5.

Marningot Denggan Basa Ni Debata

Puji ma Debata na manompa saluhutna, puji ma Ibana na mangaramoti ngolunta. Puji ma Ibana, ai ro di saleleng ni
lelengna do asi ni rohaNa.

Hamu angka dongan, tadok ma mauliate ala tongtong do di ramoti Tuhan i hita ganup keluarga, nang angka ianangkon
songon i nang angka sisolhottabe saleleng hita mandalani taon 2014 naung salpu i.

Di lehon Ibana do di hita angka na ringkot i di ngolunta, ganup ari ganup tingki. Di lehon do di hita gogo, pos ni roha
dohot panghirimon laho mangalului ngolungolu.

Tutu, ragam do angka na masa na boi mambaen hita mabiar mandalani ngolu di taon naung tabolus i. Ragam do nang
angka na masa na boi mambaen hita marungkil di tongatonga ni parngoluon i. Alai, saluhutna do manumpak tu na
denggan di angka na marholong ni roha di Debata.

Nuaeng, bongot ma hita tu taon 2015 on; sada taon na imbaru, taon parasirohaon

Ndang taboto angka na masa na naeng siadopanta. Ndang adong na hot ianggo na di tano on, tung saluhutna do
mubauba. Alai dohononta ma:

Sai na donganan ni Debata do hita ganup ari, rasi rasa ro ajal ni hasiangan on. Amen