиши і яко Благосерд помилуй.

За лікарів:
Призри Владико Человіколюбче на жертвенний подвиг врачей наших, посли їм
здравіє непоколебімоє, силу і кріпость духа, мудрость к совершенію трудов во благо
народа нашого і сотвори чрез них ісціленіє страждущим рабом Твоїм, прилежно
молим Ти ся скоро услиши і помилуй.

На всяке добре діло:

Єще молимся Тебі, Господу Богу нашему, єже услишатися гласу моленія і
помилувати рабов Твоїх (імена) благодатію і щедротами Твоїми, і ісполнити вся
прошенія їх, і простити їм вся согрішенія вольная і не вольная: благоприятним же
биті мольбам і милостиням їх пред престолом владичествія Твоєго, і покрити їх от
враг видімих і невидімих, от всякия напасті, біди і скорби, і недугов ізбавити, і
подати здравіє с долгоденствієм, рцім всі, Господи, услиши і помилуй.
Призри, Человіколюбче, милостивним Твоїм оком на раби Твоя (ім'я), к Твоєму
благоутробію вірою припадающія і услишав моленія їх, благоє наміреніє і діло їх
благослови і благополучно начати, і спішно кромі всякого препятія в славу Твою
совершити, яко всесильному Царю, молим Ти ся, услиши і помилуй.

Призри, Владико Человіколюбче, милостивним Твоїм оком на рабов Твоїх (імена) і

услиши моленія наша, с вірою приносимая, яка Сам рікл єси: вся, єлика молящеся
просите, віруйте, яко приймете, і будет вам, і паки: просіте і дасться вам. Сего ж
ради і ми, аще недостойнії, уповающе на милость Твою, просим: подаждь благость
Твою рабам Твоїм (імена), і ісполни благая желанія їх, мирно же і тихо в здравії і
долгоденствії вся дні їх соблюди: рцім всі, скоро услиши і милостивно помилуй.

За хворих:
Врачу душ і тілес, со умиленієм в серці сокрушенном к Тебі припадаєм, і стеняще
вопієм Ти: ісціли болізні, уврачуй страсті душ і тілес рабов Твоїх (імена), і прости їм,
яко благосерд, вся прегрішенія, вольная і невольная, і скоро воздвигни от одра
болізні, молим Ти ся, услиши і помилуй.

Не хотяй смерті грішних, но єже обратитися і живим їм биті, пощади и помилуй

рабов твоїх (імена), Милостиве, запрети болізні, остави всю страсть і весь недуг,
утоли зиму і огнь, і простри кріпкую Твою руку і якоже Іаїрову дщерь от одра болізні
воздвигни і здравих представи, молим Ти ся, услиши і помилуй.

Огненную болізнь Петрової тещі прикосновенієм Твоїм ісцілівий, і нині люті

страждущих рабов Твоїх (імена) болізнь благосердієм Твоїм ісціли, здравіє їм скоро
подавая, прилежно молим Ти ся, Істочніче цільбам, услиши і помилуй.

Єще молимся Господу і Богу нашему о єже услишати моленія нас грішних і
помиловати рабов Своїх (імена), і покрити їх от всякія скорби, біди, гніва і нужди, і от
всякія болізні душевния і тілесния, даровати же їм здравіє с долгоденствієм, рцім
всі: скоро услиши і милостивно помилуй.

За подорожніх:
Стопи человіческія ісправляяй, Господи, призри милостивно на раби Твоя (імена) і,
простив їм всякоє прегрішеніє вольноє же і не вольноє, благослови благоє наміреніє
совіта їх, і ісходи і входи с путішествієм ісправи, прилежно молим Ти ся, услиши і
помилуй.

Луці і Клеопі в Еммаус спутішествовавий і весело в Ієрусалим возвратитися Твоїм

преславним познанієм сотворивий, спутішествуй Твоєю благодатію і Божественним
благословенієм і нині рабом Твоїм сим, з нами Тебі прилежно молящимся і во
всяком ділі блазі, к славі пресвятого Твоєго імені благопоспіши, в здравії і
благополучії соблюдая і возвращая во время благоподобно, яко всещедрому
Благодателю, молим Ти ся, скоро услиши і помилуй.